Morgunblaðið - 07.06.2005, Blaðsíða 6

6 ÞRIÐJUDAGUR 7. JÚNÍ 2005 MORGUNBLAÐIÐ
FRÉTTIR
ÍSLAND og íslenskar afurðir nutu
mikillar athygli á RAMMYS 05 há-
tíðinni sem fram fór í ráðstefnu-
miðstöðinni í Washington DC síðast-
liðið sunnudagskvöld. Íslensk
veisluföng voru þar á borðum,
þrenns konar réttir úr þorski frá
Icelandic USA í forrétt, lambakjöt
matreitt á þrenns konar hátt í aðal-
rétt og „skyramisú“ eftirréttur úr ís-
lensku skyri. Matreiðslumeistarinn
Sigurður Hall átti heiðurinn af upp-
setningu matseðilsins ásamt Hilmari
B. Jónssyni matreiðslumeistara. Þá
var íslenskt vatn, smjör, Nóa-
konfekt, ostar og Viking-bjór einnig
í boði.
RAMMYS er árlegur hátíð-
arkvöldverður samtaka veitingahúsa
í höfuðborg Bandaríkjanna og nær-
sveitum. Þar eru veittar margskonar
viðurkenningar og m.a. tilkynnt um
val á veitingahúsi ársins og veitinga-
manni ársins, sem hlýtur að launum
boð á Food and Fun hátíðina í
Reykjavík. Kom það í hlut Sig-
urgeirs Þorgeirssonar, fram-
kvæmdastjóra Bændasamtaka Ís-
lands, að tilkynna að Fabio
Trabocchi, matreiðslumeistari á
Maestro, hefði orðið fyrir valinu að
þessu sinni.
Hátíðarkvöldverðinn sóttu meira
en 1.600 veitingamenn og fagfólk í
veitingaþjónustu, auk annarra
gesta. Meðal viðstaddra voru Guðni
Ágústsson landbúnaðarráðherra og
Margrét Hauksdóttir, eiginkona
hans, Heba og Helgi Ágústsson,
sendiherrahjón í Washington,
Anthony A. Williams, borgarstjóri í
Washington DC, og ýmsir frammá-
menn og konur úr íslensku við-
skiptalífi. Mikið er fjallað um þenn-
an viðburð í fagtímaritum og í
þáttum fjölmiðla um mat og mat-
argerð. Þar hefur þátttöku Íslands
víða verið getið, en Iceland Nat-
urally, Icelandair og Whole Foods
Market voru meðal helstu stuðn-
ingsaðila hátíðarinnar.
Eins og við eigum borgina
„Það er eins og við eigum borgina
þetta kvöld,“ sagði Guðni Ágústsson,
landbúnaðarráðherra, þar sem hann
var staddur í Washington Convent-
ion Center. „Veitingahúsabransinn
allur hér og Ísland er nafnið sem
fólkið talar um og borðar matinn frá.
Ég sé gríðarlegan árangur og gríð-
arleg tækifæri í þessu. Mestur heið-
urinn er sá að hetjur Íslands í dag,
hér, eru íslenski bóndinn og íslenski
sjómaðurinn. Það þykir mér sérlega
vænt um. Heiður þeirra, bóndans og
sjómannsins, liggur í þessu frábæra
hráefni. Hugsa sér þann áhuga sem
maður nú finnur, ekki bara fyrir ís-
lenska lambinu og hestinum, heldur
einnig okkar mjólkurafurðum hvort
sem það er smjörið, osturinn eða
skyrið. Þetta er stórkostlegt tæki-
færi sem við þurfum að vinna í á
næstu árum.“
Sigurgeir Þorgeirsson, fram-
kvæmdastjóri Bændasamtaka Ís-
lands, taldi tvímælalaust að sú mikla
athygli og almenna landkynning
sem Ísland fékk þetta kvöld væri já-
kvæð fyrir landið. „Þetta er jákvætt
gagnvart ferðamennskunni og von-
andi hjálpar þetta einnig til að selja
þær afurðir sem við ætlum að reyna
að selja hér,“ sagði Sigurgeir. Hann
taldi og að þátttaka Bændasamtak-
anna í átaksverkefninu Áformi kæmi
bændum til góða.
„Þetta er einn áfangi af mörgum á
þeirri leið að koma stöðugleika á út-
flutning á íslenskum landbúnaðar-
afurðum,“ sagði Baldvin Jónsson,
framkvæmdastjóri Áforms, sem
undanfarið ár hefur unnið að und-
irbúningi hátíðarkvöldverðarins
ásamt samtökum veitingahúsaeig-
enda í Washington. „Það er grýtt
leið að koma þessum vörum á mark-
að á sanngjörnu verði. Þessi hátíð
sýnir að við höfum náð fótfestu hér á
þessum erfiða og krefjandi markaði.
Næstu skref eru að velja vörur sem
uppfylla skilyrði um sjálfbæra fram-
leiðslu í matvælaiðnaði og kröfur
vandlátra verslana og veitingahúsa.“
Ísland í brennidepli á hátíðarkvöldverði samtaka veitingahúsa í Washington DC
Íslenski sjómað-
urinn og bóndinn
hetjur dagsins
Eftir Guðna Einarsson
gudni@mbl.is
Morgunblaðið/Guðni
Icelandair stóð fyrir happdrætti um Íslandsferð meðal veislugesta á árshátíð veitingahúsaeigenda í Washington DC
og var dregið á staðnum. F.v. kynnar kvöldsins, sjónvarpsfólkið Sue Palka og James Adams, Baldvin Jónsson, fram-
kvæmdastjóri Áforms, Jón Haukur Baldvinsson, sölustjóri Icelandair í Bandaríkjunum, með happdrættismiðana,
Sigurgeir Þorgeirsson, framkvæmdastjóri Bændasamtaka Íslands, og Guðni Ágústsson landbúnaðarráðherra.
URRIÐAVEIÐIN í Laxá í Þingeyj-
arsýslu hefur verið mjög góð. „Veiði-
menn finna fisk víða og mikið af hon-
um,“ segir Hólmfríður Jónsdóttir,
staðarhaldari í Mývatnssveitinni.
„Menn eru yfirleitt með fallega
veiði. Það eru yfir 800 fiskar skráðir
í veiðibók, veitt og sleppt. Það er
mjög fínt.“
Hólmfríður segir þessa byrjun lík-
lega svipaða og í fyrra. „Menn eru
duglegri núna við að skrá fiskana
sem þeir sleppa. Við höfum verið
hörð við veiðimenn og gætt þess að
þeir skrái allt. Veiðimálastofnun vill
fá þessar upplýsingar. Eins eiga
menn að vera duglegir við að lengd-
armæla og vigta.“
Veiði hófst á Hraunssvæðinu í Að-
aldal fyrir viku. Veiðimenn sem hófu
veiðar létu vel af sér og náðu um 30
urriðum. Þeir sem voru við veiðar á
sunnudag fengu síðan 46 fiska, flesta
á bilinu eitt til tvö pund en þeir
stærstu voru um fjögur.
Nýir leigutakar í Kjósinni
Hópur manna hefur keypt Lax
ehf., félagið sem leigir Laxá í Kjós,
af Shackelton í Bretlandi. Fyrir
hópnum fara Gísli Ásgeirsson og Jón
Þór Júlíusson, en saman eiga þeir
fyrirtækið Laxfoss sem er nýr leigu-
taki Svalbarðsár, auk þess sem Jón
Þór leiðir Hreggnasa ehf., sem er
með Úlfarsá og Grímsá á sínum
snærum.
Gísli er nýr stjórnarformaður Lax
ehf., tók við af Orra Vigfússyni, og
segir hann nýju eigendurna vera ís-
lenska. „Reksturinn verður óbreytt-
ur í sumar. Af núverandi leigusamn-
ingi er eitt ár eftir og viðræður eru í
gangi við bændur um framleng-
ingu.“
Þá segir Gísli að í athugun sé að
byggja nýtt og glæsilegt veiðihús,
sem yrði þá staðsett nærri núver-
andi svefnskálum í Kjósinni. End-
anleg ákvörðun hefur ekki verið tek-
in um þær framkvæmdir.
Erlent fyrirtæki, Frontiers, hefur
selt bestu veiðidagana, mestmegnis
útlendum veiðimönnum, en SVFR
hefur annast sölu á öðrum leyfum í
ána. „Þeir eru með samning við Lax
ehf. sem er útrunninn árið 2007. Það
verður að koma í ljós hvert fram-
haldið verður,“ segir Gísli.
Laxveiðin hefst í Kjósinni á föstu-
daginn kemur en síðustu vikur hefur
slangur af fiski sést í ánni.
Keyptu alla daga í Galtalæk
Hópur veiðimanna hefur tekið sig
saman og keypt alla veiðidagana í
Galtalæk í sumar.
„Þessi samningur er góður fyrir
alla aðila,“ segir Stefán Sigurðsson,
sölustjóri hjá Lax-á. „Við getum
komist að með útlendinga, þegar á
þarf að halda, en margir hafa gaman
af að fara þarna í einn og einn dag.
Þetta er flókin veiði og viðkvæm.“
Hann segir kaupendur veiðileyf-
anna reynda veiðimenn sem hafi tek-
ið ástfóstri við Galtalæk. „Þeir vilja
tryggja að öllum veiddum fiski sé
örugglega sleppt aftur, farið vel með
fiskinn og lækinn.“ Brögð hafa verið
að því að veiðimenn hafi ekki virt
reglur um að veiða og sleppa. Galta-
lækur fóstrar lítinn en öflugan
urriðastofn.
Nýir
menn í
Kjósina
Morgunblaðið/Einar Falur
Birgir Snæbjörn Birgisson togast á
við vænan lax á Fossbrúninni í Laxá
í Kjós. Íslendingar hafa keypt fyrir-
tækið Lax ehf., sem leigir ána, af
breska fyrirtækinu Shackelton.
veidar@mbl.is
LYNNE Breaux er framkvæmda-
stjóri samtaka veitingahúsa á stór
Washington DC svæðinu. Meira en
500 veitingahús eiga aðild að sam-
tökunum. Árlegur hátíðarkvöld-
verður samtakanna er einskonar
hápunktur starfs samtakanna og
um leið einn stærsti einstaki við-
burðurinn innan gjörvalls veitinga-
húsageirans í Bandaríkjunum. Í
fyrra var þemað „rauð og heit“
veitingahús og segir Lynne því hafi
þótt eðlilegt að leggja áherslu á
hafa þemað svalt (cool) við hátíð-
arkvöldverðinn í ár. Það að fá Ís-
land til liðs við að halda hátíð-
arhaldið hafi verið óvænt ánægja.
„Við elskum að vinna með Ís-
landi,“ segir Breaux, en hún hefur
átt mikið samstarf við Baldvin
Jónsson, framkvæmdastjóra
Áforms, við undirbúning hátíð-
arkvöldverðarins. „Það hefur verið
ákaflega gefandi, styrkjandi og
ánægjulegt samstarf. Þegar þemað
var rautt og heitt voru skreytingar
í salnum rauðar en í ár eru þær
kaldbláar og minna á ís. Þetta er
táknrænt fyrir það sem er að gerast
innan veitingageirans í Washington
DC. Það er virkilega svalt.“
Öflug markaðssetning Íslands og
íslenskra afurða á Washington DC
svæðinu átti tvímælalaust þátt í vali
á þema ársins 2005 fyrir hátíð-
arkvöldverðinn, að sögn Breaux.
Hún bendir á að Washington DC sé
höfuðborg Bandaríkjanna og það sé
þýðingarmikið fyrir íslenskar af-
urðir að fá svo mikla athygli þar.
„Okkur er mikil ánægja að fá að
vekja athygli á íslenskum afurðum,
því þær eru frábærar,“ sagði
Breaux. „Ég verð að segja að ég dá-
ist að íslenska lambinu. Ég get ekki
sagt að ég hafi verið mikill aðdá-
andi lambakjöts hér áður, en ís-
lenska lambið frá Whole Foods er
eina lambakjötið sem ég borða. Ég
kann vel að meta villibráð og ým-
islegt annað, en íslenska lambið
hefur svo ferskt bragð!“
Lynne Breaux heimsótti Ísland í
ágúst síðastliðnum og segir að sér
þyki lífsgleðin jafnáþreifanleg á Ís-
landi og í New Orleans þar sem hún
ólst upp. Henni þótti slæmt að hafa
ekki fengið að dvelja jafn lengi í
Bláa lóninu og hana lysti og hana
langar þangað aftur.
„Það var mér ómetanlegt að
koma til Reykjavíkur á liðnu sumri
og kynnast Íslandi. Ég öðlaðist
meiri skilning á landinu og naut
ótrúlegrar gestrisni Íslendinga.
Mér fannst ég skynja að landið væri
ótrúlega fágað og um leið hrjóstr-
ugt. Það er yndisleg blanda.“
Ísland er fágað og hrjóstrugt
Morgunblaðið/Guðni
Lynne Breaux er framkvæmda-
stjóri samtaka veitingahúsaeigenda
í Washington í Bandaríkjunum.
STANGVEIÐI