Morgunblaðið - 13.09.2005, Blaðsíða 38

38 ÞRIÐJUDAGUR 13. SEPTEMBER 2005 MORGUNBLAÐIÐ
kl. 4 og 6 Í þrívíddSýnd kl. 5.30, 8 og 10.30kl. 5.45, 8 og 10.20 B.i 10 ára
VINCE VAUGHN OWEN WILSON
BESTA
GRÍNMYND
SUMARSINS
„FGG“ FBL.
Sýnd kl. 4 ísl tal
Sýnd kl. 4, 6, 8 og 10 b.i. 14 ára
kl. 4, 6, 8 og 10
Frábærtævintýri
fyrir alla fjölskylduna!
Sýnd kl. 6 ísl tal
MEISTARI
HROLLVEKJU
NNAR SNÝR
AFTUR
TIL AÐ
HRÆÐA
ÚR OKKUR
LÍFTÓRUNA
kl. 8 og 10 b.i. 16 ára
Sími 564 0000
Miðasala opnar kl. 15.15
Sýnd kl. 8 og 10.20
Verðið á karlhórum hefur lækkað
töluvert fyrir evrópskar konur!
Sprenghlægileg gamanmynd!
Verðið á karlhórum hefur lækkað
töluvert fyrir evrópskar konur!
Sprenghlægileg gamanmynd!
Sýnd kl. 6, 8 og 10 b.i. 14 ára
O.H.H. / DV. . . /
H.J. / Mbl.. . / l.








Frábærtævintýri
fyrir alla fjölskylduna!
KVIKMYNDIR.COM

RÁS 2 Ó.H.T

Þ
að veittu því trúlega
margir athygli þegar
gamanleikarinn Rob
Schneider sótti Ísland
heim á dögunum til að
kynna nýjustu mynd sína, Deuce
Bigalow: European Gigolo, en mynd-
in var frumsýnd hér á landi um
helgina. Eins og nafnið gefur til
kynna er hér um að ræða framhalds-
mynd Deuce Bigalow: Male Gigolo
sem kom út fyrir nokkru. Fylgst er
með ævintýrum Deuce Bigalow sem
hefur lífsviðurværi sitt af því að selja
blíðu sína kvenfólki.
Hórmangari Bigalows, T.J. Hicks,
kemur við sögu í báðum myndunum
en hann er leikinn af Eddie Griffin.
Blaðamaður fékk að ræða örstutt við
Griffin þar sem sá síðarnefndi sat
undir stýri á leið í annað viðtal.
T.J. Hicks er í Deuce Bigalow:
European Gigolo búsettur í Amst-
erdam og enn við sama heygarðs-
hornið. Hann kemst þó í hann krapp-
an þegar hann flækist inn í morðmál,
en morðingi gengur laus og myrðir
karlhórur á meginlandi Evrópu.
Bigalow mætir þá á staðinn til hjálpar
vini sínum og fyrrverandi hór-
mangara.
Griffin sagði mjög gaman að taka
þátt í framhaldsmyndinni og sagði
þeim Schneider vera orðið vel til vina.
„Hann er frábær maður og mjög
gott að vinna með honum,“ sagði
Griffin brunandi eftir strætum Los
Angeles.
Griffin er þekktastur fyrir gam-
anleik en auk myndanna tveggja um
Deuce Bigalow lék hann meðal ann-
ars í Scary Movie 3. Hann segir það
þó hreint ekki vera viljandi að hlut-
verkavalið sé í þessa áttina.
„Ég hef alveg jafn gaman af því að
leika alvarlegri hlutverk en ég held
þó að margir geri sér ekki grein fyrir
hversu erfiður gamanleikur er, það
getur verið þrælerfitt að vera fynd-
inn.“
Griffin segir eitt af eftirlætis-
hlutverkum sínum á ferlinum hafi
verið þegar hann lék Richard Pryor í
sjónvarpsmyndinni Pryor Offences,
byggðri á ævi gamanleikarans.
„Pryor er auðvitað mikill meistari
og það var mjög gaman að fá að glíma
við hann,“ sagði Griffin og sagði það
mikla áskorun að leika manneskju
sem svo margir muna eftir. Hann
sagði jafnframt að draumahlutverkin
sín væru að fá að leika „hetjur á borð
við Malcolm X eða Martin Luther
King. Það væri toppurinn!“ sagði
Griffin að lokum.
Höfum öll okkar litlu vana
Meðan á dvölinni í Amsterdam
stendur kynnist Deuce Bigalow stúlk-
unni Evu sem er frænka lögreglufor-
ingja borgarinnar sem fer með rann-
sókn á málum meints morðingja
vændiskarlanna. Eva er leikin af 22
ára gamalli hollenskri stúlku að nafni
Hanna Verboom.
Þegar blaðamaður náði af henni
tali var hún hreint ekki að veita fyrsta
viðtal dagsins.
„Ég er hætt að telja …“ sagði
Verboom en bar sig vel.
Fram að þessu hefur Verboom
mest látið til sín taka í fyrirsætuheim-
inum en hlutverk hennar í Deuce
Bigalow: European Gigolow er annað
hlutverk hennar á hvíta tjaldinu.
Hún lýsir sjálf ferli sínum á þennan
hátt: „Ég sendi nokkrar myndir af
mér til umboðsskrifstofu fyrir nokkr-
um árum í þeirri von um að koma mér
á framfæri sem fyrirsæta og nokkrar
myndanna komust inn á borð hjá
þeim sem sjá um Elite-fyrirsætu-
keppnina ár hvert. Þeir hringdu í mig
og báðu mig að taka þátt í keppninni
sem ég og gerði og ég vann keppn-
ina,“ segir hún.
„Þegar ég var í skóla starfaði ég
með leiklistarhópi og varð ástfangin
af leiklistinni og leikhúsinu. Ég fór
því að hella mér út í áheyrnarprufur
sem færðu mér hlutverk, fyrst í hol-
lenskri mynd sem heitir Snowfever
og svo núna í Deuce Bigolow.“
Aðspurð um hlutverk sitt í mynd-
inni nýju svarar Verboom; „Ég fór
reyndar upphaflega í áheyrnarprufu
fyrir minna hlutverk og það gekk
mjög vel. Mér var því boðið að reyna
fyrir mér í hlutverki Eva og fékk það
að lokum og var mjög ánægð með
það.“
Hún segir þær Evu eiga lítið sam-
eiginlegt utan þess að þær máli báðar
í frístundum. „Eva er mjög indæl,
saklaus og hreinlynd en þjáist af
áráttukenndri þráhyggju svo hún
tekur upp á ýmsu furðulegu. Hún
slær sjálfa sig í andlitið eða lemur
sjálfa sig með skó til að mynda. Hún
er því mjög óörugg og þá sérstaklega
í kringum stráka en þá verður Deuce
á vegi hennar. Hann er fyrsti mað-
urinn sem lætur henni líða vel og þau
verða ástfangin,“ segir Verboom um
hlutverkið og bætir við að gaman hafi
verið að leika konu svo ólíka sjálfri
sér.
„Þegar ég var að undirbúa mig fyr-
ir hlutverkið fór ég að svipast um í
kringum mig eftir þessum litlu vön-
um sem fólk hefur án þess að taka eft-
ir því. Ein vinkona mín verður að
skvetta vatni framan í sig sjö sinnum
á hverjum morgni og önnur sleppir
alltaf öðru hverju þrepi þegar hún
labbar upp stiga. Við höfum öll ein-
hverja svona smáhluti sem við gerum,
oft óafvitandi,“ segir hún en getur að-
spurð ekki í fljótu bragði munað eftir
neinu vanabundnu sem hún geri sjálf.
Hollywood framtíðin?
Verboom er fædd í Belgíu en ólst
upp í Amsterdam þar sem hún er bú-
sett enn í dag. Þó að leiklistin sé
hennar aðaláhugamál málar hún
einnig í frístundum eins og áður
sagði. „Já ég er meira að segja nýbúin
að halda sýningu hér í Amsterdam.
Verkin mín eru mjög stór í abstrakt-
stíl og þessa stundina er ég mest að
vinna með mannslíkamann,“ segir
Verboom.
Auk þess að mála og leika er
Verboom þáttastjórnandi Top of the
Pops í Hollandi. Hvernig tónlist ætli
hún hlusti sjálf á?
„Gamaldags tónlist höfðar mest til
mín, Bob Dylan, Janice Joplin, Dire
Straits, Bítlarnir, Rolling Stones og
fleira í þeim dúr,“ svarar hún.
Um framtíðina segist Verboom
vera með nokkur hlutverk í hol-
lenskum myndum í farvatninu og hef-
ur einnig farið í nokkrar áheyrn-
arprufur þar vestra og segist
bjartsýn á útkomuma. Hún býr enn í
Amsterdam en útilokar ekki að hún
muni flytja til draumaborgarinnar
Hollywood ef hlaupi á snærið hjá sér.
Kvikmyndir | Deuce Bigalow: European Gigolo
Þrælerfitt að vera fyndinn
Gamanmyndin Deuce
Bigalow: European
Gigolo var frumsýnd
hérlendis um helgina.
Birta Björnsdóttir
ræddi við Hönnu
Verboom og örstutt
við Eddie Griffin, en
þau fara bæði með
hlutverk í myndinni.
birta@mbl.is
Hanna Verboom er fædd í Belgíu en ólst upp í Amsterdam þar sem hún er
búsett enn í dag þó Hollywood kalli.
Grínistinn Eddie Griffin hafði gaman af því að vinna með Rob Schneider og
segir að þeim hafi orðið vel til vina.