Morgunblaðið - 10.01.2004, Blaðsíða 26

Morgunblaðið/Kristján
Norðlenska tók nýja úrbeiningarlínu fyrir stórgripakjöt í notkun sl. sumar.
VIÐRÆÐUR um hugsanleg kaup
bænda á hlutafé Kaupfélags Eyfirð-
inga í Norðlenska matborðinu ehf.
hafa staðið yfir frá því í haust. Starfs-
hópur sem skipaður var af búnaðar-
samböndunum í S-Þingeyjarsýslu og
Eyjafirði fór fyrir viðræðunum við
forsvarsmenn KEA í upphafi en
skömmu fyrir jól var einkahlutfélag-
ið Búsæld stofnað og hefur það félag
tekið málið yfir, bæði hvað varðar
viðræður við KEA og fjármögnun
kaupanna. Jón Benediktsson, bóndi á
Auðnum í Laxárdal í S-Þingeyjar-
sýslu, er formaður stjórnar Búsæld-
ar. Hann sagði í samtali við Morg-
unblaðið að stefnt væri að því að
bændur eignuðust sem fyrst meiri-
hluta í Norðlenska. Hann sagði að
ekki hefði enn reynt á áhuga bænda
en sagði það sitt mat mikill meirihluti
þeirra hefði áhuga á að vera með.
„Það er verið að tala um að að
þessum kaupum komi kjötframleið-
endur á starfssvæði Norðlenska, þ.e.
á Austurlandi sunnan Vopnafjarðar
og í S-Þingeyjarsýslu og Eyjafirði.
Þeir geri viðskiptasamninga og leggi
fram fé til hlutafjárkaupa. Að þessu
er unnið en þetta er mikið átak því
menn eru ekki úr hófi fjáðir. Fram-
haldið ræðst nokkuð af því hvernig
gengur með fjármögnun en ég á von
á að það mál skýrist í þessum mán-
uði.“
Jón sagði að Norðlenska væri of
mikilvægt kjölfestufyrirtæki til að
láta það flakka á milli eigenda, þar
sem enginn vissi hvað yrði um starf-
semina. Hann sagði að efnahagur
fyrirtækisins hefði ekki verið góður
en hins vegar hefði náðst merkilega
góður árangur í rekstrinum og því
mun bjartara framundan. „Ég er
bjartsýnn á að fyrirtækið eigi fram-
tíð fyrir sér, sem talsvert stór aðili á
íslenskum kjötmarkaði. Hins vegar
sér ekki fyrir endann á þeim svipt-
ingum sem á þessum markaði hafa
verið.“
Kaupfélag Eyfirðinga eignaðist
Norðlenska sl. haust þegar félagið
keypti allt hlutafé Kaldbaks. Um var
að ræða hlutafé að nafnverði 250
milljónir króna. Markmið stjórnar
KEA með kaupunum var að tryggja
áframhaldandi rekstur fyrirtækisins
og eyða ótta meðal bænda um að fé-
lagið gæti ekki gert upp við þá inn-
legg í sláturtíðinni. Jafnframt var
hugmyndin að selja bændum meiri-
hluta hlutafjárins. Norðlenska rekur
sláturhús og vinnslur á Húasvík og
Akureyri og einnig vinnslu í Reykja-
vík. Hjá fyrirtækinu starfa 170–200
manns.
Bændur eignist meirihluta
í Norðlenska sem fyrst
AKUREYRI
26 LAUGARDAGUR 10. JANÚAR 2004 MORGUNBLAÐIÐ
TVÖ umfangsmikil verk á vegum
Akureyrarbæjar eru komin á
lokastig. Annars vegar fram-
kvæmdir við Samkomuhúsið og
hins vegar við Amtsbókasafnið en
í báðum tilvikum eru fram-
kvæmdir aðeins á eftir áætlun og
þá aðallega vegna þess að verkin
urðu umfangsmeiri en upphaflega
var gert ráð fyrir. Framkvæmdir
við endurbætur og viðbyggingu
við Samkomuhúsið hófust sl. vor
og átti að vera lokið fyrir jól.
Guðríður Friðriksdóttir, fram-
kvæmdastjóri Fasteigna Akureyr-
arbæjar, sagði að vinnu við sjálft
húsið yrði lokið í kringum 20. jan-
úar nk. Þá ætti eftir að ljúka
vinnu við brekkuna og gatnafram-
kvæmdum við Samkomuhúsið.
Hún sagði að þarna væri verið
að vinna við breytingar á mjög
gömlu húsi og að verkið hefði
orðið umfangsmeira fyrir vikið.
Sama hafi verið upp á teningnum
við Amtsbókasafnið þar sem bæði
var um að ræða viðbyggingu og
lagfæringar á eldra húsnæði
safnsins.
Hún sagði erfitt að leggja fram
raunhæfar kostnaðaráætlanir við
breytingar á gömlum húsum.
Samið var við fyrirtækið Virkni
ehf. um framkvæmdir við Sam-
komuhúsið en það átti lægsta til-
boð í verkið. Um var að ræða end-
urbætur og viðbyggingu, auk
framkvæmda við brekku og
gatnagerð og lagnir í hluta Hafn-
arstrætis. Tilboðið hljóðaði upp á
samtals 115,5 milljónir króna eða
tæplega 114% af kostnaðar-
áætlun. Kostnaðaráætlun vegna
endurbóta og viðbyggingar var
upp á tæpar 75 milljónir króna en
Guðríður sagði að með þeim við-
bótarverkefnum sem ráðist hafi
verið í, væri að ljóst heildarkostn-
aðurinn við þá verkþætti yrði
rúmar 110 milljónir króna. Til-
boðsverkið vegna gatnafram-
kvæmdanna var upp tæpar 27
milljónir króna.
SS Byggir átti lægsta tilboð í
framkvæmdir við Amtsbókasafnið
en verkið var boðið út árið 2001.
Fyrirtækið bauðst til að vinna
verkið fyrir rúmar 317 milljónir
króna, sem var tæplega 105% af
kostnaðaráætlun. Þar var um að
ræða framkvæmdir við nýbygg-
ingu safnsins, breytingar á eldra
húsnæði og frágang á lóð. Að
sögn Guðríðar mun fram-
kvæmdum innanhúss ljúka í byrj-
un næsta mánaðar, eða rúmlega
mánuði síðar en áætlanir gerðu
ráð fyrir. Þá verður einhver vinna
eftir við frágang lóðarinnar.
Framkvæmdirnar nú komnar á lokastig
Það gengur töluvert á við Amtsbókasafnið, þar sem unnið er af krafti.
Morgunblaðið/Kristján
Endurbætur á Samkomuhúsinu eru á lokastigi og þar voru menn hressir.
Framkvæmdir við Samkomuhúsið og Amtsbókasafnið umfangsmeiri en gert var ráð fyrir
Framköllun | Pedromyndir hafa
tekið í notkun nýjan hugbúnað sem
gerir viðskiptavinum sem nota staf-
rænar myndavélar kleift að senda
stafrænar myndir í framköllun án
þess að nota tölvupóst og fá þær
framkallaðar á ekta Kodak-ljós-
myndapappír.
Hugbúnaðurinn var sérsmíðaður
fyrir Pedromyndir en verkefnis-
stjóri var Jón Andri Sigurðarson.
Hugbúnaðurinn er mjög einfaldur í
notkun og sá eini sinnar tegundar á
íslensku og auðveldar það notendum
alla notkun. Hugbúnaðinn má nálg-
ast á heimasíðu Pedromynda,
www.pedromyndir.is. Í tilefni af
þessu er framköllunartilboð í gangi
og er hver 10x15 mynd sem pöntuð
er seld á 50 krónur, segir í frétta-
tilkynningu.
Skipt um tryggingafélag | Sveit-
arstjórn Grýtubakkahrepps hefur
tekið tilboði Sjóvár-Almennra í
tryggingar sveitarfélagsins eftir út-
boð.
Fjögur tilboð bárust og var tilboð
Sjóvár-Almenna lægst eða 1.160.852
kr. VÍS var áður með tryggingar
sveitarfélagsins en tilboð þess félags
var upp á 1.376.876 kr. Önnur tilboð
voru frá Tryggingamiðstöðinni, kr.
1.463.484, og Verði-vátryggingar-
félagi, kr. 1.628.916
Fengu styrk | Formaður íþrótta-,
æskulýðs- og menningarráðs Dalvík-
urbyggðar hefur veitt Veðurklúbbi
Dalbæjar viðurkenningarskjal
ásamt styrk að fjárhæð kr. 150.000
til kaupa á skjávarpa fyrir veður-
klúbbinn. Arnheiður Hallgrímsdótt-
ir, starfsmaður dagvistar Dalbæjar,
veitti styrknum viðtöku á fundi ráðs-
ins á dögunum.
Áfram opið snemma | Hraustir
morgunhanar geta áfram mætt eld-
snemma í Sundlaug Dalvíkur, því á
síðasta fundi Íþrótta-, æskulýðs- og
menningarráðs var veitt heimild fyr-
ir því að afgreiðslutími sundlaugar
verði áfram frá kl. 6:15 eins og verið
hefur undanfarið. Fjöldi fólks hefur
nýtt sér þessa auknu þjónustu segir í
frétt á vef Dalvíkurbyggðar.
GÚMMÍVINNSLAN á Akureyri
hefur tekið í notkun fyrstu tölvu-
stýrðu stálskurðarvélina sem
hönnuð er og smíðuð á Íslandi.
Hönnuður og framleiðandi er
Bjarni Harðarson sem rekur Stál-
smíði Bjarna á Flúðum, en vélin er
sú fyrsta sinnar tegundar sem
hönnuð er og framleidd hér á landi.
Hönnunin byggist að nokkru á yf-
irfærslu þeirrar tækni sem notuð
hefur verið í tréiðnaði um árabil.
Helsti ávinningur af tilkomu vél-
arinnar miðað við þá aðferð sem
áður var notuð er að með henni
næst meiri nákvæmni og meiri
hraði við vinnslu, betri nýting og
ending á skurðartækjum auk þess
sem vinnan verður auðveldari fyrir
starfsmennina og möguleikar við
notkun hennar aðrir en við stál-
skurð í bobbingadeild eru miklir.
Í stáldeild fyrirtæksins hafa nær
eingöngu verið framleiddir bobb-
ingar og aðrar vörur fyrir sjávar-
útveg og er það eitt af þremur fyr-
irtækjum í heiminum sem
framleiða stálbobbinga. Gúmmí-
vinnslan flytur inn um 200 tonn af
stáli árlega en útflutningur á full-
unnum stálvörum nemur um 100
tonnum á ári. Salan hefur aukist ár
frá ári, en helsti þröskuldur fyr-
irtækisins eru há flutningsgjöld
sem gera samkeppnisstöðu lakari
en ella. Vonast er til að með til-
komu nýju vélarinnar muni staðan
batna að einhverju leyti.
Tölvustýrð
stálskurðarvél
Bjarni Harðarson t.h., framkvæmdastjóri Stálsmíði Bjarna, afhendir Þór-
arni Kristjánssyni, framkvæmdastjóra Gúmmívinnslunnar, skurðarvélina.
  
  
  
Fréttir á SMS