24 stundir - 15.12.2007, Blaðsíða 56

56 LAUGARDAGUR 15. DESEMBER 2007 24stundir
Vín vikunnar
Elísabet Alba
Valdimarsdóttir vín-
þjónn
Bon Courage Inkará Shiraz 2004
Bon Courage Inkará Shiraz 2004
Opið í nefi með áberandi plómum, döðlum, mórberjum, myntu og eucalyptus. Eik-
in er afgerandi með súkkulaði-, espresso- og reyktónum. Flókið í munni með ein-
kennum sem minna helst á líkjörslegna ávexti, sæt krydd og sólber svo eitthvað
sé nefnt. Silkimjúk og liðug tannín fylgja löngum krydduðum endi.
Gífurlega stórt og mikið vín með kraft sem mætti mæla í hestöflum. Það er
tilbúið til neyslu strax en geymist vel næstu 6-8 ár. Pottþétt val með nauta-
kjöti með þungum soðgljáa og villisveppum, allskyns villibráð og
veigameiri ostum.
Ein þekktasta og virtasta víngerð Suður-Afríku, Bon Courage,
hefur verið í eigu Bruwer-fjölskyldunnar síðan 1818 þó að það hafi
ekki hlotið núverandi nafn fyrr en 1983. Feðgarnir og víngerð-
armennirnir André og Jacques Bruwer leggja mikið upp úr flagg-
skipslínunni Inkará. Nafn línunnar er óður til næstu kynslóðar
víngerðarmanna þar sem það er dregið af nöfnunum Inge, Karl og
André, börnum Jacques.
Uppskeran fer fram á nóttunni til að koma í veg fyrir hitastigs-
breytingar í þrúgunum fyrir gerjun. Vínið er svo látið liggja á nýrri
franskri eik í 18-24 mánuði.
Þrúga: Shiraz
Land: Suður-Afríka
Hérað: Robertson
Eftir Einar Jónsson
einarj@24stundir.is
Guðlaug Pétursdóttir, eða Gulla í
Gló eins og hún er jafnan kölluð,
lærði að meta gildi þess að borða
vel og reglulega þegar hún vann
við kvikmyndagerð í Los Angeles
fyrir nokkrum árum. „Til að vinna
við svona starf þarf maður að
borða reglulega og borða vel því
að annars stenst maður ekki álag-
ið. Ég brenndi mig einu sinni á því
þegar ég bjó úti í LA og missti
næstum heilsuna. Maður kaupir
hana ekki úti í búð,“ segir hún.
Matur sem byggir upp
Þegar Gulla og Guðni Gunn-
arsson, eiginmaður hennar, fluttu
heim fannst þeim vanta veitinga-
stað þar sem boðið væri upp á
hollan og góðan mat fyrir fólk sem
ynni mikið og hefði ekki tíma til
að elda. „Við vorum vön að fara á
stað þar sem maður borðar fylli-
lega og stendur upp og heldur
áfram að máltíð lokinni en þarf
ekki að leggja sig eftir á því að
maður á í erfiðleikum með að
melta fæðuna,“ segir hún.
Fyrr á árinu opnuðu þau veit-
ingastaðinn Gló í Listhúsinu í
Laugardal en hann er í góðu sam-
býli við Rope Yoga setrið. „Í rope
yoga hlúum við að fólki með jóg-
anu og aðhlynningu en á veit-
ingastaðnum gerum við það með
fæðunni,“ segir Gulla.
Líður eins og prinsessu
Hún leggur áherslu á að um-
hverfið skipti miklu máli og að
veitingastaðurinn sé hannaður
með það í huga. „Ég geri þetta
eins kærleiksríkt og rómantískt og
ég mögulega get. Það er ekki að-
eins maturinn sem skiptir máli
heldur öll upplifunin við að setjast
niður í fallegu umhverfi og fá
hollan og góðan mat sem er einnig
fallega borinn fram. Manni líður
eins og prinsessu og að maður sé
að gera eitthvað virkilega gott fyrir
sjálfan sig. Markmiðið er að fólk
geti tekið sér tíma í hraða lífsins,
sest niður og gengið út endurnært
með bros á vör og blik í aug-
unum.“
Að lokum deilir Gulla girnilegri
uppskrift að kalkúnabringum með
lesendum 24 stunda og gómsætri
súkkulaðitertu.
Gullu í Gló finnst mikilvægt að borða vel og reglulega
Maður kaupir ekki
heilsuna úti í búð
Þeir sem vinna við álags-
störf verða að gæta þess
að borða vel og reglu-
lega. Gulla í Gló brenndi
sig á því þegar hún vann
við kvikmyndagerð í Los
Angeles á sínum tíma.
Máltíðin má þó ekki vera
svo þung að menn liggi
óvinnufærir eftir.
Matur í dagsins önn
Þrátt fyrir annir og álag
verður fólk að gefa sér
tíma til að borða vel og
reglulega að mati Guð-
laugar Pétursdóttur í Gló.
➤ Guðlaug bjó og starfaði í LosAngeles í nokkur ár.
➤ Hún vann eitt ár fyrir upp-tökustjórann Trevor Horn.
➤ Eiginmaður hennar, GuðniGunnarsson, er frumkvöðull
rope yoga æfingakerfisins.
GUÐLAUG PÉTURSDÓTTIR
24stundir/Golli
Tími jólahlaðborðanna stendur
sem hæst um þessar mundir og á
ófáum vinnustöðum gera menn
sér dagamun og gæða sér á úrvals
mat og drykk. Starfsfólk Múla-
lundar hélt jólahlaðborð í gær
þar sem hangikjöt, laufabrauð og
aðrar kræsingar voru á boð-
stólum. „Þetta er framkvæm-
anlegt með stuðningi góðra aðila
sem sjá sér fært að styðja við
bakið á þeim sem eiga ekki greið-
fært í jólahlaðborð víðar um bæ-
inn,“ segir Helgi Kristófersson,
framkvæmdastjóri Múlalundar.
Hann vill þakka öllum sem komu
til aðstoðar til að þetta væri
framkvæmanlegt.
Kræsingar á borðum
Jólakræsingar Starfsmenn
Múlalundar og gestir þeirra
gæddu sér á kræsingum á jóla-
hlaðborði í gær.
LÍFSSTÍLLMATUR
matur@24stundir.is a
Það er ekki aðeins maturinn sem skiptir
máli heldur öll upplifunin við að setjast
niður í fallegu umhverfi og fá hollan og góðan
mat sem er einnig fallega borinn fram.
Skógarhlíð 18 • sími 595 1000 • www.heimsferdir.is
frá kr. 73.560
Munið Mastercard
ferðaávísunina
Heimsferðir bjóða frábært tilboð á allra síðustu
sætunum í 14 nátta ferð til Dóminíska lýðveldisins
18. janúar. Njóttu lífsins við ótrúlegar aðstæður í
Karíbahafinu á þessari fögru paradísareyju sem
býður frábærar aðstæður fyrir ferðamanninn.
Heimsferðir bjóða einstakt tækifæri til að upplifa
stórkostlegar strendur, frábæra tónlistarmenningu,
fjölbreytta afþreyingu og einstakt mannlíf. Athugið
mjög takmarkaður fjöldi flugsæta og gistingar í boði!
18. janúar
2. janúar
9. janúar
16. janúar
Verð kr. 73.560
Netverð á mann, m.v. 2 fullorðna og 1
barn (2-11 ára í 14 nætur á Tropical
Casa Laguna *** með “allt innifalið”,
18. janúar.
Verð kr. 89.790
Netverð á mann, m.v. gistingu í tvíbýli í
14 nætur á Tropical Casa Laguna ***
með “allt innifalið”, 18. janúar.
Takmörkuð gisting í boði!
Dóminíska lýðveldið
Ótrúlegt tilboð - 14 nátta ferð
- með allt innifalið