Morgunblaðið - 29.06.2004, Qupperneq 37

MORGUNBLAÐIÐ ÞRIÐJUDAGUR 29. JÚNÍ 2004 37
Útsalan
hefst í dag
30-70%
afsláttur
Laugavegi 54,
sími 552 5201
MERKILEGT en satt; íslenska
tvíeykið Slowblow hefur verið starf-
rækt í meira en tíu ár. Það er eins og
þeir Orri Jónsson og Dagur Kári
Pétursson geri í því að vera lítið
áberandi, eins ósýnilegir og þeir
mögulega geta. Reyndar hafa þessir
gömlu Rosebud-liðar verið önnum
kafnir við aðra listsköpun; Dagur
Kári á farsælan
feril sem kvik-
myndaleikstjóri
(Nói albínói) og
Orri sem ljós-
myndari. En til
tónlistarathafna
þeirra hefur lítið sem ekkert spurst
síðustu árin. Enda hafa þessar mús-
íkölsku moldvörpur lagt lag sitt við
að skapa sína list neðanjarðar, úr
allra augnsýn. Og nú er sá tími upp
runninn að moldvörpurnar hafa
skriðið upp úr holum sínum og op-
inbera afraksturinn á nýrri plötu
sem er einhver sú tilkomumesta ís-
lenska plata sem gefin hefur verið út
lengi.
Hvað hún kemur manni í opna
skjöldu, þessi fyrsta eiginlega plata
Slowblow í 7 ár, þeirra þriðja í röð-
inni – fjórða með tónlistinni úr Nóa
albínóa. Reyndar höfðu þeir sýnt það
á hinum tveimur – sem loksins voru
að koma út á geislaplötum á dög-
unum og húrra fyrir því – að þeir
hefðu alla burði til að gera eitthvað
svona magnað. En samt, samt hefur
maður ekki orðið svona forviða,
svona óvænt gagntekinn af nokkurri
íslenskri plötu síðan maður heyrði
fyrst plötur SKE eða Mugison, jafn-
vel múm og Sigur Rósar.
Þeim hefur nefnilega tekist af ein-
hverri yfirnáttúrulegri útsjónarsemi
að súmmera upp allt það besta sem
hefur verið að gerast í framsækinni
íslenskri nýbylgju síðasta hálfa ára-
tuginn eða svo. Þannig finnur maður
í þessari innilega íslensku tónlist
sem finna má á Slowblow, bragð af
rjómanum af íslenskum nýbylgju-
listamönnum, á borð við áðurnefndar
sveitir auk The Funerals, Trabant,
Egil Sæbjörns svo fáeinir séu nefnd-
ir; án þess þó að um eftiröpun eða
stuld sé að ræða. Sú ævintýralega
tilraunamennska sem átti sér stað á
fyrri plötunum, Quicksilver Tuna og
Fousque, kemur líka eitthvað svo ná-
kvæmlega heim og saman núna –
orðin að fullveðja forkunnarfagurri
tónlist sem vel er frambærileg hvar
sem er í heiminum.
En um leið og greina má skýr og
einbeitt þroskamerki þá heldur tón-
list þeirra Slowblow-liða sínu sjarm-
erandi sakleysi, þessum eftirsókn-
arverða einfaldleika sem ekkert gott
getur komið út úr nema að fyrir
hendi sé takmarka- og óttalaust hug-
arflæði og hæfileikinn til að töfra
fram heillandi laglínur. Þannig verða
lagasmíðarnar tíu á Slowblow seint
taldar flóknar eða margbrotnar. En
upp á móti vegur að þær eru svo
makalaust útsmognar og ánetjandi
að leitun er að öðru eins. Þar spilar
ekki svo litla rullu barnslega seið-
andi rödd Kristínar Önnu úr múm,
sem hvíslar í einum fjórum lögum á
plötunni og fellur að þeim eins og
berrassað smábarn að hvítu gæru-
skinni.
Einna best virka melódískustu
lögin, þessi með einföldu laglínunum
– „very slow bossanova“, „I know
you can smile“ og „second hand
smoke“ – sem virðast við fyrstu
hlustanir svolítið einhæf og tak-
mörkuð, en verða svo innilega gef-
andi um síðir. En við tuttugustu og
sjöundu hlustun virkar „within toler-
ance“sterkast, einna hefðbundnasta
lag plötunnar að gerð, gæsahúðarlag
af bestu gerð sem venst alveg ótrú-
lega vel.
Kannski er það bara vegna þess að
þeir eru báðir að vinna með mynd-
málið, þeir Dagur Kári og Orri.
Kannski er þessi ályktun of augljós
og leiðandi en það er samt eins og
textarnir virki margir hverjir á
mann sem örmyndir, ekki stutt-
myndir, heldur örmyndir. Stuttar
sögur, stundum bara nokkur orð,
rómantískar sem tregablandnar lýs-
ingar, jafnt á kyrrmyndum sem
hreyfðum. Þetta gefur lögunum við-
bótar vídd, nokkurs konar þrívídd.
Minnir mann svolítið á Tindersticks
hina bresku, sem einmitt hafa haft
svo gott lag á að skapa myndræna
tóna, enda tónlist þeirra verið eft-
irsótt til áhrifsauka í kvikmyndum.
Kemur þetta einkenni glöggt fram í
hinu mergjaðslega Eno-íska „hamb-
urger cemetary“ þar sem maður
hrasar og fær tjörusvört malbiksför í
501 buxurnar inn í einhverja índíut-
angarðsmyndina, gott ef ekki að hún
sé eftir Jim Jarmusch.
En svona getur maður linnulaust
haldið áfram að rekja kosti laganna
tíu á þessari mergjuðu plötu sem
hljómar líka svo ótrúlega vel, allt svo
innilega heimalagað í öllum sínum
margbrotna einfaldleika. Hver
hljómur, hvert hljóð, öll stemning
svo ótrúlega útpæld. Hreint mergj-
að. Ég verð illa svikinn ef þetta verð-
ur ekki ár moldvörpunnar.
Ár moldvörpunnar
TÓNLIST
Íslensk hljómplata
Slowblow er skipuð Orra Jónssyni og
Degi Kára Péturssyni, sem sömdu öll lög
og tóku upp. Dagur Kári leikur á alls kyns
hljómborð og gítara, bassa auk þess að
syngja. Orri leikur á slagverk ýmiss kon-
ar og syngur. Auk þeirra koma við sögu:
Kristín Anna söngur, Valdi Kolli kontra-
bassi, María Huld, Hrafnhildur og Una
fiðla, Guðrún Hrund víóla, Gyða og Hrafn-
kell Orri selló, Óli Björn slagverk, Pétur
banjó, Kristján Freyr trommur og klapp,
Gunnar Þorri, Þórdís og Björg klapp. Plat-
an var tekin upp í „hinum og þessum
stofum og baðherbergjum í Reykjavík
síðustu árin“. Hljóðblönduð í Sundlaug
Sigur Rósar. Páll Borg kom að hljóð-
blöndun.
SLOWBLOW / Slowblow
Skarphéðinn Guðmundsson
„ÉG HEF þörf fyrir að taka áhættu.“
Á þessum orðum hefst umfjöllun
og viðtal við kvikmyndagerðarmann-
inn Dag Kára Pétursson í danska
dagblaðinu Berlingske Tidende. Þar
er fjallað um næstu mynd leikstjór-
ans unga sem mun heita Fullorðið
fólk (Voksne mennesker). Hún verð-
ur á dönsku og tekin upp á yfir 100
stöðum í Kaupmannahöfn.
Drepið er á síðustu mynd Dags
Kára, Nóa albínóa, og greint frá öll-
um þeim verðlaunum sem hún hefur
sópað að sér og jafnframt er þess getið
að hún hafi verið tekin upp „í rigning-
unni og rokinu á Íslandi“.
„Sumarmynd í svart/hvítu“ er yf-
irskrift greinarinnar og þar er fjallað
um þá ákvörðun Dags Kára að hafa
Fullorðið fólk svart/hvíta. Þar segir að
ástæða þess að Dagur Kári valdi að
miðla verki sínu á þá leið sé að hluta til
aðdáun hans á franska leikstjóranum
Jean-Luc Godard, hvers verk Dagur
segist hafa séð og sýnt öðrum oftar en
einu sinni og oftar en tvisvar.
„Það er næstum eins og að koma út
úr skápnum að gera mynd í svart/hvítu
nú til dags,“ segir Dagur Kári.
Leikstjórinn lýsir jafnframt hand-
ritsvinnu myndarinnar, en það skrifaði
hann með Rune nokkrum Schjöøtt.
„Við skrifuðum niður daglega allar
sniðugar aðstæður og atburði sem
okkur duttu í hug og fléttuðum það svo
saman í söguna. Við ákváðum í upphafi
að láta efnið ráða sögunni en ekki öf-
ugt,“ segir Dagur Kári.
„Við skrifuðum með ánægjuna við
að gera kvikmyndir að leiðarljósi.“
Fullyrt er að Dagur Kári hafi engin
áform um fasta búsetu, hvorki á Ís-
landi né í Danmörku.
„Ég hef ekki mikla þjóðernistilfinn-
ingu. Ég hef áhuga á að starfa víðs-
vegar í heiminum og finnst fínt að vera
gestkomandi á einhverjum stað,“ segir
hann.
Fullorðið fólk verður frumsýnd vor-
ið 2005 og er um að ræða „fyrst og
fremst sumarmynd, þó að veðurguð-
irnir séu okkur ekki hliðhollir“, segir
Dagur Kári í umræddu viðtali.
Kvikmynd | Umfjöllun um
Dag Kára í Berlingske Tidende
Kvikmyndagerðarmaðurinn
Dagur Kári Pétursson.
Gaman að
vera gest-
komandi
birta@mbl.is
Nýjasta og mest spennandi
myndin um Harry Potter með
íslensku tali. Stórkostlegt
ævintýri fyrir alla fjölskylduna
sem enginn má missa af!
Ráðgátur leysast, leyndarmál
verða uppljóstruð.

Kvikmyndir.com

Ó.H.T Rás2

DV

HL Mbl
KRINGLAN
Kl. 5.30 m. ísl. tali og 8.30 m. ensku tali.
Tom Hanks er einhver útsmogn-
asti, klárasti, færasti og mest
heillandi afbrotasnillingur sem
nokkru sinni hefur REYNT að
fremja glæp aldarinar!
Kvikmyndir.is
AKUREYRI
Kl. 10.
AKUREYRI
Sýnd kl. 5 islenskt tal og 6 enskt tal.
ÁLFABAKKI
Sýnd kl. 5 og 8 islenskt tal
og kl. 6 enskt tal.
Með hinum eina sanna og
ofursvala Vin Diesel.
Geggjaður hasar og
magnaðar tæknibrellur.
ÁLFABAKKI
Kl. 3.45, 5.50, 8 og 10.10
EINNIG SÝND Í LÚXUS VIP Í
ÁLFABAKKA KL. 3.45 OG 5.50.
KRINGLAN
Sýnd kl. 5.30, 8 og 10.30
KEFLAVÍK
Kl. 8 og 10.15
ÁLFABAKKI
Kl. 4, 6 og 8.
AKUREYRI
Kl. 8. B.i. 14.
ÁLFABAKKI
Sýnd kl. 10. B i 12

SV MBL

Kvikmyndir.com

Ó.H.T Rás2

DV

HL Mbl
AKUREYRI
Sýnd kl. 8 og 10.
V I N D I E S E L V I N D I E S E L
Með hinum eina sanna og
ofursvala Vin Diesel.
Geggjaður hasar og
magnaðar tæknibrellur.
Nýjasta og mest spennandi
myndin um Harry Potter með
íslensku tali. Stórkostlegt
ævintýri fyrir alla fjölskylduna
sem enginn má missa af!
Ráðgátur leysast, leyndarmál
verða uppljóstruð.