Morgunblaðið - 09.09.2003, Side 35
MORGUNBLAÐIÐ ÞRIÐJUDAGUR 9. SEPTEMBER 2003 35
DAGBÓK
Sálfræðistöðin
STJÓRNA ÉG ÖÐRUM
STJÓRNA AÐRIR MÉR?
Námskeið í vinnusálfræði
fyrir einstaklinga - stofnanir - fyrirtæki
Á námskeiðinu færðu:
1. Þekkingu á boðgreiningu.
2. Aðferðir til að greina eigin og annarra samskipti.
3. Skriflegt mat á persónulegri stöðu.
4. Markvisst hjálpartæki til að ná persónulegum árangri
- í starfi sem utan.
Leiðbeinendur eru sálfræðingarnir
Álfheiður Steinþórsdóttir, Guðfinna Eydal.
Nánari upplýsingar og skráning
í síma 562 3075 og 552 1110
netfang: psych.center@mmedia.is
STJÖRNUSPÁ
Frances Drake
MEYJA
Afmælisbörn dagsins:
Þú ert vel gefin/n og hefur
gaman af ögrandi verkefnum.
Þú átt auðvelt með að koma
þér á framfæri en vilt þó
halda einkalífi þínu út af fyrir
þig. Þú munt fá spennandi
verkefni að takast á við á
komandi ári.
Hrútur
(21. mars - 19. apríl)
Sýndu samstarfsfólki þínu
sérstaka þolinmæði í dag. Þú
ert ekki ein/n um að finna
fyrir spennu. Á morgun er
fullt tungl og það veldur
spennu í okkur öllum.
Naut
(20. apríl - 20. maí)
Börn eru sérstaklega næm
fyrir áhrifum af fullu tungli
og því er líklegt að það fari
óvenju mikið fyrir þeim í
dag. Þetta kallar á sérstaka
þolinmæði og skilning hinna
fullorðnu.
Tvíburar
(21. maí - 20. júní)
Forðist að lofa einhverjum í
fjölskyldunni of miklu og þá
sérstaklega foreldrum ykkar.
Það getur virst einfaldast að
gefa eftir en mun ekki verða
það í raun.
Krabbi
(21. júní - 22. júlí)
Það er hætt við að þú dragist
inn í deilur um stjórnmál eða
trúmál. Farðu með gát. Þér
hættir til of mikillar bjart-
sýni í dag. Reyndu að halda
þig á hinum gullna með-
alvegi.
Ljón
(23. júlí - 22. ágúst)
Ekki fara yfir strikið í
eyðslusemi í dag. Það er
freistandi en þú munt sjá eft-
ir því þegar frá líður.
Meyja
(23. ágúst - 22. sept.)
Á morgun er fullt tungl beint
á móti merkinu þínu. Þetta
getur valdið spennu í sam-
ræðum þínum við maka þinn
og nána vini. Það er tilgangs-
laust að reyna að hafa betur í
rökræðum í dag.
Vog
(23. sept. - 22. okt.)
Þú hefur á tilfinningunni að
yfirvöld og stórar stofnanir
vinni gegn þér sama hversu
hart þú leggur að þér í dag.
Stundum er einfaldlega ekki
hægt að sigra kerfið.
Sporðdreki
(23. okt. - 21. nóv.)
Forðastu að gefa ástvinum
þínum og þá sérstaklega
börnum loforð í dag. Það er
hætt við að þú lofir meiru en
þú getur staðið við. Reyndu
að vera raunsæ/r.
Bogmaður
(22. nóv. - 21. des.)
Taktu því með fyrirvara ef
þér finnst yfirmenn þínir eða
aðrir yfirboðarar lofa þér
ósennilega miklu í dag. Það
er líklegt að þeir séu að of-
meta möguleika sína í stöð-
unni.
Steingeit
(22. des. - 19. janúar)
Reyndu að forðast rökræður
um stjórnmál og trúmál í dag
sama hversu sannfærð/ur þú
ert um skoðanir þínar. Þeir
heyra ekkert sem vilja ekki
heyra.
Vatnsberi
(20. jan. - 18. febr.)
Reyndu að varast of mikla
eftirlátssemi í dag. Það er
hætt við að þú gefir eitthvað
frá þér sem þú munt sakna
síðar. Farðu varlega í hlut-
ina.
Fiskar
(19. feb. - 20. mars)
Á morgun verður fullt tungl í
merkinu þínu og það veldur
spennu í þér. Gerðu allt sem
þú getur til að halda ró þinni.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ÁRNAÐ HEILLA
BRÚÐKAUP. Hinn 16.
ágúst sl.voru gefin saman í
Hálskirkju, Fnjóskadal, af
Sigurði Guðmundssyni
vígslubiskupi, þau Vilhelm
Þorri Vilhelmsson og Berg-
lind Aradóttir. Heimili
þeirra er á Akureyri.
Ljósmynd/Dagsljós, Akureyri
BRÚÐKAUP. Gefin voru
saman 8. ágúst sl. í Þinghús-
inu í Lillestrøm í Noregi þau
Gerður Ósk Magnúsdóttir
og Geir Michelsen.
BRIDS
Guðmundur Páll Arnarson
BLIND ágiskun er eitur í
beinum bridsspilara, enda
alltaf sárt að tapa spili sem
maður „hefði getað unnið“.
Stundum verður ekki hjá
því komist að treysta á get-
spekina, en suma leiki má
baktryggja með svolítilli
fyrirhyggju. Hér er gott
dæmi um það:
Austur gefur; allir á
hættu.
Norður
♠ G1087
♥ 975
♦ D1062
♣Á5
Suður
♠ ÁKD962
♥ 86
♦ Á753
♣4
Vestur Norður Austur Suður
– – 2 hjörtu 2 spaðar
Pass 3 spaðar Pass 4 spaðar
Pass Pass Pass
Suður spilar fjóra spaða
eftir opnun austurs á veik-
um tveimur í hjarta. Vestur
kemur út með hjartadrottn-
ingu, sem austur yfirtekur
með kóng, tekur annan slag
á ásinn og spilar svo gos-
anum. Suður trompar hátt
og vestur hendir laufi. Hver
er áætlunin?
Málið snýst um tígulinn.
Miðað við sagnir á vestur
sennilega kónginn, en hvar
er gosinn? Ef vestur hefur
byrjað með KGxx þarf að
láta tíuna fyrst, sem aftur
myndi leiða beint til taps ef
austur ætti Gx. Þetta lítur
því út fyrir að vera „hitt-
ingsstaða“.
Norður
♠ G1087
♥ 975
♦ D1062
♣Á5
Vestur Austur
♠ 54 ♠ 3
♥ D2 ♥ ÁKG1043
♦ K98 ♦ G4
♣KD10872 ♣G963
Suður
♠ ÁKD962
♥ 86
♦ Á753
♣4
En svo er ekki ef sagnhafi
spilar vel: Hann tekur
trompin í tveimur umferð-
um og spilar svo SMÁUM
tígli að blindum með þeirri
áætlun að stinga upp
drottningu. Þegar hún held-
ur er laufásinn tekinn og
lauf trompað. Síðan er
litlum tígli spilað að tíunni í
borði. Hafi vestur byrjað
með KGxx er hann illa enda-
spilaður. Trikkið er að taka
ekki strax á tígulásinn.
BRÚÐKAUP. Gefin voru
saman 5. júlí síðastliðinn
þau Margrét Ágústa Guð-
mundsdóttir og Nikulás S.
Óskarsson, af séra Þórhalli
Heimissyni í Garðakirkju,
Álftanesi. Eru þau búsett á
Breiðvangi 22 í Hafnarfirði,
ásamt börnum sínum tveim-
ur, Oddnýju Stellu og Guð-
mundi Kort.
BRÚÐKAUP. Hinn 12. júlí
sl. voru gefin saman af sr.
Önnu Sigríði Pálsdóttur þau
Inga Rannveig Rúd-
ólfsdóttir og Guðmundur
Sveinbjörn Ingimarsson.
Mynd/Ólafur Þór
1. e4 e5 2. Rf3 Rf6 3. Rxe5 d6
4. Rf3 Rxe4 5. d4 d5 6. Bd3
Be7 7. 0–0 Bg4 8. He1 f5 9. c4
0–0 10. Rc3 dxc4 11. Bxc4+
Kh8 12. Rxe4 fxe4 13. Hxe4
Bxf3 14. gxf3 Rd7 15. Dd3
Bd6 16. Hg4 c6 17. Bg5 Da5
18. f4 Hae8 19. Hh4 Df5 20.
Dxf5 Hxf5 21. Bd3 Hef8 22.
Bxf5 Hxf5 23. He1 h6
Staðan kom upp á Skák-
þingi Íslands, landsliðsflokki,
sem lauk fyrir skömmu í
Hafnarborg í Hafnarfirði.
Hinn nýkrýndi Ís-
landsmeistari, Hannes
Hlífar Stefánsson
(2.560), hafði hvítt
gegn Róberti Harð-
arsyni (2.285). 24.
Bxh6! Kg8 Hvítur
hefði unnið auðveld-
lega eftir 24 … gxh6
25. Hxh6+ Kg7 26.
Hxd6. Í framhaldinu
var hvíta staðan einn-
ig gjörunnin. 25. Hg4
Bf8 26. Bg5 Kf7 27.
Hg3 Hd5 28. Hb3 b6
29. Hc1 Hxd4 30.
Hxc6 Bc5 31. Hc7 a5
32. f5 a4 33. Hc3 Hg4+
SKÁK
Helgi Áss
Grétarsson
Hvítur á leik.
34. Kf1 Hxg5 35. Hxd7+ Kf6
36. Hd5 Hg4 37. Hg3 Hb4 38.
Hg6+ Kf7 39. Hd7+ Ke8 40.
Hgxg7 Hxb2 41. Ha7 Kf8 42.
Hgb7 Hxf2+ 43. Ke1 og svart-
ur gafst upp saddur lífdaga.
Lokastaða mótsins varð þessi:
1. Hannes Hlífar Stefánsson
10 vinninga af 11 mögulegum
2. Þröstur Þórhallsson 8 v.
3.–5. Ingvar Þór Jóhann-
esson, Sævar Bjarnason og
Stefán Kristjánsson 6½ v. 6.
Róbert Harðarson 6 v. 7.–8.
Davíð Kjartansson og Jón
Viktor Gunnarsson 4½ v. 9.
Ingvar Ásmundsson 4 v. 10.–
11. Björn Þorfinnsson og Guð-
mundur Halldórsson 3½ v. 12.
Sigurður Daði Sigfússon 2½ v.
60 ÁRA afmæli. Í dag,þriðjudaginn 9. sept-
ember, er sextug Lára Ás-
gerður Albertsdóttir, Ham-
arsgötu 12, Fáskrúðsfirði.
Hún er stödd erlendis hjá
dóttur sinni.
MORGUNBLAÐIÐ birtir
tilkynningar um afmæli,
brúðkaup og fleira. Til-
kynningar þurfa að berast
með tveggja daga fyrir-
vara virka daga og þriggja
daga fyrirvara fyrir
sunnudagsblað. Samþykki
afmælisbarns þarf að
fylgja afmælistilkynn-
ingum og/eða nafn
ábyrgðarmanns og síma-
númer. Fólk getur hringt
í síma 569-1100, sent í
bréfsíma 569-1329, eða á
netfangið ritstj @mbl.is.
Einnig er hægt að skrifa:
Árnað heilla,
Morgunblaðinu,
Kringlunni 1,
103 Reykjavík
HAUSTVÍSA
Lengir nóttu, lúta höfðum blóm,
laufið titrar fölt á háum reinum,
vindur hvíslar ömurlegum óm
illri fregn að kvíðnum skógargreinum,
greinar segja fugli, og fuglinn þagnar.
Í brjósti mannsins haustar einnig að,
upp af hrelldu hjarta gleðin flýgur,
en vetrarmjöll í daggardropa stað
á dökkvan lokk og mjúkan þögul hnígur,
og æskublómin öll af kinnum deyja.
Grímur Thomsen
LJÓÐABROT
FRÉTTIR
Fræðsla um íslenskt samfélag
Alþjóðahúsið heldur fræðslufund
um íslenskt samfélag í kvöld,
þriðjudaginn 9. september, kl. 20 í
Alþjóðahúsinu, Hverfisgötu 18.
Fjallað verður um atvinnu- og
dvalarleyfi. Fræðslan fer fram á ís-
lensku og er túlkuð á rússnesku.
Þátttaka er ókeypis.
Kynning á stafagöngu Í dag,
þriðjudaginn 9. september, kl. 20
verður haldin kynningarfundur í
íþróttahúsi Seltjarnarness um
stafagöngu. Stafaganga hentar
jafnt ungum sem öldnum. Á fund-
inum verður leitast við að veita
fólki innsýn í þessa leið til að auka
hreyfingu og útivist. Í framhaldi
bíðst fólki síðan að skrá sig í
gönguhóp undir leiðsögn þjálfara.
Framtíð íslenska heilbrigð-
iskerfisins Heimdallur, félag
ungra sjálfstæðismanna í Reykja-
vík heldur fund í veitingahúsinu á
annarri hæð Iðnó, í dag, þriðjudag-
inn 9. september, kl. 12. Fjallað
verður um framtíð íslenska heil-
brigðiskerfisins – Áhersla á einka-
framtak eða opinbera þjónustu?
Framsögumenn verða: Ögmundur
Jónasson alþingismaður, Ásta
Möller hjúkrunarfræðingur og
varaþingmaður og Atli Rafn
Björnsson, viðskiptafræðingur og
stjórnarmaður í Heimdalli. Fund-
arstjóri verður Jón Hákon Hall-
dórsson, ritstjóri Frelsi.is og
stjórnarmaður í Heimdalli. Léttur
hádegisverður á tilboði. Allir vel-
komnir.
Málþing um fjarnám verður hald-
ið í dag, þriðjudaginn 9. sept-
ember, kl. 9–12, á Hótel Loftleið-
um. Erindi halda: Gilly Salmon,
Open University of Business Scho-
ol í Bretlandi, Hrönn Pétursdóttir,
verkefnastjóri Fjölbrautaskóla
Snæfellinga, Björg Árnadóttir,
framkvæmdastjóri Framvegis,
Rögnvaldur Ólafsson, dósent við
Háskóla Íslands, og Svanlaug
Guðnadóttir hjúkrunarfræðingur.
Fundarstjóri: Sölvi Sveinsson,
skólameistari Fjölbrautaskólans
við Ármúla.
Allar nánari upplýsingar um Viku
símenntunar er að finna á heima-
síðu Vikunnar
www.mennt.net/simenntun
Stofnfundur félags guðfræðinga
verður haldinn í kapellu Háskóla
Íslands í dag, þriðjudag, og hefst
hann klukkan 20. Tilgangur félags-
ins er m.a. sá að efla samheldni og
samkennd meðal guðfræðinga, efla
tengsl þeirra við kirkjuna og guð-
fræðideild Háskólans. Ennfremur
að styrkja ímynd guðfræðinga,
stuðla að aukinni þekkingu al-
mennings á vettvangi guðfræðinga
og eiga frumkvæði að guð-
fræðilegri umræðu.
Í undirbúningsnefnd hafa starfað
Auður Inga Einarsdóttir, Svanhild-
ur Blöndal, Birgir Thomsen og
Arndís Hauksdóttir.
Í DAG
Námskeið í hörræktun og vinnslu
Heimilisiðnaðarskólinn stendur fyr-
ir námskeiði í hörræktun og vinnslu
á Skógum undir Eyjafjöllum, í
gömlu skólahúsi á Byggðasafninu,
laugardaginn 13. september og
helgina þar á eftir ef þátttaka leyfir.
Hluti af námskeiðinu er að fara út á
hörakur og taka upp hör. Ingibjörg
Styrgerður Haraldsdóttir og Smári
Ólason munu miðla af reynslu sinni
um ræktun hörs, verkun og vinnslu.
Frekari upplýsingar og skráning á
námskeiðið er hjá Heimilisiðn-
aðarskólanum.
Námskeið í blóðflokkamataræði
Helgina 12.–14. september verður
haldið námskeið í Gistiheimilinu
Brekkubæ á Hellnum sem kallast:
Rétt líferni fyrir þinn blóðflokk. Á
námskeiðinu er farið í helstu þætti
blóðflokkamataræðisins og kenn-
ingar náttúrulæknisins Peter D’A-
damo. Fjallað verður um mataræði
fyrir hvern blóðflokk fyrir sig, ráð-
leggingar um innkaup og nýjar eld-
unaraðferðir, lífsstíl, streitustjórn-
un, slökun o.fl. Á laugardeginum er
farið í gönguferð um orkulínur og
álfabyggðir og um kvöldið er lesið í
stjörnumerki allra í hópnum.
Nánari upplýsingar um námskeiðið
er að finna á www.blodflokkar.is eða
í netfanginu: gudrun@hellnar.is_
Á NÆSTUNNI