Morgunblaðið - 18.07.2004, Side 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 18. JÚLÍ 2004 VERÐ Í LAUSASÖLU 350 KR. MEÐ VSK.
„ÞETTA tekur á,“ sagði Arnar Klemensson
þegar hann var að fara upp Kambana við
Hveragerði í félagi við Alexander Harð-
arson í hjólastól í gærmorgun. Ferðin lá yf-
ir Hellisheiðina til styrktar Barnaspítala
Hringsins.
Félagarnir lögðu af stað frá Hveragerði
klukkan níu í gærmorgun og ætluðu að
enda fyrir utan barnaspítalann síðar um
daginn. Arnar sagði þá báða slæma í öxlinni
svo þeir færu rólega; ferðuðust á göngu-
hraða. Af og til stoppuðu þeir til að hvíla
sig, væta kverkarnar og liðka axlirnar.
Hann sagði að ferðin hefði gengið vel það
sem af væri. Þeir væru í síðustu beygjunni
og eftir að upp Kambana væri komið yrði
það sem eftir væri leiðarinnar ekki ýkja
erfitt. Veðrið væri líka gott og enginn væri
vindurinn til að gera þeim erfiðara fyrir.
Umferðin væri töluverð en ekkert sem
truflaði þá. Þeir hefðu líka lögregluna og
vélhjólakappa úr Sniglunum til að fylgja sér
og gæta að öryggi sínu. Tekið var vel á
móti þeim á barnaspítalanum í gær.
Arnar sagðist ekki hafa hugmynd um
hvernig sjálf söfnunin gengi. Hann væri að
einbeita sér að ferðinni. Allt söfnunarféð á
að renna óskipt til Barnaspítala Hringsins
þar sem Arnar dvaldi mikið fyrstu tíu ár
ævi sinnar. Hann fæddist með klofinn
hrygg.
„Þetta er bara gaman,“ sagði Arnar og
var bjartsýnn á framhaldið.
Morgunblaðið/Eggert
Upp Kambana á gönguhraða
Það tók á að fara upp Kambana og Arnar og Alexander brugðu á smá leik með aðstoðarmönnum sínum í pásunni og þóttust láta vélhjólið draga sig
upp. Þeir fóru hins vegar upp allar brekkurnar með handaflinu. Arnar viðurkenndi að ferðin upp Kambana hefði tekið talsvert á þá félagana.
VIRKJUN Gullfoss
eða Geysis myndi hafa
í för með sér miklu
minni óafturkræf um-
hverfisáhrif en Kára-
hnjúkavirkjun, segir
m.a. í nýrri bók Óm-
ars Ragnarssonar
fréttamanns, sem
kom út í vikunni hjá
JPV útgáfu. Bókin
heitir Kárahnjúka-
virkjun – með og á
móti og hefur Ómar
varið undanförnu ári í
að skrifa hana. Höf-
undur tekur þó ekki
sjálfur afstöðu með
eða á móti virkjunum.
Í bókinni eru teknir fyrir allir
helstu möguleikar til virkjana hér-
lendis, þar með talin Gullfoss,
Geysir, Askja og Kverkfjöll. Nið-
urstaðan kom Ómari á óvart, segir
hann, því þegar hann skoðaði betur
hugtakið „afturkræfni“ uppgötvaði
hann sér til mikillar undrunar að
virkjun Kverkfjalla, Öskju og
Geysis fæli ekki í sér mestu um-
hverfisröskun sem hægt væri að
valda á Íslandi, heldur Kára-
hnjúkavirkjun, virkjun Jökulsár á
Fjöllum, Markarfljóts og Þjórsár-
vera.
Áður hafði Ómar komist að því
að virkjun Gullfoss hefði minni nei-
kvæð óafturkræf um-
hverfisáhrif en stórar
virkjanir norðan
Vatnajökuls
Varðandi Geysi,
Öskju og Kverkfjöll
segist Ómar telja nið-
urstöður sínar nýjung
því enginn hafi hugsað
svo langt að virkja
þessa staði. „Að vísu
gat iðnaðarráðuneytið
þess árið 1993 að
möguleiki væri á því
að virkja í Öskju og
Kverkfjöllum, en eng-
inn hefur fjallað um
virkjun Geysis og
nefnd um rammaáætl-
un um virkjun vatnsafls og jarð-
varma hefur ekkert fjallað um
þetta,“ segir Ómar.
Hægt að rífa byggingar
og loka borholum
„Afturkræfni í jarðvarmavirkj-
unum yfirleitt felst í því að unnt er
að rífa byggingar og loka borholum
og rífa háspennulínurnar. Ákveði
menn að hætta við virkjunina er
hægt að ganga þannig frá að landið
verði að mestu eins og það var fyrir
virkjun.
Virkjun Gullfoss fæli í sér minni
breytingar á landslagi og lands-
háttum en mjög margar aðrar
virkjanir vegna þess að aðalmiðl-
unarlónið er þegar til, þ.e. Hvítár-
vatn. Miðlunin myndi felast að
mestu í því að hleypa niður og upp
úr Hvítárvatni. Mannvirkin yrðu
að mestu neðanjarðar, lítið inn-
takslón í hvarfi fyrir ofan fossinn
og hægt væri að hleypa fossinum á
og af að vild, jafnvel á meðan virkj-
unin væri starfrækt. Aðalatriðið er
þó afturkræfnin með því að hvaða
komandi kynslóð sem er getur
hætt við Gullfossvirkjun og þá
stæði fossinn eftir ósnertur og
Hvítárvatn væri á sínum stað,“
segir hann.
Ekki nóg að horfa á nútímann
„Ég tel að í bók sem þessari geti
maður ekki bara staðið í nútíman-
um og hugsað um hvað menn eru
að hugsa einmitt núna, heldur
verði maður að fara lengra aftur í
tímann og vera með allt uppi á
borðinu, hversu fjarstætt sem
mönnum kann að þykja það við
fyrstu sýn. Komandi kynslóðir
munu nefnilega ekki spyrja um það
hvernig landið leit út á okkar tím-
um. Þær munu horfa á hlutina úr
fjarlægð með allt öðrum augum en
við. Ég reyni í bókinni að horfa svo-
lítið til baka fyrir hönd komandi
kynslóða.“
Ómar
Ragnarsson
 Deilan um/18–19
Minni röskun af virkj-
un Gullfoss og Geysis
Ómar Ragnarsson með bók um Kárahnjúkavirkjun
Bensínið 4
krónum
ódýrara í
Hafnarfirði
UM fjögurra króna verðmunur er
á meðalverði bensíns í Reykjavík
og nágrannasveitarfélögunum
Hafnarfirði og Kópavogi. Meðal-
verð á 37 bensínstöðvum í
Reykjavík er 105,31 króna á 95
oktana bensíni og 47,24 krónur á
dísilolíu. Í Kópavogi er meðal-
verðið á 10 bensínstöðvum 101,14
krónur á 95 oktana bensíni en 44
krónur á dísilolíu. Meðalverð á
átta bensínstöðvum er lægst í
Hafnarfirði en þar kostar 95 okt-
ana bensín að meðaltali 101,6
krónur og dísilolía er á 43,86
krónur.
Á mánudag hækkaði verð hjá
bensínstöðvum Esso um tvær
krónur á 95 oktana bensíni og
hækkaði verð hjá Olís og Skelj-
ungi í kjölfarið. Meðalverð á 95
oktana bensíni á stærstu sölustöð-
um Skeljungs er 105,84 krónur,
hjá Esso 104,98 krónur og hjá Ol-
ís 104,94 krónur. Engar verð-
hækkanir hafa verið hjá Atlants-
olíu en félagið er með tvær
bensínstöðvar, aðra í Hafnarfirði
og hina í Kópavogi. Meðalverð
stöðvanna er 99,9 krónur á 95 okt-
ana bensíni.
Hjá Ego er meðalverðið 101,33
krónur, Esso Express 101,70,
Orkunni 102,45 og hjá ÓB 103,04.
Eldsneytisverð á
höfuðborgarsvæðinu
BIRGÐASTAÐA í lambakjöti er mun betri
nú en á sama tíma í fyrra. Tekist hefur að
minnka birgðir um 400 tonn í samræmi við
áætlanir sem gerðar voru á síðasta ári. Jó-
hannes Sigfússon, formaður Landssamtaka
sauðfjár-
bænda, segir
miklu skipta
að vel hafi
gengið að
selja kjöt til
útlanda.
Landbúnað-
arráðherra
hefur ákveð-
ið útflutn-
ingspró-
sentu fyrir
haustslátrun og er hún svipuð og fyrra.
Í fyrra jukust birgðir af lambakjöti, en
það varð til þess að útflutningur á kjöti var
aukinn verulega, fór úr 25% í 36%. Mark-
miðið var að minnka birgðir um 400 tonn.
Jóhannes sagði að þetta markmið hefði
náðst. Vel hefði gengið að selja kjötið úr
landi. Búið væri að selja allt kjöt sem ætlað
var til útflutnings, en á sama tíma í fyrra
var eftir að selja um 700 tonn af kjöti á er-
lenda markaði. Staðan nú sé því mun betri
en í fyrra.
Þrátt fyrir þetta telja bændur ekki
ástæðu til að lækka útflutningshlutfall. Þeir
gerðu tillögu til landbúnaðarráðherra um
svipað hlutfall og í fyrra eða 36% yfir há-
sláturtíðina. Jóhannes sagði að þetta hlut-
fall miðaðist við að minnka birgðir um 400
tonn til viðbótar, en þar með ætti birgða-
staða að vera orðin vel viðunandi.
Verð til sauðfjárbænda lækkaði mikið í
fyrra vegna almennrar verðlækkunar á
kjöti í landinu. Jóhannes sagði að bændur
vildu að sjálfsögðu að verðið hækkaði aftur
og viðræður stæðu nú yfir við sláturleyf-
ishafa um það mál.
Birgðir
lambakjöts
minnka
Morgunblaðið/Ómar
Stakk einn
gest með hnífi
LÖGREGLAN í Reykjavík var kölluð í
heimahús í Hlíðunum kl. 6 í gærmorgun til
að aðstoða konu við að koma gestum út úr
íbúð sinni þar sem gleðskapur hafði verið.
Óskaði húsráðandi sjálfur eftir hjálp lögregl-
unnar því gestirnir vildu ekki út og voru ekki
lengur velkomnir.
Samkvæmt upplýsingum frá lögreglunni í
Reykjavík greip konan skyndilega til hnífs
og stakk gestkomandi mann í magann. Eng-
in átök höfðu verið í íbúðinni áður en þetta
gerðist. Konan var færð í fangageymslur
lögreglunnar og beið yfirheyrslu í gær.
Maðurinn gekkst undir minniháttar
skurðaðgerð í gær, en líðan hans er góð eftir
atvikum, að sögn vakthafandi læknis á
skurðdeild.
♦♦♦
Hentist út
úr bílnum
ÖKUMAÐUR missti stjórn á bíl sínum rétt
fyrir utan Grundarfjörð, á leið til Ólafsvík-
ur, og lenti utan vegar um kl. 8 í gærmorg-
un. Hentist hann út úr bílnum og segir lög-
reglan í Stykkishólmi ótrúlegt að ekki
skyldi fara verr. Landslagið, þar sem bíll-
inn fór út af, hafi komið í veg fyrir að mað-
urinn fengi bílinn á sig. Snerist bíllinn
langsum í veltunni og fór fram hjá honum.
Stöðvaðist bíllinn um 80 metra frá veginum
en maðurinn um 20 metra.
Ökumaðurinn er grunaður um ölvun og
var ekki í bílbelti. Hann slapp með skrámur
og var fluttur á Heilsugæslustöðina í
Grundarfirði, en fékk að fara heim að lok-
inni skoðun.
♦♦♦