Morgunblaðið - 28.02.2004, Side 24
Höfuðborgin | Akureyri | Suðurnes | Árborg | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Atvinnuástandið á Akureyri og reyndar á
Norðurlandi öllu er langt frá því að vera
nógu gott að mínu mati en ekki er þar með
sagt að ástandið sé neitt betra annars stað-
ar. Rúmlega 300 manns voru á atvinnuleys-
isskrá á Akureyri í síðasta mánuði og með-
alfjöldi atvinnulausra á Norðurlandi eystra í
mánuðinum 448. Í vikunni var þessi fjöldi at-
vinnulausra í gamla kjördæminu kominn yf-
ir 500 manns. En hvað skyldu menn svo vera
að gera til að sporna við þessari þróun – jú,
þeir eru enn og aftur að tala um hlutina. Hér
hafa menn keppst við að halda ráðstefnur og
fundi um ástandið, setja á fót nefndir og
álykta um stöðu mála. Hverju hafa svo öll
þessi fundahöld skilað? Engu að mínu mati.
Það leysir engan vanda þótt sveitarstjórn-
armenn og fulltrúar úr atvinnulífinu komi
reglulega saman í hádegismat til að hlusta
hver á annan. Orð eru til alls fyrst – það vita
allir en er nú ekki kominn tími til að stíga
næsta skref og fara að láta verkin tala?
Við Akureyringar höfum nú misst af ál-
þynnuverksmiðjunni sem japanskir aðilar
höfðu sýnt áhuga á að reisa hér á landi. Þar
var verið að tala um einhver 50 störf, sem
hefðu vissulega verið vel þegin inn í bæj-
arfélagið. Umræða um stóriðju í Eyjafirði er
reyndar orðin 40 ára gömul og hver skyldi
svo staðan vera í dag? Ég held að hún sé
ansi nálægt byrjunarreitnum. Það er heldur
ekki við því að búast að einhver skriður
komist á þetta mál, menn hafa ekki einu
sinni getað sameinast um ákveðinn stað í
firðinum undir stóriðju. Ekki frekar en að
Eyfirðingar hafi geta komið sér saman um
nýjan stað fyrir sorpurðun. Ef ég man rétt
ætluðu menn að vera búnir að ljúka því máli
fyrir rúmi ári, enda stóð til að hætta urðun
sorps á Glerárdal um síðustu áramót.
Byggðaáætlun og byggðaþróun eru orð
sem oft eru nefnd í umræðunni en á þeim
sviðum hefur ekki nóg verið að gert. Flutn-
ingur ríkisstofnana út á land er eitthvað sem
rætt er um á hátíðastundum en þegar á
reynir verður lítið um efndir. Bæjaryfirvöld
á Akureyri hafa verið að reyna að fá nýjar
ríkisstofnanir til bæjarins án mikils árang-
urs. Það er því alveg ljóst að Akureyringar
og reyndar Eyfirðingar allir þurfa að snúa
bökum saman – vinna sem ein heild að því að
bæta atvinnuástandið og fjölga atvinnutæki-
færum. Svæðið býður upp á mikla mögu-
leika en það gerir enginn hlutina fyrir okk-
ur. Og ég ítreka það – fækkum
fundahöldunum og förum að láta verkin
tala.
Úr
bæjarlífinu
AKUREYRI
EFTIR KRISTJÁN KRISTJÁNSSON
BLAÐAMANN
Stjórn Atvinnuþró-unarfélags Norð-urlands vestra
ákvað á fundi sínum í lok
síðasta mánaðar að veita
Háskólanum á Hólum
hvatningarverðlaun árs-
ins 2003. Félagið veitir
verðlaunin árlega til fyr-
irtækja eða stofnana sem
skarað hafa fram úr í
starfsemi sinni. Verð-
launin eru nú veitt í
fimmta sinn. Háskólinn á
Hólum þykir sérlega vel
að verðlaunum kominn
og er þeim óskað áfram-
haldandi velgengni í upp-
byggingu skólans, segir
á vef Atvinnuþróun-
arfélagsins. Verðlauna-
gripurinn er listaverk
eftir Erlend Magnússon
listamann, ásamt verð-
launaskjali.
Hvatning
HÓLMANES SU1kom í vikunni úrsíðustu veiði-
ferðinni fyrir Eskju á
Eskifirði.
Skipið hefur verið gert
út frá Eskifirði í rúma
þrjá áratugi, en hefur nú
verið selt til Húsavíkur,
þar sem það fær nafnið
Húsey ÞH og verður
gert út af Íshafi hf.
Hólmanesið, sem nú er
í slipp á Akureyri, aflaði
um 77 þúsund tonna af
bolfiski á farsælum ferli
sínum til og frá Eski-
firði.
Morgunblaðið/Helgi Garðarsson
Hólmanes frá Eskifirði
Í þingveislum mega menn
bara talast við í bundnu
máli. Forseti Alþingis sá
ástæðu til að leiðbeina
ungum þingmönnum:
Ungu þingmenn,
yður bið ég
vel virða
veislusiði;
orðs biðja
og orða leita;
í vísum mæla.
Vitið þér enn eða hvað?
Mækjar eru skírðir
í málsmiðju
fyrir spjall spjóta
á spaugvelli.
Orðaleppum
er ört slöngvað
og mælskuhjörvi
höggvið rösklega.
Skeyti tvíeggjuð
á tunguvöllum
eru hent á lofti
í hálfkæringi.
Þó er tóm
fyrir þorstláta
að dreypa skjótt
á dýrum vínum.
Úr þingveislu
pebl@mbl.is
Mývatnssveit | Árni Gíslason,
bóndi á Laxárbakka, var á leið
að lokumannvirkjum Lax-
árvirkjunar við Geirastaði svo
sem hann hefur gert óteljandi
sinnum síðustu 34 árin, eða síð-
an haustið 1969, en þá hóf hann
gæslu þessa búnaðar fyrir Lax-
árvirkjun. Hér er hann á
heimavelli. Árni metur vatns-
magnið sem rennur frá Mý-
vatni áleiðis til sjávar. Það er
sú Laxá sem nú er í umræðu
manna eins og oft áður og hitn-
ar mönnum í hamsi sem fyrr.
Áin fellur úr vatninu í þremur
kvíslum. Syðstukvísl en í hana
fellur Kráká, Miðkvísl og
Geirastaðakvísl en meginvatnið
fer þar um.
Mannvirkin við Geirastaði
voru byggð 1960 í þeim tilgangi
að stjórna mætti rennsli úr
vatninu til árinnar og voru þau
afar mikilvæg fyrir raf-
orkuframleiðslu Laxárstöðva.
Með lokubúnaðinum hér
stjórnar Árni vatnshæð Mý-
vatns og heldur henni stöðugri
en það telja vatnsbændur mik-
ilvægt. Þar má ekki skeika
nema örfáum sentímetrum til
hækkunar eða lækkunar. Um
leið sér hann um að rennsli í
farvegi árinnar sé sem jafnast
en í vetrarhörkum rekur gjarn-
an ís í kvíslarnar og stíflar þær
en það hentar hvorki orku-
vinnslu Laxárvirkjunar né
vatnsborði Mývatns. Þá opnar
Árni lokur þannig að sem best
jafnvægi haldist milli vatns-
magns árinnar og vatnshæðar
Mývatns.
Einmitt þessa dagana segir
Árni að hluti Krákár muni hafa
flutt sig úr farvegi sínum, renni
til Grænavatns og þaðan í Mý-
vatn. Það veldur smáhækkun á
vatnsborði sem Árni sér og
grípur til viðeigandi ráðstafana.
Morgunblaðið/BFH
Við Geirastaðakvísl
Í 34 ár
LÚÐVÍK Geirsson, bæjarstjóri í Hafnar-
firði, skrifaði fyrir hönd Hafnarfjarðarbæj-
ar, undir rekstrarsamninga við íþrótta- og
tómstundafélög í bænum
í vikunni. Annars vegar
er um að ræða samninga
Hafnarfjarðarbæjar við
íþróttafélögin FH,
Hauka, BH, SH og Fjörð
vegna leigu á húsnæði til
æfinga fyrir knatt-
spyrnu, frjálsar íþróttir,
tennis og sund í 50 m
sundlaug. Hins vegar eru
samningar Hafnarfjarðarbæjar við Brids-
félagið og Skákdeild Hauka, vegna húsa-
leigu og kynningarstarfs félaganna meðal
barna og unglinga.
Fjárveitingar vegna þessara samninga
eru 4.500.000 og skiptast þannig: FH kr.
1.500.000 v/knattspyrnu og kr. 400.000 v/
frjálsíþr., Haukar kr. 1.500.000 v/knatt-
spyrnu, BH hækkun á samningi um kr.
300.000 v/tennis, SH hækkun á samningi
um kr. 300.000 v/sunds 50 m sundlaug,
Fjörður hækkun á samningi um kr. 100.000
v/ferðakostnaðar, nýir samningar við
Skákdeild Hauka kr. 200.000 og Brids-
félags kr. 200.000.
Rekstrar-
samningar í
Hafnarfirði
NEMENDUR í frumkvöðlafræðum við
Framhaldsskólann í Austur-Skaftafells-
sýslu unnu nýverið að verkefni sem fólst í
að stofna fyrirtæki
með öllu því sem
fylgir þvílíkri fram-
kvæmd. Nemend-
urnir þurftu að afla
hlutafjár, hefja
framleiðslu á vöru
og selja hana og að
lokum gera rekstur-
inn upp og helst að
skila álitlegum
hagnaði. Nemendur
skiptust í tvo hópa, annar hópurinn skellti
sér í bókaútgáfu en hinn hópurinn hóf
framleiðslu á brjóstsykri. Framleiðslan var
síðan til sölu á markaðstorginu í Hornabæ
hinn 14. febrúar sl. og eftir þann dag var
ljóst að rekstur fyrirtækjanna hafði gengið
mjög vel og báðar einingarnar skiluðu góð-
um söluhagnaði, að því er kemur fram á
samfélagsvef þeirra Hornfirðinga. Þegar
rekstur brjóstsykursgerðarinnar var gerð-
ur upp hafði hver hlutur í fyrirtækinu rúm-
lega áttfaldað sig og afrakstur bókaútgáf-
unnar var víst enn betri.
Arðbær brjóstsyk-
ursframleiðsla
♦♦♦
Neskaupstaður | Félagar í Hesta-
mannafélaginu Blæ á Norðfirði
hafa undanfarin ár lagt reiðvegi
meðfram þjóðveginum í Norðfjarð-
arsveit. Í haust hafa þeir lagt um
1,2 kílómetra og alls um 3 kíló-
metra af reiðvegum undanfarin ár.
„Við stefnum á að leggja veg í
allri sveitinni til að komast af
þjóðveginum, alls rúma 5 kíló-
metra,“ segir Vilberg Einarsson,
sem er í forsvari fyrir reiðvega-
nefnd Blæs.
„Það er eftirtektarvert hvað við
höfum mætt mikilli jákvæðni og
skilningi hjá öllum og sérstaklega
bæjaryfirvöldum. Það er heilmikið
um börn og unglinga í hesta-
mennsku hér og það er nauðsyn-
legt að koma þeim af þjóðveg-
inum,“ sagði Vilberg. „Við erum
mjög ánægðir með þessa búta sem
komnir eru, þeir hafa breytt miklu
fyrir okkur. Við erum mjög þakk-
látir Vegagerðinni og Fjarðabyggð
fyrir framlag þeirra sem gerði
þetta verkefni að veruleika,“ sagði
Vilberg að lokum.
Leggja reiðvegi
Morgunblaðið/Kristín Ágústsdóttir
Allt annað: Félagar í Blæ í Norðfirði eru ánægðir með nýju reiðvegina.