Morgunblaðið - 07.06.2005, Blaðsíða 37

MORGUNBLAÐIÐ ÞRIÐJUDAGUR 7. JÚNÍ 2005 37
MENNING
ÞJÓÐLAGAHÁTÍÐIN á Siglufirði
verður að þessu sinni haldin dag-
ana 6.–10. júlí og er yfirskrift hátíð-
arinnar Sagnir og ævintýri. Að
venju koma fjöl-
margir innlendir
og erlendir lista-
menn við sögu,
námskeið verða
haldin og fjöl-
breyttir fyr-
irlestrar í boði,
að sögn Gunn-
steins Ólafs-
sonar, listræns
stjórnanda hátíð-
arinnar.
Hátíðin hefst miðvikudaginn 6.
júlí með því að Siglufjarðarskarð
verður gengið. Að lokinni göngu
verður grillveisla í skógræktinni í
Skarðsdal. Setningartónleikar há-
tíðarinnar verða í Bátahúsinu um
kvöldið. Þar leikur hinn nafnkunni
Einhyrningur eða Ensemble Uni-
corn frá Austurríki ítalska dansa og
söngva frá 14. öld á upprunaleg
hljóðfæri. Milli laga lesa Theodór
Júlíusson og Jóhanna Vigdís Arn-
ardóttir leikarar erótískar kímni-
sögur úr Tídægru eftir Boccaccio,
en þær voru skrifaðar á sama tíma
og tónlistin. Tónleikarnir verða
endurteknir 7. júlí í Borgarleikhús-
inu.
Norsk þjóðlagatónlist er fjöl-
breytt og af nógu að taka. Að þessu
sinni verður á þjóðlagahátíðinni
tónlist frá Ögðum og Þrændalögum
í brennidepli. Astri Skarpengland,
Elizabeth Gaver og Hans-Hinrich
Thedens syngja og leika á harðang-
ursfiðlur og gítar. Auk þess að
koma fram á tónleikum halda þre-
menningarnir námskeð í norskum
söngvum og dönsum.
Til mótvægis við norræna þjóð-
lagatónlist kemur Hadji Tekbilek
frá Tyrklandi og heldur bæði tón-
leika og námskeið fyrir tónlist-
arnema í tyrkneskri tónlist. Hann
leikur á fjölbreytt þarlend hljóð-
færi og hefur Steintrygg, eða þá
Steingrím Guðmundsson og Sig-
trygg Baldursson, sér til halds og
traust. Á námskeiðinu geta nem-
endur komið hver með sitt hljóð-
færi því tónlistin verður útsett jafn-
óðum fyrir þátttakendur.
Fjögur ný verk frumflutt
Fjögur ný verk verða frumflutt á
hátíðinni. „Renata Ivan frá Ung-
verjalandi frumflytur 18 hugleið-
ingar um íslensk þjóðlög fyrir píanó
eftir Ríkarð Örn Pálsson, Kamm-
erkór Norðurlands flytur nýtt verk
eftir Snorra Sigfús Birgisson á tón-
leikum sínum í Siglufjarðarkirkju,
Snorri Sigfús frumflytur sjálfur
eigin útsetningar á íslenskum þjóð-
lögum fyrir ungar píanóhendur og
síðast en ekki síst verður í upphafi
hátíðar framinn tónlistargjörningur
í bræðsluverksmiðjunni Gránu sem
hljómar líkt og draugagangur í
verksmiðjunni það sem eftir lifir
hátíðar. Gjörninginn fremja Davíð
Þór Jónsson píanóleikari og Helgi
Svavar Helgason og Sigtryggur
Baldursson slagverksmenn,“ segir
Gunnsteinn.
Þjóðlagasveitin Islandica heldur
að sögn Gunnsteins, allsérstæða
tónleika í Bátahúsinu föstudaginn
8. júlí. Þar mun sveitin leita í sjóð
siglfirskra kvæðamanna og vekja
til lífsins á ný stemmur sem þeir
kváðu um miðja 20. öld og varð-
veittar eru í Stofnun Árna Magn-
ússonar. Síðar sama kvöld heldur
djasstríóið Flís útgáfutónleika á
Kaffi Torgi þar sem það rifjar upp
helstu lög Hauks Morthens. Tón-
leikarnir eru jafnframt útgáfu-
tónleikar tríósins.
Í takt við lífið –
Vertu þú sjálfur
Laugardaginn 9. júlí er samfelld
tónlistardagskrá frá morgni til
kvölds. Hún hefst með kennslu í
norskum dönsum og vikivaka og
síðdegis verður Þjóðlagasveit Tón-
listarskóla Akraness með tónlistar-
og ljóðadagskrá í Bátahúsinu.
„Sveitin hefur vakið mikla athygli
fyrir að blanda saman bráðfjörugri
írskri tónlist við djúpvitur ljóð um
lífið og tilveruna, ætluð ungu fólki.
Flutningurinn nefnist: Í takt við líf-
ið – Vertu þú sjálfur. Hann minnir
einna helst á leiksýningu þar sem
fiðluleikur, söngur, talkór og mynd-
ir falla saman í eina órofa heild,“
segir Gunnsteinn.
Síðar sama dag syngur Hlöðver
Sigurðsson tenór ljóðaflokkinn um
Malarastúlkuna fögru eftir Franz
Schubert í nýrri íslenskri þýðingu
Guðmundar Hansen. Meðleikari
Hlöðvers á píanó er Antonia Hevesi
frá Ungverjalandi. Um kvöldið
verður uppskeruhátíð í Bátahúsinu
þar sem afrakstur námskeiða verð-
ur sýndur og brugðið á leik með
South River Band, ættuðu frá
Syðri-Á í Ólafsfirði.
Þjóðlagahátíðinni á Siglufirði
lýkur með tvennum tónleikum
sunnudaginn 10. júlí. Á þeim fyrri
leika Eva Zöllner, Þýskalandi og
Kristján Orri Sigurleifsson tónlist
fyrir harmónikku, kontrabassa og
rafhljóð og nefnist dagskráin
Leyndir sálmar. Þar verður m.a.
flutt samnefnt verk eftir Úlfar Inga
Haraldsson.
Botninn í hátíðina slær síðan Sin-
fóníuhljómsveit unga fólksins undir
stjórn bandaríska hljómsveit-
arstjórans Roberts Gutters. Tón-
leikarnir nefnast Sagnir frá Nýja
heiminum. Á fyrri hluta tón-
leikanna verða leikin verk eftir
Copland og Gershwin og Dvorsjak.
Einleikari í Rhapsody in blue eftir
Gershwin verður Víkingur Heiðar
Ólafsson á píanó en bræðurnir
Matthías og Jóhann Nardeau leika
einleik á enskt horn og trompet í
Þögulli borg eftir Copland. Loks
leikur hljómsveitin 9. sinfóníu
Dvorsjaks, Frá Nýja heiminum.
Hljómsveitin endurtekur tón-
leikana mánudaginn 11. júlí í Nes-
kirkju í Reykjavík.
Dansað, sungið og
gengið til grasa
Gunnsteinn segir að allt frá því
að Þjóðlagahátíðin á Siglufirði hóf
göngu sína Menningarárið 2000
hafi námskeiðahald þótt ómissandi
þáttur í dagskránni. „Þau eru ætluð
öllum almenningi, tónlistarnemum
sem og börnum svo flestir ættu að
finna þar sitthvað við sitt hæfi.
Námskeiðin eru ýmist allan eða
hálfan daginn og eru bæði á sviði
tónlistar, handverks og sagnalistar.
Auk námskeiðanna í tyrkneskri og
norskri tónlist verður kenndur
rímnakveðskapur, hreyfileikir og
rytmaspuni, unnið úr textíl og roði,
kennd flókagerð og silfursmíði,
gengið til grasa og matreitt úr
þeim, kennt að tálga í tré að
ógleymdu sérstöku námskeiði í því
hvernig á að segja sögur. Þá verður
boðið upp á senjordansa fyrir eldri
borgara, barnadansar og leikir
verða fyrir yngstu gestina, leiklist-
arnámskeið fyrir stálpaða krakka
og slagverksnámskeið fyrir ung-
linga. Barna- og unglinga-
námskeiðin eru ókeypis fyrir börn
fullorðinna þátttakenda. Loks
verða haldin tvö hádegiserindi á
hátíðinni. Mikael Posch frá Aust-
urríki segir frá tónlist á tímum
Boccaccios og dr. Vésteinn Ólason
fjallar um sagnadansa og Kolfinna
Sigurvinsdóttir kennir mönnum
sporin.“
Tónlist | Þjóðlagahátíðin á Siglufirði haldin dagana 6.–10. júlí næstkomandi
Til mótvægis við norræna þjóðlagatónlist kemur Hadji Tekbilek frá Tyrklandi til Siglufjarðar og heldur bæði tón-
leika og námskeið fyrir tónlistarnema í tyrkneskri tónlist. Hann leikur á fjölbreytt þarlend hljóðfæri og hefur
Steintrygg, eða þá Steingrím Guðmundsson og Sigtrygg Baldursson, sér til halds og trausts.
Einhyrningurinn eða Ensemble Unicorn leikur ítalska dansa og söngva frá 14. öld á upprunaleg hljóðfæri.
Erótík og Skarðsganga
Gunnsteinn
Ólafsson
Allar nánari upplýsingar um Þjóð-
lagahátíðina á Siglufirði er að
finna á www.siglo.is/festival.
KVENNAKÓR Garðabæjar
hélt allvel sótta vortónleika í
Seltjarnarneskirkju á sunnu-
dag. Hinn bráðum fimm ára
gamli kór hyggur á söngför til
Tékklands í
miðjum júní
og hafði því
fjögur lög eft-
ir Dvorák á
prógramm-
inu, Mórav-
íska (s.s.
Mœrska)
dúetta Op. 32
við píanóund-
irleik. Af
þeim voru miðlögin tvö, Sá von-
svikni og Ástarjátning, líflegust;
skemmtileg lög með sterkum
þjóðlagakeim.
Annars var 20 atriða dag-
skráin afar fjölbreytt, og tón-
leikaskráin til fyrirmyndar vel
upp sett, þar sem útsetjenda
var ávallt getið, en á því vill oft
verða misbrestur. Litlu börnin
leika sér í laufléttri raddsetn-
ingu Hildigunnar Rúnarsdóttur
var efst á blaði og með því fal-
legasta sem kórinn söng, því
seinna vildi stundum dofna yfir
sönggleðinni og jafnvel votta
fyrir sigi í tónstöðu. Kom það
frekar á óvart, þar sem sáralítið
bar á sigi á vortónleikum kórs-
ins í fyrra. Hið nýja lag Tryggva
Baldvinssonar, Vorgleði, jafn-
aðist ekki á við smell hans
Krumma, enda lagferlið venju-
legra og jafnvel svolítið væmið.
Ave Maria (Eyþór Stefánsson)
var frekar dauft, en Lindin í fal-
legri raddsetningu Guðmundar
Norðdahl naut hins vegar góðs
af ágætum einsöng stjórnand-
ans. Gömul vísa um vorið
(Gunnsteinn Ólafsson) kom
ágætlega út, þó ekki væri hér
reynt við 20 ára gömlu „sveiflu“-
útgáfu MK kvartettsins. Kröfu-
meira var Ég er heimsins ljós
eftir Nystedt mæddi á hæð 1.
sóprans en tókst samt vel, enda
furðuhreint í inntónun. Tantum
ergo Op. 65,2 eftir Fauré var
stutt en fallegt, og Mœrsku
dúettar luku fyrri hálfleik.
39 kvenna kórinn (14-14-11 í
S I, S II & A) fór á tónrænt
heimsflakk eftir hlé. Fyrst með
Two Eastern Pictures eftir
Gustav Holst; bráðfersk lög
með framandi keim, einkum hið
seinna í mollblendnum lýd-
ískum tónstiga, enda textarnir
frá Indlandi. Enn exótískari
voru Þrjú þjóðlög fyrir kvenna-
kór og hörpu úr tónlistararfi
nýsjálenzkra Maóra, Indónesa
og Japana (hið kunna Sakura);
öll tært sungin og kliðmjúkt
hljómandi við hörpuleik Marion
Herrera er tókst að hugtengjast
silkistrengdum kótó-sítra í síð-
asta laginu.
Eftir hæfilega angurvært
haustlag frá Úkraínu, og
nokkru bjartara frá Rússlandi
er hefði þolað ögn meiri söng-
gleði, lauk kórinn dagskrá sinni
með nýlegu verki við orgelund-
irleik hins ágæta píanista síns,
Cantate Domino eftir Rupert
Lang (f. 1948). Tókst kórnum
mjög vel upp í þessu nokkuð
kröfuharða hálfmóderníska
stykki, og virtist honum í heild
fátt að vanbúnaði til utanfarar.
Helzt mætti hann þó brosa að-
eins meira. Slíkt heyrist nefni-
lega – ekki síður en það sést.
Kvennakór
á faralds-
fæti
TÓNLIST
Seltjarnarneskirkja
Vortónleikar Kvennakórs Garða-
bæjar. Helga Laufey Finnbogadóttir
píanó, Marion Herrera harpa. Kór-
stjóri: Ingibjörg Guðjónsdóttir.
Sunnudaginn 5. júní kl. 17.
Kórtónleikar
Ingibjörg
Guðjónsdóttir
Ríkarður Ö. Pálsson