Morgunblaðið - 29.06.2004, Blaðsíða 4

FRÉTTIR
4 ÞRIÐJUDAGUR 29. JÚNÍ 2004 MORGUNBLAÐIÐ
Súrálsskipið
komið á flot
SÚRÁLSFLUTNINGASKIPIÐ Kiran
Pacific, sem strandaði á skeri 3,3 sjómílur
norðvestur af Straumsvíkurhöfn á laug-
ardagskvöld, náðist á flot í gær. Í frétta-
tilkynningu Landhelgisgæslunnar er haft
eftir Halldóri Nellett, skipherra á varð-
skipinu Ægi, að Kiran Pacific hafi losnað
af skerinu um kl. 14:20 en þá var háflóð og
aðstæður því góðar.
Lofti var dælt inn í tanka skipsins og
dró dráttarbáturinn Hamar frá Hafn-
arfirði það af skerinu. Skipið liggur við
akkeri út af Straumsvík og er verið að
skoða hvort djúprista skipsins sé of mikil
til að sigla því inn í Straumsvíkurhöfn.
Þá segir ennfremur í tilkynningunni að
ekki hafi orðið vart við olíuleka eða meng-
un frá skipinu.
Skipið er tyrkneskt og komu hollenskir
björgunarmenn hingað til lands til að
stýra aðgerðum.
Á batavegi eftir slys
UNGI maðurinn sem slasaðist alvarlega
á höfði þegar hann féll út úr bifreið á
ferð á Akureyri aðfaranótt 18. júní er á
batavegi á Landspítalanum. Hefur hann
verið tekinn úr öndunarvél og liggur á
gjörgæsludeild Landspítalans í Fossvogi.
ESPERANZA, stærsta skipið í
flota umhverfisverndarsamtak-
anna Greenpeace, kom til hafnar
í Reykjavík í gærmorgun. Að
sögn Frode Pleym, talsmanns
grænfriðunga á Íslandi, hefur
ferðalag þeirra gengið vel hingað
til, en þeir hafa nú þegar heim-
sótt Ísafjörð og Húsavík. Frode
segir að þeim hafi verið vel tekið
á báðum stöðum og það hafi kom-
ið honum nokkuð á óvart hversu
mikinn áhuga heimamenn sýndu
málstað þeirra. „Við beitum öðr-
um baráttuaðferðum nú en áður
og reynum að ræða við fólk í
auknum mæli,“ segir Frode og
tekur það fram að barátta þeirra
beinist ekki eingöngu gegn hval-
veiðum heldur beini þeir einnig
spjótum sínum gegn mengun
sjávar og loftslagsbreytingum.
Skipið verður opið almenningi
á morgun, föstudag og laugardag
frá klukkan 13 til 18. Esperanza
mun vera í Reykjavík til 4. júlí.
Ætla Grænfriðungar að taka þar
þátt í ráðstefnu OSPAR-
samningsins, en sá samningur
fjallar um verndun Norðaustur-
Atlantshafsins.
Morgunblaðið/Ásdís
Esperanza leggst að bryggju í Reykjavíkurhöfn.
Stærsta
skip græn-
friðunga í
Reykjavík-
urhöfn
DAVÍÐ Oddsson forsætisráðherra
segir það mikil tíðindi að leiðtoga-
fundur Atlantshafsbandalagsins,
NATO, skyldi taka vel í beiðni
hins nýja forsætisráðherra Íraks
um aðstoð. Halldór Ásgrímsson
utanríkisráðherra tekur í sama
streng, en þeir Davíð og Halldór
sitja leiðtogafundinn, sem fram
fer í Istanbúl í Tyrklandi, fyrir Ís-
lands hönd.
„Það má segja að það sé sögu-
legt að Atlantshafsbandalagið hafi
ákveðið að koma að uppbyggingu í
Írak,“ segir Halldór, „því um það
mál hefur ríkt mikill ágreiningur.
En mér finnst að með þessum
fundi hafi skapast annað andrúms-
loft þar sem menn eru fyrst og
fremst að tala um framtíðina og
uppbygginguna. Maður heyrir
nánast ekkert talað um það sem á
undan er gengið.“
Davíð og Halldór segja fundinn
almennt hafa verið mjög góðan en
honum lýkur seinnipartinn í dag.
„Þetta er mjög góður fundur,“
segir Davíð, „vegna þess að það er
búin að vera óeining innan Atl-
antshafsbandalagsins sérstaklega
út af Írak. Núna er miklu meiri
samhugur og samstaða heldur en
verið hefur áður og það er mjög
jákvætt. Það er augljóst að banda-
lagið ætlar sér að taka þátt í því
að aðstoða Íraksstjórn við að
þjálfa og skipuleggja lögreglu og
herlið sitt, til innri varna, sem ekki
veitir af, þannig að það var mikil
eining um það, og það er algjör
breyting frá því sem verið hefur.“
Rætt um málefni Serbíu
Halldór kvaðst í gær hafa setið
fund utanríkisráðherra NATO,
þar sem aðallega var fjallað um
Balkanskaga og kosningarnar í
Serbíu. „Menn telja mikilvægt að
hjálpa Serbunum meira við þessar
aðstæður. Hins vegar verða þeir
að vinna með alþjóðastríðsglæpa-
dómstólnum í Haag að því að
framselja þá stríðsglæpamenn
sem ennþá ganga lausir,“ segir
hann.
Halldór segir að fleiri fundir
verði haldnir í dag, m.a. með leið-
togum og utanríkisráðherrum
allra samstarfsríkja NATO, þ.e.
þeirra sem ekki eru aðilar. Gerir
hann ráð fyrir því að málefni Afg-
anistan verði þar ofarlega á baugi.
Leiðtogafundi NATO lýkur síðan
seinnipartinn í dag.
Aðstoð NATO við Íraka
eru söguleg tíðindi
Davíð
Oddsson
Halldór
Ásgrímsson
Forsætisráðherra og utanríkisráðherra á leiðtogafundi NATO
MIKIL sala er í viðurkenndum byssu-
skápum um þessar mundir og seljast
sendingar upp, jafnvel áður en þær
koma til landsins, samkvæmt upplýs-
ingum Ólafs Vigfússonar hjá veiðiversl-
uninni Veiðihorninu.
Á meðfylgjandi mynd sjást starfsmenn
verslunarinnar tæma gám af byssuskáp-
um sem kom til landsins í vikunni en öll
sendingin hafði selst áður en hún kom til
landsins.
Morgunblaðið/Golli
Mikil sala í
byssuskápum
NÆRRI 93% þjóðarinnar telja
líklegt að þau muni taka þátt í
þjóðaratkvæðagreiðslu um fjöl-
miðlalögin ef marka má nýja við-
horfskönnun Gallups. Um 4,5%
þjóðarinnar telja ólíklegt að þau
muni taka þátt í þjóðaratkvæða-
greiðslunni og um 3% telja það
hvorki líklegt né ólíklegt.
Samkvæmt könnuninni ætla um
62% landsmanna að greiða at-
kvæði gegn fjölmiðlalögunum og
tæplega 31% ætlar að greiða at-
kvæði með þeim. Rúmlega 7%
ætla ekki að kjósa eða skila auðu í
atkvæðagreiðslunni.
Munur er á afstöðu kynjanna til
fjölmiðlalaganna, skv. könnuninni.
Um 66% kvenna og 59% karla ætla
að greiða atkvæði gegn lögunum
en 27% kvenna og 34% karla ætla
að greiða atkvæði með þeim.
Könnun Gallups var gerð dag-
ana 9. til 22. júní sl. Úrtakið var
1.218 manns á aldrinum 18 til 75
ára. Svarhlutfallið var um 63%.
Meiri en helmingur
framsóknarmanna á móti
Þegar litið er á afstöðu fólks út
frá stuðningi við stjórnmálaflokka
kemur í ljós að 66% þeirra sem
styðja Sjálfstæðisflokkinn og 36%
þeirra sem styðja Framsóknar-
flokkinn ætla að greiða atkvæði
með fjölmiðlalögunum. Á hinn
bóginn segjast 24% stuðnings-
manna Sjálfstæðisflokksins og
53% stuðningsmanna Framsókn-
arflokksins ætla að greiða atkvæði
gegn lögunum.
Mikill meirihluti stuðnings-
manna stjórnarandstöðuflokk-
anna ætlar skv. könnuninni að
greiða atkvæði gegn lögunum.
Rúmlega 52% andvíg
lágmarksþátttöku
Í könnuninni var einnig spurt
hvort fólk væri fylgjandi því eða
andvígt að sett yrðu skilyrði um
lágmarksþátttöku í þjóðarat-
kvæðagreiðslunni um fjölmiðla-
lögin. Um 41% þjóðarinnar er því
fylgjandi skv. könnuninni, rúm-
lega 52% eru því andvíg og tæp-
lega 7% segjast hvorki fylgjandi
né andvíg.
Sé litið á afstöðu fólks til lág-
marksþátttöku út frá stuðningi við
stjórnmálaflokka kemur í ljós að
um 67% stuðningsmanna Sjálf-
stæðisflokksins eru fylgjandi lág-
marksþátttöku og 26% stuðnings-
manna flokksins eru henni andvíg.
Alls 32% stuðningsmanna Fram-
sóknarflokksins eru fylgjandi lág-
marksþátttöku og um 62% eru
henni andvíg.
Um 28 til 29% stuðningsmanna
Samfylkingar og Vinstri-grænna
eru fylgjandi lágmarksþátttöku og
68 til 70% þeirra eru andvíg henni.
Ekki kemur fram í Þjóðarpúlsi
Gallups hver afstaða stuðnings-
manna Frjálslynda flokksins er til
þessa málefnis.
Að lokum voru þeir sem kváðust
fylgjandi lágmarksþátttöku
spurðir hver hún ætti að vera. Um
42% töldu að hún ætti að vera
minni en 50%. Um 33% töldu að
hún ætti að vera á bilinu 50 til 74%
og um 24% að hún ætti að vera
75% eða meiri.
Könnun Gallups um þjóðaratkvæðagreiðslu
Um 93% taka þátt
62% ætla að
greiða atkvæði
gegn fjölmiðla-
lögunum
UM 61% þjóðarinnar styður ákvörðun
forseta Íslands um að staðfesta ekki fjöl-
miðlalögin, ef marka má nýja könnun
Gallups. Tæplega 32% styðja ekki
ákvörðun forsetans, skv. könnuninni, og
rúmlega 7% segjast hvorki styðja hana
né styðja ekki.
Samkvæmt könnuninni styður meiri-
hluti stuðningsmanna allra flokka nema
Sjálfstæðisflokksins ákvörðun forsetans.
Um 92% stuðningsmanna Samfylking-
arinnar styðja ákvörðunina, um 83%
stuðningsmanna Vinstri-grænna, um 51%
stuðningsmanna Framsóknarflokksins
og um 15% stuðningsmanna Sjálfstæð-
isflokksins. Ekki kemur fram í könn-
uninni hver afstaða stuðningsmanna
Frjálslynda flokksins er í þessu máli.
Í Þjóðarpúlsi Gallups segir að í könn-
uninni komi fram fylgni milli menntunar
og stuðnings við ákvörðun forsetans.
Kemur þar fram að þeir sem hafa lokið
lengra námi styðja síður ákvörðun for-
setans.
Könnunin var gerð dagana 2. til 22.
júní sl. Úrtakið var 1.942 manns á aldr-
inum 16 til 75 ára. Var það valið með til-
viljun úr þjóðskrá. Svarhlutfallið var um
62%.
Spurningin sem lögð var fyrir svar-
endur hljóðaði svo: „Styður þú ákvörðun
forseta Íslands um að staðfesta ekki svo-
kölluð fjölmiðlalög eða styður þú ekki þá
ákvörðun?“
Um 61% styður
ákvörðun forsetans
UNDIRRITAÐUR var í gær samn-
ingur um kaup Flugfjarskipta ehf. –
nýs fyrirtækis í eigu Flugmála-
stjórnar – á fjarskiptastöðinni í
Gufunesi, sem var áður í eigu Sím-
ans. Tekur Flugmálastjórn þar með
yfir flugfjarskipti sem Gufunesstöð-
in hefur sinnt um áratuga skeið fyrir
alþjóðlegt flug á N-Atlantshafi.
Að sögn Sturlu Böðvarssonar
samgönguráðherra er um merkileg
tímamót að ræða í sögu fjarskipta,
en sú starfsemi sem snýr að sjófar-
endum færist yfir í nýja siglinga-
vaktstöð í Skógarhlíð. Flugmála-
stjórn sinnir á hinn bóginn
flugfjarskiptum, sem áður segir.
Um 50 manns starfa
hjá fyrirtækinu
Um 50 manns vinna hjá fyrirtæk-
inu sem tók við rekstrinum 1. júní sl.
Þess má geta að Flugfjarskipti
eru í viðræðum við írsku flugmála-
stjórnina um náið samstarf milli
flugfjarskiptastöðva á Íslandi og Ír-
landi.
Festa kaup á
fjarskipta-
stöðinni í
Gufunesi
Flugfjarskipti ehf.