Morgunblaðið - 11.03.2004, Page 22

AKUREYRI
22 FIMMTUDAGUR 11. MARS 2004 MORGUNBLAÐIÐ
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
Leikskólinn Kiðagil
óskar eftir að ráða
leikskólasérkennara
Um er að ræða 100% stöðu og er hún laus
frá 1. apríl Nánari upplýsingar er að finna á
heimasíðu Akureyrarbæjar www akureyri.is
Skóladeild Akureyrar
SUÐURNES
Grindavík | Stefanía Ósk Margeirs-
dóttir sigraði í Stóru upplestrar-
keppninni sem fram fór meðal nem-
enda sjöunda bekkjar Grunnskóla
Grindavíkur.
Börnin leggja á sig langar og
strangar æfingar og taka miklum
framförum í keppninni sem einnig er
góð æfing í að koma fram. Stefanía
Ósk fékk að launum fyrir sigurinn
peningagjöf frá Sparisjóðnum. Það
fengu einnig Viktor Brynjarsson
sem varð í öðru sæti og Helena Ósk
Davíðsdóttir sem varð í því þriðja.
Tíu efstu krakkarnir fengu bókagjöf
frá Eddu-miðlun.
„Þetta er búin að vera mikil vinna
hjá þessum krökkum og árangur
þeirra eftir því,“ sagði Valdís Krist-
insdóttir, deildarstjóri 5. til 7. bekkj-
ar í Grunnskóla Grindavíkur. Hún
sagði að ekki hefðu tónlistaratriðin á
lokahátíðinni skemmt fyrir en það
voru einmitt tveir af sigurvegurun-
um, Helena og Stefanía, sem fluttu
tónlistina.
Morgunblaðið/Garðar Páll Vignisson
Sigurvegarar: Stefanía Ósk Margeirsdóttir er hér á milli Helenu Óskar
Davíðsdóttur og Viktors Brynjarssonar sem einnig unnu til verðlauna.
Sigurvegararnir
skemmtu gestum
Grindavík | Páll Axel Vilbergsson
var kjörinn Íþróttamaður Grinda-
víkur fyrir árið 2003. Kjörinu var
lýst við athöfn sem Grindavíkurbær
bauð til í Saltfisksetri Íslands.
Hver deild innan Ungmenna-
félags Grindavíkur tilnefndi tvo til
þrjá fulltrúa við kjör Íþróttamanns
Grindavíkur og voru þeir mættir
við athöfnina. Knattspyrnudeildin
tilnefndi Paul McShane, Ólaf Örn
Bjarnason og Sinisa Kekic. Körfu-
knattleiksdeildin tilnefndi Helga
Jónas Guðfinnsson og Sólveigu
Gunnlaugsdóttir, auk Páls Axels
Vilbergssonar sem síðan var kjör-
inn Íþróttamaður Grindavíkur. Frá
júdódeild voru það Einar Jón
Sveinsson og Óskar Vignisson sem
voru tilnefndir og frá Golfklúbbi
Grindavíkur voru tilnefndir Sig-
urgeir Guðjónsson og Davíð A.
Friðriksson.
Ólafur Örn Ólafsson bæjarstjóri
hafði orð á því í ávarpi sínu hvað
þetta væri glæsilegur hópur. Hvatti
hann íþróttafólk í Grindavík til
frekari dáða.
Íslandsmeisturum var veitt sér-
stök viðurkenning. Að þessu sinni
voru það stúlkurnar í 4. flokki sem
urðu Íslandsmeistarar í knatt-
spyrnu og stúlkurnar úr 7. flokki
sem urðu Íslandsmeistarar í körfu-
knattleik. Allmargar stúlkur fengu
tvenn verðlaun því þær eru í báðum
þessum liðum. Þá var einstakling-
um veitt viðurkenning fyrir sína
fyrstu landskeppni.
13,5 milljónir á ári
Við athöfnina ritaði bæjarstjóri
undir nýja samninga við íþrótta-
deildir og félög í Grindavík um
uppbyggingu barna- og unglinga-
starfs. Eru samningarnir til fjög-
urra ára og taka við af jafn löngum
samningum sem eru að falla úr
gildi. Í samningnum felst tæplega
13,5 milljóna árlegur stuðningur.
Ólafur Örn sagði að hann skilaði
sér í góði uppbyggingu íþrótta-
starfs fyrir börn og unglinga, eins
og sæist á þeim hópi íþróttafólks
sem mættur væri við athöfnina.
Morgunblaðið/Garðar Páll Vignisson
Íþróttamaður Grindavíkur: Páll Axel Vilbergsson, leikmaður UMFG, tekur
við verðlaunagripnum úr hendi Ólafs Arnar Ólafssonar bæjarstjóra.
Páll Axel íþrótta-
maður Grindavíkur
STARFSFÓLK á leikskólanum
Klöppum í Brekkugötu og foreldrar
barna þar eru afar óánægðir með
þá ákvörðun bæjaryfirvalda að
flytja starfsemi leikskólans í leik-
skólann í Tröllagili frá og með
næsta hausti. Leikskólinn í Trölla-
gili verður í nýju húsnæði Fé-
lagsstofnunar stúdenta á Akureyri,
sem er í byggingu. Alfa Björk
Kristinsdóttir, aðstoðarleikskóla-
stjóri á Klöppum, sagði að mikil
óánægja væri með hversu fyrirvar-
inn væri stuttur, auk þess sem allt-
af hafi verið gert ráð fyrir að starf-
semin yrði áfram á Brekkunni.
Leikskólinn hefur verið í bráða-
birgðahúsnæði í Brekkugötu sl. 11
ár.
Alls er rými fyrir 37 börn á
Klöppum en í Tröllagili verður rými
fyrir 90 börn. Í samþykkt meiri-
hluta skólanefndar varðandi flutn-
inginn, kemur m.a. fram að for-
eldrum, sem eiga börn í
leikskólanum Klöppum, standi til
boða pláss í þessum nýja leikskóla
eða öðrum leikskólum bæjarins.
Starfsfólki stendur einnig til boða
að flytja sig í Tröllagil en þó hefur
verið ákveðið að auglýsa eftir leik-
skólastjóra.
„Við vissum alltaf að það stæði til
að flytja starfsemina, en á Brekk-
una en ekki í Þorpið og þessi
skammi fyrirvari er alveg fárán-
legur. Foreldrar vilja leikskóla sem
næst heimilum sínum og við erum
að heyra að fæst börnin fari í
Tröllagil. Menn hafa ekki getað
komið sér saman um hvar eigi að
byggja leikskóla á Brekkunni og
því var leikskóli byggður í Nausta-
hverfi. Það verður því enginn leik-
skóli á Brekkuskólasvæðinu.“ Alfa
Björk sagði að foreldrar stæðu fyr-
ir undirskriftasöfnun þar sem þess-
um vinnubrögðum væri mótmælt og
auk þess stæði til að boða til fundar
með bæjarfulltrúum.
Tillaga um flutning leikskólans
var samþykkt í skólanefnd með
þremur atkvæðum meirihlutans
gegn tveimur atkvæðum minnihlut-
ans. Þorlákur Axel Jónsson bar
fram frávísunartillögu og Marsibil
Fjóla Snæbjarnardóttir bar fram
tillögu um að ákvörðun um flutning
leikskólans yrði frestað og óskaði
frekari gagna um málið. Báðar til-
lögurnar voru felldar. Þorlákur og
Marsbil lögðu fram sína bókunina
hvort, þar sem þau m.a. mótmæla
flutningi Klappa í Tröllagil. Einnig
gera þau athugasemdir við þau
vinnubrögð meirihlutans í málinu.
Þorlákur og Marsibil óskuðu jafn-
ramt eftir því að málinu yrði vísað
til úrskurðar bæjarstjórnar.
Starfsemi leikskólans Klappa flutt í Tröllagil
Mikil óánægja meðal
starfsfólks og foreldra
Morgunblaðið/Kristján
Nutu veðurblíðunnar: Börnin á leikskólanum Klöppum léku við hvern sinn
fingur í sandkassanum á lóð skólans í gær.
ÓLI G. Jóhannsson listmálari opnar
sýningu í Skipagötu 2, þar sem áður
var fataverslun, á morgun, föstudag-
inn 12. mars, kl. 16. Sýningin verður
einungis opin í þrjá daga. „Þetta er
stuttsýning,“ segir Óli, en hún verð-
ur einungis opin fram á sunnudag,
14. mars. Um helgina verður opið frá
kl. 14 til 19.
Á sýningunni verða nokkur verk
sem Óli er á förum með til Hollands,
en 1. apríl næstkomandi verður opn-
uð sýning á verkum hans á Radisson
SAS, Schiphol og stendur hún í þrjá
mánuði. Óli er með samning við Rad-
isson SAS og nú í lok mars lýkur
sýningu á verkum hans á Radisson
SAS Hótel Sögu í Reykjavík. „Síðan
verður þessi sýning spunnin eitthvað
upp til Skandinavíu,“ segir Óli og
bætir við að í þeirri vegferð fylgi sér
fyrirtækið Remy Martin. „Mig lang-
ar að leyfa Akureyringum að sjá
hvað ég er að gera, þetta er svolítið
öðruvísi en það sem ég hef verið að
fást við áður,“ sagði hann, en þó
nokkur ár eru liðin frá því Óli sýndi
síðast í heimabæ sínum. Hann hefur
einkum sýnt í Danmörku og raunar
víðar að undanförnu, bæði tekið þátt
í samsýningum og efnt til einkasýn-
inga. Hefur hann verið í samstarfi
við fyrirtæki eins og Velux, Kroman
Reumert og Committments og segir
mikilvægt fyrir listamenn að stórfyr-
irtæki taki þá upp á arma sína. „Það
fylgir þessu feiknaleg kynning og ég
hef til að mynda náð dýrmætum
samböndum til Bandaríkjanna í kjöl-
far þeirra,“ segir hann. „Síðan þarf
maður bara að vinna vinnuna sína,
vera þolinmóður, þessi heimur er
mjög hægur.“
  
Óli G.
sýnir
Morgunblaðið/Kristján
Óli G. Jóhannsson myndlistar-
maður við verk sín.
Framkvæmdir | Stjórn Fasteigna
Akureyrarbæjar hefur samþykkt að
ganga til samninga við Timbur-
smiðjuna ehf. um framkvæmdir í
Ráðhúsinu en fyrirtækið átti lægsta
tilboð í verkið. Alls bárust sex tilboð
í framkvæmdirnar og hljóðaði tilboð
Timbursmiðjunnar upp á rúmar 32,6
milljónir króna, eða tæplega 86% af
kostnaðaráætlun, sem hljóðaði upp á
um 38 milljónir króna. Ármann Ket-
ilsson átti næstlægsta tilboð í verkið,
rúmar 32,8 milljónir króna, eða um
86% af kostnaðaráætlun. Hæsta til-
boðið kom frá Slippstöðinni, 42,3
milljónir króna, eða um 111% af
kostnaðaráætlun.
ATVINNA mbl.is