Morgunblaðið - 13.09.2005, Blaðsíða 15

MORGUNBLAÐIÐ ÞRIÐJUDAGUR 13. SEPTEMBER 2005 15
ERLENT
STJÓRN Tony Blairs í Bretlandi
hyggst endurskoða allar reglur um
bætur í velferðarkerfinu og gera þær
einfaldari og markvissari, að sögn
ráðherra atvinnu- og eftirlaunamála,
Davids Blunketts. Segir í frétt dag-
blaðsins The Independent að um sé
að ræða mestu uppstokkun í velferð-
arkerfinu frá því að grunnur var
lagður að því árið 1945.
Um 2,6 milljónir manna fá opinber-
ar bætur af einhverju tagi í Bretlandi
vegna þess að þeir teljast eiga erfitt
með að sjá fyrir sér. Er um að ræða
alls 29 tegundir
bóta, greiðslu-
flokkarnir eru
272. Verkamanna-
flokkurinn hét í
síðustu kosning-
um að lagfæra
kerfið en ætlunin
er að ganga mun
lengra en gefið
var í skyn í kosn-
ingaplöggunum. Margir hafa gagn-
rýnt bótakerfið og fullyrt að sumir
misnoti óljósar reglur til að fá bætur
þótt ekkert ami í reynd að þeim.
Blunkett segir að stjórnvöld vilji
aðstoða þá sem lendi í vanda vegna
„öryggisleysis og óstöðugleika“ í
breyttum heimi en í staðinn verði fólk
að hjálpa sér sjálft eftir bestu getu.
Ráðherrann segir að á undanförnum
60 árum hafi menn stöðugt lappað
upp á kerfið í stað þess að taka það til
rækilegrar endurskoðunar. Hann við-
urkennir þó að málið sé geysilega
flókið og því fari fjarri að hægt sé að
gerbreyta því í einu vetfangi.
„Allt kerfið er eins og bútateppi
fyrri viðbóta og þversagna, þær eru
allar áratuga gamlar, hvarvetna eru
plástrar,“ segir Blunkett. Hann segir
að enginn myndi skapa kerfi af þessu
tagi ef hann mætti byggja það frá
grunni og þótt hann hafi sjálfur sinnt
þessum málaflokkum lengi hafi hann
fyrst nýlega heyrt um sumar greiðslur
sem bætt hafi verið við kerfið.
Ráðherrann reyndi í viðtali við The
Independent að róa vinstrisinna í
flokki sínum sem óttast að markmiðið
sé að draga úr greiðslum. „Verkefnið
er að einfalda kerfið og tryggja áfram
sanngirni,“ sagði hann. En gert yrði
ráð fyrir því að þeir bótaþegar sem
væru færir um að vinna færu í viðtöl
hjá ráðgjöfum sem reyndu að tryggja
þeim vinnu. Ef til vill mætti koma á
tveggja þrepa kerfi, þeir sem reyndu í
raun að finna sé vinnu fengju þá hærri
bætur en hinir sem ekki gera það.
Hann gaf þó í skyn að lögin myndu að-
eins gilda um nýja bótaþega og jafn-
framt að hann myndi ekki setja reglur
um hámarkstíma sem menn mættu
vera á bótum. „Það verður ekki beitt
neinni grimmd,“ sagði David Blunkett.
Bretar hyggjast stokka upp bótakerfið
Bótagreiðslur í velferðarkerfinu einfaldaðar og gerðar verði strangari kröfur til bótaþega
David Blunkett
Toronto. AP, AFP. | Dalton McGuinty,
fylkisstjóri í Ontario í Kanada, til-
kynnti á sunnudag að hann hefði
ákveðið að horfið yrði frá hugmynd-
um um að múslímar í fylkinu geti
fengið úrskurð sharia-dómstóls í fjöl-
skyldudeilum. Sharia-lög eru byggð á
helgiriti múslíma, Kóraninum og enn
eldri hefðum, er þar m.a. tilgreint að
konur hafi minni réttindi en karlar.
„Eftir að hafa kannað málið ákvað
fylkisstjórnin að umræðan um það
hefði staðið nógu lengi. Ákveðið var
að sharia-lög muni ekki gilda í Ont-
ario,“ sagði talsmaður McGuintys.
Meðal þekktra Kanadamanna sem
hafa mótmælt þessum hugmyndum
er rithöfundurinn Margaret Atwood.
Það var Marion Boyd, fyrrverandi
dómsmálaráðherra Ontario, sem
lagði til í desember að múslímar í
fylkinu ættu að geta leitað til trúar-
dómstóla með deilumál rétt eins og
gyðingar og kristnir. Andstæðingar
hugmyndarinnar, m.a. Atwood, sögðu
að sharia-dómstóll yrði ógn við ver-
aldlega lagahefð í Kanada og hætti
væri ennfremur á að slíkur dómstóll
gengi gegn réttindum kvenna.
Andstæðingar tillögu Boyds skipu-
lögðu fjöldamótmæli í borgum víðs-
vegar í Kanada, m.a. Toronto, Mont-
réal og Ottawa, og einnig í París,
London og Vín. Sögðu þeir að íslömsk
lög vernduðu réttindi kvenna ekki
jafn vel og réttindi karla, og hætta
væri á að múslímakonur í Ontario
yrðu neyddar til að fara að sharia-lög-
um í stað kanadískra laga.
McGuinty sagði í gær að hann
hygðist skerpa skilin á milli ríkis og
kirkju með því að banna alla trúar-
dómstóla. Samkvæmt úrskurði 1991
fengu gyðingar og kaþólskir í Ontario
heimild til að leita til slíkra dómstóla
með fjölskyldudeilur eins og til dæmis
forræðismál og erfðamál. Lög sem af-
nema þennan rétt verða lögð fram á
fylkisþinginu í haust.
Leyfa ekki notkun
sharia-laga í Kanada
Reuters
Hollenski þingmaðurinn Ayaan Hirsi Ali flytur ávarp á ráðstefnu sem efnt
var til í Toronto til að mótmæla hugmyndum um að múslímar mættu nota
sharia-lög í einkamálum. Hirsi Ali hefur fengið morðhótanir frá ofstækis-
fullum múslímum í Hollandi vegna andstöðu sinnar við kvenfyrirlitningu
þeirra og sharia. Hefur dvalarstað hennar verið haldið leyndum.
Reykjagarður hf
Álegg frá Holtakjúklingi
Fjórar tegundir áleggs frá Holtakjúklingi.
Fitulítið og bragðgott álegg sem hentar öllum.
Heimsferðir bjóða ótrúlegt tilboð til Rimini í september. Njóttu lífsins á þessum
vinsælasta sumarleyfisstað Ítalíu. Bókaðu
sæti og 4 dögum fyrir brottför færðu að
vita hvar þú gistir.
Skógarhlíð 18 • sími 595 1000 • www.heimsferdir.is
Stökktu til
Rimini
15. eða 22. september
frá kr. 29.990 m.v. 2
Verð kr. 29.990 í viku
Verð kr.39.990 í 2 vikur
Netverð á mann, m.v. að lágmarki 2 í herbergi/-
stúdíó/íbúð í 1 eða 2 vikur. Flug, skattar,
gisting og íslensk fararstjórn. Aðeins vikudvöl í
boði 22. sept.
Munið Mastercard
ferðaávísunina
Lægsta verðið - síðustu sætin
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
L
YF
2
95
06

09
/2
00
5
www.lyfja.is
- Lifið heil
Garðatorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni -
Egilsstöðum - Höfn - Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði -
Borgarnesi - Grundarfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi -
Hvammstanga - Skagaströnd - Selfossi - Laugarási
Nicorette nikótínlyf eru fáanleg án lyfseðils og eru notuð þegar reykingum er hætt eða þegar dregið er úr reykingum.
Til að ná sem bestum árangri skal ávallt fylgja leiðbeiningum í fylgiseðli. Skammtar eru einstaklingsbundnir eftir því
hve mikið er reykt, hvort hætta á reykingum eða draga úr þeim. Því ber að kynna sér upplýsingar um notkun í fylgi-
seðli. Í fylgiseðlinum eru upplýsingar um: verkun og notkun, varúðarreglur, mikilvægar upplýsingar sem nauðsynlegt
er að lesa áður en lyfin eru notuð, hugsanlegar aukaverkanir og aðrar upplýsingar. Leitið til læknis eða lyfjafræðings
ef þörf er á frekari upplýsingumumlyfin. Þeir sem fengið hafa ofnæmi fyrir nikótíni eða öðrum innihaldsefnum lyfsins,
nýlegt hjartaáfall, óstöðuga versnandi hjartaöng, alvarleg hjartsláttarglöp eða nýlegt heilablóðfall eiga ekki að nota
Nicorette nikótínlyf. Börn yngri en 15 ára, þungaðar konur og konur með barn á brjósti eiga ekki að nota Nicorette
nikótínlyf nema að ráði læknis. Lesið allan fylgiseðilinn vandlega áður en byrjað er að nota lyfið. Geymið fylgiseðilinn.
Nauðsynlegt getur verið að lesa hann síðar.
Nýtt í Lyfju
Nicorette Freshmint 210 stk.
20% afsláttur í september
LÁTTU REYKLAUSA DRAUMINN
RÆTAST
AFSLÁTTURINN GILDIR AF FRESHMINT 210 STK. 2 MG og 4 MG.