Morgunblaðið - 11.01.2005, Blaðsíða 4

4 ÞRIÐJUDAGUR 11. JANÚAR 2005 MORGUNBLAÐIÐ
FRÉTTIR
FJÁRMÁLAEFTIRLITIÐ hefur
hert reglur um upplýsingaskyldu
vegna launa og þóknana til stjórn-
armanna og framkvæmdastjóra í líf-
eyrissjóðum vegna starfa í þágu
sjóðsins og skulu upplýsingarnar
sérgreindar á hvern og einn.
Páll Gunnar Pálsson, forstöðu-
maður Fjármálaeftirlitsins, segir að
slíkar reglur séu komnar inn hvað
varði reikningsskil fjármálafyrir-
tækja og Fjármálaeftirlitið hefði tal-
ið eðlilegt að þær reglur næðu einnig
til lífeyrissjóða. „Það er svo sem ekk-
ert sérstakt atvik á fjármálamarkaði
sem leiðir til þess, heldur er það bara
eðlileg krafa í dag að þetta komi
fram,“ sagði Páll Gunnar ennfremur.
Fram kemur að reglurnar gildi
fyrir árið 2004. Reglurnar eru svo-
hljóðandi:
Skilgreina á laun og hlunnindi
„Í skýringum skal tilgreina heild-
arfjárhæð launa og þóknana til
stjórnar og framkvæmdastjóra líf-
eyrissjóðs vegna starfa í þágu sjóðs-
ins, enda séu þessar upplýsingar
ekki í skýrslu stjórnar. Upplýsing-
arnar skulu sérgreindar á einstaka
stjórnarmenn og framkvæmda-
stjóra. Með launum og þóknunum er
auk beinna launa átt við hvers konar
starfstengd hlunnindi svo sem bif-
reiða- og húsaleiguhlunnindi. Með
störfum í þágu lífeyrissjóðs er m.a.
átt við störf sem viðkomandi gegnir í
krafti eignaraðildar lífeyrissjóðs að
dóttur- eða hlutdeildarfélögum, sem
og setu í nefndum og stjórnum sem
hann er tilnefndur í af hálfu lífeyr-
issjóðsins, þótt þóknanir fyrir þau
störf séu ekki greiddar af lífeyris-
sjóðnum sjálfum.
Í skýringum skal veita upplýsing-
ar um þóknun til endurskoðanda/
endurskoðunarfélags, sem annast
ytri endurskoðun lífeyrissjóðsins,
sundurliðað í þóknun fyrir endur-
skoðun annars vegar og fyrir aðra
þjónustu hins vegar.“
Fjármálaeftirlitið setur lífeyrissjóðum nýjar reglur
Hertar reglur vegna
launa og þóknana
NOTENDUR mbl.is geta nú bókað
auglýsingar á Atvinnuvef mbl.is.
Boðið er upp á tvo flokka auglýs-
inga: Atvinna í boði og Atvinna ósk-
ast. Hægt er að tengja merki við
auglýsingar, ýmist svarthvít eða í
lit.
Skráðir notendur geta skilgreint
vöktun og fengið tölvupóst eða
SMS-skilaboð þegar rétta starfið
finnst. Þessum auglýsingum er
safnað í vaktmöppu sem hægt er að
skoða við hentugleika. Sömuleiðis
geta þeir skoðað upplýsingar um
pantanir, fjarlægt auglýsingar af
Atvinnuvefnum ásamt því að geta
prentað út reikninga. Auglýsingar
sem bókaðar eru á Atvinnuvefnum
birtast einu sinni í Morgunblaðinu
og tíu sinnum á Atvinnuvefnum.
Nánari upplýsingar um verð er að
finna á vefnum.
Hægt að bóka
atvinnuauglýs-
ingar á mbl.is
ÞOTA frá Air Atlanta fer í dag áleið-
is frá Dubai til Sri Lanka með nærri
100 tonna farm af hjálpargögnum á
vegum Alþjóða Rauða krossins.
Fram kemur í frétt frá Rauða krossi
Íslands að Avion Group, Eimskip,
Landsbanki Íslands og Olís taki
höndum saman um að kosta flutn-
inginn.
Arngrímur Jóhannsson, flugstjóri
og stofnandi Atlanta, verður við
stjórnvöl þotunnar, B747-200, ásamt
syni sínum Gunnari. Vélin flytur
hreinlætisvörur, tjöld, dýnur og pall-
bíla. Þórir Guðmundsson, yfirmaður
útbreiðslusviðs RKÍ, veður með í för
og Hlér Guðjónsson, sendifulltrúi á
Sri Lanka, tekur við farminum þar.
Sigrún Árnadóttir, framkvæmda-
stjóri RKÍ, segir þessa samvinnu fyr-
irtækjanna einkenna þann hug sem
búi að baki hjálparstarfi Íslendinga.
Atlanta flytur
hjálpargögn til
Sri Lanka
GREINING Íslandsbanka spáir
minnkandi atvinnuleysi á þessu ári.
Samkvæmt Morgunkorni Íslands-
banka í gær skilar hinn mikli hag-
vöxtur sem nú er á Íslandi sér í
minnkandi árstíðarleiðréttu at-
vinnuleysi. Í þjóðhagsspá Grein-
ingar Íslandsbanka fyrir árið 2004
var gert ráð fyrir 3,1% atvinnuleysi
á árinu og samkvæmt Morgunkorni
virðist sú spá munu ganga eftir þótt
ekki sé enn búið að birta atvinnu-
leysistölur fyrir desember á síðasta
ári. Í ljósi aukinnar efnahagslegrar
virkni á Íslandi sem og könnunar
Samtaka atvinnulífsins á ráðning-
aráformum fyrirtækja spáir Grein-
ing Íslandsbanka 2,8% atvinnuleysi
á árinu 2005.
Spáir minnkandi
atvinnuleysi
ÞAÐ virðist hafa verið fyrir tilviljun að Johan
Svensson, framkvæmdastjóri Íslenska járn-
blendifélagsins, sem staddur var í Taílandi annan
í jólum, tók eftir aðdraganda flóðbylgjunnar
miklu og tókst naumlega að forða sér og fjöl-
skyldu sinni upp á klettanef rétt áður en 10–15
metra há aldan skall á ströndinni. Á klettinum
hírðust um 100 manns næstu fimm klukkustund-
irnar og áttu ekki góða vist vegna ótta við sagnir
um aðra og miklu stærri öldu sem væri á leiðinni.
Johan kom til Taílands 17. desember og hugð-
ist verja þar jólafríi sínu með fjölskyldu sinni.
Þau dvöldu á hóteli í Pathong en voru stödd á ná-
lægri eyju, Chicken Island, þegar ósköpin dundu
yfir. „Aldan var skelfileg og þetta var það versta
sem ég hef nokkru sinni upplifað,“ segir Johan.
Allir úr fjölskyldu hans sluppu við meiðsli, „en því
miður urðum við vitni að því þegar aldan lenti á
fjórum Svíum sem áttu sér engrar undankomu
auðið.
Við töldum að það væri nógu erfitt að upplifa
þessa atburði á eyjunni, en það var enn verri lífs-
reynsla að koma aftur til Pathong og sjá alla eyði-
legginguna og fórnarlömbin sem fórust. Það var
skelfilegt.“
Það var nánast fyrir heppni að Johan sá hvað
verða vildi þegar hann var staddur á ströndinni á
Chicken eyju og tókst að forða sér á harðahlaup-
um. „Mér tókst að forða mér og láta alla hina vita.
Það voru fleiri en ég sem sáu hvað var í aðsigi
þannig að okkur tókst að öskra og láta hina vita.“
Johan segir aðdraganda öldunnar samt ekki
hafa verið mjög sýnilegan þótt hann og aðrir hafi
tekið eftir einhverju óvenjulegu. „Við sáum brjóta
á kletti úti á hafi og í kjölfarið hækkaði sjáv-
arborðið. Við sáum enga öldu fyrr en hún skall á
eyjunni. Þetta var því ekki mjög sýnilegt heldur
var þetta á sinn hátt af því tagi að maður þurfti
að vera athugull til að átta sig á þessu.“
Björguðu sér upp á klettótta eyju
Við enda strandarinnar þar sem fólkið var sam-
ankomið er klettótt eyja sem var nægilega há til
að veita öryggi. Og þangað þusti fólkið í ofboði.
„Trúlega hef ég aldrei nokkurn tíma hlaupið eins
hratt á ævi minni,“ segir Johan. „Á þessari eyju
voru engar húsbyggingar og því ekki um tjón að
ræða hvað það snertir. Það voru heldur engin
börn sem urðu fyrir öldunni. Við sátum þarna í
rúmar fimm klukkustundir og biðum eftir að við
yrðum sótt. En það þorði enginn að sækja okkur
því það var beðið eftir nýrri öldu.“
Þegar öllu var talið óhætt komu leiðsögumenn
á gúmmíbátum og fluttu fólkið, sex í senn, út í
snekkju sem þau höfðu komið á. „Þannig tókst að
bjarga yfir 100 manns, bæði okkar 28 manna hópi
og öðru fólki á eyjunni. Við vorum á snekkjunni í
nokkra tíma og fórum síðan inn til Pathong og
vorum komin þangað um miðnættið. Við sáum því
ekki afleiðingarnar þar fyrr en í birtingu næsta
dags. Og það var skelfileg sjón sem blasti við okk-
ur. Þetta var með hreinum ólíkindum.“
Með í ferðinni til Chicken eyju var jarðfræð-
ingur sem sagði Johan að flóðbylgjan stafaði frá
jarðskjálfta og því var fólkinu á klettinum nánast
frá upphafi ljóst af hvaða rótum náttúruhamfar-
irnar voru runnar.
Að mati Johans var aldan 10–15 metra há þeg-
ar hún skall á eyjunni og gusaðist sjávarlöðrið yf-
ir hópinn á klettinum sem var um 25 metrum ofan
sjávarmáls. Segir Johan það hafa verið ein-
staklega ógnvekjandi að fylgjast með öldunni æða
upp á land. Hann segir hverja ölduna hafa fylgt
annarri á 10 mínútum, alls þrjár öldur, og í kjöl-
farið fór fólkið mjög að óttast stærri öldu en þá
fyrstu í röðinni. Orðróm þessa efnis hafi fólk ver-
ið að frétta í gegnum GSM-símana sína. „Fólk var
því verulega óttaslegið,“ segir Johan.
Hann kom til Íslands fyrir viku en var á Taí-
landi í viku eftir hamfarirnar áður en hann hélt til
Noregs og þaðan hingað til lands. Hann hefur
hafið störf sín aftur hjá Járnblendifélaginu og
segir vinnuna vera sína áfallahjálp ef svo mætti
að orði komast. „Ég reyni að vinna til að gleyma
þessum atburðum en það er erfitt að tala um
þessa reynslu því þá kemur allt fram í hugann á
ný,“ segir hann.
Johan Svensson, framkvæmdastjóri Íslenska járnblendifélagsins, segir frá því
er hann slapp mjög naumlega undan flóðbylgjunni í Indlandshafi
„Aldan það versta sem ég
hef nokkru sinni upplifað“
„HROGN og lifur komu fyrst í búðina
í síðustu viku sem er frekar snemmt,
þetta kemur með fyrra fallinu núna,“
segir Kjartan Andrésson, fiskali í
Sjávargallerý á Háaleitisbraut.
Hrognin og lifrin bragðast að venju
mjög vel og segir Kjartan að hrognin
séu mjög þroskuð miðað við árstíma.
Þegar spurt er hvernig eigi að mat-
reiða þennan sívinsæla vetrarrétt
stendur ekki á svörum: „Það er
óbrigðult ráð að vefja álpappír þétt
utan um hvert hrogn fyrir sig og salta
þau aðeins áður en þau eru sett í pott-
inn. Síðan eru þau soðin í 15–20 mín-
útur. Lifrin þarf ekki nema fimm mín-
útur og hún er bara sett beint út í
pottinn,“ segir hann. Viðskiptavinir
Sjávargallerýs eru „brjálaðir í þetta“
segir Kjartan, ekki síst þegar fyrst er
boðið upp á hnossgætið í janúar.
Hrognatímabilinu lýkur síðan í lok
mars þegar hrognin eru orðin of
þroskuð til að henta til átu.
Hrogn og lifur með fyrra fallinu
Morgunblaðið/Árni Sæberg
Fisksalarnir Garðar Smárason og Kjartan Andrésson kampakátir með hrogn og lifur.
Óbrigðult ráð að
vefja hrognunum
inn í álpappír