Morgunblaðið - 20.03.2004, Síða 1

Stjörnum
prýtt kvöld
Stórsveitin Fantômas spilar á
seinni Korn-tónleikunum | Fólkið
Lesbók og Börn í dag
Lesbók | Sjáið manninn!
Tilgangur lífsins
Hver á að
lýsa okkur nú? Börn | Hættið að stríða!
Gaman að semja
sögur og ljóð
Sagan hennar Írisar
MANNSKÆÐASTA umferðarslys í
sögu Finnlands varð í fyrrinótt, er
fullhlaðinn vörubíll með tengivagn
og rútubifreið lentu í árekstri í hálku
í Mið-Finnlandi. Tuttugu og fjórir
létu lífið í slysinu, nær allt ungmenni
frá Helsinki á leið í skíðaferðalag.
Slysið varð á þjóðveginum nærri
Konginkangas í Mið-Finnlandi um
kl. tvö í fyrrinótt að ísl. tíma. Auk
þeirra 24 sem dóu slösuðust 15 ung-
menni, sum alvarlega. Þrennt er í
hættulegu ástandi í gjörgæzlu. Far-
þegarnir voru frá 14 ára til tvítugs.
„Þetta er mesta umferðarslys í
sögu okkar,“ sagði Mikko Norros,
talsmaður ríkisstjórnarinnar. Þetta
er reyndar mannskæðasta slys sem
orðið hefur í Finnlandi síðan 1979,
þegar 27 manns fórust í miklum hús-
bruna á dvalarheimili aldraðra.
Þjóðarsorg var lýst yfir í landinu í
gær; flaggað var alls staðar í hálfa
stöng, ríkisstjórnin hélt þagnar-
mínútu áður en hún hóf störf, og
kirkjuklukkum var hringt í 24 mín-
útur – eina fyrir hvern hinna látnu – í
Äänokoskikirkju, sem er í grennd við
slysstaðinn. Í dómkirkjunni í Hels-
inki var haldin sérstök bænastund af
þessu hörmulega tilefni.
Slysið bar þannig að, að vörubíll-
inn, sem var á suðurleið með full-
fermi og tengivagn, rann til í hálku í
aflíðandi beygju og lenti framan á
rútunni sem var á norðurleið. Farm-
urinn losnaði við áreksturinn og
pappírsrúllurnar stóru köstuðust á
rútuna í farþegahæð og lögðu fremri
hluta hennar saman.
Þjóðarsorg í Finnlandi
24 farast í
mannskæðasta
umferðarslysi í
sögu landsins
Helsinki. AFP.
Reuters
Hér sjást slökkviliðsmenn á vettvangi eftir slysið. Flutningabíllinn var hlaðinn risastórum pappírsrúllum sem vega
um 700 kg hver, og eins og sjá má krömdu þær rútuna í árekstrinum. Talið er, að þær hafi verið óbundnar.
„VIÐ vöknuðum upp við þessi voveiflegu tíðindi
snemma morguns og fyrstu fréttir voru þá þegar að
hópur ungs fólks sem var að fara í skíðaferð norður
undir landamærin að Rússlandi hefði orðið fyrir þessu
hörmulega slysi,“ sagði Jón Baldvin Hannibalsson,
sendiherra Íslands í Helsinki, í samtali við Morgunblaðið
í gær. „Hér er enn vetrarríki og þegar komið er norður
fyrir Helsinki er ís og hálka á vegum. Og hér eru miklir
þungaflutningar því að Finnland er jú land mikilla
skóga og pappírsframleiðslu. Þetta var stór flutn-
ingabíll með ógnarlegar pappírsrúllur. Það vill svo til að
við Bryndís vorum nýlega í heimsókn í Oulu og komum
þar í stóra pappírsmyllu og sáum þennan óskapnað;
þetta er svo risavaxið, því verður varla með orðum lýst.
Það er stórhættulegt að flytja svona á vegum.“
Jón segir þessi hörmulegu tíðindi snerta finnsku
þjóðina djúpt. „Viðbrögðin voru þau að hér var lýst yfir
þjóðarsorg. Þetta hefur náttúrlega verið aðalfréttin í
öllum fjölmiðlum og mikið um slysið fjallað. En sárs-
aukinn var kannski hvað mestur sá að það var erfitt að
ná í aðstandendur áður en fjölmiðlar birtu þessi tíðindi.
Það er mikið viðkvæmnismál eins og gefur að skilja.“
„Stórhættulegir flutningar“
NAFNI Hf. Eimskipafélags Íslands
var á aðalfundi félagsins í gær breytt
í Burðarás hf. Þá fékk dótturfélagið
Eimskip ehf. nafnið Eimskipafélag
Íslands.
Björgólfur Thor Björgólfsson var
kjörinn stjórnarformaður Burðaráss
á fyrsta fundi stjórnarinnar, sem
haldinn var í kjölfar aðalfundar Eim-
skipafélagsins í gær. Hann sagði á
blaðamannafundi sem haldinn var
eftir stjórnarfundinn að Burðarás
myndi verða alþjóðlegt fjárfesting-
arfélag. Vægi erlendra fjárfestinga
yrði allt að 75% af starfsemi Burðar-
áss.
„Ég er búsettur í London og er
ekki á leiðinni að flytjast heim,“
sagði Björgólfur Thor. „Burðarás er
á leiðinni út. Flutningafélagið Eim-
skipafélag Íslands verður eflt.“
Björgólfur Thor sagði að ekki yrði
ráðist í neinar erlendar fjárfestingar
á fyrsta degi. Til langs tíma litið
myndi félagið breytast í þá veru að
helstu fjárfestingarnar yrðu erlend-
is. „Það eru margar ástæður fyrir
því. Það er ekki búið að tilgreina
svæði, ekki ákveðinn iðnað eða þess
háttar, en það verður farið eftir
helstu venjum og reglum við að velja
fjárfestingartækifæri.“
Hann sagði að Burðarás gæti ekki
vaxið óendanlega hér á landi frekar
en flest önnur íslensk stórfyrirtæki.
Hagkerfið væri það smátt.
Magnús Gunnarsson, fráfarandi
formaður stjórnar Hf. Eimskipa-
félags Íslands, sagði á aðalfundi fé-
lagsins í gær, að eftir þær breytingar
sem stjórn félagsins, sem kjörin var í
á hluthafafundi í október á síðasta
ári, hefði unnið að, stæði félagið
mjög sterkt.
Friðrik Jóhannsson var í gær ráð-
inn forstjóri Burðaráss hf.
Morgunblaðið/Ásdís
Erlendar fjárfesting-
ar verði allt að 75%
 Eimskipafélag/18
Hf. Eimskipafélag Íslands er orðið Burðarás hf.
Björgólfur Thor Björgólfsson og
Magnús Gunnarsson á fundinum.
FYRRVERANDI spunameistari Tonys Blairs, for-
sætisráðherra Bretlands, réð því, að Alex Ferguson,
knattspyrnustjóri hjá Manchester United, var sleginn
til riddara árið 1999.
Kat Hoey, áður íþróttaráðherra, sagði, að Alastair
Campbell hefði séð um það hálfum mánuði eftir að
United vann þrennuna, Meistarakeppni Evrópu,
ensku meistarakeppnina og ensku bikarkeppnina, að
Ferguson væri sleginn til riddara. Á ferlið að taka
hálft ár og kvaðst Hoey ekki hafa verið spurð.
Riddari á mettíma
London. AFP.
„VIÐ munum aldrei beygja okkur
fyrir ofbeldi hinna fáu,“ sagði George
W. Bush, forseti Bandaríkjanna, er
hann minntist þess í gær, að ár er liðið
frá innrásinni í Írak. Skoraði hann á
bandamenn Bandaríkjanna að setja
niður ágreininginn um Íraksstríðið og
sameinast í baráttunni við hryðju-
verkamenn.
Bush viðurkenndi í ræðunni, sem
hann flutti í Hvíta húsinu, að ágrein-
ingur væri með „gömlum og góðum
vinum“ um Íraksstríðið en bætti við,
að hann „tilheyrði fortíðinni“.
„Það er ekkert hlutlaust svæði á
milli góðs og ills, milli frelsis og ánauð-
ar, milli lífs og dauða. Stríðið gegn
hryðjuverkum er ekki orðin tóm, held-
ur heilög skylda,“ sagði Bush.
Ræða Bush hafði ekki mikil áhrif á
þá, sem gagnrýnt hafa Íraksstríðið.
Wesley Clark, fyrrverandi yfirmaður
NATO og einn þeirra, sem þátt tóku í
forkosningabaráttu demókrata,
sagði, að Bush hefði aldrei átt að gera
Írakstríðið hluta af baráttunni gegn
hryðjuverkum.
Í yfirlýsingu, sem 26 kunnir menn í
Evrópu og Bandaríkjunum sendu frá
sér í gær, segir, að samskipti Banda-
ríkjanna og bandamanna þeirra í
Evrópu séu verri en nokkru sinni
fyrr. „Margir Evrópumenn treysta
ekki fyrirætlunum Bandaríkjastjórn-
ar og margir Bandaríkjamenn
hneykslast á afstöðu Evrópumanna
og skilningi þeirra á þeirri ógn, sem
við blasir,“ segir í yfirlýsingunni.
Bush Bandaríkjaforseti
í tilefni af ársafmæli
innrásarinnar í Írak
„Munum
aldrei beygja
okkur fyrir
ofbeldi“
Washington. AP, AFP.
 Stríð/44
STOFNAÐ 1913 79. TBL. 92. ÁRG. LAUGARDAGUR 20. MARS 2004 PRENTSMIÐJA ÁRVAKURS HF. mbl.is