Morgunblaðið - 29.06.2004, Síða 40

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 29. JÚNÍ 2004 VERÐ Í LAUSASÖLU 220 KR. MEÐ VSK.
HÚN var aldeilis ekki bráðfeig grágæsin sem
verpti í litla hólmanum í Hagatjörn í Aðaldal í vor,
því undir henni var minkagreni og í því sjö hvolp-
ar. Umræddur hólmi, sem er ekki nema um 10 fer-
metrar að stærð, er manngerður, var hlaðinn upp
fyrir mörgum áratugum og síðan hefur víðigróður
náð þar rótfestu og nær um hann allan svo að skjól
er þar gott. Aldrei hefur þó gæs orpið þar fyrr en í
vor og aldrei hafa menn orðið varir minks þar
heldur.
Þegar Jón Fornason, bóndi í Haga, var á göngu
um jörð sína nýverið rakst hann á silung á tjarn-
arbakkanum og hafði sá verið bitinn. Kallaði Jón
þá jafnskjótt til sín minkabanann á Sílalæk, Vil-
hjálm Jónasson. Minkalæðan náðist fljótlega á
sundi. Hundarnir röktu minkaslóð út í hólmann,
öllum til undrunar. Þá voru þrír grágæsarungar
nýlega skriðnir úr eggi. Í fyrradag náðist svo
hvolpur þar sem hann lá sofandi í gæsahreiðrinu
en gæsin og ungarnir höfðu yfirgefið það.
Vilhjálmur hefur aldrei heyrt um að gæs verpi
ofan á minkagreni. Telur hann að læðan hafi verið
búin að koma sér fyrir í hólmanum rétt á undan
gæsinni. Kveðst Vilhjálmur telja að ástæðan fyrir
því að gæsin hafi fengið frið hafi verið sú, að læðan
hafi verið að geyma hana handa hvolpunum til að
drepa.
Ljósmynd/Sigurður Ægisson
Einn minkahvolpurinn skreið úr greninu og í
grágæsarhreiðrið en þar var hann drepinn.
Grágæs
verpti ofan á
minkagreni
DÆMI eru um að íbúar á Hellu hafi boðið
íbúðir sínar eða einstök herbergi til leigu
meðan á Landsmóti hestamanna stendur og
eru dæmi um að einbýlishús hafi verið leigð á
kr. 150 þúsund fyrir vikuna.
Mótið byrjaði í gær og er fólk því farið að
flykkjast að, mikið er að rísa af tjöldum á
svæðinu og ljóst að mjög margir nota þann
gistimáta. Þó að nokkuð sé þegar pantað af
gistirými á Hellu og nágrenni eru víða laus
gistiherbergi. Þess ber að geta að u.þ.b. 350
gistirými eru á Hellu og í næsta nágrenni og
ef litið er til allrar Rangárvallasýslu og upp í
Hrauneyjar þá eru gistirými nálægt 750. Þá
er ótalin gisting í Árnessýslu innan seilingar.
Leigja húsin
mótsgestum
Hellu. Morgunblaðið.

Kortlagning/8
ÍBÚÐALÁNASJÓÐUR býðst
nú til að skipta húsbréfum út fyr-
ir íbúðabréf og stendur útboðið
yfir frá 28. til 30. júní og verða
þeir sem vilja ganga að tilboði
sjóðsins að skrá sig fyrir skiptum
á húsbréfum fyrir íbúðabréf á
þeim tíma.
Í samtali við Morgunblaðið
sagði Hallur Magnússon, sviðs-
stjóri þróunar og almanna-
tengsla hjá Íbúðalánasjóði, að
verið væri að skipta húsbréfun-
um út fyrir mun seljanlegri bréf.
„Hætta er á því að þau húsbréf
sem ekki verður skipt fyrir
íbúðabréf, eða innleyst, verði síð-
ur seljanleg þegar fram líða
stundir,“ segir Hallur. Hann
leggur þó áherslu á að það sé
ekki sjóðsins að ráðleggja hús-
bréfaeigendum hvað gera skuli.
„Við mælumst samt sem áður til
þess að fólk leiti sér ráða hjá
bönkum, sparisjóðum eða verð-
bréfafyrirtækjum um hvað gera
skuli.“
Erlendum fjárfestum gert
auðveldara að kaupa bréfin
Hallur segir að Íbúðalánasjóð-
ur hafi í samstarfi við alþjóðlega
uppgjörsmiðstöð búið svo um
hnútana að hin nýju íbúðabréf
verði aðgengileg fyrir erlenda
fjárfesta, jafnt sem íslenska, og
verði því mun auðveldara fyrir
erlenda fjárfesta að kaupa bréf-
in. „Það gat tekið erlenda fjár-
festa marga mánuði að ganga svo
frá að þeir gætu keypt húsbréf,
og var því um talsverða við-
skiptahindrun að ræða,“ segir
Hallur. Hann segir að með þessu
séu íbúðabréfin gerð seljanlegri
og þar með sé auðveldara að losa
um það fé sem í þeim er bundið.
Hallur tekur fram að skiptiút-
boðið muni ekki hafa nein áhrif á
lánin sem liggi að baki bréfunum
– aðeins sé verið að gera bréfin
seljanlegri. „Þá er gott að geta
þess að greiningardeildir allra
bankanna hafa talið skiptiverðið
mjög hagstætt og í raun betra en
búist var við. Ástæðan fyrir því
er sú að þegar búið er að tryggja
öryggi og framtíðarstöðu Íbúða-
lánasjóðs er engin ástæða til að
bæta ofan á skiptiverðið til þess
eins að græða,“ segir Hallur.
Íbúðabréf seljanlegri

Skiptiálag/11
TÆPLEGA 200 manns, þar af
um 40 lögreglumenn, munu koma
að öryggisgæslu og umferðareft-
irliti, vegna tónleika hljómsveit-
arinnar Metallica sem fram fara í
Egilshöll næstu helgi. Alls munu
um 300 manns starfa við tón-
leikana sem eru stærstu rokk-
tónleikar sem haldnir hafa verið
hér á landi innanhúss en búist er
við því að 18.000 manns sæki þá.
Sérstök öryggishlið eru flutt inn
frá Hollandi til að skipta tónleika-
svæðinu niður í tvö hólf í örygg-
isskyni. Búast má við umferð-
artöfum í Grafarvogi vegna
tónleikanna og að einhverjum
götum verði lokað. Komið verður
upp hundrað salernum utandyra
til hliðar við húsið.
Stærsta verkefni Hjálp-
arsveitar skáta
Ragnheiður Hanson tónleika-
haldari segir að hljómsveitin
komi með sína eigin fulltrúa sem
munu taka þátt í því að skipu-
leggja öryggisgæsluna.
Einar Daníelsson, formaður
stjórnar Hjálparsveitar skáta í
Reykjavík, segir að rúmlega 130
manns frá Hjálparsveitinni
muni vera í gæslu og 20 manns
frá Rauða krossinum. „Þetta er
stærsta verkefnið sem Hjálp-
arsveit skáta hefur fengið sem
tengist tónleikum en við höfum
verið með gæslu á knattspyrnu-
völlum og á stórum uppá-
komum,“ segir Einar.
Árni Friðleifsson, varðstjóri í
umferðardeild lögreglunnar í
Reykjavík, segir að búast megi
við nokkrum umferðartöfum
vegna tónleikanna og að ein-
hverjum götum í nágrenni Eg-
ilshallar verði lokað. „Við mun-
um vera með öll okkar hjól í
umferð á meðan á tónleikunum
stendur,“ segir Árni.
Að sögn Árna má einnig gera
ráð fyrir því að þung umferð
verði um þær götur sem liggja
til Reykjavíkur en helgin sem í
hönd fer er stærsta ferðahelgi
ársins fyrir utan verslunar-
mannahelgina.
Páll Þór Ármann, fram-
kvæmdastjóri Egilshallar, segir
að ýmsar ráðstafanir þurfi að
gera vegna tónleikanna. Setja
þarf sérstakar plastflísar yfir
gervigrasið og einnig þarf að
skipuleggja flóttaleiðir.
Mikill viðbúnaður vegna tónleika Metallica í Egilshöll 4. júlí
Um 200 starfa við öryggisgæslu
Reuters
Metallica er væntanleg til landsins innan skamms.
TVÆR erlendar ferðakonur á sextugsaldri voru
fluttar á Fjórðungssjúkrahúsið á Akureyri eftir að
bíll þeirra valt um 25 kílómetra sunnan við Húsavík
laust fyrir klukkan sjö í gærkvöld. Farþegi bílsins
hlaut alvarleg hálsmeiðsl og var hugsanlega
hryggbrotinn og var hann fluttur með sjúkraflugi á
Landspítala – háskólasjúkrahús í Reykjavík. Öku-
maður slapp ómeiddur.
Svo virðist sem ökumaður hafi gleymt sér á veg-
inum, sem er malbikaður á þessum slóðum, og lent
úti í kanti með þeim afleiðingum að bíllinn valt.
Alvarleg háls-
meiðsl eftir bílveltu
SÉRA Geir Waage, sóknarprestur í Reyk-
holtskirkju, sagði norsku krónprinshjón-
unum, Hákoni og Mette-Marit, frá Reyk-
holti og sýndi þeim helstu staði, s.s. Snorra-
stofu, fornleifauppgröft, Snorralaug og
styttu af Snorra, sem var gjöf til Íslendinga
frá Norðmönnum. Létu hvorki séra Geir né
gestirnir það mikið á sig fá þó að nokkrir
dropar féllu af himnum ofan heldur skýldu
sér með regnhlífum. Þorgerður Katrín
Gunnarsdóttir menntamálaráðherra hlýddi
einnig á Geir og bauð krónprinshjónunum
til kvöldverðar í Reykholti í gærkvöld.
Morgunblaðið/Þorkell
Fræðst um Snorra Sturluson

Krónprins Noregs/6