Morgunblaðið - 13.09.2005, Blaðsíða 4

4 ÞRIÐJUDAGUR 13. SEPTEMBER 2005 MORGUNBLAÐIÐ
FRÉTTIR
Mikið úrval stórra og
smárra heimilistækja
ásamt lömpum,
þráðlausum símum
og farsímum á sann-
kölluðum Búhnykks-
kostakjörum.
Komið og gerið frábær
kaup.
GH
-
SN
05
09
00
2
NEYÐARLÍNAN hefur farið fram
á að settar verði reglur sem skyldi
símafyrirtækin til þess að veita
Neyðarlínu upplýsingar um stað-
setningu farsíma um leið og símtalið
berst til þess að viðbrögð verði sem
best. Aðeins Síminn veitir þessa
þjónustu sjálfkrafa í dag en Síminn
kom henni á að eigin frumkvæði ár-
ið 2002.
„Þetta hefur bjargað mannslífum
og mun bjarga mannslífum í fram-
tíðinni,“ segir Þórhallur Ólafsson,
framkvæmdastjóri Neyðarlínunnar.
Hann segir kerfið skipta Neyðarlín-
una gríðarlegu máli, því um leið og
hringt sé úr farsíma sem sé hjá
símafyrirtæki sem nýti þessa tækni
fái starfsmaður Neyðarlínunnar á
skjáinn hjá sér hvaða símamastri
síminn sé tengdur, og í hvaða stefnu
frá mastrinu síminn sé. Þessar upp-
lýsingar flýti mjög fyrir starfsmönn-
um Neyðarlínu, og tryggi að réttir
aðilar á réttum stað séu kallaðir út.
„Þetta er kerfi sem við notum
daglega, þetta er það sem hjálpar
okkur mest í því sem við erum að
gera. Með því fáum við rétta við-
bragðsaðila strax, ef síminn er
skráður í Reykjavík en slysið verður
á Vopnafirði erum við ekki að boða
björgunaraðila í Reykjavík að
óþörfu,“ segir Þórhallur. Spurður
hversu nákvæmar upplýsingar fáist
segir hann þær nokkuð nákvæmar á
höfuðborgarsvæðinu, en þar sem
lengra sé á milli senda sé þetta ekki
jafn nákvæmt.
Þórhallur staðfestir að Neyðarlín-
an hafi sent Póst- og fjarskipta-
stofnun erindi vegna málsins 19.
október 2004 þar sem farið er fram
á að símafyrirtækjunum verði gert
skylt að veita Neyðarlínunni upplýs-
ingar um staðsetningu síma sjálf-
krafa. Hann segir að í dag sé það
ákvörðun fyrirtækjanna hvort þau
veiti viðskiptavinum sínum þessa
þjónustu eða ekki.
Tæknimaður veitir
upplýsingar
Dóra Sif Tynes, lögmaður Og
fjarskipta, segir rétt að fyrirtækið
ráði ekki yfir búnaði sem gefi Neyð-
arlínu sjálfkrafa upplýsingar um
staðsetningu farsíma úr kerfi fé-
lagsins, en segir að tæknimaður sé á
bakvakt allan sólarhringinn sem
geti veitt upplýsingarnar um hvaða
mastri síminn sé tengdur á innan
við mínútu. Ekki sé þó hægt að
rekja úr hvaða átt frá mastrinu sím-
talið hafi borist nema með því að
slökkva á þremur sendum, einum í
einu, til að fá nákvæma staðsetn-
ingu, sem geti tekið rúmar fimm
mínútur.
Pétur Pétursson, þáverandi for-
stöðumaður upplýsinga- og kynn-
ingarmála hjá Og Vodafone, sagði í
viðtali við Fréttablaðið hinn 30. júlí
2004 að vonir stæðu til þess að hægt
væri að staðsetja viðskiptavini Og
Vodafone í kerfi Neyðarlínunnar
innan nokkurra vikna, tæknilegri
vinnu af hálfu Og Vodafone væri
lokið. Spurð hvað hafi breyst segir
Dóra að viðræður hafi verið í gangi
milli Og Vodafone, Símans og Neyð-
arlínu um aðgengi Og Vodafone að
kerfi Símans, en þær viðræður engu
hafa skilað, og væntanlega hafi þær
strandað á kostnaði.
Upplýsingar geta
haft úrslitaáhrif
Í lögum um fjarskipti segir að
fjarskiptafélögum sé heimilt að
veita félögum og stofnunum sem
annast neyðarþjónustu upplýsingar
um staðsetningu farsíma sem hringt
er úr, en Póst- og fjarskiptastofnun
setji reglur um veitingu upplýsinga
og vinnslu þeirra, segir Friðrik Pét-
ursson, forstöðumaður fjarskipta-
og póstþjónustudeildar Póst- og
fjarskiptastofnunar. Hann segir að
stofnunin muni taka afstöðu til er-
indis Neyðarlínu á næstu mánuðum.
Fram kemur í greinargerð með
lögunum að það geti haft úrslita-
áhrif varðandi björgun mannslífa að
hægt sé að staðsetja þann sem
hringir í neyðarþjónustu hratt og
örugglega þótt þeir sem hringja séu
ekki færir um að upplýsa hvar þeir
eru. „Því er æskilegt að neyðarþjón-
ustuaðilar geti fengið viðkomandi
upplýsingar frá fjarskiptafyrirtækj-
um, en setja þarf skýrar reglur um
meðferð þeirra til þess að tryggja
að notkun sé eingöngu í samræmi
við tilganginn og að öryggi gagna sé
tryggt,“ segir í greinargerð með
lögum um fjarskipti.
Aðeins annað símafyrirtækið veitir Neyðarlínu
sjálfkrafa upplýsingar um staðsetningu farsíma
Tækni sem bjargað
hefur mannslífum
Morgunblaðið/Júlíus
Mikilvægt er fyrir starfsmenn Neyðarlínu að geta fengið upplýsingar um staðsetningu farsíma sem fyrst.
Eftir Brján Jónasson
brjann@mbl.is
LEIT að Friðriki Ásgeiri Her-
mannssyni, 34 ára, sem saknað
hefur verið frá því á sunnudag eft-
ir sjóslysið úti fyrir Laugarnes-
tanga, hélt áfram í gær. Slæmt sjó-
lag á Viðeyjarsundi olli því að ekki
var leitað á sjó fyrr en undir kvöld.
Að sögn Jónasar Hallssonar að-
stoðaryfirlögregluþjóns var þess í
stað hafin leit af landi á strand-
lengjunni frá Gróttu að Sundahöfn
og í Viðey og Engey á háfjöru síð-
degis í gær. Þar var um að ræða á
fjórða tug manna og kvenna, allt
ættingjar og vinir Friðriks.
Að sögn Jóns Gunnarssonar,
framkvæmdastjóra Landsbjargar,
hófst leit á sjó undir kvöld úr
björgunarbátnum Ásgrími S.
Björnssyni þar sem notast var við
neðansjávarmyndavél, en ekki
þótti ástæða til að senda niður kaf-
ara í gær. Í dag mun björgunar-
skipið Baldur frá Landhelgisgæsl-
unni koma til aðstoðar, en skipið er
búið botnsjám sem geta nýst geta
við leitina.
Á annað hundrað manns gengu
fjörur um helgina, og er líklegt er
að skipulögð verði önnur allsherj-
arleit ef ekkert kemur út úr leit á
næstu dögum, segir Jónas.
Áfram leitað
á landi og sjó
RANNSÓKN lögreglunnar í
Reykjavík á sjóslysinu úti fyrir
Laugarnestanga er hafin og mun
beinast að tildrögum slyssins og að
því að varpa ljósi á atburðinn sjálf-
an. Rannsóknin þarf m.a. að byggj-
ast á viðtölum við þá sem eru til
frásagnar eftir slysið að sögn Harð-
ar Jóhannessonar yfirlögregluþjóns.
Verið er að rannsaka á hvaða leið
skemmtibáturinn var og hvert hon-
um var stefnt.
Hjálparbeiðni barst kl. 1.55 að-
faranótt laugardags frá eftirlifend-
um á kili bátsins og fannst fólkið
um klukkan 3, eða röskri klukku-
stund síðar, um 1 km frá Skarfa-
skeri þar sem báturinn strandaði.
Að sögn Harðar geta verið eðlilegar
skýringar á þessari bið, m.a. þær að
staðarákvörðun hafi verið óljós auk
þess sem leitað var í svartamyrkri.
Bátar hafi farið út þegar hjálpar-
beiðnin barst en ekki hafi verið siglt
fram á bátsflakið fyrr en nokkru
síðar.
Leið bátsins
til rannsóknar
KONAN sem lést í sjóslysinu á
Viðeyjarsundi aðfaranótt laugar-
dags hét Matthildur Harðardótt-
ir, til heimilis að Hjallabrekku 2b
í Kópavogi. Hún var fædd 20.
mars árið 1954 var því 51 árs.
Hún lætur eftir sig tvo syni.
Maðurinn sem leitað er eftir slys-
ið heitir Friðrik Ásgeir Her-
mannsson, 33 ára. Hann á einn
son. Matthildur og Friðrik voru í
sambúð.
Lést í slysinu
Friðrik Ásgeir Hermannsson og Matthildur Harðardóttir.
SLÖNGUBÁTUR lögreglunnar í
Reykjavík, sem notaður var við
björgun fólksins af kili skemmti-
bátsins sem fórst úti fyrir Laug-
arnesi, er nærri 20 ára gamall og
telst vera barn síns tíma að mati
Jónasar Hallssonar aðstoðaryf-
irlögregluþjóns. Áhöfn slöngubáts-
ins kom fyrst allra björgunaraðila
að flaki skemmtibátsins og bjargaði
tveimur fullorðnum og einu barni
um borð.
Slöngubáturinn er af gerðinni
Zodiac og í honum er einn utan-
borðsmótor.
Jónas Hallsson segir björg-
unarbátamál lögreglunnar ávallt til
skoðunar á hverjum tíma og segir
hann lögreglu hafa haldið fundi um
bátamálin fyrir nokkrum árum. Þar
var rætt um að koma upp góðri
björgunaraðstöðu í gömlu höfninni
í Reykjavíkurhöfn þar sem hrað-
skreiður björgunarbátur væri að-
gengilegur fyrir lögregluna sem
fyrsta útkallsaðila. Við þetta tæki-
færi var rætt um að í bátnum ætti
einnig að vera kafarabúningur til
taks.
„Það náðist ekki nægilegur
hljómgrunnur fyrir því,“ sagði Jón-
as, „en þessi mál hafa ítrekað verið
til skoðunar.“ Hann bendir á að
Slysavarnafélagið Landsbjörg sé
nú mun öflugra félag en það var
fyrir nokkrum árum og því sé
spurning hvort það kæmi til kasta
félagsins að koma upp sjóbjörg-
unarbúnaði á svæðinu.
Slöngubáturinn barn síns tíma