Morgunblaðið - 07.12.2003, Blaðsíða 1
Jólaveðrið
veldur deilum
Spurning um skemmtanagildi
eða ábyrga veðurspá 6
Tímaritið og atvinna
Tímaritið Lögreglumaður af hugsjón Ættarleyndarmál
Brot af Agli Atvinna Launahækkun í rafiðnaði Liprir
baðverðir Draumastörf Atvinnuleysi og manneskjur
5 6 9 0 9 0 0 0 0 0 9 0 0
SUNNUDAGUR VERÐ KR. 300
AUKIN bjartsýni ríkir meðal Bandaríkja-
manna um horfur í efnahags- og atvinnumál-
um. Þessi aukna bjartsýni hefur þau áhrif að
aukin ánægja er með störf George W. Bush
forseta sem sækist eftir endurkjöri í kosn-
ingum sem fara fram eftir tæpt ár, 41% seg-
ist nú ákveðið í styðja Bush í kosningunum.
Ný könnun Associated Press sýnir að 44%
aðspurðra telja sig nú búa við atvinnuöryggi
en 37% gera það ekki. Í október var hlutfallið
öfugt, þá voru þeir fleiri sem töldu sínar per-
sónulegu atvinnuaðstæður heldur ótryggar.
Ýmis teikn hafa verið á lofti undanfarið um
að efnahagur Bandaríkjanna væri að taka við
sér. Hagvöxtur hefur verið mikill, uppsveifla
á mörkuðum og vísbendingar eru um að betri
horfur séu í atvinnumálunum. 2,3 milljónir
starfa hafa þó tapast á kjörtímabilinu.
Aukin bjart-
sýni í Banda-
ríkjunum
Washington. AP.
NÓG hefur verið að gera á hár-
greiðslu- og rakarastofum að
undanförnu enda vill fólk vera vel
til haft um hátíðirnar og í desem-
bermánuði er ævinlega mikið um
að vera. Ekki er seinna vænna
fyrir þá sem eru enn óklipptir að
fara að huga að jólaklippingunni.
Þessi kona fékk greinilega góða
þjónustu enda tvær hár-
greiðslukonur til staðar til að
tryggja árangurinn.
Morgunblaðið/Árni Torfason
Klippt og skorið
ÍSLENDINGUR með ofnæmi fyr-
ir æðvængjum, þ.e. geitungum, bý-
flugum eða humlum, var stunginn
af geitungi í fyrra og fékk lífs-
hættulegt ofnæmislost en skjót og
rétt meðferð varð honum til bjarg-
ar. Miðað við tíðni ofnæmisins má
búast við að nokkrir Íslendingar
fái alvarleg einkenni eftir skor-
dýrastungur ár hvert.
Þetta kemur fram í nýrri grein
sem birt er í Læknablaðinu en hún
er eftir þau Erling Ólafsson skor-
dýrafræðing, Unni Steinu Björns-
dóttur, Davíð Gíslason og Sigur-
veigu Þ. Jónsdóttur sérfræðinga í
ofnæmis- og ónæmislækningum.
Þar segir að fái þeir sem hafa of-
næmi sértæka afnæmingu fyrir
geitungum eða býflugum sé hægt
að koma í veg fyrir ofnæmislost við
endurstungu í yfir 95% tilfella.
Þá segir að vegna örrar fjölgun-
ar geitunga, býflugna og humla
með hlýnandi veðurfari geti menn
búist við að fleiri verði stungnir og
þar með aukinni tíðni alvarlegra
einkenna og jafnvel dauðsfalla. Á
það er bent að bráðaofnæmi vegna
geitunga og býflugna sjáist hjá um
5–10 af hverjum hundrað þúsund
íbúum og deyja að minnsta kosti 50
Bandaríkjamenn á hverju ári
vegna þessa. Viðbrögð við stung-
um geta verið mjög mismunandi,
allt frá venjulegum kláða og roða,
sem flestir kannast við og yfir í of-
næmislost sem er lífshættulegt og
þarf að meðhöndla tafarlaust.
Læknar óttast ofnæmisviðbrögð
vegna fjölgunar geitunga á Íslandi
Fékk lífs-
hættulegt of-
næmislost
UNNUR Steina Björnsdóttir, sér-
fræðingur í ofnæmis- og ónæm-
islækningum og einn höfundur
greinarinnar, segir að ástæða
þess að hún birtist nú en ekki að
vori sé sú að læknar óttist að fólk
sem hafi verið stungið og fengið
einkenni hafi ekki áttað sig á því
að það þurfi að fara í meðferð og
ekki bíða eftir því að það fái hugs-
anlega alvarlegri einkenni síðar.
Hún segir að öll viðbrögð fyrir ut-
an stungustað, s.s. útbreidd út-
brot, öndunarfæraeinkenni, það
að auga sökkvi o.s.frv. geti bent
til ofnæmis og verði að athuga
nánar og þá hjá ofnæmislækni.
„Þetta er mjög alvarlegt vanda-
mál sem er þó algjörlega læknan-
legt. Við óttumst að það kunni að
verða slys af því að fólk áttar sig
ekki á því hvað þetta getur verið
alvarlegt,“ segir Unnur.
Viðbrögð utan
stungustaðar
óeðlileg
GERA má ráð fyrir að um 900
fegrunaraðgerðir séu gerðar hér á
landi á ári og skiptast þær á milli
átta lýtalækna. Þá eru ekki taldar
með aðgerðir sem gerðar eru
vegna lýta eða veikinda, heldur
einungis fegrunaraðgerðir sem
gerðar eru í þeim tilgangi að
breyta ásýnd líkamans. Um fegr-
unaraðgerðir er fjallað í grein í
Tímariti Morgunblaðsins í dag.
Þessar aðgerðir eru augnloka-
aðgerðir, brjóstastækkanir, fitu-
sog, brjóstalyfting, andlitslyfting
og nefaðgerðir, í röð eftir því
hversu algengar þær eru. Auk
þess eru fleiri fegrunaraðgerðir
sem ekki er hægt að slá tölu á.
Miðað við áætlaðan fjölda sex
algengustu aðgerðanna á ári og
ákveðið verðbil fyrir hverja að-
gerð, má gera ráð fyrir að heildar-
greiðsla af hendi sjúklinga fyrir
þær nemi 120,5–183 milljónum á
ári. TR tekur ekki þátt í kostnaði
við fegrunaraðgerðir. Brjósta-
stækkun kostar á bilinu 200–230
þúsund krónur. Fitusog 80–200
þúsund og varastækkun 80 þús-
und krónur. Samtals myndu þess-
ar aðgerðir kosta eina konu á
bilinu 360–510 þúsund krónur.
Átta lýtalæknar gera fegrunar-
aðgerðir hér á landi, auk þess að
sinna lýtalækningum sem eru
meirihluti þeirra starfs. Þeir halda
ekki samræmda skrá yfir hversu
margar aðgerðir af hverju tagi eru
gerðar á ári og stendur það ekki
til. Að sögn Jens Kjartanssonar
lýtalæknis vilja lýtalæknar fyrir-
byggja að persónuupplýsingar
fari víðar og haldi þeir því öllum
gögnum fyrir sig.
Um 900 fegrunarað-
gerðir á hverju ári
Engin skrá haldin yfir fjölda og tegundir aðgerða
CHEN Shui-bian, for-
seti Taívans, hefur
ákveðið að halda þjóðar-
atkvæðagreiðslu þar
sem landsmenn verði
beðnir um að leggja
blessun sína yfir þá
kröfu að Kínverjar beini
eldflaugum sínum ekki
lengur að Taívan. Stefnt
er að því að halda at-
kvæðagreiðsluna 20. mars nk. en þann dag
eiga einnig að fara fram forsetakosningar.
Andstæðingar Chens hafa sakað hann um
að leika sér að eldinum, um kosningabragð
sé að ræða sem hætta sé á að reiti stjórn-
völd í Peking til reiði. Kínverjar líta svo á að
Taívan sé órjúfanlegur hluti Kína og fylgj-
ast grannt með öllum aðgerðum yfirvalda í
Taívan sem túlka mætti sem viðleitni til að
mjaka landinu í átt að fullu sjálfstæði.
Greiði atkvæði
um flugskeyti
Kínverja
Chen Shui-bian
Taipei. AP, AFP.
HÚSVÖRÐUR í skóla í Suður-
Portúgal kveikti í fæti unglings í skól-
anum, í því skyni að hjálpa unglingn-
um að ná sér af meiðslum sem hann
varð fyrir á skólalóðinni.
Unglingurinn, sem er 14 ára, tjáði
portúgölsku einkasjónvarpsstöðinni
SIC að húsvörðurinn hefði hellt spritti
á særðan fótinn og kveikt í með
kveikjara, eftir að hann bað húsvörð-
inn um aðstoð eftir að hafa dottið og
meitt sig.
„Hann sagði við mig: „Þetta vorum
við vanir að gera í stríðinu.“
„Ég sagði honum að ég væri ekki í
neinu stríði,“ sagði unglingurinn, Ant-
onio Pereira, í sjónvarpsviðtalinu.
Pereira var á þriðjudag lagður inn
á sjúkrahús í heimabæ sínum Beja,
sem er um 200 km suðaustur af Lissa-
bon, með fyrsta og annars stigs bruna.
Skólayfirvöld eru að rannsaka atvikið.
Kveikti í fæti í
lækningaskyni
Lissabon. AFP.
♦ ♦ ♦
STOFNAÐ 1913 332. TBL. 91. ÁRG. SUNNUDAGUR 7. DESEMBER 2003 PRENTSMIÐJA ÁRVAKURS HF. mbl.is