Morgunblaðið - 11.01.2005, Blaðsíða 13

MORGUNBLAÐIÐ ÞRIÐJUDAGUR 11. JANÚAR 2005 13
ÚR VERINU
BREZKI Íhaldsflokkurinn hefur
kynnt tillögur að fiskveiðistjórnun,
sem færir Bretum yfirráðin yfir lög-
sögu sinni á ný. Þeir segja hina sam-
eiginlegu fiskveiðistefnu ESB hrylli-
leg mistök sem hafi skaðað alla þætti
sjávarútvegsins í Bretlandi og lífríkið
í hafinu sömuleiðis.
Talsmaður flokksins í sjávarút-
vegsmálum, Owen Paterson, segir að
hin sameiginlega fiskveiðistefna sé
stórslys hvað varði lífríkið, umhverf-
is- og félagsmálin og hana sé ekki
hægt að endurbæta. „Þetta er kerfi
sem neyðir sjómenn til að fleygja
meiri fiski í sjóinn en þeir koma með
að landi. Hún hefur skaðað lífríkið í
hafinu verulega, hún hefur eyðilagt
stóran hluta fiskiðnaðarins og útgerð-
arinnar með þvinguðum úreldingum
góðra skipa og hefur stórskaðað sjáv-
arbyggðirnar,“ segir Paterson.
Vilja dagakerfi
Tillögur íhaldsmanna eru byggðar
á þekkingu sem þeir hafa aflað sér
með því að kynna sér fiskveiðistjórn-
un í löndum eins og Íslandi, Færeyj-
um, Noregi og Falklandseyjum. Til-
ögur þeirra byggjast á nokkrum
grundvallaratriðum: Þeir vilja daga-
kerfi, en ekki fasta kvóta. Þeir vilja að
brottkast á nýtanlegum fiski verði
bannað. Varanlegar lokanir veiði-
svæða í verndunar og uppbyggingar-
skyni og tímabundnar svæðalokanir.
Þeir vilja að notuð verði veiðarfæri er
geti valið fisk eftir stærð og öðrum
þáttum. Þeir vilja endurskoða lág-
marksstærð á fiski, banna veiðar í
bræðslu, banna opinbera styrki, þeir
vilja skráningu á öllum skipum, skip-
stjórum, þeir vilja að leitað verði leiða
til að hvetja menn til að hugsa um
gæði fremur en magn og vilja virkt og
sanngjarnt eftirlit.
Brezkir íhaldsmenn
Fiskveiði-
stefnan
stórslys
LOÐNUVEIÐARNAR ganga mjög
vel enda mikil loðna við landið
norðaustanvert. Síldin veiðist bæði
í flottroll og nót og er mikið fryst af
henni bæði um borð og í landi. Gert
er ráð fyrir því að endanlegur kvóti
verði gefinn út í vikunni eftir að
mælingum á stofninum lýkur.
Víkingur AK 100 kom inn til
Vopnafjarðar upp úr hádeginu í
gær með fullfermi, 1.400 tonn af
loðnu. Skipið kom á miðin á sunnu-
dagskvöld og var komið með full-
fermi kl. 6 á mánudagsmorgun, en
allur aflinn fékkst í hringnót.
„Loðnan virðist vera á stóru
svæði með kantinum norð-austur af
landinu og þó nokkuð að sjá,“ sagði
Sveinn Ísaksson skipstjóri á Víkingi
á heimasíðu HB Granda í gær. Sigl-
ingin inn til Vopnafjarðar tók 7
tíma. Loðnan fer í frystingu og
einnig mun hluti af farminum fara í
bræðslu.
Faxi RE 9 og Ingunn AK 100
voru á miðunum í gær langt komin
með að fylla sig. Svanur RE 45 kom
inn til Vopnafjarðar undir kvöld
með um 600 tonn. Fryst er um borð
í skipinu, tæp 60 tonn á sólarhring,
og jafnframt er ætlunin að landa í
vinnsluna í landi ef þess þarf með.
Sunnubergið NS 70 hélt á miðin í
sunnudagskvöld eftir löndun og
hefur stöðug loðnufrysting verið
alla helgina hjá HB Granda á
Vopnafirði. Óhætt er að segja að
hjól atvinnulífsins á Vopnafirði snú-
ist á fullu þessa dagana og nóg að
gera á öllum vígstöðvum.
Mogunblaðið/Jón Sigurðarson
Loðnuveiðar Einar Víglundsson, verkstjóri í uppsjávarvinnslu HB Granda
á Vopnafirði, skoðar loðnuna sem Sveinn Ísaksson á Víkingi kom með
þangað. Loðnan fer bæði í frystingu og bræðslu.
Veiðar Víkingur AK kemur með fullfermi, 1.400 tonn, til Vopnafjarðar.
Víkingur með fullfermi í nót