Morgunblaðið - 11.05.2005, Qupperneq 19

MORGUNBLAÐIÐ MIÐVIKUDAGUR 11. MAÍ 2005 19
MINNSTAÐUR
FJÓRIR sérsveitarmenn sem nú starfa
hjá lögreglunni á Akureyri og ganga þar
vaktir munu eftir 1. júlí næstkomandi
verða leystir undan föstum vöktum en
aðrir menn ráðnir til löggæslustarfa í
þeirra stað. Björn Bjarnason dóms- og
kirkjumálaráðherra kynnti þessar breyt-
ingar á fundi á lögreglustöðinni á Akur-
eyri í gær og þá hefur hann skýrt rík-
isstjórn frá því að þetta skref verði stigið.
Sérsveitarmennirnir munu sinna al-
mennri löggæslu og sérstökum verkefn-
um á Norður- og Austurlandi, með aðset-
ur á Akureyri. Þeir verða starfsmenn
embættis ríkislögreglustjóra, en undir
daglegri stjórn sýslumannsins á Akur-
eyri.
Dómsmálaráðherra sagði athafna-
svæði þeirra þó ekki bundið umdæmi
sýslumanns, „heldur eiga sérsveitar-
mennirnir að sinna verkefnum, þar sem
helst er talin nauðsyn hverju sinni,“ sagði
Björn og benti m.a. á verkefni sem tengj-
ast stórframkvæmdum á Austurlandi, að-
gerðir gegn fíkniefnasölum og handrukk-
urum á Norður- og Austurlandi og
annarri skipulagðri glæpastarfsemi, sem
og við almenna löggæslu.
Alls starfa 30 lögreglumenn hjá Lög-
reglunni á Akureyri og svo hefur verið í
þrjá áratugi. „Í mínum huga er ekki vafi á
því að þetta er risaskref hvað varðar lög-
gæslu á þessu svæði,“ sagði Björn Jósef
Arnviðarson, sýslumaður í Eyjafjarðar-
sýslu, ánægður með hversu dómsmálaráð-
herra „brást rösklega og myndarlega við,“
en þeir tveir, Björn sýslumaður og Björn
ráðherra, áttu fund í byrjun mánaðarins
ásamt fleirum þar sem rætt var almennt
um löggæslumál í kjölfar þess að Akureyr-
ingar hafa látið í ljós áhyggjur vegna vax-
andi hörku í afbrotum í heimabæ sínum.
Um er að ræða sambærilegar breyting-
ar og gerðar voru á skipulagi sérsveitar
lögreglunnar syðra, þar sem hún var
stækkuð og efld fyrir um einu ári. Reynsl-
an þykir að sögn ráðherra góð, það sé mik-
ill styrkur fyrir lögreglu að hafa yfir að
ráða öflugri samþjálfaðri sveit lögreglu-
manna, sem með litlum fyrirvara geti tek-
ist á við erfið verkefni hvar sem er á land-
inu. Að sama skapi er þess nú vænst að
breytingin og fjölgun í lögregluliðinu
norðan heiða muni efla löggæslu í kjör-
dæminu. Fjölgun lögreglumanna mun
einnig leiða til þess að unnt verður að
þjálfa lögreglumenn til starfa á fjarskipta-
miðstöð lögreglunnar, en varastöð hennar,
almannavarna og Neyðarlínunnar var tek-
in í notkun á lögreglustöðinni á Akureyri
nú nýlega.
Heildarkostnaður við skipulagsbreyt-
ingarnar nemur um 15 milljónum króna á
þessu ári og eru fjárheimildir þegar fyrir
hendi. Reynslan verður að sögn Björns
metin eftir eitt ár og ákvörðun þá tekin um
framhaldið.
Morgunblaðið/Kristján
Aukin löggæsla Björn Bjarnason dómsmálaráðherra kynnti eflingu löggæsl-
unnar á Norður- og Austurlandi á blaðamannafundi á Akureyri. Með honum á
myndinni eru Björn Jósef Arnviðarson sýslumaður t.v. og Haraldur Johann-
essen ríkislögreglustjóri.
Sérsveit lögreglunnar á Akureyri efld
Sinna verkefnum norð-
anlands og austan
Eftir Margréti Þóru Þórsdóttur
maggath@mbl.is
Hátíðarfundur í tilefni af 75 ára
afmæli Skógræktarfélags Ey-
firðinga verður á Hótel KEA í
kvöld, 11. maí, kl. 20. Þar verða
fluttir þrír fyrirlestrar um skóg-
rækt og umhverfismál, ávörp
flutt, tónlist leikin og boðið upp
á veitingar auk þess sem félagið
mun afhenda fundargestum gjöf
í tilefni dagsins. Afmælisins
verður svo minnst með ýmsum
hætti í sumar, m.a. með skóg-
argöngum, námskeiðum og
kynningum.
HÖFUÐBORGARSVÆÐIÐ
AKUREYRI
GENGIÐ verður frá samningum
milli Skógræktarfélags Eyfirð-
inga og landbúnaðarráðherra síð-
ar í þessum mánuði þess efnis að
félagið fái til afnota jörðina
Saurbæ í Eyjafjarðarsveit, en
loforð er að sögn Vignis Sveins-
sonar formanns félagsins til stað-
ar. Þetta þykir skógrækt-
armönnum ágæt afmælisgjöf,
félagið er 75 ára í dag, 11. maí,
elst skógræktarfélaga í landinu.
Jörðin er um 150 ha að stærð,
aðlæg landi Háls þar sem um 30
til 40 félagsmenn stunda metn-
aðarfulla skógrækt. „Landið á
Hálsi er fullnýtt og þörf á meira
landi, enda félagsmenn kapps-
fullir að hefja eigin skógrækt,“
sagði Vignir, en biðlisti er eftir
landi til skógræktar á vegum fé-
lagsins.
Unnið verður í sumar við
skipulag svæðisins þannig að fé-
lagsmenn sem þar fá úthlutað
spildum gætu að líkindum hafist
handa vorið 2006.
Hann sagði félagið hafa átt
stóran þátt í að koma því til skila
til almennings „að skógrækt
væri komin til að vera,“ eins og
hann orðaði það. Áherslur hafi í
áranna rás breyst, skógrækt
væri nú nær því að kallast at-
vinnugrein. Eflaust hefðu frum-
kvöðlarnir sem hófu að rækta
skóg í Eyjafirði á sínum tíma
ekki trúað því nú hve umfangs-
mikil skógræktin væri orðin og
að ný kynslóð skóga væri að
vaxa upp, sjálfsprottnir í kjölfar
sjálfsáningar tegunda eins og
lerkis, furu og birkis, jafnvel
viðju.
„Félagið mun halda áfram á
sinni braut, af fullum krafti og
öflugra en nokkru sinni,“ sagði
Vignir, en verkefni þess hefðu
tekið breytingum, „nú teljum við
okkur hafa verk að vinna á sviði
fræðslumála m.a. að benda á
þýðingu skógræktar til kolefn-
isbindingar og eins hvernig nýta
má afurðir skóganna.“
Meðal verkefna félagsins á
liðnum árum má nefna friðun
Leyningshóla, ræktun Vaðla-
skógar, ræktun Kjarnaskógar og
uppbyggingu útivistarsvæðisins
þar svo fátt eitt sé nefnt.
Þá stendur yfir átak í að fjölga
félagsmönnum sem nú eru um
400 talsins.
Skógræktarfélag Eyfirðinga 75 ára í dag
Fær jörðina Saurbæ til
afnota fyrir félagsmenn
Morgunblaðið/Kristján
Gróðrarstöðin Plöntusala hefst í Gróðrastöðinni í Kjarna um hvíta-
sunnuhelgina. Ólöf Erlingsdóttir er farin að undirbúa söluna ásamt
öðru starfsfólki.
Skógrækt Vignir Sveinsson, form. Skógræktarfélags Eyfirðinga, og
Jón Kristófer Arnarson framkvstj. í gróðurreit félagsins í Kjarnaskógi.
Eftir Margréti Þóru Þórsdóttur
maggath@mbl.is
Skuggahverfi | Félagsstofnun stúd-
enta áformar að reisa stúd-
entaíbúðir fyrir um 100 einstaklinga
í þremur húsum við Lindargötu og
voru samningar um byggingu und-
irritaðir í gær. Mikil uppbygging
stúdentagarða er áformuð í mið-
borginni í framtíðinni, enda eru
stúdentar áhugasamir um að búa
þar.
Nýju garðarnir hafa fengið nafnið
Skuggagarðar, enda í Skuggahverfi,
segir Guðrún Björnsdóttir, fram-
kvæmdastjóri Félagsstofnunar
stúdenta (FS). Mikil þörf er á fleiri
stúdentaíbúðum fyrir einstaklinga
og þessar nýbyggingar eru fyrsta
skrefið til að bregðast við mikilli eft-
irspurn. Ástandið hafi verið þannig
undanfarin ár að þeir sem séu með
lögheimili á höfuðborgarsvæðinu
hafi ekki fengið einstaklingsíbúðir
þar sem þeir sem koma af lands-
byggðinni gangi fyrir í slíkar íbúðir.
Samtals verða reist þrjú hús á
4–5 hæðum með samtals 98 ein-
staklingsíbúðum fyrir stúdenta við
Háskóla Íslands. Í dag rekur FS
635 íbúðir þar sem búa samtals um
1.000 námsmenn, ásamt mökum
þeirra og börnum. Gert er ráð fyrir
því að fyrstu nýju íbúðirnar á
Skuggagörðum verði teknar í notk-
un í ágúst árið 2006, en þær síðustu
ári síðar.
Þetta verða fyrstu stúdentagarð-
arnir sem FS reisir utan svæðis Há-
skóla Íslands og því í fyrsta skipti
sem félagsstofnunin hefur þurft að
greiða fyrir lóð undir garða. Guðrún
segir að það muni væntanlega þýða
að leiguverð í íbúðunum verði nokk-
uð hærra en í görðum á há-
skólasvæðinu. Á móti komi að því
fylgi ákveðið hagræði að búa í mið-
bænum og því megi spara á annan
hátt til að koma til móts við þennan
aukna kostnað.
Guðrún segir það eftirsóknarvert
meðal stúdenta að búa í miðbæ
Reykjavíkur og Stúdentaráð hafi
kannað hversu miklu meira nem-
endur séu tilbúnir að greiða fyrir
íbúðir á þeim stað, að teknu tilliti til
þess sparnaðar sem geti verið í því
fólginn. Hún segir niðurstöðuna þá
að stúdentar geti sætt sig við að
leigan verði 15–20% hærri í mið-
borginni en á háskólasvæðinu og sé
vonast til þess að það dugi fyrir
auknum kostnaði við að byggja á
þessum stað.
Hagstætt að fá
stúdenta í miðborgina
Borgaryfirvöld hafa verið FS
hliðholl þegar kemur að því að reisa
stúdentaíbúðir í miðborginni. „Þetta
virðist fara mjög vel saman við
markmið borgaryfirvalda um að
þétta byggð og þarna koma hópar af
fólki sem koma til þess að nýta sér
þá þjónustu sem þegar er til staðar,
en kalla kannski ekki beint á aðra
þjónustu sem fylgir venjulega nýrri
byggð, eins og leikskóla og barna-
skóla. Þetta er mjög hagstæður
hópur að fá á þennan stað vegna
þess að þeim fylgir ekki þessi sam-
félagslegi kostnaður sem fylgir til
dæmis barnafjölskyldum.“
Frekari uppbygging er fyr-
irsjáanleg í miðborginni í framtíð-
inni og segir Guðrún að ef heppileg-
ar lóðir fáist fyrir þyrpingar af
stúdentaíbúðum sé stefnt á að svo
að segja tvöfalda fjölda íbúða sem
FS hefur til útleigu á næstu árum.
Allar stúdentaíbúðirnar sem reistar
verða á næstunni verða ætlaðar ein-
staklingum, enda segir Guðrún bið-
listana langlengsta eftir slíkum
íbúðum, en að jafnaði eru um 600 á
biðlista eftir einstaklingsíbúðum á
hverju hausti.
Félagsstofnun stúdenta áformar mikla uppbyggingu stúdentagarða í miðborginni á næstu árum
Fyrstu íbúðirnar
í miðborginni
haustið 2006
Skuggagarðar Svona gæti hluti væntanlegra stúdentagarða í Skuggahverfinu litið út.
Eftir Brján Jónasson
brjann@mbl.is