Morgunblaðið - 30.03.2005, Page 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 30. MARS 2005 VERÐ Í LAUSASÖLU 220 KR. MEÐ VSK.
Í dag er
mi›vikudagur
RAGNHILDUR Gísladóttir hefur tekið sér frí frá
Stuðmönnum um óákveðinn tíma til að sinna eig-
in tónlistarsköpun. M.a. er hún að taka upp eigið
efni í hljóðveri en einnig er hún að vinna að verki
ásamt Sjón og Japananum Stomu Yamash’ta sem
verður flutt á Listahátíð í Reykjavík í maí.
Jakob Frímann Magnússon Stuðmaður segir
að tímabundinn staðgengill muni fylla skarð
Ragnhildar en ekki liggur enn fyrir hver það
verður. /51
Morgunblaðið/Árni Torfason
Ragga Gísla í frí
frá Stuðmönnum
HLÝINDIN eru til margra hluta nytsamleg,
meðal annars gluggaþvotta. Í þessu tilviki, við
gluggaþvott á Húsi verslunarinnar, þurfti að
sjálfsögðu sérstakan viðbúnað og vanan mann
til verksins, sem lét sig ekki muna um að hanga
utan á byggingunni í öryggislínu með sápu og
sköfu að vopni.
Þess má geta að áfram er gert ráð fyrir hlýju
veðri á landinu, 5–10 stiga hita og rigningu víð-
ast hvar, en úrkomulítið verður norðanlands.
Morgunblaðið/Eyþór
Vanur maður að verki
FISKIRÍIÐ hjá Vísisbátunum, Sighvati GK,
Hrungni GK, Páli Jónssyni GK, Kristínu GK,
Fjölni GK og Frey GK, frá því kvótaárið byrjaði í
september síðastliðnum hefur verið ævintýralegt
þrátt fyrir erfitt tíðarfar lengst af. Fullfermi í
þremur – fjórum lögnum, túr eftir túr. Páll Jóns-
son GK hefur þegar landað rétt rúmlega 2 þúsund
tonnum, Sighvatur GK og Hrungnir GK fylgja fast
á eftir með rétt tæp 2 þúsund, en hinir eitthvað
minna enda minni bátar. Á myndinni standa menn
í aðgerð um borð í Sighvati í síðustu veiðiferð fyrir
páska. Vel aflaðist þá á Síðugrunni.
Verið er að leggja tveimur minnstu bátunum,
Frey GK og Fjölni GK, en í staðinn verður Seley
frá Húsavík breytt í línuskip í sumar og leysir þá
tvo af hólmi.
Skipin landa ýmist í Grindavík, þar sem höf-
uðstöðvarnar eru, á Þingeyri, Húsavík eða Djúpa-
vogi, þar sem Vísir hf. er með vinnslu./ B2
Ævintýralegt
fiskirí
Ljósmynd/Kristinn Benediktsson
„ÞAÐ hefur ekkert gengið hjá mér
að komast inn í Iðnskólann – ég hef
ekki enn komist inn,“ segir Heiða
Helgadóttir áhugaljósmyndari, sem
gert hefur tvær árangurslausar til-
raunir til að komast að í ljósmynd-
aranám í Iðnskólanum í Reykjavík.
Fyrstu verðlaun í
öllum flokkum
Heiða sópar þó að sér viðurkenn-
ingum og verðlaunum fyrir verk sín;
mynd eftir hana var valin besta ljós-
mynd ársins 2004 á ljósmynda-
vefnum DPChallenge, og í ljós-
myndakeppni Fókuss, félags
áhugaljósmyndara, fyrr í vetur,
sópaði hún til sín fyrstu verðlaunum
í öllum flokkum. /22
Ljósmynd/Heiða Helgadóttir
Engill. Þessi mynd Heiðu vann til
fyrstu verðlauna í frjálsum flokki í
DPChallenge í júní í fyrra. Engill-
inn er María K. Steinsson og mynd-
in tekin í Krísuvík.
Kemst ekki
í nám en
sópar að sér
verðlaunum
YFIRDRÁTTARLÁN heimilanna námu 58,3
milljörðum króna í lok febrúar og jafngildir
það 280 þúsund króna yfirdráttarláni fyrir
hvern einstakling á aldrinum 18–80 ára hér á
landi. Þar með hafa yfirdráttarlán hækkað
um 4,1 milljarð á fyrstu mánuðum ársins.
Þessi þróun er á skjön við þá trú manna að
með tilkomu hagstæðari íbúðarlána myndu
heimilin endurfjármagna yfirdráttarlán sín.
„Þetta er framhald af því sem gerðist í jan-
úar og það kemur á óvart að þetta skuli ger-
ast svona fljótt, sérstaklega þar sem endur-
fjármögnun virðist enn vera þónokkur,“ segir
Edda Rós Karlsdóttir, forstöðumaður grein-
ingardeildar Landsbankans. /13
Yfirdráttarlán
hafa hækkað um
4,1 milljarð frá
áramótum
VERÐ á sumarhúsum og jörðum undir
sumarhús hefur hækkað umtalsvert að und-
anförnu, og hækkaði um allt að fjórðung á
síðasta ári, að mati fasteignasala, sem rætt
var við.
Fasteignasalar finna fyrir auknum áhuga
á sumarhúsum, kaup og sala á eignum hef-
ur aukist samhliða aukinni eftirspurn eftir
íbúðarhúsnæði og auknu aðgengi almenn-
ings að lánsfé og verðið hefur sömuleiðis
stigið umtalsvert, sem fyrr segir. Magnús
Leópoldsson, fasteignasali hjá Fasteigna-
miðstöðinni-Húsum og híbýlum, segist finna
fyrir aukinni sölu á sumarhúsum og jörðum.
Sala á sumarhúsum sé ekki eins árstíða-
bundin og áður þótt hún sé meiri um vor og
sumar, enda mörg sumarhús í dag nýtt sem
heilsárshús.
Magnús álítur að fólk eigi auðveldara
með að fjármagna sumarhúsakaup í dag
með tilkomu lána frá bönkunum. Hann
áætlar gróft á litið að jarðir hafi hækkað
um 25–30% á síðasta ári og verðhækkanir á
góðum sumarhúsum hafi haldið í við verð-
hækkanir á íbúðarhúsnæði, sem hækkaði
um tæp 25% á höfuðborgarsvæðinu á síð-
asta ári.
Vinsælustu sumarhúsasvæðin
eru í nálægð þéttbýliskjarna
Sverrir Kristinsson, fasteignasali hjá
Eignamiðlun, segir aukna sölu á sumarhús-
um og meiri eftirspurn hafa haft jákvæð
áhrif á markaðinn. Verð á sumarhúsum hafi
ekki verið ýkja hátt fyrir en segja megi að
það sé komið í eðlilegt horf. Algengt verð á
góðu sumarhúsi er frá tíu milljónum upp í
nokkra tugi milljóna.
Vinsælustu svæðin eru í um klukkustund-
ar akstursfjarlægð frá Reykjavík, á suð-
vesturhorninu, Suðurlandi og Vesturlandi.
Aðrir fasteignasalar nefna einnig sumar-
húsasvæði út frá þéttbýliskjörnum á lands-
byggðinni, s.s. Akureyri og Egilsstöðum.
Auknir lánamöguleikar leiða til vaxandi eftirspurnar eftir sumarhúsum
Allt að fjórðungs-
hækkun á síðasta ári
MARGRÉT Sigurðardóttir, sveitarstjóri
Grímsnes- og Grafningshrepps, segir áhuga
á sumarhúsalóðum hafa aukist jafnt og þétt
síðustu misseri. „Það líður varla sá dagur að
það sé ekki hringt í mig og óskað eftir sum-
arbústaðalóðum í sveitarfélaginu. […] Ég
held að það sé ekki spurning að aukið og
auðvelt aðgengi að lánsfé spilar þarna inn í.“
Birna Einarsdóttir, framkvæmdastjóri
markaðs- og sölusviðs hjá Íslandsbanka, seg-
ir töluvert mikla ásókn í lán til sumarhúsa-
kaupa. Lánað er til 15 ára vegna kaupa á
sumarhúsum og eru vaxtakjörin frá 4,3%, en
að meðaltali yfir 5%. Vextir lánanna ráðast
af veðhlutfalli og staðsetningu bústaða.
Líður varla sá
dagur að ekki sé
óskað eftir lóð