Morgunblaðið - 11.01.2005, Blaðsíða 10

10 ÞRIÐJUDAGUR 11. JANÚAR 2005 MORGUNBLAÐIÐ
FRÉTTIR
Nýr frá
Bretlandi

Leikandi línur
og loftfjaðrir
– 190 hestafla V6 dísil
í reynsluakstri
á morgun
„FLÓÐBYLGJAN sópaði öllum húsunum í burtu, það
er því ekkert eftir, fólk situr bara á rústunum,“ segir
Vilhjálmur Jónsson, er hann lýsir ástandinu í sjáv-
arþorpinu Thazhanguda, á Suður-Indlandi, eftir nátt-
úruhamfarirnar annan í jólum.
Um 3.000 manns, eða 450 fjölskyldur, búa í þorpinu.
Hann segir að um 45 þorpsbúar, aðallega börn, hafi
farist í hamförunum. „Mörg börn voru úti að leika sér í
fjörunni, þegar flóðbylgjan skall á, en þau kunnu ekki
að synda.“
Vilhjálmur hefur búið á Indlandi í 23 ár og helgað
þar líf sitt mannúðarmálum, m.a. í gegnum alþjóðlegu
samtökin The Family International. Hann fór til þorps-
ins, Thazhanguda, í byrjun síðustu viku, á vegum sam-
takanna, ásamt fjórum öðrum hjálparstarfsmönnum.
„Við byrjuðum á því að hitta sýslumanninn á svæðinu,
sem gaf okkur leyfi til þess að hefja hjálparstarf í þorp-
inu,“ segir hann. „Þetta er eitt stærsta sjávarþorpið í
sýslunni. Íbúarnir lifa af því að sækja sjóinn, en þeir
týndu bátunum sínum og fiskinetum í flóðinu.“
Hann segir að verkefni sitt muni felast í því að hjálpa
íbúunum að koma undir sig fótunum á næstu mán-
uðum. „Við höfum tekið að okkur að byggja þetta þorp
upp aftur.“ Síðustu dagar hafa þó aðallega farið í að
dreifa matvælum og búsáhöldum til íbúanna. Einnig er
vatn flutt í stórum bílum til þorpsins á hverjum degi
þar sem salt vatn komst í vatnsbrunnana í flóðinu.
„Fólk frá ýmsum hjálparstofnunum hefur verið að
dreifa matvælum til íbúa þorpsins en það er þó aðeins
bráðabirgðahjálp. Við ætlum að byggja þorpið upp til
framtíðar.“
Vilhjálmur gerir ráð fyrir því að efniviður í bráða-
birgðahúsnæði berist til þorpsins eftir helgi. „Við ætl-
um að setja upp kofa sem eru gerðir úr bjálkum og
kókoshnetublöðum.“ Hann segir fólkið í þorpinu mjög
fátækt. Hann segir að rætt hafi verið um að flytja það
fjær sjónum og byggja þar upp nýtt þorp, en telur þó
ólíklegt að af því verði. „Íbúarnir eru vanir að sækja
sjóinn og vilja ekki vera lengra inni í landinu.“
Vilhjálmur segir að þeir sem vilji styrkja hjálp-
arstarfið í þorpinu geti lagt inn á eftirfarandi banka-
reikning í Íslandsbanka, Kirkjusandi: 515 26 3470.
Kennitalan er: 630300-3470.
Vilhjálmur Jónsson er við hjálparstarf á Indlandi
Ljósmynd/Vilhjálmur
Íbúar sjávarþorpsins Thazhanguda geta ekki sótt sjóinn, þar sem bátar og net sópuðust burt í flóðinu.
„Fólk situr
bara á
rústunum“
Vilhjálmur Jónsson ásamt íbúum í þorpinu. Í baksýn er
bátur sem barst um 150 m frá ströndinni í flóðinu.
ÁKVEÐIÐ hefur verið að næsta
þing samtaka korta- og fasteigna-
skráningarstofnana í Evrópu (Euro-
Geographics) verði haldið hér á
landi á þessu ári. Þorvaldur Braga-
son, forstöðumaður upplýsingasviðs
Landmælinga Íslands, segir að
EuroGeographics vinni núna meðal
annars að því að koma upp vektor
gagnasafni af allri Evrópu í mæli-
kvarða 1:250.000. Gert er ráð fyrir
að gögn og upplýsingar um alls 25
lönd í álfunni verði í gagnasafninu
fyrir árslok 2006.
Landmælingar Íslands hafa unnið
lagskipt vektor gagnasafn af öllu Ís-
landi í mælikvarða 1:50 000 (IS
50V) sem nýtist fjölmörgum stofn-
unum, sveitarfélögum og fyrirtækj-
um hér á landi, en upplýsingar úr
þessu gagnasafni og öðrum sem
stofnunin býr yfir, verða nýttar í
Evrópuverkefninu.
Þorvaldur sagði að samstarf um
landmælingar og kortagerð í Evr-
ópu hefði staðið lengi, en upphaf-
lega hefði það hafist vegna þess að
menn hefðu þurft vettvang til að
takast á við sameiginleg málefni.
Samstarfið hefði þróast og eftir að
löndin í A-Evrópu hefðu opnast
hefði meðal annars þurft að fara út í
umfangsmiklar endurmælingar.
GPS-tæknin hefði dýpkað þetta
samstarf enn frekar.
Næsti ársfundur á Íslandi
Ísland hefði notið góðs af þátttök-
unni í samstarfi kortastofnananna
þegar GPS-mælingar voru gerðar
hér á landi árið 1993.
„Á seinni árum hefur þetta
þróast úr því að snúast mikið um
starf vinnunefnda á tilteknum
fagsviðum í að vera samtök þar sem
verið er að gera lagskipt heildar-
gagnasöfn af Evrópu. Með því er
verið að bregðast við þörfum
margra aðila, eins og Evrópusam-
bandsins, fjölþjóðlegra samtaka
eins og umhverfissamtaka og ann-
arra, fyrir að fá upplýsingar af
þessu tagi.
Fyrsta verkefnið var að búa til
gagnasafn um stjórnsýslumörk í
Evrópu. Síðan var farið í að búa til
lagskipt gagnasafn af Evrópu sem
var í mælikvarða 1:1.000.000. Það
tengist heildarverkefni fyrir alla
jörðina, sem er draumur margra að
verði til. Menn vilja hins vegar fá
nákvæmari upplýsingar og nú er
verið að vinna að gagnasafni í mæli-
kvarðanum 1:250.000. Ísland mun
taka þátt í því, en við höfum einnig
verið þátttakendur í hinum tveimur
verkefnunum. Stofnunin hefur einn-
ig verið með í samstarfsverkefni
sem miðar að því að miðla upplýs-
ingum á Netinu um hvað er til af
landfræðilegum gagnasöfnum í
hverju landi.“ EuroGeographics
voru í upphafi samtök stofnana á
sviði landmælinga og kortagerðar,
en síðan hafa fasteignaskráningar-
stofnanir bæst við. Á síðasta árs-
fundi gerðist Fasteignamat ríkisins
formlegur aðili að samtökunum.
Þorvaldur sagði að á síðasta árs-
fundi hefði verið ákveðið að næsti
ársfundur EuroGeographics yrði
haldinn hér á landi í haust.
Ársþing samtaka korta- og fasteignaskráningastofnana í Evrópu verður haldið á Íslandi í haust
Vinna að gagna-
grunnum fyrir
alla Evrópu
Ljósmyndari/Vigfús Birgisson
Starfsmenn Landmælinga hafa haft mikið gagn af samstarfinu innan korta- og fasteignaskráningastofnana í
Evrópu (EuroGeographics) en fundur samtakanna verður haldinn hérlendis á hausti komanda.