Morgunblaðið - 19.11.2003, Blaðsíða 25
DAGLEGT LÍF
MORGUNBLAÐIÐ MIÐVIKUDAGUR 19. NÓVEMBER 2003 25
Mörg verkefni á sýningu þrjátíu Com-eniusarverkefna í Brussel í síðustuviku fjölluðu um mat eða heilsu, önn-
ur um umhverfismál, náttúru eða vísindi og
enn önnur t.d. um hefðir og menningu en engin
takmörk eru fyrir umfjöllunarefninu. Írsk
þjóðlagatónlist hljómaði úr írska básnum þar
sem kynnt var verkefni sem fjallaði um hefðir í
hverju landi. Írski básinn var skrautlegur og
einkennislitirnir grænt og appelsínugult áber-
andi. Í finnska básnum var spilað á hefðbundið
finnskt strengjahljóðfæri, kantele, sem börn í
Austur-Finnlandi læra oftast á í skólanum.
Finnski hópurinn kom frá austasta punkti
Evrópusambandsins, sjö þúsund manna bæn-
um Ilomantsi.
Íslenskur fáni í bás Möltu
Verkefnið sem nemendur og kennarar
drengjaskóla á Möltu kynntu var unnið í sam-
starfi við annan íslenskan skóla sem þó hefur
fallið út úr samstarfinu af einhverjum orsök-
um. Íslenski fáninn á bás Möltu vakti þó at-
hygli, sem og nemendurnir sem voru í yngri
kantinum, aðeins níu ára gamlir fjörugir strák-
ar og ófeimnir.
Möltubúarnir og Ís-
lendingarnir fylgdust
að í ýmsu sem haft var
fyrir stafni í Comeni-
usar-vikunni. Þeir fóru
saman í danstíma,
sungu karaoke og
skoðuðu verkefni hver
annars. Verkefni
Möltu fjallaði um mat
eins og mörg fleiri
verkefni á sýningunni
og hafði yfirskriftina: Heilsa og vellíðan. Ann-
ar kennaranna frá Möltu sagði að markmið
verkefnisins hefði verið að auka skilning nem-
endanna á mikilvægi þess að borða hollan mat
og kynna þeim mismunandi mat og uppskriftir
í mismunandi löndum.
Annars sögðust íslensku krakkarnir, Sunna,
Snædís, Guðmundur og Davíð, hafa náð best
til þeirra norsku. Frændur okkar Norðmenn
komu frá skóla í Sandnes í nágrenni Stav-
anger. Þau kynntu verkefni um náttúruna og
sýndu myndir þar sem nemendur voru í vett-
vangsnámi úti í skógi, en slíkt er mjög algengt
í Noregi.
Í bás Póllands var sýnt verkefni sem fjallaði
um eld og hversu nauðsynlegur hann er mann-
fólkinu. Pólsku nemendurnir eru allir heyrn-
arlausir en það aftraði þeim ekki frá fullri þátt-
töku í verkefnum og samverustundum, þar
sem m.a. var sungið og dansað.
Lærdómsrík og skemmtileg ferð
Kennararnir Guðrún Sveinbjörnsdóttir og
Atli Alexandersson telja að ferðin hafi verið
lærdómsrík. Þau hafi kynnst mörgum kenn-
urum og fengið hugmyndir annars staðar frá.
Nokkrir komu að máli við þau til að leggja
grunninn að nýjum verkefnum sem hægt er að
sækja um styrk til að vinna innan Comeniusar,
m.a. Spánverjarnir. Íslenska verkefnið er nú á
lokaári og Guðrún og Atli segja að vel komi til
greina að sækja um styrk fyrir nýtt samstarfs-
verkefni. Styrkumsóknin tekur nokkurn tíma
og pappírsvinna er töluverð. Öllum kvittunum
þarf að halda til haga, endurnýja þarf umsókn-
ina árlega þótt hvert verkefni sé til þriggja ára
og skila skýrslum.
Krakkarnir fóru líka í sex vinnusmiðjur
(workshops) þar sem þau hittu krakka frá hin-
um löndunum og unnu að einhverju sérstöku
með þeim. Karaoke-smiðjan fannst Guðmundi
skemmtilegust en þar æfðu krakkarnir Evr-
ópusönginn, þar sem nýr texti hafði verið sam-
inn við lagið sem vinsælt hefur verið að stíga
dansinn macarena við. Textinn fjallar m.a um
margbreytileikann í heiminum. Á lokaathöfn-
inni söng allur hópurinn Evrópusönginn og
upptaka verður send þátttakendunum sem
geta síðar yljað sér við minningarnar.
MENNTUN| Sex vinnusmiðjur og þrjátíu fjölbreytileg verkefni til sýnis á Comeniusarvikunni í Brussel
Unnið
með heilsu
og hefðir
Upptaka af
Evrópusöngn-
um í flutningi
þátttakenda
vekur líklega
góðar minn-
ingar sem þeir
geta yljað sér
við.
Tungumálanám: Atli og Guðrún kenna slóv-
enskum börnum íslensku í vinnusmiðju.
Írland: Írski básinn var skrautlegur og þaðan
hljómaði þjóðlagatónlist.
Frændur: Íslendingar og Norðmenn virðast
sækja hverjir í aðra þegar þeir hittast.
Sungið hástöfum: Yfir
hundrað börn sungu
Evrópusönginn við loka-
athöfnina.
Morgunblaðið/Steingerður
Malta og Ísland: Guðmundur ásamt strákunum frá Möltu.
Fæst aðeins í apótekum
Þróað í samvinnu
við húðsjúkdómalækna
HREINSIGEL
fyrir viðkvæma húð
steingerdur@mbl.is