Morgunblaðið - 19.11.2003, Blaðsíða 19
HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 19. NÓVEMBER 2003 19
Miðbær | Mæting var betri en nokkur
vænti þegar eldri borgarar Reykjavíkur
rifjuðu upp minningar frá gamla
Reykjavíkurrúntinum svokallaða á Hótel
Borg á sunnudag. Gamli Reykjavíkurr-
únturinn var sú leið sem ungir Reykvík-
ingar í hamingjuleit gengu, um miðja
öldina sem leið, áður en bílaumferðin
varð ríkjandi í bænum.
Pétur Pétursson þulur stóð fyrir sam-
komunni og var afar ánægður með und-
irtektirnar, enda var fullt út úr húsi á
Borginni og mikil stemning og kátína
ríkjandi.
Dansarinn Óli Maggadon
Hafliði Þ. Jónsson píanóleikari hóf
samkomuna með því að leika „Hvað er
svo glatt“ og viðstaddir tóku undir. Því
næst rifjaði Hafliði upp æskuminningar
sínar, en hann hefur á löngum ferli sín-
um sem tónlistarmaður kynnst mörgum
hliðum mannlífsins í Reykjavík. Sagði
hann frá gömlum húsum og skemmtilegu
mannlífi sem nú eru aðeins skuggar
minninganna. Meðal annars sagði hann
frá frétt í Morgunblaðinu árið 1916 um
að fundist hefði færeyskur drengur.
Þessi drengur hét Ólafur Magnússon og
var síðar kallaður Óli Maggadon og varð
frægur í bæjarlífinu í Reykjavík. Óli
Maggadon var að sögn Hafliða bæði
ólögulegur og ófríður og könnuðust
áheyrendur við þá lýsingu, en hann
kunni afskaplega vel að dansa og döns-
uðu stúlkurnar jafnan við hann á dans-
leikjum.
Ein sagan sem Hafliði sagði af Óla var
sú að hann fékk oft gefins einkennisbún-
inga frá dönskum sjóliðum, en móðir
hans tók þá jafnan af honum aftur eftir
að hann hafði spásserað í þeim í dágóða
stund. Einu sinni var Óli staddur niðri á
höfn í dönskum liðsforingjabúningi þeg-
ar þýskt skip var að sigla inn í höfnina.
Þá hrópaði Óli eitthvað að þeim og þeir
stöðvuðu skipið undir eins. Síðan leið og
beið og þegar þýski skipherrann spurði
hvað um væri að vera, af hverju skipið
væri ekki lagst að bryggju, sögðu skip-
verjar að maður í liðsforingjabúningi
hefði stöðvað það. Sagði Hafliði það til
marks um hlýðni Þjóðverja við yfirvald.
Drukkið fyrir hersingu anda
Pétur Pétursson fór með skaupsögur
á milli erinda auk þess sem Hafliði lék á
píanóið gömul danslög sem snertu
hjartastrengi viðstaddra.
Guðrún J. Straumfjörð sagði meðal
annars frá fyrsta kvöldinu á Hótel Borg,
þegar Gyllti salurinn var opnaður í jan-
úar 1930 en hún var þá á meðal fyrstu
gesta. Sagði hún hljómsveit hafa leikið í
horninu og stemninguna hafa verið engu
líka.
Frú Jóhanna Vigdís Schram sagði
einnig frá minningum sínum frá æsku-
og unglingsárunum. Sagði hún meðal
annars sögur af óperusöngvaranum
Pétri Árna Jónssyni sem ásamt bróður
sínum Þorsteini stofnaði Fótboltafélag
Reykjavíkur sem síðar varð KR. Þar að
auki sagði Hafliði frá Pétri Jónasi saxó-
fónleikara, sem var nokkuð vínhneigður.
Kenndi Pétur handanverum um og sagði
oft að drukkið væri í gegnum sig. Gall-
inn væri hins vegar sá að andinn hefði
með sér gesti og þyrfti hann að drekka
fyrir þá alla í einu. Annað sinn þegar
Pétur hitti vin sinn bauð vinur hans hon-
um í glas. Sagði þá Pétur að vinurinn
hlyti að vera galinn, því hann drykki
aldrei í frítíma sínum.
Margar fleiri skaupsögur og hjart-
næmar lýsingar af Reykjavík liðinna
tíma féllu af vörum viðstaddra og vöktu
bæði kátínu og ljúfsárar minningar um
horfinn heim.
Minningar af rúntinum
Morgunblaðið/Svavar
Hafliði Þ. Jónsson lék gömul danslög fyrir gesti.
Pétur Pétursson þulur hlýddi athugull á
minningar Hafliða Þ. Jónssonar.
Mosfellsbær | Það verður aldrei of vel brýnt fyrir
ungum og öldnum vegfarendum hve miklu það
skiptir að sjást vel í umferðinni, sérstaklega þeg-
ar skammdegið skellur á.
Síðasta vika var átaksvika um notkun end-
urskinsmerkja hjá Slysavarnafélaginu Lands-
björgu. Björgunarsveitin Kyndill í Mosfellsbæ
færði þá börnunum í sex ára bekkjum Varmár-
skóla og Lágafellsskóla endurskinsmerki. Ekki
er annað að sjá en að krakkarnir séu ánægðir
með gjöfina.
Sjáumst í umferðinni
Fjármálastjóri | Á fundi bæjarráðs Garða-
bæjar í gær var samþykkt að ráða Alfreð Atla-
son í starf fjármálastjóra Garðabæjar. Þetta
kemur fram á heimasíðu Garðabæjar. Alfreð
mun veita fjármálaþjónustu bæjarins forstöðu
en undir hana heyra bókhald, innheimta og al-
menn fjármálastjórn. Þá var samþykkt að aug-
lýsa laust nýtt starf sérfræðings á fjár-
málasviði, sem kemur til með að hafa umsjón
með fjárhagsáætlanagerð bæjarins, íbúa- og
hagþróun, fasteignaleigu bæjarins og trygg-
ingamálum.
Alfreð gegndi áður starfi bæjarbókara Garða-
bæjar. Hann er viðskiptafræðingur og löggiltur
endurskoðandi að mennt og hefur starfað hjá
Garðabæ frá janúar 2001.
Grafarvogur | Minnis-
varði var afhjúpaður í
austanverðum Gufunes-
kirkjugarði í vikunni en
honum er ætlað að vera
athvarf fyrir fólk sem
vill minnast ástvina
sem hafa horfið en eiga
sér engan legstað eða
látinna ástvina sem
hvíla í öðru landi.
Frá árinu 1945 til
2002 hafa 47 manns
horfið sporlaust og eru
þá ekki taldir með þeir
menn sem hafa farist
við störf á sjó.
Listaverkið er eftir
listakonuna Rúrí en
hún vann samkeppni
sem Kirkjugarðar Reykjavík-
urprófastsdæma efndu til árið
2001. Verkið heitir Hlið og er um
13 metrar að þvermáli og þrír
metrar að hæð. Í Hliðinu er raf-
lýsing sem lýsir upp altari skál-
ans og nánasta umhverfi. Bekkj-
um verður komið fyrir við
listaverkið svo fólk geti átt þar
kyrrláta stund.
Í tilefni af afhjúpuninni lagði
Björn Bjarnason, dóms- og
kirkjumálaráðherra, blómsveig á
altari minnisvarðans í virðingar-
skyni við hin fjölmörgu sem fóru
af stað en fundu ekki leið til baka.
Morgunblaðið/Jim Smart
Karl Sigurbjörnsson biskup og listakonan Rúrí afhjúpa minnisvarðann.
Til minningar
um horfna vini
Verkið Hlið er um 13 metrar að þvermáli og
þrír metrar á hæð. Í Hliðinu er raflýsing sem
lýsir upp altari skálans og nánasta umhverfi.