Morgunblaðið - 02.10.2003, Blaðsíða 53
ÍÞRÓTTIR
MORGUNBLAÐIÐ FIMMTUDAGUR 2. OKTÓBER 2003 53
Golfklúbbur Grindavíkur
1. verðlaun 40.000 kr.
Gjafabréf frá Úrval Útsýn.
2. verðlaun 30.000 kr.
Gjafabréf í Golfbúðinni á Strandgötu í Hafnarfirði.
3. verðlaun 20.000 kr.
Gjafabréf í Golfbúðinni á Strandgötu í Hafnarfirði.
4. verðlaun 10.000 kr.
Gjafabréf í Golfbúðinni á Strandgötu í Hafnarfirði.
Námundarverðlaun á 5/18 holu e. annað högg er gjafabréf
frá Golfbúðinni á Strandgötu að verðmæti 7.500 kr.
Námundarverðlaun á 13. holu er gjafabréf frá Golfbúðinni
á Strandgötu að verðmæti 7.500 kr.
Ræst út frá kl. 11.00-14.20 • Þátttökugjald er 3.000 krónur!
Skráning er á www.golf.is
Einnig verður skráning í síma 426 8720 á mótsdegi.
Upplýsingar og hjálp við skráningu í síma 895 9997
Hávarður eða 660 7303 Kjartan.
Opna Möskvamótið
laugardaginn 4. okt. - Punktakeppni - hámarksforgjöf 18
GORAN Kristófer Micic, þjálfari
meistaraflokks karlaliðs HK í
knattspyrnu, sagði í samtali við
Morgunblaðið í gærkvöldi að hann
hefði sagt upp störfum vegna sam-
starfsörðugleika við aðalstjórn HK
og þar sem ljóst væri að Gunnar
Guðmundsson yrði ráðinn sem
þjálfari liðsins á næstu leiktíð.
Goran hefur stýrt HK-liðinu und-
anfarin þrjú ár, en liðið lék í 3. deild
árið 2001, 2. deild 2002 og í 1. deild
í ár, en hann hefur einnig þjálfað lið
Stjörnunnar í efstu deild.
Þorsteinn Einarsson formaður
HK sagði hinsvegar í gær að stjórn
félagsins hefði áhuga á að ræða við
Goran á næstu dögum um fram-
haldið og að hann kæmi vel til
greina sem þjálfari liðsins til næstu
ára. „Hinsvegar eru þrjú ár „lang-
ur“ tími hjá þjálfara íslensks fé-
lagsliðs og við erum að skoða málin
með opnum huga þessa dagana en
höfum ekki náð sambandi við Gor-
an Micic þrátt fyrir ítrekaðar til-
raunir,“ sagði Þorsteinn en Goran
hafði ekki tilkynnt stjórn félagsins
með formlegum hætti að hann væri
hættur þjálfun liðsins.
Þorsteinn bætti því við að HK lið-
ið væri ungt og efnilegt og stjórn
félagsins vildi skipuleggja framtíð-
ina með hagsmuni liðsins að leið-
arljósi. „Við teljum okkur vera með
góðan hóp í okkar röðum og það er
að mörgu að huga í þeim efnum.
Hinsvegar höfum við ekki sagt
neinum upp né ráðið Gunnar Guð-
mundsson.“
Goran Kristófer Micic
sagði upp hjá HK
ALLAN Borgvardt úr FH var í
gær útnefndur besti leikmaðurinn á
síðasta þriðjungi efstu deildar karla í
knattspyrnu og Ásthildur Helga-
dóttir úr KR besti leikmaðurinn í
seinni umferð efstu deildar kvenna.
Besti karlaþjálfarinn á þessu tíma-
bili var valinn Steinar Þór Guðgeirs-
son úr Fram en besti kvennaþjálf-
arinn Heimir Hallgrímsson úr ÍBV.
Kristinn Jakobsson var valinn besti
dómarinn í karladeildinni.
BORGVARDT var valinn í lið síð-
asta þriðjungsins, rétt eins og í hin
tvö skiptin í sumar þegar kjörið fór
fram. Aðrir í úrvalsliði efstu deildar
karla í 13.–18. umferð eru þeir
Sverrir Garðarsson, Tommy Niel-
sen, Jónas Grani Garðarsson og
Heimir Guðjónsson úr FH, Hjálmur
Dór Hjálmsson, Gunnlaugur Jóns-
son og Kári Steinn Reynisson úr ÍA,
Gunnar Sigurðsson og Ágúst Gylfa-
son úr Fram og Arnar Gunnlaugs-
son úr KR.
SEX leikmenn úr efstu deild
kvenna voru valdir í lið seinni um-
ferðarinnar, og voru einnig í liði fyrri
umferðarinnar. Það voru Embla
Grétarsdóttir, Ásthildur Helgadótt-
ir og Hrefna Jóhannesdóttir úr KR,
Málfríður Erna Sigurðardóttir og
Íris Andrésdóttir úr Val og Karen
Burke úr ÍBV.
HINAR fimm í liði seinni umferð-
arinnar eru Olga Færseth, Margrét
Lára Viðarsdóttir og Íris Sæmunds-
dóttir úr ÍBV, Hólmfríður Magnús-
dóttir úr KR og Guðbjörg Gunnars-
dóttir, markvörður úr Val.
FÓLK
JULIAN Róbert Duranona,
handknattleiksmaður, hefur
gert samning við þýska 3.
deildarliðið [ Regionalliga
Nord] Burgdorf og skrifaði
hann undir í gær. Duranona er
37 ára gamall og hefur ekkert
leikið handknattleik síðan
hann var á mála hjá 1. deildar
liðinu Wetzlar í skamman tíma
á síðustu leiktíð, lék 14 leiki og
skoraði 61 mark.
Burgdorf var í vor hárs-
breidd frá því að tryggja sér
sæti í norðurhluta 2. deildar
og vonast forráðamenn félags-
ins til að koma Duranona ríði
baggamuninn á þessari leiktíð
og það komist upp í 2. deild.
Eftir markalausan fyrri hálfleik áGottlieb-Daimler Stadion í
Þýskalandi í leik Stuttgart, topp-
liðsins í þýsku 1. deildinni, og Man-
chester United, fóru hlutirnar að ger-
ast í síðari hálfleik.
Imre Szabics og Kevin Kuranyi
léku vörn Manchester grátt á upp-
hafsmínútunum og með mínútu milli-
bili komu þeir heimaliðinu í 2:0, við
gríðarlegan fögnuð stuðningsmanna
Stuttgart. Ensku meistararnir vökn-
uðu upp við vondan draum og Ruud
van Nistelrooy kveiki von í brjóst
United-manna þegar hann minnkaði
muninn með marki úr vítaspyrnu á
67. mínútu. En vel skipulagt lið Stutt-
gart var ekkert á því að gefa eftir for-
ystuna. Þeir fengu gullið tækifæri til
að gera endanlega út um leikinn þeg-
ar þeir fengu dæmda vítaspyrnu en
Tim Howard kom Manchester-mönn-
um til bjargar og varði meistaralega.
Á lokamínútunum sótti United nokk-
uð stíft en allt kom fyrir ekki, vörn
Stuttgart stóðst álagið og Þjóðverj-
arnir fögnuðu sætum og sanngjörn-
um sigri.
Sir Alex Ferguson knattspyrnu-
stjóri United kenndi slökum varnar-
leik sinna manna um hvernig fór.
„Það var hræðilegt að sjá varnar-
leikinn hjá mínu liði í báðum mörk-
unum sem Stuttgart skoraði og í
keppni eins og þessari má ekkert lið
við því að verjast svona illa,“ sagði
Ferguson.
Stærsta stundin á ferlinum
Felix Magath þjálfari Stuttgart var
í sjöunda himni með frammistöðu
sinna manna. „Mig skortir hreinlega
orð til að lýsa tilfinningum mínum. Að
sigra Manchester United fyrir fram-
an okkar frábæru stuðningsmenn er
hreint ótrúlegt og þetta er ein stærsta
stund á ferli mínum,“ sagði Magath.
Lengi vel leit út fyrir að Rangers
væri að landa sigri gegn Panathin-
aikos í Aþenu. Brasilíumaðurinn
Emerson kom Rangers í forystu í
fyrri hálfleik en þremur mínútum fyr-
ir leikslok tókst heimamönnum að
jafna en liðsmenn Panathinaikos léku
manni færri síðasta hálftímann.
„Ef við komumst ekki upp úr riðl-
inum þá verður það örugglega þessi
leikur sem við komum til með að líta
til. Mér fannst við stjórna leiknum
þar til að þeir misstu manninn af leik-
velli. Þá var eins og við misstum tökin
og það var sárt að sjá þá jafna. En við
getum glaðst yfir einu, við erum á
toppnum og það getur ekki talist
slæmt fyrir Rangers,“ sagði Alex
McLeish, þjálfari Rangers, eftir leik-
inn, en næsti leikur hans manna er á
móti Manchester United á Old
Trafford.
Real Madrid stendur vel að vígi
Real Madrid gerði góða ferð til
Portúgals þar sem liðið lagði Porto,
3:1. Þetta var níundi sigur Real
Madrid í 11 rimmum liðanna frá 1979.
Madridingar létu ekki slá sig út af
laginu þrátt fyrir að liðið lenti undir
gegn Porto á útivelli eftir átta mín-
útna leik. Real Madrid, sem lék án
Davids Beckhams, sýndi styrk sinn
svo um munaði. Ivan Helgueira og
Santiago Solari komu Real Madrid
yfir áður en fyrri hálfleikur var allur
og franski snillingurinn Zinedine Zid-
ane bætti svo þriðja markinu við um
miðjan síðari hálfleik. Real Madrid er
komið í þægilega stöðu en það hefur
unnið báða leiki sína og er með
þriggja stiga forskot á Marseille sem
er í öðru sæti.
Drogba á skotskónum
Didier Drogba sá um af afgreiða
Partizan Belgrad en hann skoraði öll
þrjú mörk Marseille í 3:0 sigri. Mörk-
in þrjú litu öll dagsins ljós í síðari hálf-
leik en gestirnir frá Belgrad urðu fyr-
ir áfalli á lokamínútu fyrri hálfleiks
þegar einum leikmanna þeirra var
vikið af leikvelli. Drogba, sem er frá
Fílabeinsströndinni, hóf markaveisl-
una á 62. mínútu og á 22 mínútum
fullkomnaði hann þrennu sína.
Reuters
Andreas Hinkel, varnarmanni Stuttgart, gekk vel að halda aftur af portúgalska táningnum Crist-
iano Ronaldo á Gottlieb-Daimler-vellinum í Stuttgart, þar sem heimamenn höfðu betur, 2:1.
Vörnin banabiti
ensku meistaranna
SKOSKU meistararnir í Glasgow Rangers eru óvænt með forystu
eftir tvær umferðir í E-riðli Meistaradeildarinnar. Rangers gerði 1:1
jafntefli við Panathinaikos í Aþenu á sama tíma og Manchester
United lá fyrir Stuttgart, 2:1, í Þýskalandi. Í F-riðlinum er stórlið
Real Madrid komið í þægilega stöðu en Madridarliðið gerði góða
ferð til Portúgals og sigraði Porto, 3:1, og Marseille skellti Partizan
Belgrad, 3:0, þar sem Didier Drogba var maður leiksins en hann
skoraði öll mörkin.
Duranona
til liðs við
Burgdorf