Morgunblaðið - 10.01.2004, Blaðsíða 39

FERÐALÖG
MORGUNBLAÐIÐ LAUGARDAGUR 10. JANÚAR 2004 39
Karlarnir í hópnum eru saman ísaumaklúbbi sem þeir kallaFlakkarana. Flestir þeirra
eru fyrrum skólafélagar úr Versló en
árið 1973 ákváðu þeir að stofna
klúbb.
Hjónin Áslaug Björg Viggósdóttir,
skrifstofustjóri Geislavarna ríkisins
og formaður Hringsins, og Guð-
mundur Hauksson, sparisjóðsstjóri
Spron, fóru með flökkurunum til Ítal-
íu. Með ferðalaginu voru þeir að
halda upp á þrjátíu ára afmæli Flakk-
aranna. Ítalíuferðin er langt frá því
að vera eina utanlandsferð klúbbsins
því fyrir fimm árum, á 25 ára afmæli
klúbbsins, var farið til Barcelona og
fyrir tíu árum síðan var farið til Par-
ísar.
Karlmennirnir, sem eru, eins og
postularnir, tólf að tölu, eru nú að
heita má komnir yfir miðjan aldur og
hafa verið vinir frá unglingsárum.
Mikil samheldni er innan hópsins og
að sögn Áslaugar er það örugglega
mjög sérstakt meðal karla hve vel
þessum hópi hefur tekist að rækta
vináttuna öll þessi ár. Starfsemi
hópsins er nokkuð skipulögð. Á
haustin liggur vetrardagskrá klúbbs-
ins fyrir og hittast piltarnir svo á
þriggja vikna fresti, gjarnan á mið-
vikudagskvöldum, heima hjá þeim til
skiptis. Fráfarandi stjórn tilnefnir þá
sem taka við stjórnarstörfum á fyrsta
fundi vetrarins og síðasti vetr-
ardagur er alltaf frátekinn hjá þess-
um hópi fyrir lokafundinn sem hald-
inn er með tilheyrandi matarveislu.
Þá bjóða þeir eiginkonunum að vera
með. Auk þess eru ýmsar skemmt-
anir og ferðir skipulagðar árlega fyr-
ir fjölskyldurnar. Þegar þeir eru
spurðir út í hannyrðir, verður fátt um
svör. Í stað þess að sauma út segjast
þeir vera meira fyrir að sauma hverj-
irað öðrum.
Ormurinn langi
Ferðalagið stóð í viku hjá þeim Ás-
laugu og Guðmundi. Hópurinn flaug
til Bologna þar sem biðu átta bíla-
leigubílar. Lagði svo „ormurinn
langi“, eins og bílafloti Flakkaranna
var kallaður í ferðinni, af stað í bíla-
lest til Pescantina, um 150 km leið.
Hvernig bjugguð þið ykkur undir
ferðina?
„Flakkararnir höfðu að sjálfsögðu
allt skipulag á sínum herðum og út-
bjuggu m.a. bók með upplýsingum
um ferðatilhögun, borgina Veróna og
um gististaðinn Villa Quaranta Park
Hotel, sem er rétt fyrir utan Veróna,
ásamt ýmsum öðrum upplýsingum
sem hópurinn hafði bæði gagn og
gaman af.“
Hvernig var aðbúnaðurinn?
„Villa Quaranta Park Hotel er eins
konar herragarður, hreint yndislegur
staður. Um er að ræða lúxushótel í
eigu Tommasi-fjölskyldunnar, sem er
heimsfrægur vínframleiðandi. Hót-
elið var upphaflega byggt sem kastali
á 17. öld, en er í dag hótel með öllum
nútíma þægindum, eins og best verð-
ur á kosið. Á hótelinu er líkamsrækt-
arstöð, sána, tyrknesk gufa, sundlaug
og mörg önnur afþreying. Mjög góð-
ur veitingastaður er á hótelinu og
ýmsir salir eru þar fyrir einka-
samkvæmi. Hótelið er vel í sveit sett í
Pescantina-héraðinu, aðeins tólf kíló-
metra frá Gardavatninu fræga.“
Hvernig höguðuð þið ferðalögum
út frá hótelinu?
„Þessir dagar voru fljótir að líða.
Við byrjuðum á því að skoða vínekrur
og vínkjallara Tommasi-fjölskyld-
unnar og þar smökkuðum við á hin-
um ýmsu víntegundum sem þar eru
framleiddar. Að auki fór hópurinn
svo í ýmsar ferðir. Veróna var að
sjálfsögðu heimsótt enda fræg fyrir
sögu, listir og menningu. Veróna er
einstök borg með fagrar byggingar
og eitt þekktasta kennileiti borg-
arinnar er án efa hringleikahúsið
Arena. Yndislegt er að rölta um borg-
ina og skoða mannlífið. Við keyrðum
með fram Gardavatninu og skoð-
uðum okkur þar um, m.a. leigðu
nokkrir félaganna sér bát og sigldu
um vatnið. Nokkrir úr hópnum fóru í
dagsferð til Feneyja á meðan aðrir
skoðuðu skíðastaði í nærliggjandi
fjöllum. Golfáhugamenn innan hóps-
ins fundu sér svo auðvitað afþreyingu
við hæfi á svæðinu.“
Hvað um veitingastaði?
„Á hótelinu sjálfu er mjög góður
veitingastaður. Þar eru litlir, fallegir
salir sem við gátum haft út af fyrir
okkur og þar borðuðum við nokkrum
sinnum, enda reyndist maturinn ein-
staklega góður. Veróna og svæðið
þar í kring er að sama skapi sér-
staklega spennandi fyrir sælkera.
Stjórn Flakkaranna, sem í voru
Knútur Signarsson, Ari Bergmann
Einarsson og Egill Ágústsson, var
búin að afla sér upplýsinga og und-
irbúa komu okkar á nokkra veit-
ingastaði og voru þeir hver öðrum
betri. Við borðuðum m.a. á Osteria
La Fontanina, litlum stað og mjög
skemmtilegum. Annar staður, sem
við borðuðum á, heitir Bottega del
vino, frábær staður með góðum
ítölskum mat og miklu úrvali vína. Að
sjálfsögðu borðuðu svo Flakkararnir,
postularnir tólf, á veitingastaðnum 12
Apostoli, sem er í 300 ára gamalli
kapellu, skammt frá Piazza Erbe
torginu. Í kjallaranum þar á bæ fund-
ust fyrir nokkrum árum rómverskar
rústir sem taldar eru eiga rætur að
rekja til rómversks hofs frá því 50 ár-
um eftir Krist.“
 EFTIRMINNILEG FERÐ|Bjuggu til bók með upplýsingum um ferðatilhögun
Flakkararnir fóru til Ítalíu
Flakkararnir: Nokkrir meðlima saumaklúbbsins ræða hér við Pierangelo
Tommasi vínframleiðanda. F.v. P. Tommasi, Ari Bergmann Einarsson, Eg-
ill Ágústsson, Knútur Signarsson og Sigurjón Sigurðsson.
Eiginkonurnar: F.v. Hildur Einarsdóttir, Sigrún Sigurðardóttir, Kristín
Waage, Ólöf Erla Óladóttir, Sigurlaug Jónsdóttir, Guðrún Gunnarsdóttir,
Hólmfríður Sigurjónsdóttir og Áslaug Viggósdóttir.
 Vefsíða hótelsins:
www.villaquaranta.com
Veitingastaðir:
Osteria La Fontanina
Portichetti Fontanella 3,
Verona
Sími: 045-917144
Bottega del vino
Via Scudo di Francia 3
Verona
Sími: 045-8004535
Hótelið: Villa Quaranta Park er lúxushótel í eigu Tommasi-fjölskyldunnar.
Hjónin Áslaug Björg
Viggósdóttir og Guð-
mundur Hauksson fóru
ásamt saumaklúbbi
Guðmundar í eftir-
minnilega ferð til Ítalíu
síðastliðið haust.
AUGLÝSINGADEILD
netfang: augl@mbl.is eða sími 569 1111
Útsala
útsala
Seltjarnarnesi, sími 561 1680
Kringlunni, sími 588 1680.
iðunn
tískuverslun
KRINGLAN SÍMI 588 7230
TÖSKUR, SLÆÐUR, HANSKAR OG ÚR*
ÚTSALA
www.leonard.is
*af völdum úrum