Morgunblaðið - 29.06.2004, Blaðsíða 8

FRÉTTIR
8 ÞRIÐJUDAGUR 29. JÚNÍ 2004 MORGUNBLAÐIÐ
Mundu svo, pjakkurinn þinn, að það er bara einn kóngur á Íslandi – Olli kóngur, ekki
Bubbi kóngur.
Umfang Landsmótshestamanna hefurvaxið gífurlega frá
því það var fyrst haldið fyrir
54 árum, en það fer nú fram
í 16. sinn að þessu sinni á
Gaddstaðaflötum við Hellu.
Til marks um það koma nú
fram um eitt þúsund hross í
gæðingakeppni, kynbóta-
sýningum og kappreiðum á
móti 133 hrossum á fyrsta
landsmótinu sem haldið var
á Þingvöllum árið 1950. Á
sama tíma hefur allt um-
hverfi hestamennskunnar
breyst.
Óhætt er að segja að um
miðja síðustu öld hafi hestamenn
verið frekar þröngur hópur „dellu-
karla og -kerlinga“ sem allir þekkt-
ust meira og minna innbyrðis. Og
þótt landsmótin á þeim tíma hafi
aðallega verið sótt af gallhörðu
hestafólki voru hvítasunnukapp-
reiðar Fáks sem haldnar voru á
skeiðvellinum við Elliðaár, ein
helsta skemmtun Reykvíkinga um
langt árabil, hvort sem þeir voru
hestamenn eða ekki.
Tuttugu þúsund manns
stunda hestamennsku
Smám saman fjölgaði iðkendum
hestamennskunnar og hesta-
mannafélögum fjölgaði á landinu.
Hesthúsahverfi spruttu upp hvar-
vetna utan við þéttbýlisstaði lands-
ins. Landssamband hestamanna-
félaga, LH, var stofnað 1949, en nú
eru 48 félög innan vébanda þess.
Félögin senda fulltrúa sína á lands-
þing sem haldin voru árlega lengst
af en eru nú haldin á tveggja ára
fresti.
Jón Albert Sigurbjörnsson er
formaður LH. Hann segir að
skráðir félagar í hestamannafélög-
um séu nú um 9.400. Þeim hafi
fjölgað lítillega á síðustu árum, en
félagafjöldinn sé í engu samræmi
við þann fjölda sem talinn er
stunda hestamennsku hér á landi.
Samkvæmt tveimur neyslukönn-
unum Félagsvísindastofnunar Há-
skóla Íslands stunda um 20.000
manns hestamennsku. Hann telur
það mjög til baga fyrir hesta-
mennskuna hversu fáir ganga í fé-
lögin. Algengt er að aðeins einn
fjölskyldumeðlimur sé skráður í fé-
lag en aðrir noti alla aðstöðu sem
hestamannafélögin bjóða upp á til
jafns við hann. Hestamannafélögin
senda einn fulltrúa í hvern keppn-
isflokk á hverja 125 félagsmenn á
Landsmót og er keppt um þátt-
tökurétt á félagsmótum. Því skipt-
ir máli að félagsmenn séu sem
flestir
Skráning reiðleiða
Jón Albert telur að Landssam-
band hestamannafélaga sinni vel
fjölbreyttum hópi hestamanna þótt
stundum hafi verið kvartað yfir því
að starf samtakanna beinist mest
að þörfum keppnisfólks. Hann seg-
ir að verulegt átak hafi verið gert í
sambandi við reiðvegagerð um allt
land og stendur nú yfir skráning á
reiðleiðum í samvinnu við Land-
mælingar Íslands og Vegagerðina.
LH sendi vant hestaferðafólk með
GPS-tæki í hestaferðir í sumar og
hreinlega skikkaði það til að taka
punkta til að auðvelda starfið.
Hann telur að reiðvegamálin séu
ákaflega mikilvæg fyrir alla hesta-
menn á landinu, enda sé það sívax-
andi hópur sem vill ferðast á hest-
um um landið.
Árið 1995 var ákveðið að Lands-
mót hestamanna skyldu haldin á
tveggja ára fresti og var fyrsta
landsmótið haldið samkvæmt
þeirri reglu í Reykjavík árið 2000.
Fram til þess tíma höfðu þau verið
haldin á fjögurra ára fresti. Árið
2002 var haldið landsmót á Vind-
heimamelum í Skagafirði sem þótti
hafa yfir sér nýstárlegan blæ. Í að-
draganda þess móts hafði verið
stofnað hlutafélag um rekstur
landsmótanna, Landsmót ehf., að
2⁄3 hlutum í eigu LH og 1⁄3 í eigu
Bændasamtakanna, enda snúast
landsmótin ekki síður um kynbóta-
sýningar en keppni. Sveinbjörn
Sveinbjörnsson lögfræðingur, Sig-
urgeir Þorgeirsson framkvæmda-
stjóri Bændasamtakanna og Pétur
J. Eiríksson frá Icelandair voru
kosnir í stjórn félagsins og Lárus
Dagur Pálsson framkvæmdastjóri.
Þeir eru allir enn við stjórnvölinn.
Fjölgun móta mælist vel fyrir
Jón Albert segir mjög mikilvægt
að sú reynsla og þekking sem aflað
sé með hverju móti nýtist áfram
fyrir næsta mót. Með þessu félagi
sé vonast til að það gerist en móts-
stjórnir eru síðan skipaðar á því
svæði sem mótið er haldið hverju
sinni. Svo virðist sem fjölgun móta
hafi fallið fólki vel í geð því mikill
spenningur sé fyrir Landsmótinu
sem nýhafið er á Gaddstaðaflötum.
Mikill metnaður hefur einkennt
undirbúning mótsins og fram-
kvæmdir miðað að því að bæta um-
gjörð mótanna.
Lárus Dagur Pálsson fram-
kvæmdastjóri sagðist í gær vera
ánægður með fyrsta dag Lands-
mótsins. Hann segist eiga von á
a.m.k 10–12.000 manns, jafnvel
fleirum, enda veðurútlit gott.
Fréttaskýring | Umfang Landsmóts
hestamanna vex enn
Kortlagning reið-
leiða mikilvæg
Hestaáhugafólk af öllu landinu og frá
útlöndum flykkist á Gaddstaðaflatir
asdish@mbl.is
Jón Albert Sigurbjörnsson
Morgunblaðið/Kristinn Ingvarsson
SKRÁÐIR félagar í hesta-
mannafélögum eru nú um
9.400. Þeim hefur fjölgað lít-
illega á síðustu árum, en fé-
lagafjöldinn er í engu sam-
ræmi við þann fjölda sem
talinn er stunda hesta-
mennsku hér á landi. Sam-
kvæmt tveimur neyslukönn-
unum Félagsvísindastofnunar
Háskóla Íslands stunda um
20.000 manns hestamennsku.
Jón Albert Sigurbjörnsson,
formaður Landssambands
hestamannafélaga, telur það
mjög til baga fyrir hesta-
mennskuna hversu fáir ganga
í félögin.
Tvöfalt fleiri
stunda hesta-
mennsku en eru
skráðir í félögin
Fáðu úrslitin
send í símann þinn
www.thumalina.is