Morgunblaðið - 09.09.2003, Blaðsíða 36

ÍÞRÓTTIR
36 ÞRIÐJUDAGUR 9. SEPTEMBER 2003 MORGUNBLAÐIÐ
FELICITY Ann Sieghart er 76 ára
gömul og leikur golf á Englandi sér
til skemmtunar og gerði hún sér lítið
fyrir á dögunum og fór holu í höggi
tvívegis í sama hringnum á innan-
félagsmóti í Aldeburgh í Suffolk í
Englandi. Hún setti kúluna ofaní
beint af þriðja teignum af 134 metra
færi og í síðara skiptið var hún stödd
á 17. braut sem er 130 metrar.
Þess má geta að íslenski
kylfingurinn Ólafur Skúlason gerði
slíkt hið sama á Grafarholtsvelli 15.
júní árið 1969. Ólafur sló kúluna
beint ofaní í holu í fyrra skiptið á 6.
braut og í það síðara á 10. braut og
vakti árangur hans mikla athygli á
þeim tíma.
Tvö drauma-
högg hjá 76
ára ekkju
HEIMSMEISTARAR Brasilíu-
manna í knattspyrnu stigu fyrsta
skrefið í átt að vörn titilsins í fyrri-
nótt þegar þeir sigruðu Kólumb-
íumenn á útivelli, 2:1, í fyrstu um-
ferð undankeppninnar fyrir HM
2006. Ronaldo skoraði fyrra markið
en Juan Pablo Angel, leikmaður
Aston Villa, jafnaði fyrir heima-
menn. Kaka, miðjumaður AC Milan,
kom inn á sem varamaður og skor-
aði sigurmarkið, eftir sendingu frá
Ronaldo. Leikurinn fór fram í kæf-
andi hita í hafnarborginni Barran-
quilla.
Önnur úrslit fyrstu umferðar
voru þau að Argentína og Chile
skildu jöfn, 2:2, Ekvador vann
Venesúela 2:0, Perú vann Paragvæ
4:1 og Úrúgvæ burstaði Bólivíu, 5:0.
Undankeppnin í Suður-Ameríku er
geysilega erfið en þjóðirnar tíu
leika þar heima og heiman hver
gegn annarri, samtals 18 leiki.
„Þetta var verðskuldaður sigur
og við erum eina liðið sem byrjar
keppnina á útisigri. En það er löng
leið framundan, þetta var bara
fyrsti leikurinn,“ sagði Carlos
Alberto Parreira, þjálfari Brasilíu-
manna, sem er tekinn við liðinu í
þriðja skipti.
Þetta er í fyrsta sinn sem ríkjandi
heimsmeistarar þurfa að fara í
gegnum undankeppni heimsmeist-
aramóts eftir að reglum í þessum
efnum var breytt fyrir fáeinum
árum.
Góð byrjun
Brasilíumanna
AP
Ronaldo snýr af sér tvo varnarmenn Kólumbíu og skorar fyrra
mark Brasilíu í leiknum í Barranquilla í Kólumbíu í fyrrakvöld.
KARLALIÐ ÍR í körfuknattleik hefur fengið Kevin Grandberg á ný í
sínar raðir en hann lék fyrst með ÍR árið 1997 og lék hann með liðinu
allt fram til ársins 2000.
Kevin fékk íslenskt ríkisfang fyrir ári síðan en hann lék með liði
Stjörnunnar 2001-2002, Keflvíkingum fram eftir vetri í fyrra en var
leystur undan samningi sínum við félagið. Grandberg lék með
spænsku liði í vor en hefur ákveðið að leika með ÍR í úrvalsdeildinni í
vetur.
ÍR-ingar hafa misst marga leikmenn í sumar. Hreggviður Magn-
ússon fór erlendis til náms, Sigurður Þorvaldsson fór í Snæfell, Pavel
Ermolinskij samdi við franskt lið og Steinar Arason er í herbúðum
Grindvíkinga.
Grandberg til ÍR á ný

EMMANUEL Petit, miðjumaður
Chelsea, tilkynnti í gær að hann gæfi
ekki framar kost á sér í franska
landsliðið í knattspyrnu. Petit, sem
er 32ja ára og var lykilmaður í
heimsmeistaraliði Frakka árið 1998,
er ósáttur við þjálfarann, Jacques
Santini, sem valdi hann ekki í hóp
sinn fyrir leikina gegn Kýpur síðasta
laugardag og Slóveníu á miðviku-
dag.

PETIT, sem á 63 landsleiki að
baki, lék síðast með Frökkum þegar
þeir mættu Tékkum í vináttulands-
leik í febrúar. Hann fór í aðgerð
vegna nárameiðsla í sumar og missti
af Álfukeppninni, en var kominn á
fulla ferð með Chelsea í ágúst. „Ég
hef varla heyrt í Santini síðan ég fór í
aðgerðina og mér finnst hann ekki
koma heiðarlega fram,“ sagði Petit
við franska íþróttadagblaðið
L’Equipe í gær.

STEVEN Gerrard verður með
enska landsliðinu sem mætir Liecht-
enstein í undankeppni EM í knatt-
spyrnu á miðvikudaginn. Hann varð
að draga sig út úr landsliðinu fyrir
leikinn við Makedóníu sl. laugardag
vegna lítilsháttar meiðsla.

ÞRÍR leikmenn enska landsliðsins
mega ekki fá gult spjald í leiknum
við Liechtenstein ef þeir ætla sér
ekki að vera í leikbanni þegar enska
liðið sækir Tyrki heim í næsta mán-
uði í væntanlegum úrslitaleik 7. rið-
ils. Leikmennirnir þrír sem eru á
hættusvæði eru Steven Gerrard,
David Beckham og Sol Campbell.

TAKIST enska landsliðinu að
vinna á miðvikudaginn setur það
met, en þá hefur það ekki tapað í tíu
landsleikjum í röð. Bætir það þá 94
ára gamalt met enska landsliðsins.

ENSKA knattspyrnusambandið
hefur varað stuðningsmenn enska
landsliðsins við að fara til Tyrklands
í næsta mánuði vegna leiks þjóðanna
í undankeppni EM. Ástæðan er sú að
menn eru hræddir við að það slái í
brýnu með stuðningsmönnum enska
landsliðsins og þess tyrkneska.
Enska knattspyrnusambandið selur
enga miða á leikinn en forráðamenn
tyrkneska sambandsins segjast ætla
að selja þeim Englendingum miða
sem vilja miða, jafnvel í VIP-sæti.

SVEN Göran Eriksson, landsliðs-
þjálfari Englendinga, hefur m.a.
hvatt stuðningsmenn enska lands-
liðsins til þess að sitja heima.

SVO getur farið að Tony Caig,
markvörður varaliðs Newcastle,
standi í marki liðsins gegn Everton í
ensku úrvalsdeildinni á laugardag-
inn. Steve Harper, markvörður að-
alliðs Newcastle, er meiddur og
verður frá keppni í nokkrar vikur og
Shay Given varamarkvörður meidd-
ist í landsleik með Írum gegn Rúss-
um á laugardaginn.
FÓLK
Sigfús segir að ástæðan fyrirkomu Magdeburgar á mótið hér
sé að tveimur fyrstu leikjum félags-
ins í þýsku deildinni,
sem hófst fyrir
rúmri viku, hafi ver-
ið frestað. „Við vor-
ummeð fjóra stráka
úr liðinu sem tóku þátt í HM 21 árs
liða sem fram fór í Brasilíu. Við átt-
um að byrja í deildinni um helgina en
fyrsti leikurinn hjá okkur verður
ekki fyrr en 10. september og því var
tilvalið að skella sér hingað heim,“
sagði Sigfús þegar Morgunblaðið
hitti hann að máli á milli leikja.
„Þetta er rosalega gaman – alltaf
gaman að koma heim og hitta allt
fólkið sem maður þekkir. Strákarnir
í liðinu voru líka spenntir að koma
með okkur hingað og við reyndum að
nýta þann litla tíma sem gafst til að
sýna þeim eitthvað annað en íþrótta-
húsið. Þeir fóru í Bláa lónið og í
hvalaskoðun auk þess sem maður fór
með þá út á lífið í miðbænum og
kannaði kaffihúsin.“
Ólafur Stefánsson lék með Magde-
burg en er nú genginn til liðs við
Ciudad Real á Spáni. Erfiðlega gekk
að finna mann í hans stað en er líf
eftir Óla?
„Já, já, að sjálfsögðu,“ segir Sigfús
brosandi. „Okkur vantar sex eða sjö
leikmenn í þessu móti, þar af eru þrír
sem eru í byrjunarliðinu þannig að
það er kannski ekki alveg að marka
það sem þú sérð hér.
Það er líka búin að vera rosaleg
keyrsla á okkur og erfiðar æfingar
þannig að menn eru þreyttir. Nú
fara æfingarnar að léttast og meira
farið að spila og það er miklu
skemmtilegra.
Við lékum á dögunum á móti í
Þýskalandi þar sem við lékum til úr-
slita við Lemgo og töpuðum með níu
mörkum, en það vantaði marga hjá
okkur í þann leik.
Licu er kominn í stöðuna hans Óla
og hann hefur leikið ágætlega kall-
inn. Hann er ekki jafn fljótur og Óli
og skorar ekki jafn mikið en hann
hefur rosalega gott auga fyrir spili.
Hann var í fimm ár í annarri deild-
inni og þarf smátíma til að komast
inn í hraðann sem er í þeirri fyrstu.
Það er alltaf verið að skoða mann
til að koma í þessa stöðu til framtíðar
og ég held að það sé búið að finna
hann – en í augnablikinu man ég ekki
hvað hann heitir,“ segir Sigfús og
bætir við að ætlunin sé að fá fleiri
sterka leikmenn til liðs við félagið.
Fyrir keppnistímabilið í Þýska-
landi er spáð í væntanlegt gengi lið-
anna og í þeim spádómum er
Magdeburg spáð í efri kantinum.
„Sérfræðingarnir gefa stjörnur og
mest er hægt að fá fimm stjörnur.
Tvö lið fengu fimm og síðan komum
við ásamt þremur öðrum liðum með
fjórar og hálfa.
Við erum rosalega sterkir á
heimavelli og töpuðum ekki leik þar í
fyrra, spurningin er því hversu
marga útileiki við náum að vinna,“
segir línumaðurinn.
Hvernig kanntu við þig í Magde-
burg, er þetta ekki bara sveitaþorp?
„Nei, það er nú ekki hægt að segja
að þetta sé þorp. Þetta er borg –
enrólegheitaborg. Fólkið er mjög
vinalegt og handboltinn er aðal-
íþróttin.
Ég kann rosalega vel við mig í
Magdeburg. Það er líka mjög gaman
að taka þátt í þessu, umgjörðin í
kringum liðið er frábær, allar æfing-
ar og leikir. Ætli ég lýsi þessu ekki
best með því að segja að ef það yrði
betra þá yrði það verra.“
Hvað með sjálfan þig, nú virkar þú
í betri æfingu en oft áður.
„Já, ég var of þungur í fyrra þegar
ég kom út, æfingarnar hér heima eru
öðruvísi en úti. Ég tók mig á í sumar,
ekki samt of mikið, og náði að halda
mér í svipuðu formi og ég var í þegar
tímabilinu lauk. Síðan er ég búinn að
bæta við í haust og skera mig niður
og er í fínu formi – þó svo að sjálfsagt
sé alltaf hægt að gera betur. Að því
er stefnt.“
Hvað finnst þér best við handbolt-
ann í Þýskalandi?
„Handboltinn í Þýskalandi er ein-
hvern veginn allt öðruvísi en hér
heima. Ætli sé ekki óhætt að segja
að hann sé heiðarlegri. Ef einhver er
góður hér heima er hann bara tekinn
og laminn þar til hann gefst upp en
úti er það ekki gert, það eru varla til
olnbogaskot í baráttunni á línunni.
Slökustu liðin í Þýskalandi reyna
að spila handbolta, þau falla ekki í þá
gryfju að fara út í einhverja vitleysu
þrátt fyrir að spila á móti sér sterk-
ari liðum. Þetta finnst mér rosa fínt,“
sagði Sigfús.
Sigfús Sigurðsson, línumaður hjá Magdeburg, er að hefja sitt
Fyrrverandi samherjar hjá Val slá á létta strengi, Roland Valur
Eradze, markvörður Vals og íslenska landsliðsins, og Sigfús
Sigurðsson, línumaður Magdeurg.
SIGFÚS Sigurðsson, línumaðurinn sterki úr Val, var hér á landi á
dögunum þar sem hann tók þátt í Opna Reykjavíkurmótinu með fé-
lögum sínum í Magdeburg. Sigfús er á sínu öðru ári með þýska fé-
laginu og segist kunna mjög vel við sig í borginni, sem er í fyrrum
Austur-Þýskalandi.
Eftir
Skúla Unnar
Sveinsson
Heiðarlegri
handbolti í
Þýskalandi