Morgunblaðið - 20.10.2004, Blaðsíða 18

OSRAM flúrperur á
alla vinnustaði
Jóhann Ólafsson & Co Sundaborg, Johan Rönning Sundaborg/Akureyri,
Rekstrarvörur, Osram Perubúðir: Árvirkinn Selfossi, Faxi Vestmannaeyjum,
R.Ó. Rafbúð Reykjanesbæ, Glitnir Borgarnesi, Rafbúðin Hafnarfirði,
G.H. Ljós Garðabæ, Þristur Ísafirði, Ljósgjafinn Akureyri, S.G. Egilsstöðum,
Lónið Höfn, Straumur Ísafirði, Víkurraf Húsavík, Vírnet Borgarnesi.
Rafverkstæði Árna Elíssonar Reyðarfirði.
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Skapti Hallgrímsson,
skapti@mbl.is, Margrét Þóra Þórsdóttir, maggath@mbl.is og Kristján Kristjánson,
krkr@mbl.is, sími 461-1600. Vesturland Ásdís Haraldsdóttir, asdish@mbl.is, sími 898-
5258. Austurland Steinunn Ásmundsdóttir, austurland@mbl.is, sími 669-1115. Árborg-
arsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Köttur veiddi geirnef | Kettir eru þekkt-
ir af öðru en fiskveiðum, enda forðast þeir
alla jafna að blotna meir en nauðsyn krefur.
Kötturinn Adidas í Stykkishólmi virðist
þó vera undantekning frá því, að því er
fram kemur á vef Náttúrustofu Vest-
urlands í Stykkishólmi.
Dag einn kom eigandi Adidas, Hermann
Guðmundsson, að honum í eldhúsinu heima
hjá sér þar sem hann hafði nýlokið við að
éta ferskan fisk. Það eina sem eftir var af
fiskinum var hausinn. Þótti Hermanni hann
vera undarlegur og fór því með hann á
Náttúrustofu Vesturlands, þar sem hann
var greindur sem geirnefur.
Högninn Adidas hafði því gert góða ferð í
fjöruna og ekki í fyrsta sinn, því hann hafði
áður sést koma með fisk heim, t.d. eitt sinn
spriklandi sprettfisk.
Fram kemur á vefnum að geirnefir eru
úthafsfiskar sem lifa í torfum við yfirborð.
Þeir eiga heimkynni í hlýjum og heittempr-
uðum sjó.
Á sumrin ganga stórar torfur norður á
bóginn allt norður í Barentshaf og stundum
flækist geirnefurinn til Íslandsmiða, eins og
Adidas naut góðs af nú.
Úr
bæjarlífinu
HÉÐAN OG ÞAÐAN
  
Úr kýrhausnum | Tvö fremur furðuleg
afbrot voru framin á Egilsstöðum á dög-
unum. Þannig braust maður inn í Söluskála
Kaupfélags Héraðsbúa í miðbænum eftir
miðnætti eina nóttina og hnuplaði nokkrum
samlokum og gosflösku. Fannst þó ekki nóg
komið þegar hann var kominn út með feng-
inn, heldur fór inn aftur og náði sér í meira
gos. Viðvörunarkerfi fór í gang og örygg-
ismyndavélar tóku athafnir þjófsins upp.
Lögregla fann skófar eftir manninn og
komst fljótlega á slóð hans. Hann mun hafa
verið mjög ölvaður og svangur þegar hann
braust inn í skálann.
Þá var greiðslukorti og lausafjármunum
stolið af konu á dansleik í Valaskjálf á laug-
ardagskvöldið. Á sunnudag birtist svo ung-
ur maður á nærbuxum, bol og með hand-
klæði vafið um sig miðjan í verslun
Kaupfélags Héraðsbúa og keypti á sig
gallabuxur. Hann greiddi með hinu stolna
greiðslukorti og peningunum og hafði sig á
brott.
Afgreiðslufólki láðist að athuga kortið
nákvæmlega og slapp því maðurinn, sem
lögregla mun vita deili á, út með nýju galla-
buxurnar sínar.
Atvinnuþróunar-sjóður Suðurlandsog Sveitarfélagið
Ölfus standa fyrir ráð-
stefnu um orkufrekan
iðnað á Suðurlandi í Ráð-
húsi Þorlákshafnar, næst-
komandi föstudag, kl.
13.30.
Tilgangur ráðstefn-
unnar er að varpa ljósi á
forsendur og framtíð-
armöguleika orkufreks
iðnaðar á Suðurlandi.
Skoða grunngerð svæð-
isins, hafnaraðstöðu í
Þorlákshöfn, virkjunar-
áform á Suðurlandi og
stöðuna í stóriðju, gufu-
aflsvirkjun á Hellisheiði
og tengd atvinnutækifæri.
Einnig verður reynsla
Austfirðinga skoðuð og
viðhorf Sunnlendinga til
orkunýtingar á Suður-
landi.
Ráðstefna
í Ölfusi
ÞRÍR nemendur úr 1. og
2. bekk grunnskólans í
Borgarnesi lögðu leið sína
á bæjarskrifstofur Borg-
arbyggðar í gær og ætl-
uðu að hitta bæjarstjór-
ann. Því miður var hann
fjarverandi en þeir hittu í
staðinn Ásthildi Magn-
úsdóttur forstöðumann
fræðslu og menningar-
mála. Krakkarnir höfðu
með sér kröfuspjöld sem
voru útbúin í tilefni kröfu-
göngu kennara í dag. Að
sögn krakkanna eru þeir
leiðir á að vera í verkfalli
og vilja komast í skólann
aftur. Á myndinni eru f.v.
Salvör Svava G. Gylfadótt-
ir, 2.b., Margrét Helga
Magnúsdóttir, 1.b., Ást-
hildur Magnúsdóttir og
Ísak Atli Hilmarsson, 1.b.
Morgunblaðið/Guðrún Vala Elísdóttir
Nemendur mættu á
bæjarskrifstofurnar
Á afmælishátíð Ið-unnar vakti lukkuþegar Funi, Bára
Grímsdóttir og Chris
Foster, fluttu lög af nýj-
um geisladiski. Þar á
meðal var bálkurinn
Harðar glímur eftir föður
Báru, Grím Lárusson,
sem hann orti á deild
11-E á Landspítalanum í
júní 1994. Hann lést 23.
október 1995:
Veruleikann varla flý,
verða harðar glímur.
Upp mun rísa enn á ný
annar Skalla-Grímur.
Hárskerinn af hausnum skóf
hárið fagurbúna.
Sem gyðingur hjá Gestapó
Gríms er útlit núna.
Aldrei skal ég missa móð
mig áfram að keyra.
Það skal enginn æðruhljóð
í mér fá að heyra.
Gatastunginn er garmurinn
gengur rykkjótt lækningin.
Blárósóttur búkurinn,
beyglaður er karlanginn.
Kveða niður kvölina
þá kroppurinn var heltekinn.
Yrkja frá sér eymdina
allra best var lækningin.
Funheitar vísur
pebl@mbl.is
Garður | Mikið er af mávum í
Garðinum, svo mikið að mönn-
um þykir nóg um. Skipulagðar
hafa verið atlögur til að fækka
mávi í sveitarfélaginu en svo
virðist sem ekki sjáist högg á
vatni. Uppeldisskilyrði eru góð
við tjarnirnar og í nágrenni fisk-
verkunarhúsanna. Mávarnir eru
frekar varir um sig, væntanlega
í ljósi reynslunnar, og taka flug-
ið þegar fólk nálgast. Þessi
mávaflokkur var að æfa flug-
tökin í fjörunni í nágrenni Nes-
fisks.
Morgunblaðið/Helgi Bjarnason
Mávurinn er var um sig
Fjaran
Ísafjörður | Svo virðist sem fasteignaverð á
Ísafirði hafi hækkað nokkuð undanfarna
mánuði. Tryggvi Guðmundsson, lögfræð-
ingur og fasteignasali á Ísafirði, segir í sam-
tali við fréttavef Bæjarins besta á Ísafirði að
verð stærri eigna hafi hækkað um 10 til 12%
að undanförnu.
„Þetta byrjaði fyrri part sumars og sala á
þessum stærri eignum, eins og einbýlis- og
raðhúsum, hefur aukist nokkuð. Þá hefur
verðið hækkað um 10–12% sem er ágætt, í
það minnsta betra en þessi algera stöðnun
sem hefur verið á fasteignaverði undanfarin
tíu ár. Við lítum á þetta sem smáleiðréttingu
á þeirri raunlækkun sem hefur orðið á verði
fasteigna á svæðinu á undanförnum ára-
tug,“ sagði Tryggvi við bb.is.
Verð stærri
eigna hækkað
um 10–12%
Reyðarfjörður | Vandkvæði hafa verið við
vinnu að álvershöfn á Reyðarfirði vegna
botnskriðs. Þannig töpuðust ellefu stálþils-
plötur í sjóinn á dögunum, hver þeirra 23
metrar á lengd og 1 metri á breidd og er
verðmæti þeirra um 5 milljónir króna. Í
ljós hefur komið að botninn þar sem festa
átti þilplöturnar er afar gljúpur og dugði
ekki til þótt búið væri að byggja undir plöt-
urnar með fyllingu. Verið er að kanna með
hvaða hætti er hægt að fyrirbyggja að slíkt
gerist aftur.
Botnskrið veld-
ur vandræðum
við hafnargerð
♦♦♦
Hveragerði | Garðyrkjuskólinn á Reykjum
hefur lagt hluta Hótel Arkar undir sig
þessa vikuna. Þar eru nú kenndir nokkrir
áfangar á starfsmenntabrautum vegna
plássleysis í húsnæði skólans.
Skólinn hóf í haust kennslu nemenda á
háskólastigi. Eru þeir í fjarnámi en þurfa
að koma stöku sinnum í skólann. Á vef
Garðyrkjuskólans, www.reykir.is, kemur
fram að háskólanemarnir þurfi að nota
kennslustofurnar þessa vikuna og því hafi
orðið að finna hluta starfsmenntabraut-
anna annað húspláss þessa dagana. Við
þetta bætist að fjarnámsnemendur í starfs-
menntanámi eru í skólanum þessa vikuna.
Hluti
kennslunnar á
Hótel Örk
♦♦♦