24 stundir - 15.12.2007, Blaðsíða 28

28 LAUGARDAGUR 15. DESEMBER 2007 24stundir
Hvernig bjargar maður 3.600 far-
þegum auk áhafnar sem er kannski
nær helmingur af farþegafjöldan-
um? Þannig spyr yfirmaður her-
stjórnar Dana á Grænlandi, Henrik
B. Kudsk, sem hefur meiri áhyggjur
af því hvernig bjarga eigi farþegum
og skipverjum skemmtiferðaskipa á
hafinu milli Grænlands og Íslands
lendi þau í sjávarháska, heldur en af
landhelgisgæslu og eftirliti með fisk-
veiðum.
Georg Lárusson, forstjóri Land-
helgisgæslunnar, segir hættuna á
öðru Titanic-slysi þykja augljósa.
,,Sérfræðingar hafa sagt að það sé
ekki spurning um hvort annað Tit-
anic-slys verði, heldur hvenær. Og
það gæti alveg orðið á þessum slóð-
um.“
Síðastliðið sumar komu 30
skemmtiferðaskip til Grænlands, að
sögn Kudsk. ,,Flestöll voru risastór
en svo komu einnig fyrrum rúss-
nesk rannsóknarskip með farþega.
Skemmtiferðaskipið Grand Princess
sigldi í gegnum Prins Christians-
sund þann 12. september síðastlið-
inn með 3600 farþega auk áhafnar.
„Siglingaleiðin þar er ein sú hættu-
legasta í heiminum,“ segir Knudsk.
Hann segir björgunarstarf á
Grænlandi skipulagt fyrir allt annað
en björgun þúsunda manna í æv-
intýraleit á hættulegum slóðum.
,,Skipin sigla æ norðar, og sunnar
reyndar líka, þegar heimskautaísinn
er farinn að bráðna. Þeim sem hafa
áhuga á þess háttar ferðalögum
fjölgar sífellt auk þess sem menn
hafa meira fé á milli handanna en
áður til að ferðast fyrir.
Ekki Karíbahafið
Ég efast ekki um hæfni áhafna
þessara skipa en þessar siglingaleiðir
eru ekki hættulausar. Þarna eru ís-
jakar og allra veðra von. Það er stór
munur á að sigla um Karíbahaf og
við austurströnd Grænlands,“
bendir Kudsk á.
Hann tekur það fram að sam-
starfið við íslensk yfirvöld og ís-
lensku landhelgisgæsluna um að-
gerðir til að auka öryggið á hafinu
milli Grænlands og Íslands sé gott.
,,Það er verið að setja reglur um
hvernig þessu verði best háttað.“
Georg Lárusson segir að meðal
annars hafi verið rætt um að skip
hafi samflot. ,,Við höfum rætt um
það okkar á milli að gera hugsanlega
þá kröfu að skip sigli tvö og tvö sam-
an. Ég á þá ekki við að þau sigli með
5 metra millibili, heldur að það
verði eitthvert skipulag á siglingun-
um. Það er augljóst að þótt við
sendum björgunarþyrlur af stað til
að koma 5000 manns í sjávarháska
til hjálpar gætum við kannski bjarg-
að 20 manns með þeim. Þess vegna
verður að vera meira og öruggara
skipulag á þessu hafsvæði. Dóms-
málaráðherra hefur sýnt frumkvæði
um öryggi siglinga á Norður-Atl-
antshafi og í framhaldinu hófst
viðamikið starf. Við ætlum fyrst og
fremst að taka á breyttu mynstri í
siglingum og áhættuþáttum. Við
höfum ekki bara áhyggjur af umferð
skemmtiferðaskipa á Grænlandshafi
vegna aðstæðna þar, heldur einnig
af aukinni umferð flutningaskipa
með gas og olíu á þessum slóðum.“
Hvernig bjargar
maður 3.600 farþegum?
➤ Skemmtiferðaskipið Titanicrakst á ísjaka á Atlantshafi ár-
ið 1912. Talið er að um 1500
manns hafi farist með skip-
inu.
➤ Óttast er að miklu fleiri getifarist lendi stór skip nú í sjáv-
arháska.
TITANIC-SLYSIÐ
Sigldi á ísjaka Farþegaskipið MS Explorer
sigldi á ísjaka undan Suðurskautslandinu í
nóvember. Farþegum og skipverjum, sem voru
alls 154, var bjargað um borð í annað skip.
Ingibjörg B.
Sveinsdóttir
ingibjorg@24stundir.is
FRÉTTASKÝRING
 Yfirmaður herstjórnar Dana á Grænlandi hefur áhyggjur af siglingum skemmtiferða-
skipa við landið  Samstarf við Ísland um aukið öryggi  Rætt um samflot skipa
Alls komu 76 skemmti-
ferðaskip með um 56 þúsund
farþega og 28 þúsund skip-
verja til Íslands síðastliðið
sumar. ,,Nú þegar hafa 83
skemmtiferðaskip bókað
komu sína fyrir næsta sumar
og við getum tekið við miklu
fleiri. Flest skipin koma frá
Þýskalandi, Bretlandi og Dan-
mörku,“ segir Ágúst Ágústs-
son, markaðsstjóri Faxaflóa-
hafna. Mörg skipanna sigla
norður með vesturströnd
landsins og síðan til Svalbarða
og Noregs. Skemmtiferðaskip-
unum sem sigla héðan til
Grænlands og til baka fjölgar
sífellt, að því er Ágúst greinir
frá. Hann tekur það fram að
færri hafi komist með skip-
unum í sumar en vildu.
Á þessu ári komu 30 skemmti-
ferðaskip til Grænlands með
um 23 þúsund farþega, að því
er Henrik B. Kudsk, yfirmað-
ur herstjórnar Dana á Græn-
landi, greinir frá. Búist er við
nær tvöfalt fleiri skemmti-
ferðaskipum til Nuuk á næsta
ári en í ár. Þetta er haft eftir
Grace Julianne Nielsen hjá
Nuuk Tourism á vefnum
www.greenland.com.
Gert er ráð fyrir að sam-
anlagður fjöldi farþega með
skemmtiferðaskipunum til
Nuuk verði 15.000 en fjöldi
farþega nú í sumar var rúm-
lega 8.000.
Skemmtiferðaskip
Tugir þúsunda
á siglingu
,,Nýtt ,,Titanic-slys“ sunnan
Grænlands.“ Þetta var fyrirsögn
fréttar um sjóskaða í janúar
1959 í Morgunblaðinu.
Það var danska Grænlandsfarið
Hans Hedtoft sem fórst í
jómfrúarferð sinni milli Dan-
merkur og Grænlands. Um borð
voru 55 farþegar og 40 manna
áhöfn og fórust allir. Það eina
sem hafið skilaði var heillegur
bjarghringur, merktur farinu, sem rak á fjöru í Grindavík í
október sama ár, að því er segir í grein í Morgunblaðinu 40 ár-
um eftir slysið. Skipið rakst á ísjaka suðaustur af Hvarfi. Þýskur
togari var fyrstur á vettvang en gat ekkert aðhafst vegna óveðurs
og ölduhæða. ibs
Fórst í jómfrúarferð sunnan Grænlands
Danskt skip sigldi á ísjaka
SÓFASETT
Mary
Hermes Barbara
Paula
HÁSKERPA
HEIM Í STOFU
WWW.SVAR.IS - SÍÐUMÚLA 37 - SÍMI 510 6000
MIRAI 32” LCD háskerpusjónvarp
79.900-
TILBOÐ