Morgunblaðið - 12.06.2004, Page 18

Glókollurinn
heldur áfram
að breiðast út
Morgunblaðið/Ómar
Stykkishólmur | Glókollur (Regulus regul-
us) er minnsti fugl Evrópu. Hann heldur
aðallega til í greniskógum, blandskógum
og stórum trjágörðum með grenitrjám, þar
sem hann étur grenilýs, önnur lítil skordýr
og áttfætlumaura af barrinu. Glókollur er
einn af nýlegum landnemum á Íslandi.
Lengi vel var hann einungis flækingsfugl
en haustið 1995 hröktust óvenjulega marg-
ir einstaklingar til landsins og talið er að
tegundin hafi orpið árlega á Íslandi síðan.
Náttúrustofa Vesturlands í Stykkis-
hólmi rannsakaði í vor útbreiðslu glókolls á
Vesturlandi eins og vorið á undan. Í apríl
og maí heimsótti starfsmaður Náttúrustof-
unnar alla helstu greniskóga og grenireiti í
landshlutanum og fundust glókollar nú á
meira en helmingi svæðanna eða 25 af 45.
Samtals eru glókollar nú komnir á 15 af 21
svæði í Borgarfjarðarsýslu, 7 af 13 í Mýra-
sýslu, tvö af 8 í Snæfellsnes- og Hnappa-
dalssýslu og eitt svæði af þremur í Dala-
sýslu. Glókollur fannst nú í fyrsta skipti að
vorlagi á 8 þessara svæða og hefur út-
breiðslan aukist nokkuð á síðastliðnu ári.
Mjög líklegt er að útbreiðsla glókolla á
Íslandi haldi áfram á næstu árum og
hyggst Náttúrustofa Vesturlands fylgjast
grannt með henni. Starfsmenn Náttúru-
stofunnar þiggja með þökkum allar frekari
upplýsingar um glókolla á Vesturlandi.
Smáralind • sími 553 6622 • www.hjortur.is
Skálar • Föt • Diskar • Gjafir
Höfuðborgin | Akureyri | Suðurnes | Árborg | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 669-1310. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 669-1115.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Úr
bæjarlífinu
SKAGAFJÖRÐUR
EFTIR BJÖRN BJÖRNSSON FRÉTTARITARA
Undirbúningur Landsmóts UMFÍ sem
verður á Sauðárkróki í sumar gengur vel,
að sögn Ómars Braga Stefánssonar fram-
kvæmdastjóra, og eini þátturinn sem óvissu
veldur, er að ekki hefur, frá þar til bærum
stofnunum, fengist afdráttarlaust vilyrði
fyrir veðurblíðu mótsdagana. Gert er ráð
fyrir um 2 þúsund keppendum og um 12 til
15 þúsund gestum. Sagði Ómar að allir
skólar á staðum yrðu nýttir vegna mótsins
og gert hefði verið samkomulag við þjón-
ustuaðila um lengdan opnunartíma versl-
ana og rekstur á veitingatjaldi sem rúmar
um 450 manns í sæti.
  
Árleg fjölskylduhátíð verður haldin á
Hofsósi um Jónsmessuna, og ætla má að
burtfluttir Hofsósingar fjölmenni og taki
þátt í gleðinni. Á föstudagskvöldi þann 25.
júní verður gengið í Þórðarhöfða undir leið-
sögn. Á Neistavelli verður stórleikur, en
þar etja kappi við heimamenn, gamlir bar-
áttujaxlar frá árum áður úr KS en eftir
þetta geta allir hist í Höfðaborg og fengið
sér kjötsúpu, enda þá þörf á góðri máltíð. Á
laugardeginum verður Kvennareið og fara
þar fyrir félagskonur í hestamannafél.
Svaða, og hægt verður að fá hesta leigða.
Óvissuferð verður með krakka, og á Neista-
velli verður knattspyrna fyrir „fullorðna“
karlmenn. Samgönguminjasafn verður
formlega opnað að Stóragerði. Grillað verð-
ur við Höfðaborg með skemmtiatriðum en
um kvöldið verður kvöldvaka með ótal
skemmtiatriðum og dansleikur.
  
Fornleifarannsóknir eru hafnar á Hóla-
stað, þriðja sumarið í röð. Þær annast
Ragnheiður Traustadóttir fornleifafræð-
ingur ásamt hópi vísindafólks en rannsókn-
irnar eru styrktar af Kristnihátíðarsjóði.
Ragnheiður sagði starfið hafa hafist í byrj-
un júní með námskeiði fyrir 15 íslenska
nema í fornleifafræði, og var námskeiðið í
samvinnu Hólaskóla og Háskóla Íslands.
Að námskeiði loknu fóru nemendur og
kennarar á vettvang og hófu gröft. Alls er
við störf á Hólum um 25 manna hópur inn-
lendra og erlendra vísindamanna. Sagði
Ragnheiður að verið yrði á Hólum til 13.
ágúst, en síðla í júlí mundi hafist handa í
Kolkuósi. Síðustu forvöð eru að rannsaka
það svæði, ma. vegna ágangs sjávar.
Kaffihátíð er haldin íReykjanesbæ umhelgina. Menning-
ar-, íþrótta- og tóm-
stundasvið Reykjanes-
bæjar stendur að
kaffihátíðinni og hefur
verið unnið að undirbún-
ingi í samstarfi við mið-
bæjarsamtökin Betri bæ,
Kaffitár og fleiri aðila.
Markmið hátíðarinnar er
að vekja athygli á kaffi-
menningunni.
Ýmis tilboð á kaffi og
kaffivörum verða á veit-
ingastöðum og í versl-
unum bæjarins og boðið
upp á kaffidrykki og rétti.
Flestar búðir eru opnar til
kl. 16. Opið hús er allan
daginn hjá Kaffitári í
Njarðvík.
Á sýningu Byggðasafns
Reykjanesbæjar í Duus-
húsum er sérstakt kaffi-
horn með ýmsum munum
sem tengjast kaffidrykkju.
Á morgun verður kaffi-
húsamessa í Kirkjulundi í
Keflavík kl. 15.
Kaffihátíð
Búðardalur | Lyfja hefur
tekið við rekstri lyfsöl-
unnar í Búðardal. Af-
greiðslan hefur jafnframt
verið stækkuð og auð-
veldar það aðgengi að
lausasölu lyfja og öðrum
smávarningi. Starfsmenn
heilsugæslunnar tóku vel
á móti gestum og gang-
andi daginn sem opnað
var og buðu upp á veit-
ingar í tilefni dagsins. Í
lyfsölunni voru meðal
annarra lyfjafræðingar
frá Lyfju, Díana Ósk
Heiðarsdóttir af-
greiðslumaður og Sig-
urður Gunnarsson heilsu-
gæslulæknir.
Morgunblaðið/Helga H. Ágústsdóttir
Lyfja opnuð í Búðardal
Svar barst frá RúnariKristjánssyni áSkagaströnd sama
dag og hann fékk kveðju
frá undirrituðum. Það var
stílað á „Signor Pétur
Blöndal“ og er svohljóð-
andi:
Hagyrðingar hugarveru
hefja létt á daglegt flug.
Vísnasmiðir Íslands eru
alls staðar í sóknarhug!
Gott er slíka grósku að líta,
gullið spinna margir enn.
Alltaf megi eyjan hvíta
eiga góða kvæðamenn!
Ef í norður leið þín liggur,
líttu við á Skagaströnd.
Ekki verð ég við þig styggur,
vermi glaður þína hönd!
Kveðskap má þá reyna að
ræða,
ríma ljóð í fullri sátt.
Þroskamynstur þeirra fræða
þjóðlegt er og gildishátt!
Ýmsu í spjalli er unnt að
flíka,
alltaf sértu velkominn.
Og kannski á borðið komi
líka
kaffisopi – Pétur minn!
Heitt á könnunni
pebl@mbl.is
Sauðárkrókur | Þúsundþjala-
smiðurinn Björn Sverrisson á
Sauðárkróki sendi nú í vikunni
frá sér enn einn eðalvagninn,
Lincoln árgerð 1930, sem hann
hefur verið að gera upp fyrir
Þröst Harðarson í Reykjavík,
eiganda bílsins.
Björn fékk Lincolninn í
september síðastliðinn, og
endurnýjaði nánast allt tré-
verk í yfirbyggingu ásamt því
að vinna bílinn allan undir
sprautun og að lokum að
sprauta vagninn, sem er eins
og sjá má á myndinni hinn
mesti glæsigripur og viðgerð-
armaðurinn stendur hjá,
ánægður með unnið verk.
Framundan sagði Björn vera,
ef ekkert kæmi upp á, að gera
nú upp Chevrolet-hertrukk ár-
gerð 1942, en sá bíl var sá
fyrsti sem hann eignaðist og
fann Björn flakið af honum
austur á landi fyrir fáum ár-
um.
Morgunblaðið/Björn Björnsson
Lincolninn sendur suður
Fornbílar
BÆJARSTJÓRN Bolungarvíkur hefur
samþykkt með atkvæðum fulltrúa meiri-
hlutans að ráða Kristínu Ósk Jónasdóttur,
náms- og starfsráðgjafa á Ísafirði, sem
skólastjóra Grunnskóla Bolungarvíkur,
eins og fræðslumálaráð bæjarins hafði lagt
til. Minnihlutinn greiddi atkvæði á móti,
fannst vanta rökstuðning fyrir að því af
hverjur reyndir skólastjórnendur urðu
ekki fyrir valinu. Átta sóttu um stöðuna.
Nýr skólastjóri
í Bolungarvík
♦♦♦
Upplýsingar í síma
552 2028 og 552 2607
www.graennkostur.is
Sendum grænmetisrétti
til fyrirtækja í hádeginu
• Magnafsláttur
Fréttir á SMS