Morgunblaðið - 24.03.2005, Side 21

Morgunblaðið/Atli Vigfússon
Á hestbaki Baldvin Kristinn Baldvinsson, bóndi í Torfunesi, Karen
Sigurðardóttir og knapinn Hafrún Kolbeinsdóttir.
Bárðardalur | „Ekkert mál“ eru
einkunnarorð skólabúðanna í
Kiðagili, en þær hófu starfsemi
sína haustið 2003 í kjölfar þess
að Barnaskóli Bárðdæla var
lagður niður. Skólahópunum er
gefinn kostur á að velja úr ýms-
um verkefnum, meðal annars því
að kynnast bústörfum.
Verkefnisstjóri er Guðrún
Tryggvadóttir kennari en hún
hefur á hendi faglega umsjón og
kennslu ásamt því að veita starf-
seminni forstöðu. Magnús Skarp-
héðinsson „skólabúðingur“ eins
og hann er nefndur, starfar einn-
ig í búðunum og sér meðal ann-
ars um daglegan rekstur, áætl-
anagerð og markaðssetningu.
Á vorönn 2005 hefur nem-
endum sem heimsótt hafa búð-
irnar verið boðið upp á mismun-
andi pakka sem fela m.a. í sér að
veita þeim færi á að læra um
sveitina og upplifa hana. Þar
gefst þeim möguleiki á að heim-
sækja bændur og taka þátt í því
sem þeir eru að gera og öðlast
þannig skilning á bústörfum og
öðru því sem fram fer á bænda-
býlum. Koma þar við sögu geit-
ur, hestar, hænsni, kindur, kýr
og svín.
Þá gefst einnig möguleiki að
kynnast handverki og hverfandi
starfsháttum og er þar um að
ræða flókavinnu þar sem ull er
þvegin og þurrkuð, hún þæfð og
síðan unnið úr henni. Þá er boðið
upp á jurtalitun þar sem bandið
er hespað upp, það álúnsoðið og
litað með völdum litum. Horna-
vinna er vinsæl og fær sköp-
unargleði barnanna þar lausan
tauminn með aðstoð Magnúsar
og gera þau m.a. skartgripi og
lyklakippur.
Stuttmyndagerð kemur mjög
við sögu í búðunum og eru þar
upptökuvélar sem börnin fá að
læra á og þeim veittar leiðbein-
ingar um undirstöðuatriði í
klippingu. Nemendur vinna í
litlum hópum og gera handrit,
skipa í hlutverk og fara með
leikstjórn. Myndin er síðan sett
á spólu og frumsýnd og er þá oft
gaman að sjá árangurinn.
Skólar sem heimsækja búð-
irnar geta að nokkru ráðið dval-
artíma sínum og hægt er að vera
frá rúmlega einum sólarhring og
allt upp í fimm daga og velja
mismunandi verkefni, allt eftir
óskum hvers skóla. Kemur þar
fleira til eins og t.d. að kynnast
gerð rafstöðva og dvelja í fjalla-
kofa til þess að fræðast um úti-
vist í óbyggðum.
Á sumrin er rekið gistiheimili í
Kiðagili og er svefnaðstaða fyrir
krakkana mjög góð auk þess
sem þeim er séð fyrir fullu fæði
undir stjórn Sigrúnar Hrings-
dóttur sem sér einnig um hús-
vörslu. Guðrún Herbertsdóttir
leiðbeinir nemendum við mjólk-
urvinnslu þar sem þau vinna með
skilvindu og gera m.a. rjóma,
smjör og skyr.
Að sögn Guðrúnar Tryggva-
dóttur hefur verið mjög gaman
að fást við þetta verkefni enda
hafa viðtökur verið mjög góðar
hjá þeim skólum sem hafa komið
í heimsókn.
Í fjósinu Hilmar Birgisson reynir sig við handmjaltir.
Ekkert mál
í Kiðagili
LANDIÐ
MORGUNBLAÐIÐ FIMMTUDAGUR 24. MARS 2005 21
MINNSTAÐUR
800 7000 - siminn.is
Stundum er betra að senda SMS!
úr heimasíma
Ekki þarf að greiða fyrir SMS
sendingar úr heimasíma
til 1. apríl 2005
„Rosalega gaman“
HAFRÚN Kolbeinsdóttir og Karen Sigurð-
ardóttir, nemendur í 6. bekk Borgarhóls-
skóla á Húsavík, luku dvöl sinni í skólabúð-
unum í síðustu viku með því að fara að
bænum Torfunesi í Kinn til þess að kynnast
öllu því sem við kemur hestum. Þær voru í 17
barna hópi ásamt kennara sínum, Pálma
Birni Jakobssyni, og kunnu virkilega vel að
meta skemmtilega dvöl sem þær muna sjálf-
sagt lengi eftir.
Þær sögðu báðar „rosalega gaman“, en
hvað var það sem var þannig? Jú, þær sögð-
ust hafa farið í fjósið og fjárhúsin á Halldórs-
stöðum í Bárðardal og fengið að gefa hey, en
auk þess fengið að handmjólka sem hefði ver-
ið upplifun út af fyrir sig. Svolítið erfitt að ná
mjólkinni þannig, en að þeirra sögn voru
kýrnar rólegar enda orðnar vanar gesta-
gangi. Hafrún sagði að mjaltirnar hefðu ver-
ið erfiðar í fyrstu og hún hefði haldið að það
væri bara loft í spenunum á einni kúnni. „En
svo kom mjólkin og kýrin sparkaði ekkert.“
Þá var rosalega gaman, að þeirra sögn, að
gera stuttmynd og voru þær báðar í hópi sem
gerði mynd um þjóðsögu þar sem fjallað er
um þrælana Kálf og Skammbein sem struku
frá Lundarbrekku í eldgamladaga og voru
drepnir uppi við Kálfborg. Markmið skóla-
búðanna er einmitt það að nemendur kynnist
sögu þess svæðis þar sem þau eru stödd sem í
þessu tilviki er Bárðardalur.
Þá var maturinn mjög góður, „venjulegur
heimilismatur“, og haldin var kvöldvaka þar
sem spilað var og sungið og settir upp leik-
þættir. Svo var farið að sofa.
„Nei, nei, enginn fór að gráta úr heimþrá
þegar komið var í háttinn,“ sagði Karen.
„Þetta var alltof gaman til þess. Svo vöktu
strákarnir okkur klukkan sjö um morguninn
með því að banka á hurðina. Dálítið
snemmt.“ Og svo var tíminn eftir morgunmat
notaður til þess að klára stuttmyndirnar áður
en farið var á stað í hesthúsið í Torfunesi.
Þar tók á móti þeim Baldvin Kristinn Bald-
vinsson bóndi og Benedikt Arnbjörnsson frá
Bergsstöðum. Fyrst var fræðslustund um
hesta og reiðtygi frá a–ö og síðan var farið á
bak. „Rosalega gaman.“