Morgunblaðið - 19.11.2003, Blaðsíða 44

44 MIÐVIKUDAGUR 19. NÓVEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ undirritaðar viljum lýsa
áhyggjum okkar af þeim aðgerðum
sem gerðar hafa verið á barnadeild
Fjórðungssjúkrahússins á Akureyri
(FSA) sem þegar eru komnar til
framkvæmda. Nú þegar hefur leik-
skólakennara og iðjuþjálfa verið
sagt upp störfum og þeirra stöður
lagðar niður frá og með 1. jan 2004.
Ennfremur hefur öllum sjúkraliðum
deildarinnar, sem jafngildir 3,3
stöðugildum, verið gert að flytjast á
aðrar deildir. Hvernig getur þetta
annað en skert verulega þjónustu
við börn í „fjölskylduvæna“ bænum
Akureyri og nágrannasveitarfélög-
um?
Starf leikskólakennara deildar-
innar er margþætt. Meginstarf hans
er skipulagning leikstofu og umsjón
með leik og afþreyingu fyrir börn og
unglinga á dagdeild og legudeild.
Einnig sér hann um að skipuleggja
heimsóknir elstu barna í leikskólum
Akureyrarbæjar og nágrannasveit-
arfélögum til þess að kynna starf-
semi sjúkrahússins. Þessi kynning
hefur orðið til þess að börn finni síð-
ur fyrir kvíða ef þau seinna meir
þurfa að dvelja á sjúkrahúsi. Einu
sinni í viku eru samverustundir með
börnunum í samvinnu við djákna
FSA. Leikskólakennarinn aðstoðar
líka þroskateymi FSA við þroska-
mat barna og tekur þátt í umönnun
barna og unglinga með geðræn
vandamál. Starfsemi iðjuþjálfa hef-
ur farið ört vaxandi með þjónustu í
þroskateymi barnadeildar og eftir-
fylgd barna sem fá greiningu þar.
Iðjuþjálfi hefur einnig tekið börn í
þjálfun og mat og verið eini starf-
andi iðjuþjálfinn á svæðinu sem býð-
ur upp á slíka þjónustu og annar
engan veginn eftirspurn. Með upp-
sögn iðjuþjálfa við deildina er verið
að kippa út allri þjónustu við börn
sem þurfa á slíkri þjálfun að halda.
Þau þurfa í staðinn að sækja þessa
þjónustu til Reykjavíkur með til-
heyrandi kostnaði auk þess sem bið-
listinn þar er enn lengri.
Með tilfærslu sjúkraliða fer ára-
tuga dýrmæt reynsla. Stöðugildum
við deildina hefur fækkað það mikið
að erfitt verður að manna vaktir og
veita lögbundin frí. Einnig mun
þetta auka vaktaálag á það starfs-
fólk sem eftir verður. Hver er stefn-
an? Er þetta upphafið á endinum?
Eiga börn landsbyggðarinnar ekki
rétt á sömu þjónustu og börn á höf-
uðborgarsvæðinu? Er það ekki vilji
Akureyringa að hafa áfram aðgang
að þessari þjónustu í heimabyggð?
F.h. hjúkrunarstarfsfólks barna-
deildar FSA
ANNA RÓSA
MAGNÚSDÓTTIR,
GUÐRÚN GYÐA
HAUKSDÓTTIR,
NÍNA HRÖNN
GUNNARSDÓTTIR.
Skert þjónusta við börn
á Fjórðungssjúkra-
húsinu á Akureyri
Frá Önnu Rósu Magnúsdóttur,
Guðrúnu Gyðu Hauksdóttur og
Nínu Hrönn Gunnarsdóttur
ÉG hef upplifað höfnun kerfisins til
framfærslu verkafólks. Maður kem-
ur með öll gögn um að það vanti
framfærslufé. Fær neitun frá fé-
lagsþónustu og síðar félagsmálaráði
og svo úrskurðarnefnd Félagsmála-
ráðs samkv. 27. gr. laga. Um að ég sé
með „of mikið kaup“ þrátt fyrir gögn
um annað. Er ég í Eflingu og er taxti
alltof lágur fyrir húsnæði og trygg-
ingar á því og fyrir bíl og tryggingar
á honum.
Taxti um 130 þús. á mánuði brúttó,
eða um 90 þús. út. Útkoman er frá
kerfinu, þú mátt ekki eiga húsnæði,
ekki bíl, og átt ekki að geta framfleitt
þér á þessum launum. Er ekki verið
að brjóta sjálfsögð mannréttindi á
verkafólki? Ég hef komist að því að
það er verið að brjóta mannréttinda-
sáttmála Sameinuðu þjóðanna á okk-
ur frá 1948.
Dæmi: 25.gr.laga. „Hver maður á
kröfu til lífskjara, sem nauðsynleg
eru til verndar heilsu og vellíðan
hans sjálfs og fjölskyldu hans. Telst
þar til matur, klæðnaður, húsnæði,
læknishjálp og nauðsynleg félagsleg
hjálp, svo og réttindi til öryggis gegn
atvinnuleysi, veikindum, örorku, fyr-
irvinnumissi, elli eða öðrum áföllum,
sem skorti valda og hann getur ekki
við gert. 2. Mæðrum og börnum ber
sérstök vernd og aðstoð. Öll börn,
skilgetin sem óskilgetin, skulu njóta
sömu félagsverndar.
Og að ofansögðu um neitun félags-
málaráðuneytis líka er verið að búa
til svarta vinnu og að hún fái að
blómstra. Eitthvað sem verkalýðs-
félög ættu að rannsaka? Ríkið sjálft
að búa til svo slæmar aðstæður með
þessari 27. gr laga. Nær engri átt og
þarf að leiðrétta hið snarasta. Fram-
fylgja frekar mannréttindasáttmála
Sameinuðu þjóðanna. Þá að reikna
kostnað við húsnæði og bíl og ofan-
greinda 25. gr. laga um þau sjálf-
sögðu mannréttindi á 21. öldinni.
Hvar er siðferðið í þessum málum, á
hvaða klaka er það? Hvar er þessi fé-
lagslegi þroski sem allir eru að tala
um, en er ekki framkvæmdur þegar
kemur að verkafólki? Á hvaða klaka
er sá þroski?
Með von um að viðkomandi aðilar
svari nú hver fyrir sig, þá á ég við
ríkisstjórn, stjórnarandstöðu, verka-
lýðsfélög og mannréttindasamtök.
JÓN TRAUSTI
HALLDÓRSSON,
Bústaðabletti 10,
Reykjavík.
Framfylgja ber mann-
réttindasáttmála SÞ
Frá Jóni Trausta Halldórssyni: