Morgunblaðið - 05.10.2004, Blaðsíða 6
6 ÞRIÐJUDAGUR 5. OKTÓBER 2004 MORGUNBLAÐIÐ
FRÉTTIR
SAMNINGAVIÐRÆÐUR grunn-
skólakennara og sveitarfélaganna
halda áfram í dag, eftir að stuttum
fundi var frestað síðdegis í gær að
kröfu sveitarfélaganna. Af samtölum
við deiluaðila má ráða að lítið hafi
þokast í gær, en þá komu til umræðu
kröfur kennara um breytta launa-
myndun. Sjálfur launaliðurinn kom
ekki til umræðu.
Birgir Björn Sigurjónsson, for-
maður samninganefndar Launa-
nefndar sveitarfélaganna, sagði eng-
ar nýjar lausnir
eða ný sjónarmið
af hálfu kennara
hafa komið upp á
borðið í gær,
varðandi launa-
myndunarkerfið.
Það yrði að koma í
ljós hvort það
gerðist í dag. „Ég
geri ráð fyrir að
báðir aðilar geti
hugsað sitt ráð til
morguns. Við munum að minnsta
kosti gera það af hálfu launanefnd-
ar,“ sagði Birgir Björn en vildi ekkert
fullyrða um hvort sveitarfélögin
kæmu með nýtt tilboð í dag.
„Fæðingartími á því sem gerðist
um helgina var tvær vikur. Því er
ekki einkennilegt þótt það taki ein-
hverja daga að koma launakerfinu á
hreint. Auðvitað hefðum við viljað sjá
hlutina gerast miklu hraðar. Verk-
fallið er búið að standa nú þegar of
lengi,“ sagði Birgir Björn ennfremur.
Bökkum ekki
Eiríkur Jónsson, formaður Kenn-
arasambands Íslands, sagði kennara
hafa kynnt ákveðin atriði sem for-
gangsmál, eins og
varðandi launa-
myndunarkerfi
kennara.
„Það er alveg
ljóst að þau atriði
sem menn voru
ekki tilbúnir að
bakka frá fyrir
verkfall, þeim vilj-
um við ekki bakka
frá í verkfalli. Ef
einhvern tíma þarf
til þess, þá það. Við erum staðföst og
bökkum ekki með okkar kröfur.
Samningur sem yrði úr takti við þær
yrði einfaldlega kolfelldur í atkvæða-
greiðslu og þá verðum við miklu verr
stödd en við erum í dag,“ sagði Eirík-
ur.
Ásmundur Stefánsson ríkissátta-
semjari var fámáll að fundi loknum í
gær. Sagði hann ekki tímabært að
leggja mat á stöðu viðræðna. Hið eina
sem hann gæti sagt væri að funda-
höld héldu áfram í dag.
Viðræðum frestað í gær að kröfu
sveitarfélaganna
Engar nýjar
lausnir uppi
á borðum
Birgir Björn
Sigurjónsson
Eiríkur
Jónsson
„JÚ, ÞAÐ er gaman að koma aftur í
skólann,“ sögðu fjórir nemendur í
2. bekk í Öskjuhlíðarskóla í kór við
blaðamann Morgunblaðsins í gær,
en þá mættu nemendur skólans aft-
ur í fyrsta skipti frá því verkfall
kennara hófst. Þau sögðu kenn-
urunum frá því hvað þau gerðu um
helgina og að sögn Jónínu Stef-
ánsdóttur kennara var ekki að
finna á börnunum að verkfallið
hefði haft mikil áhrif á þau; þau
lærðu og léku sér við félagana eins
og ekkert hefði í skorist.
Hansína Skúladóttir, þroskaþjálfi
í 1. bekk, hafði aðra sögu að segja
af sínum nemendum. „Maður finnur
alveg að þau eru óvön, það er svo
föst rútína sem við förum eftir,“
sagði hún um fyrsta kennsludaginn.
Hún segir börnin taka breytingum
misjafnlega og bendir á að sum
barnanna séu með aðskiln-
aðarkvíða, enda aðeins sex ára
gömul.
Fjörutíu kennarar Öskjuhlíð-
arskóla mættu aftur til vinnu í dag
eftir tveggja vikna verkfall. „Það
eru blendnar tilfinningar hjá kenn-
urunum sem kallaðir voru til
starfa,“ segir Einar Hólm Ólafsson
skólastjóri. „Ég leyfi mér að segja
að þeir vilji auðvitað nemendum
skólans og fjölskyldum þeirra allt
hið besta en þeim finnst ekki góð
tilfinning að vera kallaðir til starfa
þegar baráttan er ekki búin. Á með-
an berjast hinir kennararnir áfram
fyrir þau sem eru byrjuð að vinna,“
segir Einar.
Hundrað börn eru í Öskjuhlíð-
arskóla og voru langflest þeirra
mætt í gær að sögn Einars. Hringt
var í alla kennara þegar ljóst var að
undanþágubeiðni skólans hafði ver-
ið samþykkt en foreldrar höfðu
greinilega fylgst vel með fréttum
og börnin mættu án skilaboða frá
skólanum.
„Mér finnst mikilvægt að brugð-
ist var við áður en neyðarástand
skapaðist,“ segir Einar um af-
greiðslu undanþágunefndar. „Því
er ekki saman að jafna að vera for-
eldri fatlaðs barns og heilbrigðis
barns í almennum skóla. Ég held að
menn hafi ekki síst verið að horfa á
aðstæður fjölskyldnanna.“
Jónína Stefánsdóttir kennari seg-
ist hugsa til þeirra kennara sem
enn eru í verkfalli. „Það er virki-
lega gaman að sjá börnin aftur en
ég hefði viljað að verkfallið sjálft
hefði leyst,“ segir Jónína um fyrsta
kennsludaginn eftir að verkfall
hófst. „Það eru mörg börn úti í
þjóðfélaginu sem virkilega þurfa að
komast í skólann aftur.“
Börn í 1.–4. bekk Öskuhlíð-
arskóla hafa aðgang að skóla-
dagvist eftir skóla sem ÍTR hefur
umsjón með. Börn í 5.–10. bekk,
sem höfðu aðgang að slíkri vistun á
vegum skólans þar til í haust, hafa
ekki getað fengi slíka þjónustu í
vetur þar sem ÍTR hefur ekki tekist
að manna þau störf sem til þarf.
„Það kom sér auðvitað óskaplega
illa í verkfallinu, þá var 5.–10.
bekkur ekki með neina vistun,“ út-
skýrir Einar.
Morgunblaðið/Golli
Sindri, Katrín Anna, Viktoría Rán og Sandra Björt í 2. bekk Öskjuhlíðarskóla sögðu kennurum sínum frá við-
burðum síðustu helgar og klöppuðu fyrir hvort öðru að því loknu.
Kennsla hófst að nýju í Öskjuhlíðarskóla í gær
Blendnar tilfinningar
meðal kennara skólans
STÖÐUGILDUM grunnskólakenn-
ara fjölgaði um 28,3% og stöðugild-
um annarra starfsmanna skólanna
fjölgaði um 53,4% frá árinu 1998 til
ársins 2003 á sama tíma og nemend-
um fjölgaði einungis um 5,6%. Frétt
þessa efnis er að finna á vef Sam-
bands íslenskra sveitarfélaga,
byggða á tölum frá Hagstofu Ís-
lands.
Kemur fram að stöðugildi kennara
í grunnskólum landsins voru 3.202
árið 1998 en þau voru komin í 4.109
árið 2003. Hafði þeim á tímabilinu
fjölgað um 907 eða 28,3%. Stöðugild-
um annars starfsfólks fjölgaði á
sama tíma úr 1.419 í 2.177 eða um
758 sem er 53,4% aukning.
Samtals fjölgaði því kennurum og
öðru starfsfólki úr 4.621 í 6.286 eða
um 1.665 sem er 36,0% aukning. Á
sama tíma fjölgaði nemendum úr
42.421 í 44.809 eða um 2.388 sem er
einungis 5,6 % aukning.
Frá árinu 1998 til ársins 2003
bættust því við um tveir starfsmenn
fyrir hverja þrjá nemendur sem
fjölgaði um í grunnskólum landsins,
segir í fréttinni. Þannig fækkaði
nemendum á hvert stöðugildi allra
starfsmanna, annarra en skóla-
stjórnenda, úr 9,2 í 7,1 eða um 22,3%
á þessu tímabili.
Hefur áhrif á álag
starfsfólks skólanna
„Verður að ætla að þessi mikla
fjölgun kennara og annars starfs-
fólks hafi haft jákvæð mótvægisáhrif
vegna sívaxandi álags starfsfólks
sem fyrir var í skólunum og oft hefur
verið nefnt í fjölmiðlaumræðu und-
anfarið í tengslum við kjarabaráttu
grunnskólakennara,“ segir í frétt á
vef Sambands íslenskra sveitarfé-
laga.
„Þegar fjallað er um mikla kostn-
aðaraukningu sveitarfélaga undan-
farin ár við rekstur grunnskólans
verður að líta til áhrifa þeirrar mag-
naukningar sem orðið hefur vegna
fjölgunar stöðugilda í samhengi við
launahækkanir og aðra rekstrar-
kostnaðarliði sem sumir eru í beinu
framhaldi af fjárfestingum í auknu
og bættu skólahúsnæði.
Ljóst er að sveitarfélög hafa varið
verulegu fjármagni frá því að þau
tóku alfarið yfir rekstur grunnskól-
ans til uppbyggingar vegna einsetn-
ingar og bættrar aðstöðu innanhúss,
s.s. vegna mötuneyta og tæknivæð-
ingar,“ segir í fréttinni.
Mikil fjölgun starfsfólks í
grunnskólum undanfarin ár