Morgunblaðið - 09.09.2003, Blaðsíða 4

FRÉTTIR
4 ÞRIÐJUDAGUR 9. SEPTEMBER 2003 MORGUNBLAÐIÐ
SAMVINNUEFND um miðhálendi Íslands kom
saman til fundar í félagsheimilinu Ýdölum í Að-
aldal í gær og lýkur fundinum í dag. Meðal þess
sem nefndin tekur fyrir er erindi sem barst ný-
verið frá Landsvirkjun um breytingar á svæð-
isskipulaginu vegna Norðlingaölduveitu þannig
að gefa megi út framkvæmdaleyfi á grundvelli
svæðisskipulagsins. Undrar formaður nefndar-
innar sig á því að Landsvirkjun hafi ákveðið að
fresta framkvæmdinni á fundi sínum sl. föstu-
dag áður en samvinnunefndin kom saman.
Samkvæmt svæðisskipulagi miðhálendisins
sem er í gildi til ársins 2015 er gert ráð fyrir
Norðlingaölduveitu með 581 metra lónhæð, með
fyrirvara um áhrif á gróðurlendi Þjórsárvera.
Eftir úrskurð setts umhverfisráðherra um að
lónið yrði að fara út fyrir friðlandsmörkin setti
Landsvirkjun fram tillögu um lónhæð í allt að
568 metra hæð yfir vetrartímann en fram-
kvæmdaleyfi fékkst ekki þar sem Skeiða- og
Gnjúpverjahreppur hafnaði þessari útfærslu.
Var vilji fyrir því í hreppsnefndinni að lónhæðin
yrði 566 metrar yfir sjó, líkt og kynnt var með
úrskurði ráðherra á sínum tíma.
Orkuvinnsla við Hágöngulón
Óskar Bergsson, formaður samvinnunefndar
miðhálendisins, segir að beiðni Landsvirkjunar
þurfi að fara í ákveðið samráðsferli þar sem
óska þurfi umsagnar viðkomandi sveitarfélaga
og halda opna fundi fyrir almenning. Að því
loknu geti nefndin ákveðið hvað verði auglýst
sem breyting á svæðisskipulaginu.
Spurður um önnur mál á fundinum í Aðaldal
segir Óskar Bergsson erindi liggja fyrir frá
Ásahreppi þar sem óskað sé eftir breytingu á
svæðisskipulagi vegna orkuvinnslu á háhita-
svæði við Hágöngulón. Þá fjallar nefndin um er-
indi Fannborgar ehf. þess efnis að Kerling-
arfjöll verði skilgreind sem hálendismiðstöð á
svæðisskipulaginu í stað skálasvæðis, sem þau
eru í dag.
Samvinnunefnd um miðhálendi Íslands á tveggja daga fundi í Aðaldal
Fjallað um Norðlingaöldu-
veitu þrátt fyrir frestun
BÆJARSTJÓRN Akraness hefur
óskað eftir fundi með hreppsnefnd
Skeiða- og Gnúpverjahrepps þar
sem kalla á eftir efnislegum rökum
fyrir þeirri ákvörðun meirihluta
hreppsnefndar að hafna útfærslu
Landsvirkjunar um lónhæð Norð-
lingaölduveitu. Hefur bæjarstjórnin
lýst yfir miklum áhyggjum af frest-
un Norðlingaölduveitu og áhrifum
þeirrar ákvörðunar á stækkun
Norðuráls á Grundartanga.
„Við förum með fullum friði í rök-
ræður við samstarfsfólk okkar á
sveitarstjórnarstiginu. Ef afstaða
hreppsnefndarinnar byggist á for-
sendunum „af því bara“ þá sættum
við okkur ekki við það,“ segir Guð-
mundur Páll Jónsson, formaður
bæjarráðs Akraness, sem ásamt
fleiri fulltrúum bæjaryfirvalda á
fund með forráðamönnum Lands-
virkjunar í dag og Sambands ís-
lenskra sveitarfélaga á morgun.
Efnisleg rök vantar
Guðmundur Páll segir að ef af-
staða hreppsnefndarinnar muni á
endanum hafa þau áhrif sem bæj-
arstjórn Akraness óttist; að ekkert
verði af stækkun Norðuráls á næstu
árum, þá hafi það gríðarlegar afleið-
ingar fyrir höfuðborgarsvæðið og
atvinnusvæðið norðan Hvalfjarðar.
Klár efnisleg rök þurfi að liggja fyr-
ir slíkri afstöðu.
„Við lítum svo á að úrskurður
setts umhverfisráðherra hafi verið
sú sáttagjörð í málinu sem sveit-
arstjórnarstigið á að geta vel við
unað. Okkar skilningur er sá að út-
færsla Landsvirkjunar sé í sam-
ræmi við úrskurðinn að öllu leyti.
Þess vegna viljum við ræða við
samstarfsmenn okkar á sveitar-
stjórnarstiginu hvað það er sem fær
þá til að segja að þessi áform séu
fyrir utan úrskurðinn,“ segir Guð-
mundur Páll.
Bæjarstjórn Akraness
ósátt við frestun
Norðlingaölduveitu
Vill fund með
hreppsnefnd
Skeiða- og
Gnúpverja-
hrepps
FLUGVÉL af Dornier-gerð flaug
lágflug yfir Laugardalsvöll á meðan
á leik Íslendinga og Þjóðverja stóð
á Laugardalsvelli á laugardag og
var myndin tekin við það tækifæri.
Að sögn Heimis Más Pétursson-
ar, upplýsingafulltrúa Flugmála-
stjórnar, bárust kvartanir frá al-
menningi og lögreglu til
Flugmálastjórnar vegna málsins og
var atvikið strax skráð niður. Flug-
maðurinn verður látinn gefa skýr-
ingar á fluginu og í framhaldinu
kemur í ljós hver viðbrögðin verða,
að sögn Heimis. „Ég get ekki sagt
margt annað en að þetta er í skoð-
un hjá okkur. Málið fer í gegnum
ákveðið ferli.“ Eigandi flugvélarinn-
ar er íslenskur með áratuga
reynslu af flugi.
Með merki þýska flughersins
Að sögn Heimis Más er ekki
heimilt að fljúga lægra en í 500
metra hæð yfir byggð nema í að-
flugi að flugbraut. Um 7.000 áhorf-
endur voru á leiknum á laugardag
þegar atvikið átti sér stað. Vélin
sem er af Dornier-gerð og með ein-
kennisstafina TF-LDS er af árgerð
1960 og skreytt með merki þýska
flughersins, járnkrossinum svokall-
aða.
Lágflug yfir Laugardals-
velli tekið til rannsóknar
Kvartanir bárust
Flugmálastjórn
frá áhorfendum
á landsleik og
lögreglunni
Morgunblaðið/Júlíus
Myndin var tekin þegar vélin, sem er af Dornier gerð, flaug yfir Laug-
ardalsvöll á meðan leikur Íslendinga og Þjóðverja stóð yfir á laugardag.
„ÞAÐ er engin ástæða til að
bregðast sérstaklega við þessum
ummælum,“ segir Illugi Gunnars-
son, aðstoðarmaður Davíðs Odds-
sonar forsætisráðherra, sem er
starfandi utanríkisráðherra í fjar-
veru Halldórs Ásgrímssonar, um
það sem bandaríska dagblaðið
Free Lance-Star hafði eftir yfir-
manni bandaríska herráðsins um
helgina.
Blaðið í Virgíníu hafði eftir
Richard B. Myers, yfirmanni
bandaríska herráðsins, að þörfin
fyrir bandarískt herlið í Írak og á
öðrum vígstöðvum í stríðinu gegn
hryðjuverkum gæti þýtt samdrátt
í herafla Bandaríkjamanna á öðr-
um stöðum eins og t.d. Íslandi.
Illugi segir að málefni varnar-
liðsins á Keflavíkurflugvelli séu í
þeim farvegi sem um hafi verið
samið við bandarísk stjórnvöld.
Bandaríkjamenn séu að endur-
skoða skipulag herafla síns, meðal
annars í Evrópu, og að þeirri end-
urskoðun lokinni verði þau mál,
sem snúi að varnarliðinu á Kefla-
víkurflugvelli, tekin til tvíhliða at-
hugunar.
Málið í
umsömdum
farvegi
ÞEGAR maður er lítill er þægilegt að láta aka sér
um allt í kerru og geta þá tekið sér lúr ef svefninn
sækir að. En það er líka gaman að skoða umhverfið
og sjá hvað fyrir augu ber í Hafnarfirðinum þar
sem þessi börn létu fara vel um sig í kerrunni með
dagmömmunni sinni.
Morgunblaðið/Ásdís
Gott er að hvíla sig í kerrunni