Morgunblaðið - 29.06.2004, Page 29

DAGBÓK
MORGUNBLAÐIÐ ÞRIÐJUDAGUR 29. JÚNÍ 2004 29
Brú fjarlægð í Nauthólsvík
GÖNGUBRÚ í Nauthólsvík, sem
var við hliðina á Siglingaklúbbi
ÍTR, hefur verið söguð niður.
Hver stendur á bak við þetta og
hvers vegna var þessi brú fjar-
lægð?
Þórir Óskarsson
Ánægð með Mána
MIG langaði að koma á framfæri
ánægju minni með hljómsveitina
Mána sem léku í Höllinni fyrir
skömmu ásamt Deep Purple. Þeir
voru hreint út sagt alveg frábærir.
Margrét Þóra
Landsmót hestamanna
NÚ ER Landsmót hestamanna á
næstu grösum og mér datt í hug
að senda ykkur þessa vísu, sem
kennir okkur að velja góðhestinn:
Stutt sé bak en breitt að sjá
brúnir svakalegar
augun vakin, eyrun smá
einatt hrakin til og frá.
Þessa skemmtilegu vísu lærði ég
norður í Skagafirði fyrir löngu.
Gaman væri að vita hver höfundur
hennar er.
H.J.
Bíllykill tapaðist
BÍLLYKILL tapaðist aðfaranótt
sunnudags í miðbæ Reykjavíkur.
Mestar líkur eru á því að hann
hafi tapast inni á skemmtistaðnum
Sólon. Um er að ræða lykil með
svartri fjarstýringu. Finnandi vin-
samlega hafi samband í síma
561 5511 eftir kl. 18.
Tapað hjól – fundin kanína
BLÁTT kvenreiðhjól hvarf úr
Glaðheimum aðfaranótt laug-
ardags, hjólið er fjallareiðhjól
merkt Wheeler með gulum stöfum.
Sama dag fannst hvít kanína með
gráleita snoppu. Málin eru líklega
ótengd en sá sem saknar hvítrar
kanínu eða veit um afdrif bláa
reiðhjólsins er vinsamlega beðinn
að hafa samband í síma 861 7397.
Skuggi er týndur
SKUGGI týndist fyrir rúmri viku
frá heimili sínu í Fossvogi, Álfa-
landi 9. Hann er með end-
urskinsól, ljósbláa bjöllu og blátt
merki. Skuggi er mjög blíður. Þeir
sem hafa orðið hans varir eru
beðnir að hafa samband í síma
588 9565.
Kannast þú við köttinn?
ÞESSI fallegi kettlingur fannst
föstudaginn 25. júní sl. hjá Sunnu-
flöt í Garðabæ. Hann er mjög gæf-
ur og góður. Upplýsingar í síma
564 1592.
Kettlingar fást gefins
TVEIR blíðir og kelnir 9 vikna
kettlingar fást gefins á góð heim-
ili. Upplýsingar í síma 867 9001.
Köttur fæst gefins
ÁRSGAMALL högni fæst gefins á
gott heimili. Allt fylgir með. Upp-
lýsingar í síma 553 0614 og
866 4513.
Blár gári flaug á brott
LÍTILL blár gári flaug út um
gluggann á heimili sínu í Lækj-
arsmára sl. sunnudag. Þeir sem
hafa orðið hans varir eru vinsam-
lega beðnir að hafa samband í
síma 695 1919.
Velvakandi
Svarað í síma 5691100 frá 10–12
og 13–15 | velvakandi@mbl.is
HÁKON krónprins af Noregi og eiginkona hans,
Mette-Marit, opna sýningu á nýrri leirlist frá
Noregi klukkan 11.15 í dag í sal Hönnunarsafns
Íslands við Garðatorg í Garðabæ. Aðalsteinn Ing-
ólfsson listfræðingur er forstöðumaður Hönn-
unarsafnsins.
Hvert er tilefni sýningarinnar?
„Sýningin nefnist á íslensku Kynjaverur og er
sett saman fyrir norska utanríkisráðuneytið af
Harald Solberg. Hún hefur farið víða um lönd og
er sett upp hér á landi í tilefni af komu norska
krónprinsins og eiginkonu hans. Þau munu opna
sýninguna og verður það í fyrsta sinn sem kon-
ungborið fólk heimsækir Garðabæ með form-
legum hætti.“
Hvað einkennir norska leirlist í samtímanum?
„Sýningin á að endurspegla ákveðna þróun sem
orðið hefur í leirlist í Noregi á liðnum árum og er
dálítið óvenjuleg, að minnsta kosti í norrænu sam-
hengi. Hún felst fyrst og fremst í því að Norð-
menn hafa veitt töluverðu fé til að styðja við hand-
verk, mun meira en aðrar Norðurlandaþjóðir. Það
er að bera ávöxt núna, til dæmis í leirlistinni, þar
sem ríkir mikil gróska. Leirlistin er í raun komin í
samkeppni við aðra þrívíddarlist, höggmynda-
listina. Bestu listamennirnir á þessu sviði eru nán-
ast hættir að búa til einhvers konar nytjahluti, en
hafa í auknum mæli farið að vinna með mannslík-
amann og ýmsa hluti úr veruleikanum, og móta
jafnvel heilar frásagnir úr goðsögnum og þjóðsög-
um í leir. Þetta er því eiginlega orðin hrein og klár
myndlist. Við fyrstu sýn virðast sum verkin á sýn-
ingunni kannski vera nytjahlutir, en þegar nánar
er að gáð kemur í ljós að þetta eru litlir skúlptúr-
ar. Það verður gaman að fylgjast með því hvernig
íslenskir leirlistamenn bregðast við þessu, vegna
þess að þetta er svo ólíkt því sem við erum vön hér
á landi.“
Hvaða listamenn eiga verk á sýningunni?
„Á sýningunni eru verk eftir sextán leir-
listamenn sem fæddir eru á árunum 1954 til 1973,
þréttan konur og þrjá karla. Hver listamaður á
eitt til þrjú listaverk á sýningunni. Þeirra þekkt-
ust er sennilega Marit Tingleff, sem hefur hlotið
fjölmörg verðlaun fyrir listsköpun sína, en meðal
annarra leirlistamanna sem eiga verk á sýning-
unni má nefna Marie Braathen, Lippa Dalén, Hel-
ene Kortner, Irene Nordli og Öyvind Suul.“
Hvað stendur sýningin lengi?
„Sýningin stendur til 1. ágúst og héðan mun
hún fara til Brasilíu. Sýningarsalur Hönn-
unarsafnsins við Garðatorg er opinn alla daga
nema mánudaga frá klukkan 14 til 18.“
Sýningar | Kynjaverur í Hönnunarsafni Íslands
Mikil gróska í norskri leirlist
 Aðalsteinn Ingólfs-
son er fæddur á Ak-
ureyri árið 1948. Hann
lauk MA gráðu í enskum
bókmenntum og mál-
sögu frá University of
St. Andrews í Skotlandi
árið 1971 og MA gráðu í
listasögu frá Cour-
tauld-stofnuninni við
Lundúnaháskóla árið
1974. Hann hefur unnið
sem kennari, ritstjóri, gagnrýnandi, sýning-
arstjóri og rithöfundur, og hefur veitt Hönn-
unarsafni Íslands forstöðu frá 1999. Að-
alsteinn er kvæntur Janet S. Ingólfsson ritara
og eiga þau þrjár dætur.
Heimsferðir kynna nú glæsilegar jólaferðir sínar til
Kanaríeyja og frábæra gistivalkosti á þessum
vinsælasta vetraráfangastað Íslendinga. Fyrstu 200
farþegarnir geta tryggt sér 10. þúsund kr. afslátt á
mann og um leið vinsælustu gististaðina, en hvort
sem þú kýst glæsilegt hótel með fullri þjónustu, eða
góðar íbúðir staðsettar á miðri ensku ströndinni, þá
færðu bestu valkostina
hjá Heimsferðum.
Jólin á
Kanarí
frá kr. 39.995
Skógarhlíð 18, sími 595 1000. www.heimsferdir.is
Munið Mastercard
ferðaávísunina
Verð kr. 39.995
Agaete Park. Hjón m. 2 börn, 2–11 ára, 21.
des, 7 nætur Netverð með sköttum.
Verð kr. 53.490
Agaeta Park, íbúð með 1 svefnherbergi.
2 í íbúð, 7 nætur, 21. des. Netverð.
Bókaðu núna og tryggðu þér
10 þúsund kr. afslátt
á manninn
· 17. des. 11 nætur
· 21. des. 7, 14, 21 nótt
· 28. des. 7, 14, 21 nótt
ENN eitt djassbandið hefur bæst við
fjölbreytta djassflóru landans. Það er
Djasskvartettinn Skófílar sem kveð-
ur sér hljóðs á Kaffi Culture kl. 20.30
í kvöld. Þetta eru þó ekki þeirra
fyrstu tónleikar því Skófílar léku á
Múlanum í vetur.
„Skófílar er útúrsnúningur á nafni
Johns Schofield,“ segir Ólafur Jóns-
son saxófónleikari, „en eftir hann er
tónlistin sem við flytjum og kennum
okkur við. Schofield er bandarískur
gítarleikari sem hefur lengi verið að.
Hann er einn áhrifamesti djassgít-
arleikari seinni tíma og var m.a. með-
limur í hljómsveit Miles Davis í
kringum 1985. Þegar hann fékk
plötusamning hjá hinu þekkta djass-
plötufyrirtæki Blue Note árið 1989
snýr hann við blaðinu og ásamt saxó-
fónleikaranum Joe Lovano komu
þeir með ferskan tón í djassinn með
áherslu á hefðbundnari djasstónlist
en hann hafði gert áður. Tónlistin er
fjölbreytt djasstónlist, með rokk,
blús og fönkáhrifum. Schofield hélt
hér eftirminnilega tónleika árið 1986
svo fólk ætti að kannast við hann.“
Ólafur segir að bandið sé ekki
sumarsmellur heldur séu þeir komn-
ir til að vera. „Það er aldrei að vita
hvað tíminn ber í skauti sér, en þetta
er það sem við höfum áhuga á að
gera núna, kafa svolítið ofan í tónlist
Schofields. Við sjáum þó fyrir okkur
að við munum koma til með að skapa
okkar eigin tónlist og flytja tónlist
eftir aðra höfunda.“
Ólafur óttast ekki að það sé að
bera í bakkafullan lækinn að stofna
nýja hljómsveit. „Það er alltaf nóg
pláss fyrir nýjar hljómsveitir því
maður verður var við mikinn áhuga á
djasstónlist um þessar mundir. Ég er
ekki í nokkrum vafa um að öflugt
starf Tónlistarskóla FÍH er farið að
skila árangri. Þaðan hafa komið
margir góðir tónlistarmenn og aðrir
hafa forframast í útlöndum, komið
heim og sett sinn blæ á tónlistarlífið.“
Meðlimir kvartettsins eru auk
Ólafs, Ásgeir Ásgeirsson gítarleikari,
Róbert Þórhallsson kontrabassaleik-
ari og Erik Qvick trommuleikari.
Þeir eru allir kennarar við Tónlistar-
skóla FÍH.
Skófílar halda einnig tónleika í
Deiglunni á Akureyri kl. 21 á
fimmtudagskvöld.
Djasskvartettinn Skófílar.
Tónlist Schofield
á Kaffi Culture
Djasskvartettinn Skófílar heldur
tónleika á Kaffi Culture kl. 20.30.
AUGLÝSINGADEILD netfang: augl@mbl.is, sími 569 1111