Morgunblaðið - 04.04.2004, Blaðsíða 25

MORGUNBLAÐIÐ SUNNUDAGUR 4. APRÍL 2004 25
EITTHVERT mesta átvagl Íslands-
sögunnar var afhjúpað á bökkum
Litluár í Kelduhverfi fyrir
skemmstu. Áin er aðeins fluguveidd
og nánast öllum fiski sleppt, en yfir
stendur þó um þessar mundir rann-
sóknarvinna sem miðar m.a. að því
að kanna fæðuvenjur urriða og
bleikju í ánni. Þess vegna eru nokkr-
ir fiskar slegnir af og skoðað inní þá.
Að sögn Jóhannesar Sturlaugs-
sonar, fiskifræðings hjá Laxfiskum
ehf., varð honum starsýnt á óvenju
„væna“ bleikju sem þótti bera af öll-
um öðrum fiskum að frjálslegu
holdafari er hann athugaði nokkra
fiska sem hann tók í netstubb í lok
mars. Var því bleikjan digra slegin
af og skoðaði Jóhannes „innihaldið.“
„Ég get sagt ykkur það, að þessi
bleikja, sem var ekki nema um það
bil 3 pund, var að springa og þegar
rist var á kviðinn bara vall fæðan út,
langar leiðir. Gumsinu var síðan
safnað saman á bretti, flokkað og
raðað. Þessi fiskur hafði sýnilega
mikið dálæti á hornsílum, því alls
taldi ég 403 hornsíli úr belg þessa
fisks,“ sagði Jóhannes. Ekki að
undra að lítil númer af straumflug-
unni Black Ghost voru að gefa veiði-
mönnum vel í vikulokin, því flugan
sú þykir einmitt góð eftirlíking af
hornsíli.
Lífríki Litluár er einstakt, enda
hærra hitastig á vatninu þar miðað
við norðlæga legu heldur en þekkist
og fer nú fram rannsókn á lífríkinu
og samspili þess. Jóhannes Stur-
laugsson heldur utanum þá rann-
sókn. Áin er mikil veiðiá og finnast
ýmsar gerðir fisks í henni, þ.e.a.s.
hin ýmsu form. Er þá átt við að urr-
iði og bleikja eru bæði með stað-
bundna og sjógöngustofna og lax
finnst einnig þótt lítið sé af honum.
Þeim mun meira af silungi, sér-
staklega urriðanum í báðum út-
færslunum. Lífríki Litluár er svo
ríkt, að sjóbirtingur er spikfeitur að
vori eftir vetrardvöl í ánni, gagn-
stætt því sem þekkist á aðalslóðum
sjóbirtingsins á suðurströndinni, en
þar er venjan sú að hrygning-
arfiskur frá árinu áður sé mjög hor-
aður eftir vetrarvistina í ánum.
Svipuð laxveiði?
Eins og vant er, reifaði Guðni
Guðbergsson fiskifræðingur horfur
fyrir komandi vertíð á ársfundi
Veiðimálastofnunar sem haldinn var
fyrir skemmstu. Guðni gat þess að
eitt og annað sem notað var sem við-
mið hér á árum áður hefði sýnilega
breyst og því væru menn ekki
jafnspámannlega vaxnir þessa dag-
ana og fyrrum…ekki að spárnar
hefðu alltaf gengið eftir!
En, eins og Guðni komst að orði,
„byggt á mati og tilfinningu ásamt
því að litið er til þeirrar þróunar sem
verið hefur í veiði á undanförnum
árum,“ þá væri útlit fyrir svipaða
laxgengd og síðasta sumar. Notaði
Guðni orðið „laxgengd“, en ekki
„veiði“, því aðstæður og ástundum
geta haft mikil áhrif á hvað veiðist
úr göngunum hverju sinni. Lax-
veiðin var nálægt meðalveiði síðustu
ára í fyrra, en eins og veiðimenn
muna var gæðunum afar misskipt.
Mjög góð veiði á Suðvestur- og Vest-
urlandi, einnig á Vopnafirði, en yf-
irleitt slök veiði á Norðurlandi. Þá
hefur mikil veiði í Rangánum breytt
nokkuð meðaltalstölum, því þær
hafa komið inn með háar tölur síð-
asta áratuginn, en laxgengd í þær er
ekki af villtum uppruna.
SVFR með nýja heimasíðu
Stangaveiðifélag Reykjavíkur
hefur tekið í notkun nýja heimasíðu
og er slóðin www.svfr.is. Um er að
ræða mikla bót frá þeirri gömlu, en
eftir sem áður eru áherslur mikið til
þær sömu, s.s. sala veiðileyfa, tilboð,
tilkynningar og fréttaflutningur, en
þó er ljóst að SVFR hefur hug á að
efla síðuna því ráðinn hefur verið
sérstakur ritstjóri heimasíðunnar,
en áður var síðan nánast í hjáverk-
um störfum hlaðinna starfsmanna
SVFR. Ritstjóri er Ólafur E. Jó-
hannsson sem hefur áralanga
reynslu af fjölmiðlum, m.a. á Stöð 2,
Morgunblaðinu og víðar. Veiðimaður landar 7–8 punda birtingi í „Holunni“ í Tungulæk.
Morgunblaðið/Einar Falur
Spænskur veiðimaður við Stöðvarhyl í Minnivallalæk sl. fimmtudag.
Mesta
átvagl
sögunnar?
ERU
ÞEIR AÐ
FÁ’ANN?