Morgunblaðið - 07.06.2005, Blaðsíða 18

18 ÞRIÐJUDAGUR 7. JÚNÍ 2005 MORGUNBLAÐIÐ
MINNSTAÐUR
Stöðvarfjörður | Unnið hefur verið
að því að draga úr áhrifum lokunar
frystihúss Samherja á Stöðvarfirði.
Hyggst félagið t.d. greiða niður
ferðakostnað fyrrverandi starfs-
manna sinna vegna atvinnusóknar
og leita samstarfs við sjávarútvegs-
fyrirtæki bæði á Stöðvarfirði og í ná-
grannabyggðarlögum á sviði hráefn-
isöflunar og markaðssetningar.
Komi til þess að Fáskrúðsfjarðar-
göng verði ekki opnuð fyrr en í byrj-
un október mun starfsfólki því sem
ekki er komið í nýtt starf verða
tryggð laun til þess tíma.
Frystihúsi Samherja á Stöðvar-
firði verður lokað þann 1. september
nk. og öllum starfsmönnum félagsins
þar sagt upp frá og með þeim tíma.
Um er að ræða 32 starfsmenn í 25
stöðugildum. Samherji hyggst sam-
eina landvinnslu félagsins á Stöðv-
arfirði og Dalvík, á Dalvík. Þau
áform voru fyrst kynnt á samráðs-
fundi með fulltrúum verkalýðs-
félagsins og starfsmönnum hinn 21.
janúar sl. Í tilkynningu frá Samherja
segir að frá þeim tíma hafi verið unn-
ið að því að draga úr áhrifum þessara
breytinga á atvinnulíf á Stöðvarfirði.
Að þeirri vinnu hafi komið fjölmargir
aðilar, svo sem frá sveitarfélaginu
Austurbyggð, Þróunarfélagi Austur-
lands, starfsmenn Samherja auk ým-
issa sérfræðinga og ráðgjafa. Í til-
kynningunni segir að fyrir liggi að
skortur sé á starfsfólki, bæði á
Stöðvarfirði og öðrum þéttbýlisstöð-
um, á svæðinu frá Breiðdalsvík til
Norðfjarðar. Um sé að ræða störf í
sjávarútvegi og ýmsum öðrum
greinum. Þess vegna hafi Samherji
lagt áherslu á bættar almennings-
samgöngur á þessu svæði og muni
félagið greiða niður ferðakostnað
fyrrum starfsmanna sinna. Samherji
eigi í viðræðum við sjávarútvegsfyr-
irtæki, bæði á Stöðvarfirði og í ná-
grannabyggðarlögum, um samstarf
á sviði hráefnisöflunar og markaðs-
setningar. Einnig sé unnið að ýms-
um verkefnum sem tengjast upp-
byggingu smærri fyrirtækja á
staðnum, sem unnið gætu í samstarfi
við nýtt álver á Reyðarfirði. Það er
trú forsvarsmanna Samherja að þau
verkefni, sem nú er unnið að, auk til-
komu jarðganga til Reyðarfjarðar,
muni auka atvinnutækifæri íbúa
Stöðvarfjarðar.
Neikvæð áhrif minnkuð
AUSTURLAND
Seyðisfjörður | Ljúft og bjart veður
einkenndi sjómannadaginn eystra
um helgina, aukinheldur var mann-
lífið með fjörugasta móti eins og
vera ber á þessum hátíðisdegi.
Á Seyðisfirði var hún Guðlaug
Vala Smáradóttir úti að spássera í
góða veðrinu þegar hún rakst á tík-
ina Emblu á höfninni. Þær slógu
saman og einhentu sér í alls kyns
hundakúnstir til gamans í góða
veðrinu.
Morgunblaðið/Steinunn Ásmundsdóttir
Hunda-
kúnstir á
höfninni
Neskaupstaður | Hópur ungs fólks frá Sviss, Dan-
mörku, Bretlandi, Ítalíu og Bandaríkjunum er nú við
sjálfboðaliðastörf í Fjarðabyggð. Þetta eru ungmenni
sem koma hingað til lands á vegum samtakanna World
Friends. Verkefnið er stutt af Evrópusambandinu og
miðar að því að gefa ungu fólki kost á því að vinna að
umhverfisverkefnum í álfunni. Ungmennin hafa und-
anfarið unnið við endurbætur á stígum í fólkvangi Nes-
kaupstaðar sem er vinsælt útivistarsvæði í útjaðri bæj-
arins. Stígurinn þar var farinn að láta verulega á sjá
undan mikilli umferð fólks og ekki vanþörf á endurbót-
um. Þau eru frá Sviss, Danmörku, Bretlandi, Frakk-
landi, Belgíu, Ítalíu og Bandaríkjunum, alls ellefu tals-
ins.
Verkefni um allt land
Verkstjórar hópsins eru þau Andy Boscoe frá Bret-
landi og Barbara Schmidt frá Sviss, en þau munu
dvelja hér á Íslandi í 6–9 mánuði til að hafa umsjón með
sambærilegum verkefnum um allt Ísland. Að þeirra
sögn störfuðu Veraldarvinir fyrst á Íslandi fyrir tveim-
ur árum, en þá kom einn hópur. Í fyrra voru hóparnir
fjórir og í ár er gert ráð fyrir að um þrjátíu hópar komi
til starfa á vegum Veraldarvina víðs vegar um Ísland.
Þrjátíu hópar Veraldar-
vina að störfum á Íslandi
Unnið ötullega Veraldarvinir leggja fólkvanginum lið.
Morgunblaðið/Kristín Ágústsdóttir
Hótel Tangi | Félagið „Bræður og
systur“ hefur tekið við rekstri Hótels
Tanga, en það félag rekur einnig Val-
höll á Eskifirði og Félagslund á Reyð-
arfirði. Miklar breytingar hafa verið
gerðar á hótelinu til hins betra og
mikið endurnýjað bæði í sal og á her-
bergjum. Gerður hefur verið samn-
ingur við Hótel Eddu og verður Hótel
Tangi rekinn sem Edduhótel í sumar.
  
Ný slökkvistöð | Nýverið tók
Steinn B. Jónasson, slökkviliðsstjóri
Austurbyggðar, fyrstu skóflustungu
að nýrri slökkvistöð á Fáskrúðsfirði.
Verktaki er Röra- og hellusteypan
ehf. og er áætlaður kostnaður við
verkið ríflega 52,4 milljónir. Áætlað
er að framkvæmdum ljúki hinn 15.
desember.
AKUREYRI
Umsóknir | Fimm umsóknir bár-
ust um starf skipulags- og bygg-
ingafulltrúa Akureyrarbæjar. Um-
sækjendur eru Börkur Þór
Ottósson, Heimir Gunnarsson,
Hjörtur Narfason, Pétur Bolli Jó-
hannesson og Ragnheiður Tinna
Tómasdóttir. Eins og fram hefur
komið hefur Bjarni Reykjalín
gegnt þessari stöðu undanfarin ár
en umhverfisráð Akureyrarbæjar
lítur svo á að hann hafi sagt upp
starfi sínu í lok apríl. Bjarni sagð-
ist ekki hafa sagt upp, heldur
hefði sér verið sagt upp með ólög-
mætum hætti og hyggst hann leita
réttar síns.
Ólafsfjörður | Það er löng hefð fyrir því í
Ólafsfirði að halda sjómannadaginn há-
tíðlegan og var engin undantekning frá
því að þessu sinni. Dagskráin stendur í
tvo daga og var boðið upp á fjölmargt
hefðbundið, kappróður í höfninni, kodda-
slag, stakkastund og björgunarsund í
sundlauginni, knattspyrnu þar sem
Leiftur/Dalvík átti heimaleik, hestamót
hjá Gnýfara og leirskífufimi á vegum
Skotfélags Ólafsfjarðar. Seinni dagurinn
hefst alltaf á því að safnast er saman við
hafnarvogina og farið í skrúðgöngu til
kirkju. Eftir hádegi er öllum boðið í sigl-
ingu á einum togara bæjarins, að þessu
sinni var farið á Sigurbjörgu ÓF 1 út á
fjörð. Sýning var á munum og verk-
efnum nemenda gagnfræðaskólans og
tengdust þeir að þessu sinni sjávar-
útvegi í Ólafsfirði í heila öld. Sjómenn og
landmenn áttust við í knattspyrnu en
þar skipta úrslitin sjaldnast máli, boðið
var upp á barnaskemmtun og söng við
Tjarnarborg en þar komu fram meðal
annarra Lína langsokkur og Lísa
Hauksdóttir, Idol stjarna Ólafsfirðinga.
Það sem var óvenjulegast við þennan há-
tíðardag sjómanna var að boðið var upp
á Hálandaleika þar sem Hjalti Úrsus
Árnason og félagar hans voru með
magnaða kraftakeppni.
Deginum lauk síðan með árshátíð sjó-
manna í félagsheimilinu Tjarnarborg
þar sem meðal annarra Helga Braga
Jónsdóttir skemmti auk þess að vera
veislustjóri.
Hálandaleikar á sjómannadegi
Morgunblaðið/Helgi Jónsson
Fiskasýning Þeir vöktu verðskuldaða athygli, fiskarnir sem voru
til sýnis í tilefni af hátíðahöldum sjómannadagsins í Ólafsfirði.
Dalvíkurbyggð | Verið er að kanna
grundvöll þess að kaupa snjófram-
leiðsluvélar til að setja upp við
Böggvisstaðafjall en það er Skíða-
félag Dalvíkur sem vinnur nú að því
að fjármagna kaup á slíkum tækj-
um.
Óskar Óskarsson, formaður fé-
lagsins, sagði að undirtektir væru
góðar en leitað hefur verið til ein-
staklinga, fyrirtækja og stofnana.
„Ef þetta tekst hjá okkur er bara
að drífa í hlutunum og reyna að
koma svæðinu í gang sem fyrst í
haust,“ sagði hann. Snjóframleiðslu-
vélin sem Dalvíkingar hafa auga-
stað á kostar um 21 milljón króna
uppkomin á staðnum. Óskar sagði
að reynt yrði að fjármagna rekstur
þeirra með þeim hætti að aðsókn á
skíðasvæðið yrði stöðugri ef ávallt
væri opið í fjallinu. „Við ætlum okk-
ur áfram að byggja sem mest á
náttúrulegum snjó, en þetta yrði
góð viðbót og tryggir að ávallt verð-
ur nægur snjór á Dalvík,“ sagði
Óskar.
Hann nefndi að ef allt gengi upp,
þau tæki sem menn hafa áhuga á
að kaupa fengjust sem og að tækist
að fjármagna þau ætti ekki að taka
langan tíma að koma þeim upp.
„Þetta á ekki að taka nema svona
einn mánuð, við horfum til þess að
geta sett vélarnar upp í septem-
ber,“ sagði hann.
Á vef Skíðafélags Dalvíkur kem-
ur fram að með kaupum á snjó-
byssu sem svo er nefnd sé verið að
bregðast við breyttu veðurfari og
minni snjó. Verið sé að berjast fyrir
því að halda Dalvík inni á kortinu
sem framtíðarskíðasvæði á Norður-
landi, en ef ekkert verði að gert
muni það dragast aftur úr og það
uppbyggingarstarf sem unnið hefur
verið síðastliðna þrjá áratugi verði
að engu.
Skíðafélag Dalvíkur bregst við breyttu veðurfari og minni snjó
Stefnt að kaupum á snjóbyssu
Eftir Margréti Þóru Þórsdóttur
maggath@mbl.is
Morgunblaðið/Kristján
Millilandaflug | Á fundi bæj-
arráðs í vikunni var tekið fyrir er-
indi frá framkvæmdastjóra Ice-
land Express ehf. varðandi
aðstæður til millilandaflugs til og
frá Akureyri. Í bréfinu kemur
m.a. fram, að athuganir flug-
félagsins hafi leitt í ljós að raun-
hæft muni vera að stunda beint
flug til og frá Akureyrarflugvelli
a.m.k. stóran hluta ársins. Lengd
flugbrautarinnar takmarki mögu-
leikana verulega þar sem einungis
fáar tegundir flugvéla henti við
núverandi aðstæður. Í bókun bæj-
arráðs kemur fram að bæjarstjórn
hafi margoft ályktað um mik-
ilvægi á beinu millilandaflugi til
og frá Akureyrarflugvelli. Bæj-
arráð ítrekar þau sjónarmið sem í
ályktununum koma fram og telur
brýnt að af hálfu ríkisins verði nú
þegar kannaðir möguleikar á að
flýta framkvæmdum við nauðsyn-
lega lengingu flugbrautarinnar.
Bæjarráð lýsir yfir vilja til sam-
starfs við flugmálastjórn og sam-
gönguráðuneytið um skjótan fram-
gang málsins.