Morgunblaðið - 29.06.2004, Blaðsíða 7

FRÉTTIR
MORGUNBLAÐIÐ ÞRIÐJUDAGUR 29. JÚNÍ 2004 7
ÁRIÐ 2004
EVRÓPUÁR MENNTUNAR
MEÐ IÐKUN ÍÞRÓTTA
Í dag, þriðjudaginn 29. júní 2004 setur
Menntamálaráðherra með formlegum hætti
Evrópuár menntunar með iðkun íþrótta á
Íslandi.
Stærstu íþróttaviðburðir ársins bera keim af
þessu Evrópuári og um alla Evrópu eru í
gangi verkefni sem uppfylla helstu markmið
Evrópuársins.
Síðari hluta ársins fara fram verkefni á
Íslandi sem hafa það að meginmarkmiði að
efla tengsl uppeldis og íþrótta, auðvelda
aðgengi að íþróttum og að fræða börn,
ungmenni og foreldra um íþróttir og
íþróttaiðkun, hreyfingu og þá félagslegu
þætti sem einkenna íþróttir.
Mikilvægi íþrótta fyrir einstaklinginn snýst um
meira en líkamlegt hreysti: Umburðarlyndi,
sanngirni og hæfni í hópvinnu eru allt
hæfileikar sem eru ræktaðir í íþróttum, og það á
gáskafullan, líflegan og auðveldan hátt. Með
Evrópuári menntunar með iðkun íþrótta vill
Evrópusambandið vekja athygli á þessu
málefni. Frekari upplýsingar má finna á vefnum
28 Evrópuþjóðir taka þátt í Evrópuárinu
og er Ísland í þeirra hópi.
Meginmarkmið þessa Evrópuárs er að
vekja almenning í Evrópu til vitundar
um mikilvægi íþrótta innan menntunar
ásamt því að auka mikilvægi líkamlegra
athafna í námskrám skóla.
AÐ FRUMKVÆÐI EVRÓPUSAMBANDSINS ER ÁRIÐ
2004 TILEINKAÐ MENNTUN MEÐ IÐKUN ÍÞRÓTTA
WWW.EYES-2004.INFO
WWW.EYES-2004.INFO
www.isisport.is
LÖGREGLAN í Reykjavík tók 47
ökumenn fyrir of hraðan akstur um
liðna helgi. Sá sem hraðast fór var
mældur á 122 km hraða í Ártúns-
brekku þar sem leyfilegur hraði er
80 km/klst.
Þá voru 13 ökumenn teknir,
grunaðir um ölvun við akstur.
47 teknir
fyrir hraðakstur
STJÓRNARRÁÐ Íslands hefur
undanfarna daga móttekið rúm-
lega 4.000 tölvuskeyti, send í
gegnum heimasíðu grænfriðunga,
þar sem þeir mótmæla hvalveiðum
Íslendinga.
Í skeytunum, sem eru stöðluð,
segir meðal annars að sendandi
muni ekki heimsækja Ísland fyrr
en hvalveiðar hafi alfarið verið
bannaðar. Svarbréf hefur verið
sent frá Stjórnarráði Íslands þar
sem áréttað er að vísindaveiðar Ís-
lendinga á hvölum eigi ekki við
um þær tegundir sem eru í útrým-
ingarhættu.
Grænfriðungar
sendu 4.000
tölvuskeyti
EKIÐ var á rúmlega sjötugan hjól-
reiðamann á Eyrarbakkavegi á Sel-
fossi í gær. Var hann fluttur á
Heilsugæslu Suðurlands og þaðan á
Landspítala – háskólasjúkrahús.
Ekki var þó talið að um alvarleg
meiðsl væri að ræða. Lögreglan á
Selfossi annast rannsókn á til-
drögum slyssins.
Ekið á roskinn
hjólreiðamann
TILKYNNT var um 32 umferð-
aróhöpp með eignatjóni til lög-
reglunnar í Reykjavík um
helgina. Rétt eftir miðnætti á
sunnudagskvöld ók bifreið á
ljósastaur við Víkurveg á afrein
af Vesturlandsvegi. Ökumaður og
báðir farþegar voru fluttir á
slysadeild með sjúkrabíl. Öku-
maður hafði talsverða áverka í
andliti og farþegar kenndu til
eymsla í öxl og mjöðm. Drátt-
arbíll fjarlægði bifreiðina.
Ekið á ljósastaur
VÉLBÁTURINN Gestur frá Vigur,
líklega elsti vélbátur á Íslandi, var
sjósettur frá Bolungarvík um
helgina eftir umfangsmiklar við-
gerðir. Sigldi Gestur frá Bolung-
arvík til Ísafjarðar, þaðan til Súða-
víkur og loks út í eyjuna Vigur. Til
stendur að báturinn verði framvegis
hafður til sýnis á floti við sjóminja-
safnið í Neðstakaupstað á Ísafirði
og í heimahöfn sinni í Vigur. Vonir
standa einnig til þess að bjóða megi
gestum Byggðasafns Vestfjarða upp
á stuttar siglingar með þessum
sögufræga báti.
Ríflega öld er liðin frá upphafi
vélvæðingar fiskveiðiflota Íslend-
inga. Flestir fyrstu vélbátarnir voru
árabátar sem í voru settir mótorar
en fljótlega kom þó að því að farið
var að smíða báta frá grunni sem
vélbáta. Vélbáturinn Gestur, eða
Litli Gestur, frá Vigur var í hópi
hinna fyrstu af slíkri gerð og er lík-
lega sá elsti þeirra sem varðveist
hefur fram á þennan dag, sam-
kvæmt upplýsingum frá Byggða-
safni Vestfjarða.
Smíðaður 1906
Gestur var smíðaður í Bolung-
arvík árið 1906 af Guðmundi Sig-
urðssyni bátasmið. Það var séra
Sigurður Stefánsson í Vigur sem
hafði forgöngu um smíðina. Gestur
var alla tíð gerður út frá Vigur,
lengst af undir formennsku Bjarna,
sonar séra Sigurðar. Bátnum var
ekki aðeins haldið til fiskveiða, held-
ur var hann notaður til allra þarfa
og starfa hvort sem það voru að-
drættir fyrir búið, fólksflutningar
eða annað. Hann var því þarfasti
þjónn þeirra Vigurbænda.
Gestur þjónaði eigendum sínum
allt til 1980, eða í tæplega 80 ár.
Árið 1988 afhenti Baldur Bjarna-
son Byggðasafni Vestfjarða Gest til
varðveislu sem ákvað síðan að minn-
ast 100 ára afmælis vélvæðing-
arinnar árið 2002 með því að ráðast í
umfangsmiklar viðgerðir á Gesti svo
að hann mætti sigla á ný, en hann
hafði þá staðið á þurru landi í 14 ár.
Til viðgerðarinnar fékkst styrkur
frá Alþingi og var báturinn fluttur á
sinn upprunalega byggingarstað,
Bolungarvík, þar sem listasmiðirnir
Ragnar Jakobsson, Guðmundur Óli
Kristinsson og Guðmundur Jak-
obsson gerðu við hann.
Gestur sjófær á ný
eftir 16 ár á þurru
Guðmundur Óli og Guðmundur Jakobsson úti í Vigur.
Ljósmynd/Þorsteinn J. Tómasson
Gestur kemur til heimahafnar eftir endurbæturnar.
ÞJÓFAR sem brutust inn í hús í
Breiðholti á laugardaginn höfðu
ekki árangur sem erfiði, þökk sé ár-
vökulum nágrönnum sem komu
auga á þjófana þar sem þeir voru að
sniglast í kringum húsið. Stúlka stóð
á verði á meðan þrír piltar athöfn-
uðu sig inni í húsinu. Nágrannarnir
komu að þjófunum inni í húsinu.
Höfðu þeir meðal annars sett tölvu-
skjá í kassa og voru að safna saman
fleiri hlutum þegar komið var að
þeim. Mennirnir náðu að komast
undan en nágrannar héldu stúlkunni
þar til lögregla kom á vettvang.
Innbrotsþjófar
komust undan