Morgunblaðið - 04.04.2004, Page 44

MINNINGAR
44 SUNNUDAGUR 4. APRÍL 2004 MORGUNBLAÐIÐ
✝ Albert Beck Guð-mundsson fædd-
ist í Reykjavík 20.
desember 1930. Hann
lést á heimili sínu 21.
mars síðastliðinn.
Foreldrar hans voru
hjónin Ólöf Guðrún
Ólafsdóttir og Guð-
mundur Beck Björns-
son. Albert var alinn
upp hjá móðurbróður
sínum Hafliða Ólafs-
syni í Neðri-Tungu í
Örlygshöfn. Systkini
Alberts sammæðra
eru Sigrún, f. 1935,
Guðmundur, f. 1937, og Bjarni, f.
1939, Kjartansbörn.
Albert kvæntist 30. júlí 1952
Þorgerði Halldórsdóttur, f. 29.
desember 1929, dóttir hjónanna
Halldórs Kr. Júlíussonar sýslu-
manns í Strandasýslu og konu
hans Láru Valgerðar Helgadótt-
ur. Börn þeirra eru: 1) Ólöf Guð-
rún, f. 5. september 1952, ekkja
eftir Halldór Jósepsson og eiga
þau 4 dætur og 6
barnabörn. 2) Guð-
mundur Beck, f. 8.
júní 1955, kvæntur
Unni Melsted og eiga
þau þrjár dætur og
fjögur barnabörn. 3)
Hafdís, f. 10. septem-
ber 1959, gift Birni
O.P. Mork og eiga
þau tvo syni. Fyrir
átti Hafdís eina dótt-
ur með Hrafni Inga
Brynjólfssyni. 4)
Lára Valgerður, f. 7.
júlí 1964, gift Bjarna
Eiríkssyni og eiga
þau eina dóttur.
Albert var á sjó frá 14 ára aldri,
fyrst á fiskiskipum og togurum,
en seinna hjá Landhelgisgæslunni
og á millilandaskipum þar til hann
kom í land 1964 og fór til starfa
hjá Slökkviliðinu á Reykjavíkur-
flugvelli, þar sem hann var þar til
hann lét af störfum 1993.
Útför Alberts var gerð frá Dóm-
kirkjunni í Reykjavík 1. apríl.
Það hvarflaði aldrei að mér að ég
myndi fá svona slæmar fréttir stuttu
eftir að ég fór út í nám, en sú er nú
staðreyndin samt. Ég fékk miður
skemmtilegt símtal sunnudags-
kvöldið 21. mars hér í Ástralíu.
Mamma hringdi og sagði mér að Alli
afi hefði dáið stuttu áður. Ég er
kannski ekki alveg búin að ná þess-
ari staðreynd, en staðreynd er það
víst samt. Ég hef eytt síðustu dögum
í að hugsa heim til fjölskyldunnar og
þá sérstaklega ömmu Dollu og
pabba. Ég hugsa um Skúlagötuna en
get ekki ímyndað mér hversu tóm-
legt það er að koma þar inn núna og
sjá ekki afa sitja á sófanum. Þegar
ég hugsa þangað kemur minningin
um hann svo ljóslifandi upp, hann
situr á sófanum, kallar á ömmu og
biður hana að laga kaffi eða koma
með kók og eitthvað að narta í og
alltaf kemur amma með það sem
hann biður um. Afi gat virst mjög
úrillur en undir niðri var þó stutt í
grínið hjá honum. Hann var alltaf að
spyrja hvernig gengi í skólanum hjá
mér og hvernig Halldóra og Elín
hefðu það, þó hann vildi nú ekki við-
urkenna að hann hefði áhuga á því
sem við vorum að gera. Hann reyndi
að leyna því ef hann var stoltur af
manni, hann var bara þannig. Eins
og þegar ég kom í heimsókn til
þeirra eftir að hafa fengið svarið frá
háskólanum hér í Ástralíu, hann vildi
ekkert tala um það og sagði það
mestu vitleysu að fara svona langt til
að afla sér menntunar. Stuttu eftir
að við fórum talaði pabbi við Láru
frænku og þá var afi búinn að
hringja í hana og segja henni frétt-
irnar af inngöngunni. Afi var ekki
mjög góður í að tjá tilfinningar, en
þeir sem þekktu hann vissu að þetta
var allt á yfirborðinu, sem best kom
fram þegar Páll, Sævar Ingi og Jón
Albert komu í heimsókn, þá lifnaði
hann allur við og grínaðist við þá all-
an tímann. Ég efast um að ég gleymi
því nokkurn tímann þegar ég var eitt
sumar ein heima í viku, þar sem ég
hafði ekki fengið frí í vinnunni og
mamma og pabbi fóru í sumarfrí. Afi
bauð mér í mat, það voru bjúgu með
kartöflum og uppstúf í matinn. Ég
var mjög ánægð að fá almennilegan
mat en varð því miður veik á eftir,
ekki af því að maturinn væri
skemmdur, heldur af því að afi lét
mig borða yfir mig og vel það. Afi var
bara þannig að maður sagði ekki
auðveldlega nei við hann ef hann
ákvað eitthvað. Eins og þegar hann
ákvað eitt sumarið að gefa mér af-
mælisgjöfina mína í júlí því hann
vildi ekki gleyma að gefa mér afmæl-
isgjöf. Sama hvað við pabbi reyndum
að segja honum að það væri dágóður
tími í afmælið mitt þar sem ég á af-
mæli í október, þá hafði hann tekið
ákvörðun um að gefa mér afmælis-
gjöfina á þessum tíma og þannig
skyldi það vera. Enn ein minningin
um hann eru símtölin sem gátu verið
þó nokkur á dag. Yfirleitt hafði hann
ekkert að segja og hringdi af því að
honum leiddist eða eitthvað, en ef
hann hafði eitthvað að segja þá gat
símtalið orðið yfir klukkutíma langt,
og skipti þá engu máli við hvern
hann var að tala. Minningarnar eru
margar og flestar mjög skondnar en
ekki er hægt að koma þeim öllum á
blað.
Ég vona að guð sé með ömmu,
pabba, Láru og Höbbu á þessum erf-
iðu tímum hjá þeim og gefi þeim
styrk til að finna sátt við þessa sorg-
legu staðreynd. Ég vona, afi, að þér
líði vel þar sem þú ert og vakir yfir
okkur sem eftir erum.
Ég horfði í gegnum gluggann
á grafhljóðri vetraróttu
og leit eina litla stjörnu
þar lengst úti í blárri nóttu.
Hún skein með svo blíðum bjarma,
sem bros frá liðnum árum.
Hún titraði gegnum gluggann,
sem geisli í sorgartárum.
En – samt á hún lönd og sædjúp
líkt svarta hnettinum mínum.
Og ef til vill lykur hún líka
um lífið í örmum sínum.
(Magnús Ásgeirsson)
Ég mun geyma allar minningarn-
ar um þig í hjartanu.
Þín sonardóttir
Jóhanna.
ALBERT BECK
GUÐMUNDSSON
Elskuleg móðir okkar og tengdamóðir,
SIGRÚN VIGDÍS ÁSKELSDÓTTIR
frá Bassastöðum,
síðast til heimilis
á dvalarheimilinu Höfða,
Akranesi,
andaðist á Sjúkrahúsi Akraness laugardaginn
27. mars sl.
Útför hennar fer fram frá Akraneskirkju þriðjudaginn 6. apríl kl. 14.00.
Halldór Karlsson,
Svavar Karlsson, Unnur Jónsdóttir,
Guðmundur Karlsson, Guðrún Halldórsdóttir,
Kristmundur Karlsson, Inga Sigurðardóttir,
Erla Karlsdóttir,
Gylfi Karlsson, Guðfinna Magnúsdóttir,
Sigríður Karlsdóttir, Leifur Þorvaldsson
og fjölskyldur.
Innilegar þakkir fyrir sýnda virðingu, hlýhug og
samúð við andlát og útför eiginmanns, föður,
tengdaföður og afa,
GUÐJÓNS INGIMUNDARSONAR
kennara,
Bárustíg 6,
Sauðárkróki.
Ingibjörg Kristjánsdóttir,
Sigurbjörg Guðjónsdóttir, Jón Sigurðsson,
Birgir Guðjónsson, Soffía S. Daníelsdóttir,
Svanborg Guðjónsdóttir, Sigurjón Gestsson,
Ingimundur Kr. Guðjónsson, Agnes Hulda Agnarsdóttir,
Ingibjörg Ólöf Guðjónsdóttir, Björn Sigurðsson,
Sigurður Guðjónsson, Steinunn Sigurþórsdóttir,
Hrönn Guðjónsdóttir, Sigurður Örn Ólafsson
og afabörn.
Eiginmaður minn og faðir okkar,
ERLENDUR PÁLSSON,
lést á heimili sínu, Móaflöt 20, Garðabæ,
sunnudaginn 28. mars.
Útförin hefur farið fram í kyrrþey.
Fyrir hönd annarra vandamanna,
Hamelý Bjarnason,
Edda Erlendsdóttir,
Sverrir Páll Erlendsson.
Elskaður sonur okkar, bróðir og barnabarn,
ÁSGEIR JÓNSTEINSSON,
Haga,
Selfossi,
lést af slysförum mánudaginn 15. mars.
Útförin fór fram frá Selfosskirkju þriðjudaginn
23. mars.
Innilegar þakkir færum við öllum þeim fjöl-
mörgu, sem auðsýnt hafa okkur samúð og vinarhug og veitt okkur
ómetanlegan styrk í sorginni.
Guð blessi ykkur öll.
Jónsteinn Jensson, Snædís Stefánsdóttir,
Þórður Jónsteinsson,
Hrefna Jónsteinsdóttir,
Stefán Jóhannsson,
Jens Varnek Nikulásson, Maríanna Sigurðardóttir.
Elskuleg eiginkona mín, móðir, tengdamóðir
og amma,
VALGERÐUR HANNESDÓTTIR,
Leifsgötu 19,
Reykjavík,
sem lést fimmtudaginn 1. apríl, verður jarð-
sungin frá Dómkirkjunni þriðjudaginn 13. apríl
kl. 13.30.
Ólafur Ólafsson,
Hannes V. Ólafsson, Guðrún Sæmundsdóttir,
Björg Ólafsdóttir,
Valgerður B. Ólafsdóttir
og barnabörn.
Þökkum af alhug öllum sem sýndu okkur
samúð og vinarhug við andlát og útför hjart-
kærs eiginmanns míns, föður, tengdaföður
og afa,
EYJÓLFS S. EINARSSONAR,
Hæðargarði 35.
Guð blessi ykkur öll.
Gerður Sigfúsdóttir,
María Auður Eyjólfsdóttir, Stefán Kjærnested,
Gerður Björk Kjærnested,
Eyjólfur Örn Kjærnested,
Gunnhildur Ösp Kjærnested.
Hjartkær sonur minn og bróðir okkar og
mágur,
BJÖRN HALLGRÍMUR GÍSLASON,
sem andaðist miðvikudaginn 24. mars, verður
jarðsunginn frá Langholtskirkju miðvikudaginn
7. apríl kl. 13.30.
Blóm og kransar vinsamlegast afþakkaðir.
Þeir, sem vilja minnast hins látna, láti líknar-
félög njóta þess.
Sigrún Einarsdóttir,
Jóhann G. Gíslason, Guðlaug Ingibergsdóttir,
Sigurhanna Erna Gísladóttir,
Einar Jóhann Gíslason, Dyljá Erna Eyjólfdóttir,
Halldór Gíslason, Anne May Sæmundsdóttir,
Gísli Gunnar Sveinbjörnsson, Guðrún Bergmann.
Innilegar þakkir fyrir auðsýnda samúð og hlý-
hug við andlát okkar ástkæra
SIGURÐAR ÓSKARS HELGASONAR.
Sérstakar þakkir færum við Eiríki Jónssyni
lækni, starfsfólki Landspítalans við Hringbraut
og hjúkrunarþjónustu Karítasar.
Útförin fór fram í kyrrþey miðvikudaginn
31. mars, að ósk hins látna.
Kristín Guðmundsdóttir,
Guðrún Sigurðardóttir,
Helgi Sigurðsson,
Hafsteinn Sigurðsson,
Margrét Sigurðardóttir,
tengdabörn, barnabörn og langafabarn.
Minningargreinum þarf að
fylgja formáli með upplýsing-
um um hvar og hvenær sá sem
fjallað er um er fæddur, hvar
og hvenær dáinn, um foreldra
hans, systkini, maka og börn og
loks hvaðan útförin verður gerð
og klukkan hvað. Ætlast er til
að þetta komi aðeins fram í for-
málanum, sem er feitletraður,
en ekki í greinunum sjálfum.
Formáli minn-
ingargreina