24 stundir - 15.12.2007, Blaðsíða 66

66 LAUGARDAGUR 15. DESEMBER 2007 24stundir
Ómar Óskarsson ljósmyndari var
staddur á Kúbu í desem-
bermánuði 2006 og tók þar fjölda
mannlífsmynda.
„Fátækt er áberandi, mörgum
gengur illa að draga fram lífið og
menntafólk keyrir til dæmis
leigubíla á kvöldin og næturnar
til að ná saman endum. Það er
mikið um betl og þeir sem vilja
kynnast manni eru yfirleitt að
reyna að fá hjá manni pening.
Þarna gekk til dæmis að mér
maður og sagðist vera tónlist-
armaður og þekkja Bubba Mort-
hens. Síðan bað hann mig um
pening. Maður veit að verið er að
plata mann en maður lætur plata
sig því það er allt í lagi. Það er
hluti af tilverunni þarna.
Skólabörn eru áberandi kurteis
og betla ekki og virðast vera mjög
vel öguð og siðuð,“ segir Ómar.
„Tónlist er stór hluti af lífi lands-
manna og suðræn latínumúsík er
nær stöðugt í eyrum manns og
fylgir manni þegar maður er
kominn aftur heim til Íslands.“
Mannlífs-
myndir
frá Kúbu
Kátir skólakrakkar Vel er séð fyrir grunnmenntun á Kúbu. Þeir segja sjálfir að ólæsi hafi verið útrýmt á nokkrum árum eftir byltingu
Castros og félaga. Krakkarnir eru í skólabúningum.
Götulistamenn í miðborg Havana Þeir vilja að sjálfsögðu fá nokkra pesóa fyrir að
sýna listir sínar.
Með búslóð á herðunum Búferlaflutningar í miðborg Havana.
Beðið um pening Eftir fall Sovétríkjanna hafa lífskjör versnað til muna á Kúbu. Mikið er um betl.
24stundir/Ómar
Eldri borgari í blaðasölu Eldri borgarar reyna gjarnan að drýgja eftirlaunin með
blaðasölu eða jafnvel betli.
Í GEGNUM LINSUNA
frettir@24stundir.is a
Tónlist er stór hluti af lífi lands-
manna og suðræn latínumúsík
er nær stöðugt í eyrum manns.