Morgunblaðið - 24.03.2005, Side 22

22 FIMMTUDAGUR 24. MARS 2005 MORGUNBLAÐIÐ
DAGLEGT LÍF
sími: 566 6103
isfugl@isfugl.is • www.isfugl.is
Fyrir það fyrsta hef ég mikla ánægjuaf því að fara út að dansa. Tónlist-in finnst mér ákaflega notaleg ogdansinn er líka afar góð líkams-
rækt. Í honum felst mikil alhliða hreyfing,
maður verður heitur og svitnar. Svo má ekki
gleyma góðum félagsskap og samskiptum
við skemmtilegt fólk,“ segir Grétar Þor-
steinsson, forseti Alþýðusambands Íslands.
Harmonikkufélögin eru dugleg við að bjóða
upp á dansleiki yfir vetrarmánuðina og er
Grétar duglegur við að sækja slíkar sam-
komur sem dansáhugamaður.
Að sögn Grétars eru slík böll t.d. haldin
reglulega í Ásgarði í Glæsibæ. „Á þessa
dansleiki kemur fólk fyrst og fremst til þess
að dansa og skemmta sér og það heyrir til
undantekninga að sjá drukknar manneskjur
á þessum mannamótum.“
– Þú færð þér þá ekkert í aðra tána áður
en þú heldur út á dansgólfið?
„Nei, það geri ég alls ekki, enda hef ég
verið bindindismaður alla mína ævi. Ef ég
gerði það, myndi ég líklega dansa lítið því
mér hefur sýnst að þeir, sem stunda Bakkus
að ráði, hafi nóg með hann sem aðal-
viðfangsefni. En hver og einn einstaklingur
verður auðvitað að gera þetta upp við sig, en
mínar langanir og þrár hafa aldrei beinst í
átt til áfengis. Ég fer á dansleiki til þess
eins að dansa, en sest auðvitað niður á milli
til þess að pústa og spjalla við fólk.“
Spurður hvernig dansáhuginn hafi vakn-
að, svarar Grétar því til að sagan nái aftur
um nærri því hálfa öld. „Ég var sveitadreng-
ur, uppalinn á bænum Vestra-Fróðholti á
Rangárvöllum sem nú er orðinn hluti af
jörðinni Ármóti. Þegar ég flutti þaðan til
Reykjavíkur sextán ára gamall, hafði frændi
minn, sem þá var framkvæmdastjóri í Gúttó,
innritað mig í danskennslu að mér for-
spurðum hjá Rigmor Hanson. Hann til-
kynnti mér bara hvar og hvenær ég ætti að
mæta. Ég naut leiðsagnar hennar í tvo eða
þrjá vetur og ánetjaðist dansinum þá. Gömlu
dansarnir voru ákaflega vinsælir á þeim
tíma og þá dansaði maður ansi drjúgt á ár-
unum framyfir tvítugt. Ég var auk þess á
kafi í ungliðahreyfingu bindindismanna og
æfði jafnframt frjálsar íþróttir og keppti í
þeim, var aðallega í 100, 200 og 400 metra
hlaupum og komst meira að segja í lands-
liðið um tíma.“
Hver dans hefur sinn sjarma
Svo tók lífsbaráttan við með barneignum
og húsnæðiskaupum og dansskórnir „ryk-
féllu“ í langan tíma þrátt fyrir stöku árshá-
tíð og aðrar slíkar skemmtanir. Nú er Grét-
ar hinsvegar búinn að dusta rykið af dans-
skónum, en fyrir utan sjálf dansiböllin, sem
hann ástundar, hefur hann komið við í Dans-
skóla Sigurðar Hákonarsonar í Kópavogi.
– Hvaða dansar eru í uppáhaldi hjá þér?
„Ég set allt undir sama hatt, bæði fjöruga
og rólega dansa. Hver dans hefur sinn
sjarma.“ Grétar segist sinna dansáhuganum
yfir vetrarmánuðina því fáir kostir séu yfir
sumartímann. Hann segist þó ekki gráta það
því hann eigi sér fjölmörg önnur áhugamál,
sem tengist sumartíðinni og endurspeglist í
útivist, trjárækt, veiðiskap og ferðalögum.
„Líklega gæti ég ekki forgangsraðað áhuga-
málunum ef þú bæðir mig um það. Ég nýt
þess svo sannarlega að dansa, en á líka fullt
af öðrum áhugamálum. Líklega er félags-
málastússið, sem ég hef þrifist í frá ung-
lingsaldri, stóra áhugamálið. Ég hef í gegn-
um árin haldið tryggð við æskustöðvarnar
sem birtist meðal annars í því að ég fer
þangað reglulega til að veiða, í Þverá og í
Rangánum. Svo hef ég verið að basla við
skógrækt í kringum lítinn sumarbústað, sem
ég eignaðist fyrir rúmum tíu árum í ná-
grenni við Árnes í Gnúpverjahreppi. Ég er
nokkuð ánægður með árangurinn í rækt-
uninni, hæstu trén eru farin að nálgast fimm
metrana.“

ÁHUGAMÁLIÐ | Grétar Þorsteinsson, forseti Alþýðusambands Íslands, dansar, veiðir, ferðast og sinnir trjárækt
Dustaði rykið
af dansskónum
Morgunblaðið/Sverrir
Grétar Þorsteinsson er hér í ljúfum takti á dansgólfinu ásamt Fanneyju Helgadóttur. Dansinn,
sem stiginn er þegar þessi mynd var tekin, heitir „Skoski dansinn“.
Þegar Grétar Þorsteinsson, forseti ASÍ, fer út að dansa
nýtir hann tímann vel á dansgólfinu. Hann sagði Jóhönnu
Ingvarsdóttur að hann hefði líka yndi af veiði og trjárækt.
join@mbl.is
SAMKVÆMT norskri rannsókn er
hægt að segja til um hreyfifærni fyr-
irbura þegar þeir verða sex ára með
prófi sem gert er við sex mánaða
aldur. Þeir sem eiga í vandræðum
með að ná taki á leikfangi við sex
mánaða aldur eru líklegri til að hafa
það sem kallast Moderat neurologic
dysfunction við sex ára aldur, þ.e.
væga truflun í taugaboðum.
Á síðustu árum hefur orðið bylt-
ing í umönnun fyrirbura og núorðið
er hægt að bjarga lífi barna sem
fæðast á 24. viku meðgöngu og vega
aðeins um hálft kíló, að því er fram
kemur á vefnum forskning.no.
Bjørg Fallang, lektor við Hög-
skolan í Osló, rannsakaði 52 fyr-
irbura fjórum og sex mánuðum eftir
áætlaðan fæðingardag og viðmið-
unarhóp tólf heilbrigðra barna sem
fæddust fullburða. Börnin voru
einnig rannsökuð og greind við sex
ára aldur. Börn með alvarlega fötl-
un voru ekki með í rannsókninni.
Fallang notaði skynjara og mynd-
bandsupptöku til að greina hvernig
börnin báru sig að við að ná taki á
leikfangi. Rannsóknirnar sýndu að
heilbrigðu börnin notuðu allan lík-
amann til að ná taki á leikfanginu en
börnin sem áttu við einhver vanda-
mál að stríða notuðu hendurnar til
að grípa leikfangið en líkaminn virt-
ist stífari og síður taka þátt í hreyf-
ingunni.
Fallang leggur áherslu á að þótt
börnin hafi greinst með truflun í
taugaboðum við sex ára aldur gangi
þau, hlaupi og syngi. Þau geti hins
vegar verið klunnalegri og hrasað
oftar en önnur. Mörg börn með
þessa truflun höndli það vel og finni
sér aðra hluti til að vera góð í.

HEILSA | Sex mánaða fyrirburar
Morgunblaðið/Jim Smart
Heilbrigðu börnin notuðu allan líkamann til að ná taki á leikfanginu en
börnin sem áttu við vandamál að stríða notuðu hendurnar til að grípa en
líkaminn virtist stífari og síður taka þátt í hreyfingunni.
Hægt að sjá fyrir
hreyfifærni síðar
flísar
Stórhöfða 21, við Gullinbrú,
sími 545 5500.
www.flis.is ● netfang: flis@flis.is
Allt fyrir baðherbergið