Morgunblaðið - 25.09.2003, Side 49

KVIKMYNDIR
MORGUNBLAÐIÐ FIMMTUDAGUR 25. SEPTEMBER 2003 49
Alltaf á laugardögum
Smáauglýsing
á aðeins 500 kr.*
Áskrifendum Morgunblaðsins býðst smáauglýsing fyrir aðeins 500 kr.*
Almennt verð er 1.689 kr.
Pantanafrestur er til kl. 12.00 á föstudögum.
*5 línur; tilboðið gildir til 31. desember 2003.
Hafðu samband! Auglýsingadeild Morgunblaðsins,
sími 569 1111 eða augl@mbl.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
O
R
21
22
0
0
9/
20
03
HVAR hefur fjölhæfni Rob Rein-
ers lit sínum glatað? spyr maður sig
eftir að hafa setið sem fastast og
horft á hina klaufalegu Alex og
Emma, kvikmynd sem heita á sjálfs-
vísandi rómantísk gamanmynd, en
reynist fátt annað en illa útfærð ást-
arvella. Það er langur vegur í leik-
stjórnarferli Reiners, frá gaman-
myndunum This is Spinal Tap og
When Harry Met Sally, sem ein-
kenndust af frumleika og beittum
húmor, til hinnar andlausu Alex og
Emma. Lægð Reiners, sem einnig á
að baki myndir á borð við The Sure
Thing, Stand by Me, The Princess
Bride og Misery, er greinilega við-
varandi.
Í myndinni segir frá rithöfundin-
um og spilafíklinum Alex Sheldon
(Luke Wilson) sem glímir við mikla
ritstíflu eftir að hafa slegið í gegn
með sinni fyrstu bók, auk þess að
hafa komið sér í alvarlegar skuldir
hjá illskeyttri kúbverskri mafíu.
Brátt blasir við sú staða, að ef Alex
ekki lýkur við nýju skáldsöguna sína
á næstu 30 dögum og fær væna fyr-
irframgreiðslu fyrir, verður lífi hans
og limum ekki forðað undan reiði
lánardrottnanna. Vandinn er hins
vegar sá að ritvinnslutölva Alex
eyðilagðist í síðustu viðvörunarinn-
rás glæponanna, og ákveður hann
því að fá hraðritara til að hjálpa sér
við að koma skáldskapnum á blað.
Þannig kemur Emma (Kate Hud-
son) inn í líf Alex, en hún sér aumur
á manninum og hefja þau í kjölfarið
skáldsagnagerðina. Áhorfendur
kvikmyndarinnar fá síðan að sjá inn
í sagnaheiminn sem er að verða til,
en hann á sér stað á þriðja áratug
20. aldar og lýsir samskiptum hins
unga rithöfundar Adams (sem einn-
ig er leikinn af Luke Wilson), í
fyrstu við heillandi franska ekkju,
en síðan við fjölþjóðlega au-pair
stúlku sem leikin er af Kate Hudson
og tekur á sig ýmsar myndir eftir
því sem sögunni vindur fram og til-
finningar rithöfundarins í garð
hennar þróast. En hraðritarinn
Emma á líka sín inngrip í söguna, og
þannig þróast sagan milli þeirra
Alex, jafnframt því sem þau smám
saman verða ástfangin.
Hugmyndin sem hér er lagt upp
með er hreint ekki svo slæm og býð-
ur upp á endalausa möguleika, í þá
átt að fylgjast með skáldskap og ást-
arsambandi í mótun og vinna á með-
vitaðan hátt með rómantískar frá-
sagnarhefðir. Hins vegar virðist sem
gengið hafi verið til verksins með
hálfum hug og af það mikilli hroð-
virkni að öllum metnaðarfullum for-
merkjum hefði betur verið sleppt.
Helsti vandinn er kannski sá að að-
alpersónan á að vera hæfileikaríkur
og sjarmerandi inni við beinið, en í
raun gerir hann ekkert, hvorki í
skáldsögunni sem hann býr til, né
hegðun almennt til að sýna fram á
það. Persónu Emmu er sömuleiðis
troðið á klaufalegan hátt inn í báðar
sögurnar, og verða tilfinninga-
straumarnir á milli Alex og Emmu
aldrei nógu áþreifanlegir til að bera
uppi rómantíska gamanmynd. Þá
kallast hin vemmilega ástarsaga
sem Alex semur og söguheimur
kvikmyndarinnar snýst upp í, illa á
við þær hugleiðingar um ástríðu,
sköpunar- og ritunarferli sem búa í
grunnhugmynd sögunnar. Þar er
meira að segja vísað í ævi Dostoj-
evskís, og ritunarsögu nóvellu hans,
Fjárhættuspilarinn, en ekkert unnið
með þær skírskotanir. Hér er því
fyrst og fremst illa farið með góða
hugmynd, hún útfærð af miklu
metnaðarleysi sem verður enn
meira áberandi þegar hæfileikamað-
ur á borð við Rob Reiner heldur um
leikstjórnartaumana.
Rauð ást-
arsaga
verður til
KVIKMYNDIR
Háskólabíó
Leikstjórn: Rob Reiner. Handrit: Jeremy
Leven. Aðalhlutverk: Kate Hudson, Luke
Wilson, Sophie Marceau, David Palmer,
Rob Reiner. Lengd: 96 mín. Bandaríkin.
Warner Brothers, 2003.
Alex and Emma / Alex og Emma Luke Wilson og Kate Hudson í
rauðu ástarsögunni Alex og Emmu.
Heiða Jóhannsdóttir
Mengað vatn
(Honogurai mizu no soko
kara / Dark Water)
Hrollvekja
Japan 2002. Myndform VHS/DVD.
Bönnuð innan 16 ára. (101 mín.)
Leikstjórn Hideo Nakata. Aðalhlutverk
Hitomi Kuroki, Rio Kanno.
RINGU – sem síðar varð amerík-
anseruð í The Ring – hefur aldeilis
komið japanskri hrollvekjugerð á
kortið og þá sér-
staklega leikstjóra
myndarinnar, Hid-
eo Nakata. Ekki
nema von því hann
hefur hleypt nýju
lífi í kvikmynda-
form sem orðið var
verulega lúið og al-
gjörlega hætt að
koma manni á óvart. Og hvaða til-
gangi þjónar hrollvekjan ef hún get-
ur ekki gert manni bilt við?
En einmitt þess vegna virkar
Nakata svona vel og vekur eftirtekt
á vesturlöndum. Hann er búinn að
sýna okkur að við erum ekki alveg
orðin ónæm fyrir bíóhryllingi og það
er hughreystandi. Og það með því að
gefa tæknibrellugaurum og gervi-
blóðsframleiðendum frí og treysta
þess heldur á gömlu góðu drauga-
sögurnar, þjóðsagnaarfinn japanska,
þar sem allt er, líkt og í hinum ís-
lenska, morandi af afturgöngum,
álögum og fordæmingu.
Mengað vatn sannar að Nakata er
algjör sérfræðingur þegar kemur að
því að hræða úr manni líftóruna.
Myndin fjallar um mæðgur sem
flytja í hrörlega blokk þar sem und-
arlegir hlutir fara brátt að gerast,
vatn að leka, allskyns hljóð að heyr-
ast og sýnir að birtast – eins og
gengur í blokkum í alvöru hrollvekj-
um. Líkt og Ringu þá er Mengað
vatn verulega draugaleg og enn nýt-
ir Nakata sér sakleysi barnanna til
þess að spila á taugar áhorfandans –
en þó aldrei á smekklausan eða óvið-
eigandi hátt.
Það kemur lítið á óvart að Dream
Works fyrirtæki Stevens Spielbergs,
sem malaði gull á endurgerðinni á
Ringu, sé þegar búið að kaupa end-
urgerðarréttinn á Menguðu vatni.
Og þurfa þeir í Hollywood laglega að
klúðra málum til að gera ekki úr ann-
an stórsmell. En endilega sjáiði
þessa fyrst.
Skarphéðinn Guðmundsson
Myndbönd
Hreinrækt-
aður hrollur