Morgunblaðið - 28.02.2004, Side 71

ÍÞRÓTTIR
MORGUNBLAÐIÐ LAUGARDAGUR 28. FEBRÚAR 2004 71
Almennur hluti 1b
Þ
já
lf
ar
an
ám
sk
ei
ð
ÍS
Í
Þjálfaranámskeið ÍSÍ
www.isisport.is
Önnur námskeið í mars
Þjálfari 1a – Almennur hluti Patreksfjörður 5. mars
Skíðanámskeið fyrir fatlaða Hlíðarfjall 12. mars
Þjálfari 2a – Almennur hluti Rvk. 12. mars
Skíðanámskeið fyrir fatlaða Hlíðarfjall 19. mars
Þjálfari 1b – Almennur hluti Neskaupstaður 26. mars
Þjálfari 1a – Almennur hluti Ísafjörður (dags. ákv. síðar)
Þjálfari 1b – Almennur hluti Akureyri (dags. ákv. síðar)
Helgina 5. – 7. mars n.k. verður Þjálfari 1b – almennur hluti haldinn í Íþróttamiðstöðinni í Laugardal.
Námskeiðið er framhald af þjálfaranámskeiði 1a – almennum hluta. Námskeiðið sem er samræmt fyrir
allar íþróttagreinar er 20 kennslustundir, að meginhluta bóklegt, og er ætlað leiðbeinendum barna í
íþróttum. Haldið verður áfram að fjalla um þroskaferli barna, þ.e. vaxtarþroska og hreyfiþroska. Einnig er
fjallað um undirstöðuatriði kennslufræði, mikilvægi rétt mataræðis, fyrstu viðbrögð við íþróttameiðslum
og fleira. Nemandi sem lýkur þessu námskeiði ásamt því að ljúka sérgreinahluta þjálfarastigs 1b hlýtur
réttindi sem þjálfari hjá börnum 12 ára og yngri undir eftirliti yfirþjálfara.
Verð á námskeiðið er kr. 8.000,- Skráningar þurfa að berast á netfangið andri@isisport.is
eða í síma 514-4000 í síðasta lagi miðvikudaginn 3. mars.
Þeir sem hafa lokið Grunnstigi ÍSÍ eru
gjaldgengir á Almennan hluta 1b.
Þeir sem hafa lokið ÍÞF102, ÍÞG1x2 í
framhaldsskóla og Skyndihjálparnámskeiði
eru gjaldgengir á Almennan hluta 2a.
Þjálfaramenntun íþróttahreyfingarinnar fæst
metin til eininga í framhaldsskólum
samkvæmt aðalnámskrá framhaldsskóla.
Frekari upplýsingar má finna á
www.isisport.is
STEFÁN Arnaldsson og Gunnar
Viðarsson, milliríkjadómarar í
handknattleik, hafa fengið enn eins
skrautfjöðrina í dómarahatt sinn.
Þeir hafa fengið enn eitt vanda-
sama verkefnið – það er að dæma
fyrri leik þýsku liðanna Flensburg
og Magdeburg í undanúrslitum
Meistaradeildarinnar sem fram fer
á heimavelli Flensburg 13. mars
næstkomandi.
Þeir félagar, sem nýlega voru
valdir til að dæma á Ólympíu-
leikunum í Aþenu í sumar, dæmdu
á dögunum leik Ciudad Real og
ungverska liðsins Fotex Vesprém í
Meistaradeildinni og eins og ávallt
fórst þeim verkefnið ákaflega vel
úr hendi.
Stefán og
Gunnar dæma
í Flensburg
BARRY Ferguson, leikmaður
Blackburn og skoska lands-
liðsins, tekur upp hanskann
fyrir Berti Vogts landsliðs-
þjálfara, segir að það verði að
gefa honum meiri tíma.
„Tapið gegn Wales var auð-
vitað sárt, en við hverju er að
búast í raun? Við höfum mjög
takmarkaðan fjölda leik-
manna til að velja úr. Ég sé
engan sem getur gert betur í
þessu starfi þannig að ég tel
rétt að gefa honum meiri
tíma,“ sagði Ferguson.
Ferguson
styður Vogts
Ég held að þeir hafi verið heið-arlegir þegar þeir svöruðu
þessum spurningum og þannig upp-
lifa þeir deildina. Ef
við rýnum í tölfræð-
ina þá sjáum við ekki
marga íslenska leik-
menn sem eru þar í
efstu sætum í skoruðum stigum eða
fráköstum.
Við eigum marga þokkalega leik-
menn í dag en ábyrgðin er á herðum
bandarísku leikmannanna og þannig
er deildarkeppnin í dag í hnotskurn,“
sagði Reynir en taldi þó að nokkrir
leikmenn léku lykilhlutverk með sín-
um liðum.
„Pálmi Freyr Sigurgeirsson í
Breiðablik og Páll Axel Vilbergsson í
Grindavík eru dæmi um leikmenn
sem hafa verið að skora af og til
nokkuð mikið en það eru fleiri leik-
menn í þessum hóp. En ekki neitt
ofsalega margir.
Það er ekkert launungarmál að
þessi tilraun sem gerð var í vetur
með launaþakið hefur leitt af sér 2–3
Bandaríkjamenn í hverju liði og
þessir leikmenn eru komnir til þess
að fara að mínu mati.
Markmiðið var að auka gæði
körfuboltans, að vissu marki hefur
það tekist en fjárhagshliðin er mörg-
um liðum ofviða og áhorfendasóknin
er lítil. Þetta ástand getur ekki verið
gott til lengri tíma litið,“ sagði Reyn-
ir Kristjánsson.
Falur Harðarson, leikmaður og
þjálfari bikarmeistaraliðs Keflavík-
ur, var ekki alveg sammála því að fá-
ir góðir íslenskir leikmenn væru í
deildinni í dag. „Ég get nefnt Pál
Kristinsson og Friðrik Stefánsson úr
Njarðvík, að sjálfsögðu Gunnar Ein-
arsson og Fannar Ólafsson úr okkar
liði, Pál Axel og Helga Jónas Guð-
finnsson úr Grindavík. En vissulega
láta of fáir íslenskir leikmenn að sér
kveða í deildinni. Það er alveg rétt.“
Spurður um hvaða breytingar Fal-
ur sæi á næstu misserum sagði bak-
vörðurinn: „Ég myndi vilja sjá að lið-
in væru með að hámarki tvo erlenda
leikmenn, og þá á ekki að skipta máli
hvort þeir eru bandarískir, með tvö-
falt ríkisfang eða frá Evrópu. Hins-
vegar er erfitt að koma slíkri „reglu“
á laggirnar þar sem að réttur Evr-
ópubúa til þess að starfa hér á landi
er til staðar í íslenskum lögum.
Falur telur að þrír bandarískir
leikmenn sé ekki íslenskum liðum til
framdráttar. „Það eru lið á borð við
KFÍ, Tindastól og Þór Þorlákshöfn
sem stóla algjörlega á Bandaríkja-
mennina. Tvö af þessum liðum eru að
berjast fyrir tilverurétti sínum í
deildinni og takist þeim það er lík-
legt að skarðið verði að fylla með
þremur nýjum Bandaríkjamönnum
á næstu leiktíð. Þá byrja menn aftur
á byrjunarreit og hafa ekki þann
grunn sem þarf að vera í hópi þeirra
íslensku leikmanna sem skipa liðið.
Við í Keflavík völdum okkur leik-
menn fyrir veturinn sem áttu ekki að
vera ávallt með +30 stig í hverjum
leik. Við vildum að aðrir leikmenn
liðsins myndu taka meiri ábyrgð.
Það hefur tekist að mestu leyti, einn
til tveir leikmenn eru að skila sínu í
hverjum leik, auk þess sem Banda-
ríkjamennirnir hafa verið stöðugir.
Þetta er það sem ég vil sjá í framtíð-
inni, að íslensku liðin verði með ís-
lenska leikmenn sem láta að sér
kveða. En það gerist ekki með þessu
fyrirkomulagi og vonandi verða
gerðar jákvæðar breytingar á næsta
ársþingi,“ sagði Falur en hann telur
að fækka mætti liðunum í úrvals-
deild í allt að átta lið.
„Það verður aldrei samstaða um
fjölda útlendinga eða fjölda liða í
efstu deild. En eins og deildin hefur
verið í vetur hefur ótrúlega mikið
fjármagn farið í erlenda leikmenn og
ég held að við séum eina liðið sem er
ekki búið að bæta við sig Bandaríkja-
manni eða láta einhvern fara frá sér.
Það er langauðveldasta lausnin að
reka menn og fá aðra, en ég tel að
það sé betra að vinna með það sem
við erum með í höndunum og gera
betur á því sviði. Leikir sumra liða
hafa verið skemmtilegir, og það er
oft gaman að horfa á Bandaríkja-
mennina spila, en til lengri tíma litið
er þetta ástand ekki gott fyrir ís-
lenskan körfubolta,“ segir Falur.
Morgunblaðið/Jim Smart
KR-ingurinn Jesper W. Sörensen sækir að körfu Hauka, þar sem Whitney Robinson er til varnar.
Falur Harðarson og Reynir Kristjánsson vilja færri erlenda leikmenn
„Komnir til að fara“
Í MORGUNBLAÐINU í gær var útdráttur úr viðtali sem birtist í
bandaríska blaðinu Detroit Free Press en þar var rætt við körfu-
knattleiksmennina Mike Manciel og Whitney Robinson, sem leika
með úrvalsdeildarliði Hauka. Þar sögðu þeir félagar að fáir góðir ís-
lenskir leikmenn væru að leika í Intersportdeildinni, ábyrgðin væri
á herðum bandarísku leikmannanna og aðaláherslan væri lögð á að
stöðva bandaríska leikmenn úr röðum andstæðinganna. Að öðru
leyti voru þeir ánægðir með dvölina hér á landi. Reynir Kristjáns-
son, þjálfari Hauka, var inntur eftir viðbrögðum við ummælum læri-
sveina sinna og var Reynir sammála þeim í flestum atriðum.
Eftir
Sigurð Elvar
Þórólfsson
 ÓLYMPÍUMEISTARINN í 5.000
m hlaupi kvenna, Rúmeninn Gabr-
iela Szabo, hefur ákveðið að keppa
ekki meira á þessu ári, taka sér þess
í stað hvíld frá keppni og æfingum,
en hún segist vera að niðurlotum
komin eftir að hafa verið í fremstu
röð langhlaupara í nærri tíu ár.
Szabo er 28 ára gömul og hefur fá frí
tekið frá hlaupabrautinni undanfarin
ár. Þar með er ljóst að hún ver ekki
tign sína í 5.000 m hlaupi á Ólympíu-
leikunum í Aþenu í sumar.
 NICK Barmby gekk í gær til liðs
við enska 1. deildarliðið Nottingham
Forest þar sem hann verður í láni frá
Leeds næsta mánuðinn. Barmby er
30 ára gamall sóknar- og miðjumað-
ur sem víða hefur komið við á ferli
sínum en fyrir utan að leika með
Leeds hefur hann spilað með Liver-
pool, Everton, Middlesbrough og
Tottenham. Forest, sem Brynjar
Björn Gunnarsson leikur með, er í
fallsæti 1. deildarinnar.
 GARY Neville hefur í dag afplán-
un á fjögurra leikja banni sínu og
hann verður því ekki með Englands-
meisturum Manchester United sem
mæta Fulham á útivelli í ensku úr-
valsdeildinni í dag. Stuðningsmenn
Fulham koma líklega til að með púa
á Louis Saha sem spilar gegn sínum
gömlu félögum, svo framarlega sem
hann nær að hrista af sér meiðsli í
kálfa. Fulham vann fyrri leik liðanna
á Old Trafford, 3:1.
 NÁÐST hafa samningar milli
ensku deildarinnar og Coca Cola um
að fyrirtækið verði aðalstyrktaraðili
næstu þrjú árin, frá næstu leiktíð að
telja. Samningurinn nær til 1., 2. og
3. deildar enska boltans og þar með
mun deildin væntanlega nefnd Coca
Cola í stað Nationwide.
 HEIMSMEISTARAMÓTIÐ í holu-
keppni í golfi stendur nú yfir. Í gær-
kvöldi var leikið í 16 manna úrslitum.
Keppni stóð sem hæst þegar blaðið
fór í prentun en staðan var þannig að
Harrington átti þrjár holur eftir tíu
holur gegn Toms og Woods eina
gegn Jacobson eftir sjö holur. Sig-
urvegarar þessara leikja mætast í
átta manna úrslitum.
 LEANEY átti eina holu eftir fimm
gegn Montgomerie og Huston eina
eftir níu holur gegn Poulter en sig-
urvegararnir mætast í næstu um-
ferð.
 ALLT var í járnum og jafnt hjá
Perry og Clarke eftir átta holur en
Kelly átti þrjár holur á Campbell
eftir sex.
 MICKELSON átti tvær holur eftir
átta gegn DiMarco og Love eina eft-
ir tvær fyrstu holurnar gegn Scott.
FÓLK