Morgunblaðið - 24.03.2005, Síða 25

MORGUNBLAÐIÐ FIMMTUDAGUR 24. MARS 2005 25
NEYTENDUR
KASSAVA-rót komst í fréttir um
daginn þegar skólabörn á Filipps-
eyjum létust eftir neyslu á henni.
Kassava-rót er þekkt í matargerð
víða um heim og hana er einnig
hægt að fá í sérvöruverslunum hér
á landi. Að sögn Elínar Guðmunds-
dóttur, sérfræðings á matvælasviði,
eru til tvær tegundir af kassava-
rót, önnur er ljós og sæt en hin er
dökk og vex villt. „Ræturnar sem
fluttar eru hingað til lands eru sæt-
ar og ekki hættulegar,“ segir hún
en skólabörnin á Filippseyjum sem
létust af völdum matareitrunar
borðuðu villta, dökka kassava-rót,
sem inniheldur blásýru.
„Við notum kassava-rót mest í
eftirrétt,“ segir Ning, versl-
unarstjóri í Sælkerabúðinni. Hann
bendir á að rótin sé þekkt í mat-
argerð víða um heim. „Það má
sjóða rótina, steikja eða rífa niður
og blanda saman við kókos og syk-
ur og baka í ofni. Rótin líkist helst
kartöflu á bragðið og er reyndar
notuð sem slík í Suður-Ameríku.
Hún er eiginlega þeirra kartafla en
Afríkubúar stappa rótina niður og
búa til kökur úr henni.“
Að sögn Nings fer þeim fjölgandi
sem kynnast rótinni hér á landi og
hafa lært að nota hana. „Hún er rif-
in út þegar hún kemur,“ segir
hann.

KASSAVA-RÓT
Sætu ræturnar eru ekki hættulegar
Spurning: Fyrirspurn barst frá
konu sem hafði keypt tannkrem
sem framleitt var í desember árið
2003. Hún velti fyrir sér hversu
langur endingartími tannkrems
væri þar sem hún fann enga
merkingu um síðasta söludag og
hvort ekki væri skylt að hafa slíka
merkingu á öllum vörum. Einnig
spurðist hún fyrir um reglur um
tungumál á innihaldslýsingum.
Svar: Hjá Umhverfisstofnun
fengust þau svör að tannkrem
væri í flokki snyrtivara og þar
væru reglur þannig að þær vörur
sem entust í þrjátíu mánuði eða
meira þyrfti ekki að merkja sér-
staklega með síðasta söludegi.
Tannkrem væri slík vara og er
þar komin skýringin á því hvers
vegna enga dagsetningu var að
finna um síðasta söludag. Aftur á
móti mun nýtt ákvæði í snyrti-
vörureglugerðinni taka gildi núna
í mars sem kveður á um það að
merking verði að vera á þessum
tilteknu vörum sem endast svona
lengi, um hversu lengi megi nota
þær eftir að þær hafa verið opn-
aðar. Þessar upplýsingar eiga að
standa við tákn eða mynd af op-
inni krukku.
Innihaldslýsingar eiga að vera á
íslensku, ensku eða Norðurlanda-
máli öðru en finnsku. Ekki er þó
gerð athugasemd við það þó til
dæmis standi sjampó á einhverju
undarlegu tungumáli á sjampó-
brúsa því öllum er ljóst fyrir hvað
það stendur.
Allar snyrtivörur sem seldar
eru á Evrópska efnahagssvæðinu
eiga að vera með innihaldslýsingu
með svokölluðum INCI heitum
(sem eru ensk heiti á efnum), en
það er nauðsynlegt því margir
hafa ofnæmi fyrir hinum ýmsu
efnum sem eru í snyrtivörum, og
nýlega er búið að herða reglurnar
um að tilgreina efnin sem eru í
ilmefnum í snyrtivörum.
Diet Coke eða
Coca-Cola light?
Spurning: Er Diet Coke farið af
markaði nú þegar Coca-Cola light
er komið í verslanir?
Svar: „Diet Coke kemur til með
að verða áfram fáanlegt í íslensk-
um verslunum þrátt fyrir að nú sé
komið á markaðinn nýtt Coca-Cola
light, sem fyrst var kynnt í árs-
byrjun,“ segir Pétur Helgason,
gæðastjóri hjá Vífilfelli.
Umbúðum Diet Coke verður þó
fækkað eilítið því Vífilfell hf.
áformar að taka af markaði Diet
Coke í ál- og glerumbúðum. Eftir
sem áður verður Diet Coke fáan-
legt í hálfs lítra, eins lítra og
tveggja lítra plastumbúðum, að
sögn Péturs.
TaB var fyrsti kaloríusnauði
gosdrykkurinn, sem Coca-Cola
fyrirtækið framleiddi, og kom sá
drykkur á markað á Íslandi árið
1982. Diet Coke kom á markaðinn
árið 1985 og Coca-Cola light nú.
Innihald þessara tveggja drykkja
er mjög áþekkt, að sögn Péturs,
en þó þykir hinn nýi sykurlausi
valkostur, Coca-Cola light, komast
í bragði heldur nær hinu venju-
lega ósykurskerta kóki, sem fyrst
var framleitt í Bandaríkjunum ár-
ið 1886. „Sætuefnin eru þau sömu
í báðum drykkjunum, en bragð-
efnin eru í aðeins öðruvísi hlut-
föllum sem gerir það að verkum
að nýi drykkurinn þykir líkari
hefðbundna kókinu. Að sögn Pét-
urs eru þónokkur ár liðin síðan
nágrannalöndin skiptu Diet Coke
út fyrir Coca-Cola light sem naut
meiri vinsælda meðal neytenda.

SPURT OG SVARAÐ UM NEYTENDAMÁL
Hversu lengi má
nota tannkremið?
Morgunblaðið/Jim Smart
Haust
Skógarh l í› 18 • 105 Reykjav ík
S ími 595 1000 Fax 595 1001 • www.heimsferd i r . i s
Heimsferða
ævintýri
Kynntu þér bækling Heimsferða
um haustferðir.
Bæklingurinn er kominn
Heimsferðir kynna nú glæsilegar haustferðir sínar árið 2005.
Í boði eru vinsælustu borgir Evrópu og frábærar ferðir með sérflugi
til Jamaica og Puerto Rico í Karíbahafinu og Sikileyjar og Sardiníu
í Miðjarðarhafinu.
Meðal nýrra áfangastaða eru Ljubljana, höfuðborg Slóveníu og
perlurnar Sardinía í Miðjarðarhafinu og Puerto Rico í Karíbahafinu
auk lúxussiglinga um Miðjarðar- og Atlantshafið, m.a. til Brasilíu.
Auk þess bjóðum við áfram okkar vinsælu ferðir til margra af helstu
borgum Evrópu, s.s. Prag, Búdapest, Kraká, Barcelona, Vínarborgar
og Rómar að ógleymdum einstaklega spennandi ferðum til Jamaica
og Sikileyjar.
Kynntu þér Haustævintýri Heimsferða og tryggðu þér
sæti því í fyrra seldust eftirsóttustu ferðirnar
upp strax á fyrstu dögunum.
Jamaica
79.990 kr.
Puerto Rico
79.990 kr.
Kraká
29.990 kr.
Ljubljana
39.990 kr.
Vín
39.990 kr.
Róm
49.990 kr.
Sikiley
54.990 kr.
Sardinía
89.990 kr.
Prag
19.990 kr.
Búdapest
29.990 kr.
Barcelona
38.990 kr.
NÝTT
NÝTT
NÝTT
E
N
N
E
M
M
/
S
IA
/
N
M
15
72
8