Morgunblaðið - 12.06.2004, Side 19
HÖFUÐBORGARSVÆÐIÐ
MORGUNBLAÐIÐ LAUGARDAGUR 12. JÚNÍ 2004 19
Miðborg | Fjölmargir hópar ung-
menna hresstu upp á miðborgina í
gær með uppákomum af ýmsu tagi.
Þar voru á ferðinni krakkar frá
Hinu húsinu, sem starfa við skap-
andi verkefni í sumar.
Hóparnir efndu svo til svokallaðs
„Föstudagsflipps“ í gær, en slíkir
dagar verða haldnir nokkrum sinn-
um í sumar. Magadansdísirnar
dönsuðu á Lækjartorgi við mikinn
fögnuð viðstaddra, götuleikhús
mætti á svæðið og leikin var tónlist.
Einn hópurinn framdi gjörning fyr-
ir framan Héraðsdóm Reykjavíkur
þar sem deilt var á yfirvaldið við
gítarspil og upptöku af þingræðu
Steingríms J. Sigfússonar þar sem
hann kallaði Davíð Oddsson
„gungu“ og „bleyðu“.
Morgunblaðið/Eggert
Dansað á Lækjartorgi: Arabískir tónar og magadans vöktu mikla athygli.
Flippuðu í miðborginni
Miðborg | Mikið verður um að vera
á fjölskylduhátíðinni Mögnuð mið-
borg, sem fram fer í miðborg
Reykjavíkur í dag. Flestir ættu að
geta fundið eitthvað við sitt hæfi, og
meðal þess sem boðið verður upp á
verður magadans í Listasafni
Reykjavíkur, útimarkaður með líf-
rænar vörur, og lifandi tónlist og
dansar.
Krökkum er boðið í ævintýraferð
um Þjóðleikhúsið í fylgd Mikka refs
og Lilla klifurmúsar, en fullorðnir
fá sína ævintýraferð þegar Birna
Þórðardóttir fer í sælkera- og fag-
urkeragöngu um Skólavörðustíginn.
Teflt verður með útitaflinu í Lækj-
argötu síðdegis, og munu félagar úr
Skákfélaginu Hróknum vígja nýja
taflmenn Reykjavíkurborgar.
Heldur áfram í sumar
Mögnuð miðborg heldur svo
áfram laugardaginn 10. júlí með
Listrænum laugardegi, þann 24. júlí
með Alþjóðlegum laugardegi, og 28.
ágúst lýkur dagskránni í sumar
með haustfagnaði. Það er Þróun-
arfélag miðborgarinnar í samvinnu
við fulltrúa verslunar og þjónustu í
miðborginni sem stendur að hátíð-
inni, í samvinnu við Landsbankann,
Morgunblaðið og Höfuðborgar-
stofu.
Hátíð í höfuð-
borginni í dag
Kópavogur | Margt var um manninn
á sumarhátíð leikskólans Marbakka
sem fram fór í sól og blíðu á
fimmtudag. Hátíðin hófst með
skrúðgöngu um hverfið sem endaði
svo í leikskólanum eftir góðan
hring. Þar kom Benedikt Búálfur í
heimsókn með Dídí, auk þess sem
krakkarnir skemmtu sér að sjálf-
sögðu vel í leiktækjum.
Morgunblaðið/Sverrir
Skrúðganga á sumarhátíð
Reykjavík | Í tilefni þess að lýðveld-
ið Ísland á 60 ára afmæli í ár hefur
Þjóðhátíðarnefnd Reykjavíkur gert
sérstakt átak til skreytingar mið-
borgarinnar.
Undanfarið hafa skátar og með-
limir Þjóðhátíðarnefndarinnar heim-
sótt leikskóla í borginni og gefið
börnum íslenska fánann. Hafa börn-
in verið afar áhugasöm um að eign-
ast slíka gripi, eins og sjá má á svip
unga mannsinns á Grænuborg sem
gat varla beðið eftir að fá fána hjá
Önnu Kristinsdóttur, formanni
Þjóðhátíðarnefndar.
Nefndin hvetur alla borgara til að
skarta þjóðbúningum og flagga við
heimili sín og fyrirtæki á 17. júní, og
vill nefndin þannig stuðla að sam-
stilltu átaki borgarana við að auka
hátíðarblæ hátíðarhaldanna.
Þjóðhátíðin
undirbúin í
borginni