Morgunblaðið - 07.12.2003, Blaðsíða 2

FRÉTTIR
2 SUNNUDAGUR 7. DESEMBER 2003 MORGUNBLAÐIÐ
BJARTSÝNI RÍKIR
Aukin bjartsýni ríkir meðal
Bandaríkjamanna um horfur í efna-
hags- og atvinnumálum skv. nýrri
könnun. Telja 44% aðspurðra nú að
þau búi við atvinnuöryggi og helm-
ingur aðspurðra telur að George W.
Bush Bandaríkjaforseti haldi vel á
efnahagsmálunum en sambærileg
tala í október var 45%.
Boðar atkvæðagreiðslu
Chen Shui-bian, forseti Taívans,
hefur ákveðið að halda þjóð-
aratkvæðagreiðslu þar sem lands-
menn verði beðnir um að leggja
blessun sína yfir þá kröfu að Kín-
verjar beini eldflaugum sínum ekki
lengur að Taívan. Stjórnvöld í Pek-
ing líta á Taívan sem óaðskilj-
anlegan hluta Kína.
Lífshættuleg stunga
Íslendingur sem er með ofnæmi
fyrir geitungum, býflugum og huml-
um fékk lífshættulegt ofnæmislost
er hann var stunginn af geitungi í
fyrra. Skjót viðbrögð og rétt með-
ferð urðu manninum til bjargar.
Þetta kemur fram í grein eftir
nokkra sérfræðinga sem birt er í
Læknablaðinu. Læknar óttast of-
næmisviðbrögð vegna fjölgunar
geitunga en fái þeir sem hafa of-
næmi sérstaka afnæmingu fyrir
stungum er hægt að koma í veg fyr-
ir ofnæmislost við endurstungu í yf-
ir 95% tilfella.
Réðst á skokkara
Svartklæddur karlmaður réðst
með eggvopni á unga konu sem var
að skokka í Laugardalnum á níunda
tímanum í gærmorgun. Konan sner-
ist til varnar og tókst að ráða nið-
urlögum mannsins sem hljóp á
brott. Varð hún ekki fyrir
meiðslum. Lögregla leitar manns-
ins.
900 fegrunaraðgerðir
Talið er að um 900 fegrunar-
aðgerðir séu gerðar á Íslandi á
hverju ári. Ef miðað er við áætlaðan
fjölda sex algengustu aðgerðanna er
gert ráð fyrir að heildargreiðsla af
hendi sjúklinga fyrir þær nemi 120–
183 milljónum kr. á ári.
Y f i r l i t
Í dag
Skissa 6 Kirkjustarf 45
Sigmund 8 Myndasögur 48
Ummæli 10 Bréf 48/49
Forystugrein 32 Þjónusta 52
Reykjavíkurbréf 32 Dagbók 50/51
Listir 34/35 Krossgáta 52
Af listum 34 Leikhús 54
Skoðun 36/38 Fólk 54/61
Veiðiþáttur 39 Bíó 58/61
Hugvekja 41 Sjónvarp 62
Minningar 42/45 Veður 63
* * *
Kynningar - Morgunblaðinu í dag
fylgir auglýsingablað frá Pjaxi.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GUÐNI Ágústsson landbún-
aðarráðherra tók á móti fyrsta ein-
takinu af nýjum margmiðlunardiski
með lambakjötsuppskriftum í versl-
un Hagkaupa í Smáralind á föstu-
dag.
„Á diskinum eru tíu lambakjöts-
réttir sem eldaðir eru af meist-
arakokkum þannig áhugasamt fólk
um eldun lambakjöts getur sest fyrir
framan tölvuna og hlustað og horft á
meistarakokkana segja sér til hvern-
ig elda á réttina,“ segir Guðni
Ágústsson. „Þetta er nýstárleg hug-
mynd, ekki síst fyrir unga fólkið sem
langar ábyggilega að kunna meira
og læra matseld mömmu og ömmu,“
segir Guðni Ágústsson.
Egill Vignisson, framleiðandi
disksins, segir sérstöðu disksins
vera þá að hann sé gagnvirkur miðill
og að öll handtök við matseldina séu
sýnd nákvæmlega, á disknum séu 80
mínútur af kvikmynduðu efni þann-
ig að þetta sé skotheld leið til þess að
læra að elda þessa lambakjötsrétti.
Þá fylgi sérstaklega plöstuð upplýs-
ingaspjöld sem menn geti haft fyrir
framan sig í eldhúsinu eftir að hafa
horft á diskinn.
Morgunblaðið/Eggert
Eldað með hjálp fartölvu
BJÖRN Bjarnason dómsmálaráð-
herra segir að bréf umboðsmanns
Alþingis varðandi bótaskyldu til
þolenda líkamsárása, sem greint
var frá í blaðinu á föstudag, hafi
sætt ítarlegi skoðun af hálfu sér-
fræðinga ráðuneytisins. Nú sé til
meðferðar fyrir Hæstarétti svipað
álitaefni og rétt sé að bíða eftir nið-
urstöðu þar. Að því loknu verði far-
ið yfir málin í heild sinni í dóms-
málaráðuneytinu í samráði við
bótanefnd.
Björn bendir á að umfjöllun um
málið hafi verið villandi. Ekki sé
rétt að réttar-
óvissa ríki um
bótaskyldu til
þolenda afbrota.
Lögin standi á
traustum grunni
og það mál sem
umboðsmaður
hafi haft til með-
ferðar hafi verið
um margt mjög
sérstakt þar sem sakfellingardómur
hafi ekki legið fyrir í málinu.
Ákveðnir aðilar hafi verið kærðir
fyrir meinta líkamsárás en málið
fellt niður af lögreglu. ,,Réttar-
óvissa sú er umboðsmaður vekur
athygli á í bréfi sínu varðar því ein-
ungis lítinn hluta þess mikla fjölda
mála er koma til kasta bótanefnd-
ar.“
Varðar ekki umrædd lög
„Telja verður því að hin meinta
réttaróvissa varði ekki hin um-
ræddu lög heldur verklag bóta-
nefndar, það er hvaða sönnunar-
kröfur nefndin eigi að gera þegar
ekki liggur fyrir sakfellingardómur,
segir Björn.
Dómsmálaráðherra um bótaskyldu vegna líkamsárása
Ráðuneytið bíður
eftir Hæstaréttardómi
Björn Bjarnason
MÖNNUNUM fimm sem tald-
ir eru vera í bifhjólasamtökun-
um Vítisenglum var vísað úr
landi í gærmorgun. Voru menn-
irnir sendir með áætlunarvél-
inni til Óslóar á áttunda tíman-
um í gærmorgun í fylgd
fjögurra lögreglumanna frá
Ríkislögreglustjóraembættinu
og lögreglunni á Keflavíkur-
flugvelli.
Lögreglan á Keflavíkurflug-
velli stöðvaði mennina á föstu-
dag er þeir voru á leið inn í
landið vegna gruns um að þeir
ættu brotaferil að baki og væru
félagar í Vítisenglum.
Útlendingaeftirlitið úrskurð-
aði svo seint á föstudagskvöldið
að mönnunum fimm skyldi vís-
að úr landi. Skv. upplýsingum
lögreglu voru mennirnir undir
eftirliti í flugstöðvarbygging-
unni um nóttina. Sýndu þeir
ekki mótþróa er þeim var vísað
frá landinu.
Vítisengl-
ar sendir
úr landi
EKIÐ var á fjórtán kindur
við Haga í Hornafirði um
hálfsexleytið á fimmtudag-
inn. Slysið varð þegar verið
var að smala töluverðum hópi
af kindum af fjalli í eftirsmöl-
un og vegna þess hversu
margar kindur voru í hópn-
um hafði tekið langan tíma að
ná þeim saman og var komið
myrkur.
Jeppabifreið var ekið beint inn í
hópinn á um níutíu kílómetra hraða
og drápust níu kindur samstundis og
þurfti að aflífa fimm. Sauðféð lenti
framan á og undir bílnum og
skemmdist hann töluvert en var þó
enn ökufær. Bílstjóra bifreiðarinnar
var mjög brugðið, en hann hafði ný-
verið mætt bíl og var með lágu ljósin
á þegar féð hljóp upp á veginn, hon-
um að óvörum.
Bótaskylda óljós
Um er að ræða töluverðan fjár-
skaða, en bótaskylda á eftir að koma
í ljós við framhald málsins. Alls hafa
hátt í hundrað kindur orðið umferð-
inni að bráð í sumar í Austur-Skafta-
fellssýslu en þetta mun vera stærsta
einstaka tilfellið sem sögur fara af,
að minnsta kosti þegar um fólksbif-
reið er að ræða.
Ekið á fjórtán kind-
ur í Hornafirði
KARLMAÐUR á sextugsaldri
sem tekinn var með tæp 2 kg af
hassi í Leifsstöð á fimmtudag
var dæmdur í hálfs árs óskil-
orðsbundið fangelsi í Héraðs-
dómi Reykjaness á föstudag.
Um var að ræða játningarmál
og var því hægt að afgreiða það
með jafnskjótum hætti og raun
bar vitni.
Ákærði hefur tekið sér frest
til að ákveða hvort hann muni
áfrýja dóminum til Hæstarétt-
ar. Hassið hafði hann límt á
magann er lögreglan stöðvaði
hann og kom upp um smyglið.
Dæmdur
daginn eftir
að hann var
tekinn
LÖGREGLU í Reykjavík barst
í fyrrinótt tilkynning um inn-
brotstilraun við útibú Íslands-
banka í Skútuvogi en þar gerðu
þjófarnir tilraun til að brjótast
gegnum hurð á geymslunni en
þeim tókst ekki að komast inn.
Enginn hefur verið handtekinn
vegna málsins.
Reyndu að
brjótast inn
í geymslu