Morgunblaðið - 02.10.2003, Blaðsíða 44
MINNINGAR
44 FIMMTUDAGUR 2. OKTÓBER 2003 MORGUNBLAÐIÐ
Langri vegferð vinar
míns Valdimars Krist-
inssonar frá Núpi er
lokið. Hann lést í
Reykjavík 1. sept. sl.
og hafði jarðarförin farið fram þegar
við hjónin komum úr hálfs mánaðar
ferð erlendis. Þótt fáein kveðjuorð
mín verði þannig síðbúin er mér
bæði ljúft og skylt að bætast í hóp
þeirra sem þegar hafa heiðrað minn-
ingu Valdimars með skrifum sínum.
Ýmsir eru fróðari en undirritaður
VALDIMAR
KRISTINSSON
✝ Valdimar Krist-insson fæddist á
Núpi í Dýrafirði 4.
janúar 1904. Hann
lést á hjúkrunar-
heimilinu Eir mánu-
daginn 1. september
síðastliðinn og var
útför hans gerð frá
Fossvogskirkju 10.
september.
um lífsferil Valdimars í
heild sinni en það er
sannarlega við hæfi að
staldra við og þakka að
leiðarlokum þann mik-
ilvæga og einstaka
stuðning og veganesti
sem leiddi af því að
kynnast Valdimari og
fjölskyldu hans þegar
við Kristín og börn
okkar, sem þá voru að-
eins þrjú, fluttumst til
Þingeyrar síðla árs
1976. Verkefnið var þá
og næstu sex árin að
stýra Kaupfélagi Dýr-
firðinga og dótturfyrirtækjum og
Valdimar var þá búinn að eiga ákaf-
lega farsælan feril sem stjórnarfor-
maður kaupfélagsins og hefur mér
tæplega fallið við aðra húsbændur
betur.
Þau orð munu varla koma á óvart
þeim sem þekktu til Valdimars.
Hann var óragur til allra góðra
verka, bjartsýnn og hvetjandi með
langa reynslu af félagsmálum. Sam-
vinnan og atvinnumálin voru honum
hugstæð enda faðir hans fyrsti for-
maður Kaupfélags Dýrfirðinga sem
stofnað var árið 1919, þá undir öðru
nafni. Kaupfélagið hafði lengstum
verið aðalburðarás í 500 manna
byggð Dýrafjarðar með einstaka út-
gerðarsögu sem hófst á dögum Ei-
ríks Þorsteinssonar kaupfélags-
stjóra, og með þátttöku í síldveiðum
með rekstri síldarbáta sköpuðust að-
stæður til þess að eignast síðar og
reka skuttogara, endurbæta frysti-
hús og önnur atvinnutæki. Valdimar
þekkti þessa sögu til hlítar og hafði
sjálfur verið síldarskipstjóri. Hann
vildi halda áfram að byggja á þeim
grunni sem lagður hafði verið til þess
að treysta byggðina og bæta lífsskil-
yrði fólksins, hann var leiðtoginn
með bjartsýni og eldmóð. Kynni mín
af honum og áður Hólmsteini Helga-
syni á Raufarhöfn sem einnig var
þekktur athafnamaður og samvinnu-
leiðtogi mótuðu mjög afstöðu mína
alla tíð síðan um mikilvægi kröftugr-
ar byggðastefnu þar sem málefni
smærri byggða hefðu jafnan rétt og
hinna stærri og sterkari. Á því er al-
varlegur misbrestur nú á tímum
taumlausrar gróðahyggju undir yf-
irskini hagræðingar. Hér hefur fólk-
ið látið misvitra stjórnmálamenn
leiða sig á glapstigu og verður á ný
að leita samstöðu til þess að leysa
vandamálin.
Valdimar sá jákvæðar hliðar mála
og miklaði ekki neinn vanda fyrir
sér, var laginn að leysa mál og fá fólk
til samstarfs. Hann var höfðingi í
sjón og raun, ljúfur í framkomu,
hressilegur og skemmtilegur. Á
heimili hans og Áslaugar konu hans
á Núpi vorum við Kristín og börnin
umvafin vinsemd og hlýju sem við
minnumst með þakklæti alla tíð.
Sjálfur var ég óreyndur í starfi
framkvæmdastjóra þegar ég kom til
Þingeyrar en skynjaði fljótt að lík-
lega borgaði sig að reyna að standa
sig. Mér er minnisstætt þegar stjórn
KD fjallaði um það hvernig kveðja
skyldi fyrirrennara minn í starfi þeg-
ar Valdimar sagði ákveðinn: „Það
kemur auðvitað ekkert til greina
annað en málverk.“
Þingeyri hefur á síðari árum mátt
þola hnignun atvinnulífsins og veru-
lega fólksfækkun. Pólitíska litrófið
samræmdist greinilega því ekki að
styðja við bakið á kaupfélagsrekstri
og lokabarátta Fáfnis hf. til þess að
viðhalda atvinnu á Þingeyri er að
mínu mati skólabókardæmi um það
hvernig stjórnvöld eiga ekki að halda
á málum. Þingeyri átti ekki skilið að
vera atvinnuleg hjáleiga í landinu, að
mestu kvótalaus eftir tortímingar-
tímabil kvótakerfisins. Litla og fal-
lega heimilið þeirra Valdimars og
Áslaugar á Núpi varð að lokum snjó-
flóði að bráð en sem betur fer án
slysa á fólki. Hjónin frá Núpi tóku
öllu með jafnlyndi og bjartsýni.
Þeirra viðhorf voru þau að byggðin
myndi að lokum eflast að nýju í hin-
um fagra Dýrafirði. Það vil ég einnig
sannarlega vona og harma jafnframt
að hafa ekki sjálfur orkað meiru í
vanda samvinnurekstrarins á Þing-
eyri eftir öll þau uppgangsár sem ég
áður þekkti fyrir vestan. Svo er ann-
að mál hverra ábyrgðin er meiri,
þeirra sem lögðu langa daga í það að
leita leiða eða þeirra sem stóðu á
móti eða drógu lappir.
Aldrei bar skugga á samstarf mitt
við Valdimar Kristinsson og raunar
ekki fremur aðra stjórnarmenn KD
eða Fáfnis á þessum árum. Eftir-
menn Valdimars sem stjórnarfor-
menn KD, Þórður í Múla og Valdi-
mar á Mýrum, störfuðu í hans anda,
ráðhollir og jákvæðir.
Verkmenning á þessum stað var
með ólíkindum mikil, fólkið duglegt
og kappsamt. Það var greinilegt að
Valdimar Kristinsson naut þess að
sjá árangur og framfarir, lagði gott
til mála og naut trausts og virðingar.
Það er alltaf mikill sjónarsviptir þeg-
ar slíkir menn færa sig yfir móðuna
miklu. Mestur er þó að sjálfsögðu
missir og söknuður fjölskyldu hans.
Við Kristín og börn okkar sam-
hryggjumst því góða fólki og send-
um okkar bestu kveðjur. Blessuð sé
minning Valdimars Kristinssonar.
Sigurður Kristjánsson.
FRÉTTIR
Götuveisla á Laugavegi Verslanir
við Laugaveg efna til þriggja daga
götuveislu með fjölda tilboða og úr-
vali af nýjum haustvörum. Á laug-
ardag er langur laugardagur og
verslanir eru opnar kl. 10–17. Frítt
er í bílastæðahús á laugardögum og
frítt í stöðumæla eftir kl. 13.
Antíksýning í Smáralind Dagana 2.
til 5. október verður sýning á antík-
munum í Vetrargarðinum í Smára-
lind. Til sýnis verða alls kyns munir,
t.d. tveggja alda gömul klukka, borð-
stofusett fá fyrri hluta 20. aldar o.fl.
Sýningin er sölusýning en þó er
meginmarkmið hennar að kynna
antík.
Að sýningunni standa Antíkhúsið,
Skólavörðustíg, Antíkmunir Klapp-
arstíg, Antíkhúsgögn Kjalarnesi og
Guðmundur Hermannsson úr-
smíðameistari.
Sýingin er opin fimmtudag og föstu-
dag kl. 11–19, laugardag kl. 11–18 og
sunnudag kl. 13–18.
Í DAG
Fyrirlestur um meðvirkni Gitte
Lassen ráðgjafi, heilari og miðill
heldur fyrirlestur um meðvirkni á
morgun, föstudaginn 3. október, kl.
20, í Ljósheimum, Brautarholti 8, 2.
hæð. Verð er 1.500 kr. og fer fyrir-
lesturinn fram á ensku.
Á MORGUN
Slitgigtarnámskeið – að lifa með
slitgigt Gigtarfélag Íslands verður
með slitgigtarnámskeið þar sem
áhersla er lögð á þætti sem tengjast
því að lifa með slitgigt. Um er að
ræða þrjú kvöld, einu sinni í viku og
byrjar námskeiðið mánudaginn 6.
október kl. 19.30. Námskeiðið verð-
ur haldið í húsnæði félagsins í Ár-
múla 5, annarri hæð.
Fjallað verður um sjúkdóminn, ein-
kenni hans, meðferðarmöguleika og
áhrif á daglegt líf, mikilvægi þjálf-
unar, slökun o.fl. Leiðbeinendur á
námskeiðinu verða Helgi Jónsson
gigtarsérfræðingur, Erna Jóna Arn-
þórsdóttir sjúkraþjálfari, Svala
Björgvinsdóttir félagsráðgjafi og
Annetta A. Ingimundardóttir iðju-
þjálfi.
Upplýsingar og skráning á nám-
skeiðið er á skrifstofu félagsins.
Á NÆSTUNNI
Á KVENNAÞINGI sem haldið var
fyrir mánaðamót var samþykkt eft-
irfarandi ályktun: „Undirrituð sam-
tök skora á íslensk stjórnvöld að
gera kaup á vændi/kynlífsþjónustu
refsiverð, og að konur/karlar sem
eru í vændi sæti ekki refsiábyrgð.“
Samtökin sem skrifa undir álykt-
unina eru Feministafélag Íslands,
Kvennaathvarfið, Kvennaráðgjöfin,
Kvenréttindafélag Íslands, Stígamót
og Unifem á Íslandi.
Kaup á vændi
verði refsiverð
JÓHANNA Kristjónsdóttir verður
með fimm kvölda námskeið hjá
Málaskólanum Mími um menning-
arheim araba og
hefst það í næstu
viku. Þetta er
þriðja árið í röð
sem Jóhanna
hefur slík nám-
skeið hjá Mími.
Fjallað verður
um sögu þessa
heimshluta og
hann skilgreind-
ur, farið yfir
helstu atriði og inntak islam, greint
frá stöðu kvenna sem er afskaplega
umdeildur á Vesturlöndum, m.a.
fjallað um blæjur og klúta og merk-
ingu þeirra. Þá verður fjallað um
sögu svæðisins frá heimsstyrjöld-
inni fyrri og lýst valdahlutföllum og
þeim sem hafa farið með ráðin, m.a.
með tilliti til tilurðar Ísraelsríkis
1948. Einnig er farið yfir stríðin við
Írak 1991 og á sl. ári og um við-
horfin til Vesturlanda og reynt að
varpa ljósi á þann stríða misskiln-
ing sem upp kemur þegar ólíkir
menningarheimar rekast harkalega
á. Í síðasta tímanum verður svo vik-
ið að menningu, fjölmiðlun og lönd-
unum sem ferðamannastöðum,
kynnt tónlist og bragðað á arab-
ískum mat.
Jóhanna verður einnig með
kennslu í arabísku fyrir byrjendur
og er fyrsti tími þess einnig í næstu
viku, segir í fréttatilkynningu.
Námskeið um
menningar-
heim araba
Jóhanna
Kristjónsdóttir
ANNAN október ár hvert er vakin
athygli á hjúkrunarfræðideild Há-
skóla Íslands en 2. október 1973
mættu nemendur fyrst til náms við
námsbraut í hjúkrunarfræði. Þessa
þrjátíu ára afanga verður minnst
með hátíðardagskrá kl. 17 til 19 í
dag.
Árið 1998 samþykkti Hollvina-
félag hjúkrunarfræðideildar að
standa árlega að sérstökum degi og
vekja þar athygli á hjúkrunar-
fræðideild Háskóla Íslands og því
menntunar- og fræðistarfi sem þar
fer fram. Var ákveðið að gera 2.
október ár hvert að þessum degi.
Í tilefni afmælisins í dag vilja
stjórn Hollvinafélags hjúkrunar-
fræðideildar og hjúkrunarfræði-
deild HÍ bjóða alla velunnara deild-
arinnar velkomna til hátíðar-
dagskrár í dag, fimmtudaginn 2.
október kl. 17–19, í Hátíðarsal Há-
skóla Íslands.
Dagskráin í ár er tileinkuð Maríu
Pétursdóttur frumkvöðli í hjúkrun
Fundarstjóri er Ásta Möller, hjúkr-
unarfræðingur.
30 ár frá því að hjúkrunar-
fræðinám hófst við HÍ
Hin ástkæra móðir okkar, tengdamóðir, amma
og langamma,
ÓLÖF PÁLÍNA SIGURÐARDÓTTIR
(Lá),
dvalarheimilinu Ási,
Hveragerði,
verður jarðsungin frá Fossvogskirkju föstu-
daginn 3. október kl. 10.30.
Særún Sigurjónsdóttir, Ólafur Sigmundsson,
Ingibergur Sigurjónsson, Margrét Pálfríður Magnúsdóttir,
Sigurður Valur Magnússon, Erla Hafdís Sigurðardóttir,
barnabörn og barnabarnabörn.
Við þökkum auðsýnda samúð og hlýhug við
andlát og útför elskulegrar eiginkonu, móður,
tengdamóður, ömmu og langömmu,
RAGNHEIÐAR BERGMUNDSDÓTTUR
frá Látrum í Aðalvík,
síðast Víðihlíð,
Austurvegi 5, Grindavík.
Sérstakar þakkir færum við hjúkrunarfólki
Heilsugæslu Grindavíkur og Heilbrigðisstofnunar Suðurnesja fyrir
frábæra umönnun.
Guð blessi ykkur öll.
Gísli Hólm Jónsson,
börn, tengdabörn, barnabörn
og langömmubörnin.
Elskulegur faðir minn, tengdafaðir, fósturfaðir,
afi og langafi,
SIGURJÓN HERBERT SIGURJÓNSSON
bakari
frá Ísafirði,
andaðist á Sólvangi í Hafnarfirði þriðjudaginn
30. september.
Hann verður jarðsunginn frá Fossvogskapellu
þriðjudaginn 7. október kl. 13.30.
Inga Herbertsdóttir Wessman, Ib Wessman,
Einar Ingþór Einarsson, Sólveig Gísladóttir,
afabörn og langafabörn.
Ástkæra sambýliskona mín, móðir okkar,
tengdamóðir, amma og langamma,
LILJA PÁLSDÓTTIR,
Meistaravöllum 25,
Reykjavík,
lést á krabbameinsdeild 11G á Landspítala
Hringbraut sunnudaginn 28. september.
Jarðarförin auglýst síðar.
Ómar Gústafsson,
Anna María Agnarsdóttir, Gunnar Örn Svavarsson,
Agnes Lilja Agnarsdóttir, Óskar Óskarsson,
barnabörn og barnabarnabarn.
♦ ♦ ♦