Morgunblaðið - 13.09.2005, Page 10

10 ÞRIÐJUDAGUR 13. SEPTEMBER 2005 MORGUNBLAÐIÐ
FRÉTTIR
Úr verinu á morgun
Á dragnóta-
veiðum
á Faxaflóa
SAMKEPPNISEFTIRLITIÐ hef-
ur úrskurðað að Íslenska sjónvarps-
félaginu beri þegar í stað að afhenda
sjónvarpsmerki Enska boltans til
þeirra fyrirtækja sem þess óska og
uppfylla þau skilyrði sem félaginu er
heimilt að setja í þeim efnum.
Samkeppniseftirlitið segir í
ákvörðuninni sem tekin er til bráða-
birgða og gildir til 15. október næst-
komandi að Íslenska sjónvarps-
félagið hafi brotið gegn ákvæðum
ákvörðunar Samkeppnisráðs frá því
snemma í vor sem varðaði samruna
Landsíma Íslands og Íslenska sjón-
varpsfélagsins með því að neita að
afhenda Íslandsmiðli ehf. og Tengi
hf. sjónvarpsmerki Enska boltans.
Landssími Íslands hafi ekki einka-
rétt til að dreifa Enska boltanum á
fjarskiptakerfum fyrirtækisins og
er fyrirmælum beint til Íslenska
sjónvarpsfélagsins í því skyni að
vernda samkeppni meðal annars á
fjarskiptamarkaði að því er fram
kemur. Þannig skuli félagið þegar
afhenda sjónvarpsmerki Enska
boltans sé óskað eftir því til tækni-
legra prófana. Komi upp tæknileg
vandamál við framkvæmd afhend-
ingarskyldunnar beri Íslenska sjón-
varpsfélaginu þegar í stað að til-
kynna Samkeppniseftirlitinu um hið
tæknilega vandamál og lýsa eðli
þess. Þá ber félaginu að upplýsa
Samkeppniseftirlitið um allar beiðn-
ir sem því berast í þessum efnum og
senda eftirlitinu afrit af öllum bréfa-
skriftum sem tengjast slíkum beiðn-
um eigi síðar en tveimur dögum eftir
að þau áttu sér stað.
Fram kemur einnig að samruna
Landssímans og Íslenska sjón-
varpsfélagsins voru sett ýmis skil-
yrði í ákvörðun Samkeppnisráðs síð-
astliðið vor til að vinna gegn
skaðlegum áhrifum hans. Íslenska
sjónvarpsfélaginu hafi meðal annars
verið gert skylt að afhenda sjón-
varps- og útvarpsmerki félagsins í
opinni eða læstri dagskrá til m.a.
keppinauta Landssímans á fjar-
skiptamarkaði að uppfylltum
ákveðnum skilyrðum. Að öðrum
kosti væri talin hætta á að Lands-
síminn styrkti enn frekar markaðs-
yfirráð sín á fjarskiptamarkaði með
þeim hætti að hinu eftirsóknarverða
sjónvarpsefni Íslenska sjónvarps-
félagsins yrði eingöngu dreift um
fjarskiptakerfi í eigu Landssímans.
Íslenska sjónvarpsfélaginu var hins
vegar veitt heimild til 1. júlí 2007 til
að skilyrða afhendingu á sjónvarps-
efni í lokaðri dagskrá við það að
myndlykill frá félaginu sé notaður
við móttökuna.
Óviðunandi að tæknilegir
örðugleikar hindri framkvæmd
Í ákvörðun Samkeppnisráðs segir
að vísbendingar hafi komið fram að
tæknilegir örðugleikar kunni að
hindra framkvæmd á ákvörðun
Samkeppnisráðs frá því í vor.
Vandamál þessi kunna meðal annars
að felast í tengingu dreifikerfa
keppinauta Íslenska sjónvarps-
félagsins og Landssímans við mynd-
lykil Íslenska sjónvarpsfélagsins.
Að mati Samkeppniseftirlitsins sé
óviðunandi að tæknileg vandamál af
þessu tagi geti leitt til þess „að
ákvörðunin nái ekki tilgangi sínum
og Landssími Íslands efli markaðs-
ráðandi stöðu sína. Hér skiptir og
máli að sú afstaða Íslenska sjón-
varpsfélagsins og Landssímans að
félögin hafi einkarétt á dreifingu
Enska boltans hefur skapað erfið-
leika við að ná markmiðinu með um-
ræddri ákvörðun,“ segir í frétt Sam-
keppniseftirlitsins af þessu tilefni.
Ennfremur segir: „Bráðabirgða-
ákvörðun Samkeppniseftirlitsins
gildir til 15. október nk. Fram kem-
ur í henni að ef fyrir liggi á þeim
tíma að tæknileg vandkvæði tengd
tengingu við myndlykla Íslenska
sjónvarpsfélagsins komi í veg fyrir
að ákvörðun samkeppnisráðs nái
markmiði sínu megi Íslenska sjón-
varpsfélagið búast við því að heimild
þess til að skilyrða afhendingu
Enska boltans við það að myndlykill
frá fyrirtækinu sé notaður verði
felld niður.“
Íslenska sjónvarpsfélagið afhendi merki Enska boltans
Braut ákvæði úrskurð-
ar Samkeppniseftirlits
Reuters
Hermann Hreiðarsson leikmaður Charlton glímir hér við Louis Saha leik-
mann Manchester United í einum af fjölmörgum leikjum enska boltans.
MAGNÚS Ragnarsson, fram-
kvæmdastjóri Íslenska sjónvarps-
félagsins, segir að hann sé rasandi
hissa á ákvörðun Samkeppniseft-
irlitsins og hann sé varla búinn að
átta sig á hvernig Samkeppniseft-
irlitið treysti sér til að ganga með
þessum hætti á bak orða sinna, eins
og félagið túlki þau.
Magnús sagði að í vor hefði verið
úrskurðað um samruna Símans og
Skjás eins annars vegar og hins
vegar um samruna 365 miðla og
OgVodafone. „Þá er í fyrsta lagi
365 gert skylt að afhenda sín merki
strax til dreifingar. Þeir fengu að-
lögunarfrest til 23. júní. Okkur er
gert í rauninni skylt að afhenda
okkar merki líka, en við fáum hins
vegar aðlögunarfrest með Enska
boltann til 2007,“ sagði Magnús.
Hann sagði að þetta hefði verið
gert vegna stöðunnar á áskrift-
arsjónvarpsmarkaði. „Eftir þetta
hefur Samkeppniseftirlitið nýja al-
gjörlega misst áhugann á þessum
áskriftarsjónvarpsmarkaði og ein-
blínir bara á ADSL-markaðinn.
Þessi bráðabirgðaúrskurður þýðir
það í rauninni að við eigum að af-
henda okkar merki strax. 365 eru
ekki ennþá búin að afhenda sín
merki,“ sagði Magnús einnig.
Hann sagði að þessi bráðabirgða-
úrskurður væri dauðadómur á þann
hátt að Íslenska sjónvarpsfélaginu
yrði ekki gert kleift að ná stöðu á
áskriftarmarkaði. „Þetta þýðir nátt-
úrlega bara að enski boltinn fer
beint inn á Digital Ísland sem er
með 70 þúsund myndlykla á ís-
lenskum heimilum á meðan við er-
um með 10 þúsund,“ sagði Magnús.
Hann sagði að það hefði legið
fyrir frá upphafi og hefði einnig
legið fyrir í vor að ADSL-
myndlyklar pössuðu ekki við
Digital Ísland-kerfið og því síður
við kerfi Íslandsmiðils þar sem
væri í rauninni um að ræða gervi-
tungladreifingu.
Magnús sagði að Íslenska sjón-
varpsfélagið væri með í undirbún-
ingi að bjóða upp á miklu meira en
bara enska boltann. Til dæmis hefði
verið í farvatninu að bjóða upp á
myndleitun og það virkaði einfald-
lega ekki nema á gagnvirkum
dreifileiðum og ADSL væri eina
gagnvirka dreifileiðin sem stæði til
boða. Með þessari ákvörðun væri
verið að setja þær áætlanir allar í
uppnám.
Svik við úrskurðinn í vor
Magnús sagði aðspurður hvernig
þeir hygðust bregðast við að þeir
væru enn að ráða ráðum sínum.
„Þetta eru í rauninni svik við úr-
skurðinn frá í vor. Honum er bara
breytt núna. Ég get bara talað fyrir
hönd Íslenska sjónvarpsfélagsins.
Við eigum eftir að funda með eig-
endum okkar, en í millitíðinni var
Síminn seldur til nýrra eigenda,
sem byggja í rauninni sín kaup á
viðskiptaáætlun tengdum þessum
áformum. Nú er það algjörlega upp
í loft, þannig að ég get ekki ímynd-
að mér annað en þeir muni koma
fram með einhverjar kröfur, því
það er búið að fjárfesta á þriðja
milljarð í þessu verkefni,“ sagði
Magnús að lokum.
Framkvæmdastjóri Íslenska sjónvarpsfélagsins
Dauðadómur fyrir stöðu
ÍS á áskriftarmarkaði
ÞAÐ að þegar liggi fyrir hvað muni
rísa á þriðjungi Vatnsmýrarsvæðisins
og uppbygging þar að hefjast, kallar á
að hugað sé að heildarskipulagi
Vatnsmýrarsvæðisins, þannig að ein-
stakir reitir útiloki ekki einhverja
framtíðarmögu-
leika, segir Dagur
B. Eggertsson,
formaður skipu-
lagsráðs Reykja-
víkurborgar.
Gísli Marteinn
Baldursson, vara-
borgarfulltrúi
Sjálfstæðisflokks,
benti á hversu
stórum hluta
svæðisins sé þegar búið að ráðstafa
fyrir Landspítala, samgöngumiðstöð,
Háskólann í Reykjavík o.fl. í Morg-
unblaðinu í gær. Hann benti einnig á
að undarlegt sé að fara í dýra hug-
myndasamkeppni þegar ekki sé búið
að ná samkomulagi um hvort flugvöll-
urinn fari úr Vatnsmýrinni eða ekki.
„Sjálfstæðismenn hafa gagnrýnt
það hingað til að horft sé á einstaka
reiti, og viljað skipuleggja heildina.
Þess vegna er merkilegt að þegar það
er tekið í dagskrá eigi bara að bíða og
sjá á meðan þessi svæði byggjast
upp,“ segir Dagur.
Æskilegt hefði verið að semja um
framtíð flugvallarins áður en farið er
út í hugmyndasamkeppni, segir Dag-
ur. „Hins vegar held ég að umræða
undanfarinna vikna endurspegli að
það sé komin samstaða um það að
leita raunhæfra lausna í því sam-
hengi. Hugsanlega er landið sem
núna er undir flugvellinum í Vatns-
mýrinni dýrasta flugvallarsvæði sem
hægt er að hugsa sér.“
„Ég held að það sé heilbrigt í nú-
tímasamfélagi, þegar umræðan er
komin á það flug sem hún er á í dag,
að almenningur og hagsmunaaðilar
fái að taka þátt í því að móta framtíð-
arsýn fyrir svo mikilvægt svæði, og fá
í kjölfarið fagfólk hvaðanæva að úr
heiminum í hugmyndasamkeppni,“
segir Dagur.
Spurður hvers vegna áhersla sé
lögð á að fá tillögur í hugmyndasam-
keppninni fram fyrir kosningar segir
Dagur ljóst að Vatnsmýrarmálið
verði kosningamál hvort sem hug-
myndirnar komi fyrir vor eða ekki.
Því sé gott að fá hugmyndinar fyrir
kosningar til þess að umræðan snúist
um málefni en ekki innihaldslitlar
deilur um smáatriði.
„Þó að flugvallarmálið hafi ein-
kennst af harðri afstöðu með eða móti
flugvellinum held ég að það sé mikill
hluti landsmanna allra sem finnst
ekki bara skipta máli hvar flugvöll-
urinn gæti verið annars staðar, held-
ur líka hvaða uppbygging gæti átt sér
stað í Vatnsmýrinni ef flugvöllurinn
fer. Við erum að vinna í báðum þess-
um verkefnum.“
Fyrirhuguð upp-
bygging kallar á
heildarskipulag
Eftir Brján Jónasson
brjann@mbl.is
Dagur B.
Eggertsson