24 stundir - 15.12.2007, Blaðsíða 88
88 LAUGARDAGUR 15. DESEMBER 2007 24stundir
Eftir Trausta Salvar Kristjánsson
traustis@24stundir.is
Unglingatískan setur stóran svip á samfélagið og er jafnan vísir að því sem
koma skal fyrir okkur „eldri“ borgarana. Viktoría Rós Guðmundsdóttir til-
heyrir yngri hópnum en hún er 16 ára gamall Álftnesingur og nemandi í Flens-
borgarskóla í Hafnarfirði. Hún segist afar hneigð til tískunnar. „Ég kaupi mér
föt í hverjum mánuði,“ segir Viktoría sem aflar fjár með því að vinna hjá Snæ-
lands videói. „Þeir borga alveg ágætlega og standa undir þessari fataneyslu
minni. Ég á því alveg helling af fötum, sem ég líka nota mikið. Við erum svona
vinkonurnar, höfum gaman af því að vera töff og smart,“ segir Vikt-
oría keik en viðurkennir ekki að hún sé að klæða sig upp á fyrir strák-
ana. „Nei, ég er bara að þessu fyrir sjálfa mig. Ég fékk þetta tískuæði í
sumar við lok 10. bekkjar. Það er stórt stökk að fara í framhaldsskóla og auðvitað vill
maður líta vel út og svona.“ Viktoría viðurkennir að sökum þeirrar samkeppni sem
ríki milli stúlkna þegar kemur að útliti kjósi hún að feta aðrar tískubrautir. „Ef það
koma ný föt í 17 til dæmis þá rjúka allar stelpurnar til og enda allar í eins fötum. Ég
reyni að vera aðeins öðruvísi, vil ekki vera eins og allar hinar,“ segir Viktoría, sem er þó
ekki alveg fullviss í hvaða tískuflokk hún fellur. „Ætli ég sé ekki hálfgerður pönkari
hvað það varðar. Ég reyni yfirleitt að vera sæmilega samræmd, ef ég er til dæmis í rauð-
um bol, þá er ég líka í rauðum sokkum.“ Tíska framhaldsskólanna hefur orð á sér fyrir
hópaskiptingu. Verslingar þykja almennt mjög vel klæddir, snyrtilegir og fylgjandi meg-
instraumnum. Lopapeysan og trefillinn er eins konar vörumerki MR-ingsins og MH-
ingar þykja vera miklar týpur, þar sem óhefðbundnari klæði eru áberandi. Viktoría er
nemandi í Flensborg sem hún segir mjög blandaðan skóla þegar kemur að tískunni. „Ég
er bara týpískur Flensborgari má segja. Það er enginn ákveðinn stíll sem hefur fest við
okkur svo ég viti, því hér er enginn eins.“ Viktoría segist eiga uppáhaldsbúð á Íslandi, en
hér vanti þó sárlega eina aðra verslun. „Allar flíkur sem ég kaupi í Outfitters Nation í
Kringlunni eru uppáhaldsflíkin mín. Þetta er nýleg tískubúð fyrir unglinga og mér
finnst allt æðislegt þar inni. En þegar ég fer til útlanda, til dæmis í æfingabúðir með fim-
leikunum, þá fer ég í HM (Hennes&Mauritz). Hún er alveg æði,“ segir Viktoría, sem
stefnir á að læra ljósmyndun og verða einkaþjálfari í framtíðinni.
Viktoría Rós er sannkölluð tískudrós
Kaupir föt
í hverjum
mánuði
Viktoría Rós Guðmundsdóttir á kynstrin öll af fötum
og segist eflaust geta klætt lítið Afríkuríki ef svo bæri
undir. Hún segist vera fatasjúk og kaupir nýjar flíkur í
hverjum mánuði. Hún reynir þó að skera sig úr og
segist vera hálfgerður pönkari hvað stílinn varðar.
TÍSKA
24TÍSKA
tiska@24stundir.is a
Ég reyni yfirleitt að vera sæmilega
samræmd, ef ég er til dæmis í rauð-
um bol er ég líka í rauðum sokkum.
Ég er tiltölulega nýbúin að raka af mér hárið. Það var ekki gert
í neinni uppreisn eða þannig, svona er ég bara. Það eru ekki
margar stelpur á mínum aldri með svona klippingu!
Hálsmenið keypti ég í gær á Laugaveginum. Ég er ekki mikil
glingurmanneskja, en þetta er það eitt af fáu sem ég gæti
hugsað mér að hafa um hálsinn.
Ég gæti ekki gengið með marga
hringa, en þessi eini sem ég nota er af-
mælisgjöf frá mömmu og hefur mikið
tilfinningalegt gildi. Ef ég er ekki með
hann finnst mér alltaf eitthvað vanta.
Ég er oft með eyrnalokka, enda með
sjö göt alls! Þrjú í öðru og fjögur í hinu. Ég fékk þessi hefð-
bundnu tvö þegar ég var sex ára, en síðan hefur bæst við. Ég
fékk eitt til dæmis úti í Tyrklandi í sumar. Mamma segir lítið við
þessu en hún dregur samt línuna við húðflúr.
HÁR OG
SKART
Ég er oft í peysum yfir bolina eða skyrtu
við gallabuxurnar. Þetta er mjög létt og fín
peysa úr Zöru. Hún er ekki með hettu, en
er hneppt að framan. Ætli ég eigi ekki svona um 10 peysur, í
mörgum litum og gerðum.
PEYSA
Þetta er bara þessi klassíski hvíti bómullarbolur. Hann er
reyndar mjög síður, nær alveg niður fyrir
rass. Ég er oft í bolum og á eflaust milli
30 og 40 boli, í öllum litum og gerðum.
Þeir mynda ansi stóra röð í skápnum
mínum að minnsta kost! Ég vona bara að ég sé hætt að
stækka svo ég geti haldið áfram að nota mína stærð, ég get
allavega notast við ársgömul föt enn þá, sem er bara fínt!
BOLUR
Buxurnar eru frá Outfitters Nation. Þetta eru svartar gallabux-
ur með víðu sniði. Þær rifna ekkert þó að maður setjist á
hækjur sér eins og sumar þessara gulrótargallabuxna. Þær
passa við allt eiginlega, get verið í
þeim við nánast hvað sem er, eins og
með flest það sem svart er. Samtals á
ég um 14 pör af buxum, að íþróttabuxum meðtöldum. Ég
held að ég eigi um þrennar buxur frá Outfitters Nation, tvenn-
ar Diesel-gallabuxur, sem eru dýrastar, enda fæ ég mömmu
og pabba til að kaupa þær! Svo á ég líka frá Zöru og svona,
en annars þykja Levi’s-buxurnar flottastar hjá mínum aldurs-
hópi.
BUXUR
Þessa skó keypti ég í Fókus í Kringlunni, eins og svo marga
aðra skó sem ég á. Þessir eru mjög þægilegir
fyrir skólann til dæmis, opnir og góðir. Ég
fékk þá í haust einhvern tímann og kann
mjög vel við þá. Ég held að ég eigi um 17 pör
allt í allt og hef keypt um það bil sjö pör í Fókus. Ég er samt
hálfgerður skóníðingur, því ég hugsa voða lítið um þá þannig.
Ég kaupi bara nýtt par þegar aðrir eru farnir að láta á sjá!
SKÓR
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson