24 stundir - 15.12.2007, Blaðsíða 40

40 LAUGARDAGUR 15. DESEMBER 2007 24stundir
Eftir Kristjönu Guðbrandsdóttur
dista@24stundir.is
Hvaða lifandi manneskju líturðu upp til og
hvers vegna?
Ég lít upp til pabba míns, Björgvins Hall-
dórssonar, og vina minna, því þeir hafa ein-
lægni að leiðarljósi.
Hver er þín fyrsta minning?
Þegar mamma var að hugga mig með tónlist
The Carpenters.
Hver eru helstu vonbrigðin hingað til?
Að ríkisstjórn okkar hafi tekið undir stríðið
við Írak og öll þessi helvítis álver.
Hvað í samfélaginu gerir þig dapran?
Of mikil efnishyggja og: lesa svar við spurn-
ingu 3.
Leiðinlegasta vinnan?
Að keyra út Svala fyrir bolinn.
Uppáhaldsbókin þín?
Þessa stundina er það Into The Wild eftir
Jon Krakauer.
Hvað eldarðu hversdags, ertu góður kokk-
ur? Kjúkling með brúnni sósu og gratíner-
uðum kartöflum. Ekta pakkmatur!
Ég er fínn kokkur eða svo segir kærastan
mín.
Hver myndi leika þig í kvikmynd byggðri á
ævi þinni?
Björn Hlynur Haraldsson.
Að frátalinni húseign, hvað er það dýrasta
sem þú hefur fest kaup á?
Ekki hugmynd, pæli ekki í svona hlutum.
Mesta skammarstrikið?
Þegar ég kom heim fullur í fyrsta skipti .
Hvað er hamingja að þínu mati?
Ástríða, innlifun og einlægni. Vera sam-
kvæmur sjálfum sér og ástin, vinir og fjöl-
skylda .
Hvaða galla hefurðu? Óþolinmæði og sjálfs-
gagnrýni. Listinn er endalaus, það er enginn
fullkominn.
Ef þú byggir yfir ofurmannlegum hæfi-
leikum, hverjir væru þeir?
Að geta læknað hvaða sjúkdóm sem er.
Hvernig tilfinning er ástin? Óútskýranleg,
falleg og hættuleg.
Hvað grætir þig?
Fráfall ástvina og dauði Jesú.
Hefurðu einhvern tímann lent í lífshættu?
Ég og vinir mínir keyrðum næstum því út af
þegar við vorum á leið frá Akureyri en snögg
viðbrögð vinar míns björguðu okkur. Guði
sé lof!
Hvaða hluti í eigu þinni meturðu mest?
Vínylplöturnar mínar sem skipta hundr-
uðum ef ekki þúsundum.
Hvað gerirðu til að láta þér líða vel?
Kúri með konunni, flyt tónlist, fer í heitt bað
og horfi á góða bíómynd.
Hverjir eru styrkleikar þínir? Einlægur og
ástríðufullur.
Hvað langaði þig að verða þegar þú varst
lítill? Myndlistarmaður eða teiknari.
Er gott að búa á Íslandi?
Það er dásamlegt!
Hefurðu einhvern tímann bjargað lífi ein-
hvers?
Ekki svo ég viti. Kannski mínu eigin.
Hvert er draumastarfið?
Það sem ég er að gera núna.
Hvað ertu að gera núna?
Ég er að láta renna í heitt bað og að hlusta á
ástina mína elda fiskibollur í karrísósu.
Oddur Hrafn Björgvinsson
Krummi
Krummi í Mínus hefur á sér yf-
irbragð harðkjarnarokkara.
Hann er þó ekkert illfygli og eig-
inleikar hrafnsins, gæfa og
trygglyndi, einkenna hann öðru
fremur og Krummi á sér líf utan
Mínus-sveitarinnar.
Einhvern tímann sagði hann í
viðtali við erlent dagblað að
pabbi hans, Björgvin Hall-
dórsson, væri eins konar Elvis Ís-
lands. Elvis var einmitt nafn
fataverslunar sem Krummi rak
um tíma. Nú stígur Krummi á
leiksvið og hlutverkið er ekki lít-
ið. Krummi mun leika sjálfan
Jesú í uppfærslu á söngleiknum
Jesus Christ Superstar. Sjálfur er
Krummi trúaður og segist verða
hryggur er hann hugsar um
endalok frelsarans.
a
Til að láta mér líða vel kúri ég með konunni, flyt tónlist, fer í
heitt bað og horfi á góða bíómynd
24spurningar